Dagblaðið Vísir - DV - 09.06.2009, Blaðsíða 12

Þriðjudagur 9. júní 200912 Fréttir
Eftirlitsmynda-
vélar við próf
Eftirlitsmyndavélum hefur verið
komið fyrir í um 60.000 próf-
tökusölum í Kína til að koma
í veg fyrir að námsfólk svindli
í inntökuprófum fyrir háskóla
sem hófust á sunnudaginn.
Það er ekki alls óþekkt að
námsfólk í Kína beiti hátækni
við svindl, til dæmis örsmáum
útvarpsmóttökurum.
Á næstu dögum munu meira
en 10 milljónir Kínverja þreyja
próf sem munu hafa áhrif á inn-
göngu þeirra í háskóla. Prófin
eru álitin afar mikilvæg með til-
liti til framtíðarhorfa námsfólks-
ins og samkeppnin er grimmi-
leg.
Námsmenn hafa orðið upp-
vísir að sífellt háþróaðri aðferð-
um við prófsvindl.
Smokka-
kreditkort
Samkvæmt frétt í breska blaðinu
The Sun eru Bretar reiðubúnir
til að ganga langt til að koma í
veg fyrir að börn verði foreldr-
ar. Nú geta tólf ára Bretar fengið
sérstakt kreditkort til að kaupa
sér smokka og hægt er að nota
kortið í íþróttahöllum, hjá hár-
skeranum og víðar.
Í frétt The Sun segir að eina
skilyrði fyrir því að drengir fái
svona smokkakreditkort sé að
þeir hafi sótt námskeið um kyn-
líf.
Á þennan hátt þarf ungt fólk
ekki að gera sér ferð í lyfjaversl-
un til að geta stundað öruggt
kynlíf.
Má ekki koma
fram í sjónvarpi
Fyrsta sádiarabíska konan sem
situr í ríkisstjórn landsins má
ekki koma fram í sjónvarpi án
leyfis. Þetta hefur dagblaðið
Shamss eftir Noura al-Faiz, sem
skipuð var aðstoðarráðherra
menntunarmála kvenna í febrú-
ar. Skipun Noura al-Faiz var
fagnað sem stóru skrefi í þátt-
töku kvenna í þjóðfélagsmálum
í Sádi-Arabíu, en þar er við lýði
mjög strangt íslamskt kerfi og er
konum meðal annars bannað að
aka bíl, kjósa og hafa samskipti
við óskylda karlmenn.
„Ég tek ekki af mér höfuð-
skýluna og mun ekki koma fram
í sjónvarpi nema okkur sé það
heimilt,“ hafði Shamms eftir
Noura al-Faiz.
Tvær bandarískar fréttakonur voru dæmdar til tólf ára þrælkunarvinnu í Norð-
ur-Kóreu. Mikillar spennu hefur gætt í samskiptum stjórnvalda Norður-Kóreu og
Vesturveldanna vegna nýlegra kjarnorkutilrauna hinna fyrrnefndu. Ekki er úti-
lokað að fréttakonurnar verði „skiptimynt“ í höndum Norður-Kóreumanna.
Samkvæmt fréttum ríkisfjölmiðils
í Norður-Kóreu hafa tveir banda-
rískir fréttamenn verið dæmdir til
tólf ára þrælkunarvinnu.
Euna Lee og Laura Ling voru
sakfelldar fyrir „fjandsamlegar at-
hafnir“ og að hafa komið ólöglega
inn í landið.
Stallsysturnar voru handteknar
í mars eftir að hafa komið inn í
Norður-Kóreu frá Kína að því er
sögur herma og var réttað yfir þeim
í skugga aukinnar spennu sem ríkt
hefur á milli Norður-Kóreu og Vest-
urlanda, og nánast alþjóðasamfé-
lagsins, vegna kjarnorkutilrauna
Norður-Kóreumanna og kjarn-
orkuáætlunar landsins.
Bandaríkjamenn hafa eðli máls-
ins samkvæmt brugðist ókvæða
við dómnum yfir Lee og Ling, lýst
yfir „alvarlegum áhyggjum“ vegna
dómsins og krafist þess að konun-
um verði sleppt á mannúðarfor-
sendum.
Endurhæfing með þrælkun
Fréttir ríkisfjölmiðilsins KCNA voru
ekki ítarlegar. „Réttarhöldin stað-
festu þá alvarlegu glæpi sem þeir
[fréttamennirnir] frömdu gegn kór-
esku þjóðinni og ólöglega för þeirra
yfir landamærin sem þær hafa nú
þegar verið ákærðar og dæmdar
fyrir, hvor fyrir sig til tólf ára endur-
hæfingar með þrælkun,“ sagði hjá
KCNA.
Dómurinn yfir Eunu Lee og
Lauru Ling féll í kjölfar fimm daga
réttarhalda og var erlendum eft-
irlitsmönnum meinaður aðgang-
ur réttarhöldunum sem fram fóru
í Pyongyang. Að sögn Chris Hogg,
fréttaritara BBC í Seoul í Suður-
Kóreu, standa Lee og Ling frammi
fyrir þeim möguleika að dvelja
árum saman í einum af fangabúð-
um Norður-Kóreu þar sem aðstæð-
ur eru sagðar afar harðneskjulegar
Í varðhaldi í Kína?
Sem fyrr segir hafa stjórnvöld í
Bandaríkjunum miklar áhyggjur
vegna málsins og í yfirlýsingu frá
utanríkisráðuneytinu segir að unn-
ið sé að lausn Eunu Lee og Lauru
Ling eftir öllum mögulegum leið-
um.
Lee og Ling voru handteknar 17.
mars af norður-kóreskum landa-
mæravörðum þar sem þær unnu
að sögu um flóttamenn fyrir sjón-
varpsstöð í Kaliforníu.
Samkvæmt sumum fréttum
voru konurnar í haldi á kínverskri
grundu, en ríkisfjölmiðill Norður-
Kóreu hefur hafnað þeim fullyrð-
ingum og staðhæfir að konurnar
hafi verið komnar inn í Norður-Kór-
eu með ólöglegum hætti. Euna Lee
og Laura Ling sættu varðhaldi frá
handtöku fram að að réttarhöld-
um.
Notaðar sem „skiptimynt“
Sá ótti hefur kviknað að Euna og
Laura verði notaðar sem „skipti-
mynt“ af Kim Jong-il, leiðtoga
Norður-Kóreu, í viðleitni hans til að
knýja fram tilslökun af hálfu stjórn-
valda í Washington, sem hugsan-
lega fælu í sér mannúðaraðstoð til
handa Norður-Kóreu og beinar við-
ræður við bandarísk stjórnvöld.
Hingað til hafa bandarísk stjórn-
völd sagt að samningaviðræður við
Norður-Kóreu vegna kjarnorkuaf-
vopnunar Norður-Kóreu geti ein-
ungis farið fram samkvæmt sex-
hliða viðræðum þar að lútandi, en
þar eiga aðild, auk Bandaríkjanna
og Norður-Kóreu, Suður-Kórea,
Japan, Rússland og Kína og eru tvö
síðastnefndu á meðal fárra banda-
manna Norður-Kóreu.
Fjölskyldur Eunu Lee og Lauru
Ling hafa beðið um mildi og far-
ið þess á leit við stjórnvöld í Norð-
ur-Kóreu og Bandaríkjunum að
máli stúlknanna verði ekki blandað
saman við það þrátefli sem nú varir
á milli þjóðanna.
Hertar refsiaðgerðir ræddar
Spenna á svæðinu jókst til muna í
þessum heimshluta í kjölfar kjarn-
orkutilraunar Norður-Kóreumanna
í maí og flugskeytatilrauna. Ekki
er loku fyrir það skotið að tilraunir
með langdræg flugskeyti séu á dag-
skránni hjá stjórnvöldum í Pyongy-
ang síðar í þessum mánuði.
Öryggisráð Sameinuðu þjóð-
anna hafa rætt mögulega hertar
refsiaðgerðir gegn Norður-Kóreu og
Hillary Clinton, utanríkisráðherra
Bandaríkjanna, viðraði á sunnu-
daginn þann möguleika að Norð-
ur-Kórea yrði aftur sett á lista yfir
þjóðir sem styðja hryðjuverk.
Í viðtali við ABC-sjónvarpsstöð-
ina sagði Hillary Clinton að ef ekki
yrði tekið hart á aðgerðum Norður-
Kóreu yrðu afleiðingarnar hugsan-
lega vopnakapphlaup í Norðaust-
ur-Asíu.
Ekki er ástæða fyrir Lee og Ling
að gefa upp alla von því stjórnvöld í
Norður-Kóreu hafa í gegnum tíðina
sleppt handteknum Bandaríkja-
mönnum, en reyndar í kjölfar inn-
grips einstaklinga. Utanríkisráðu-
neyti Bandaríkjanna útilokaði ekki
þann möguleika að Al Gore, fyrr-
verandi varaforseti landsins, hlutist
til um lausn kvennanna.
Lee og Ling voru
handteknar 17. mars
af norður-kóreskum
landamæravörðum
þar sem þær unnu að
sögu um flóttamenn
fyrir sjónvarpsstöð í
Kaliforníu.
Euna Lee (t.v.) og Laura
Ling Standa frammi fyrir tólf
ára þrælkunarvist.
Mótmæli í Suður-Kóreu
Mikil spenna hefur ríkt á
milli Suður- og norður-
Kóreu undanfarið.
Vinstrisinnar riðu ekki feitum hesti frá Evrópukosningunum:
Hægri sveifla víða í Evrópu
Öfga- og jaðarflokkar högnuðust
mest þegar kjósendur víðs vegar í
Evrópu sneru baki við helstu flokk-
unum eða sátu heima til að mót-
mæla bágu efnahagslegu ástandi
lands síns.
Mikillar hægri sveiflu gætti í Evr-
ópukosningunum og vinstri miðju-
flokkar báru verulega skarðan hlut
frá borði á sama tíma og vinstri
hægriflokkar treystu stöðu sína sem
stærsti hluti Evrópuþingsins.
Flokkar sem andsnúnir eru inn-
flytjendum juku við fylgi sitt í Aust-
urríki, Danmörku, Finnlandi, Ung-
verjalandi, Hollandi og Slóvakíu.
Þessi sveifla bitnaði almennt á
ríkisstjórnarflokkum með þeim und-
antekningum að ríkisstjórnarflokk-
ur Silvios Berlusconi á Ítalíu, sem
reyndar verður seint vændur um vel-
vilja gagnvart innflytjendum, og rík-
isstjórnarflokkur Nicolas Sarkozy í
Frakklandi geta vel við unað.
Þátttaka í kosningunum var um
43 prósent og undirstrikar áhuga-
leysi kjósenda á kosningunum, þrátt
fyrir skylduþátttöku í nokkrum lönd-
um.
Í Þýskalandi tapaði flokkur Angelu
Merkel, kristnir demókratar, nokkrum
sætum en hélt þó meirihluta gagn-
vart vinstri miðjuflokknum SPD, sós-
íalistum sem mynda ríkisstjórn með
flokki Merkel, sem verður að teljast
gott veganesti í almennum kosning-
um sem fram fara í Þýskalandi í haust.
Hinn slæmi árangur SPD er ekkert
einsdæmi og voru úrslit afar óhag-
stæð vinstri miðjuflokkum hvort sem
um var að ræða flokka sem sitja í ríkis-
stjórn eða eru í stjórnarandstöðu.
Kjörklefar í Strassborg í
Frakklandi Lítils áhuga á
Evrópukosningunum var vart
á meðal kjósenda.
Tólf ára þrælkun