Dagblaðið Vísir - DV - 11.11.2009, Qupperneq 8

8 miðvikudagur 11. nóvember 2009 fréttir
Kannabisrækt
í Kópavogi
Lögreglan á höfuðborgarsvæð-
inu stöðvaði kannabisræktun í
íbúð í fjölbýlishúsi í Kópavogi
síðdegis á mánudag. Við húsleit
fundust rúmlega 20 kannabis-
plöntur og voru þær á lokastigi
ræktunar.
Íbúðin var mannlaus þegar
lögreglan kom á vettvang en hún
veit hver stendur að baki rækt-
uninni, það er karl á þrítugs-
aldri. Sá hefur áður komið við
sögu hjá lögreglu.
Lögreglan biður fólk um
að hafa augun opin og koma
upplýsingum um fíkniefnamál
áfram á framfæri.
Misnotkun á
sáttmálanum
Ögmundur Jónasson
þingmaður Vinstri grænna
segir Samtök atvinnulífsins
misnota stöðugleikasáttmál-
ann sem samtökin gerðu við
ríkisvaldið í vor. „Atvinnu-
rekendasamtökin hafa með
beinum og óbeinum hætti
haft í hótunum við ríkis-
stjórnina. Hótunin er ófriður
á vinnumarkaði og byggir á
því að hafa af láglaunafólki
kjarabætur ef ekki er orðið
við kröfum atvinnurekenda
um að hlífa vildarvinum
þeirra, fjármagnseigendum
og stóriðjunni,“ segir Ög-
mundur á vefsíðu sinni.
Ögmundur segir þessa
aðila vera þá sem séu aflögu-
færir en vilji að frekar verði
skorið niður hjá þeim sem
minna mega sín en þeim
sjálfum.
Ekið á stúlku
Ekið var á 10 ára stúlku í mið-
borginni. Betur fór þó en á
horfðist því hún slapp með
minniháttar áverka.
Stúlkan reyndist bæði
marin og með eymsli eftir
höggið en hún fékk að fara til
síns heima eftir að hafa und-
irgengist skoðun á slysadeild.
Dópaðir við stýri
Nokkur fíkniefnamál komu til
kasta lögreglunnar á höfuðborg-
arsvæðinu á mánudagskvöld
og aðfaranótt þriðjudags. Um
kvöldmatarleytið var piltur um
tvítugt handtekinn í Háaleitis-
hverfi en sá var undir áhrifum
fíkniefna við stýri ökutækis.
Rétt um ellefuleytið var 17
ára piltur handtekinn í Hafnar-
firði en í bíl hans fundust fíkni-
efni. Skömmu síðar voru tveir
karlar á fertugsaldri stöðvað-
ir í Reykjavík. Þeir voru báðir
með fíkniefni í fórum sínum og
í bíl þeirra fundust munir sem
grunur leikur á að séu þýfi. Tveir
menn til viðbótar, annar um
fertugt en hinn um sextugt, voru
svo handteknir í borginni í nótt.
Þeir eru grunaðir um innbrot og
fíkniefnamisferli.
„Þetta er alveg ótrúleg valdníðsla,“
segir Helga Elísdóttir, amma níu ára
drengs sem Barnavernd Reykjavíkur
hefur ákveðið að senda til fósturfor-
eldra á föstudag, án þess að dómur
hafi staðfest forræðissviptingu. Móðir
piltsins, dóttir Helgu, er með fullt for-
ræði yfir drengnum sem undanfarið
hefur dvalist hjá ömmu sinni ásamt
þrettán ára bróður sínum.
Drengurinn strauk tvívegis úr
skammtímavistun í gær en þangað
var sendur fyrir helgi. Hann fór heim
til ömmu sinnar sem tilkynnti Barna-
vernd strax að hann hefði strokið til
sín og fór með hann aftur í skamm-
tímavistunina. „Ég þarf að fara eftir
landslögum þó svo að aðrir þurfi ekki
að gera það,“ segir Helga.
DV hitti mæðgurnar í gærkvöldi
skömmu eftir að þær skiluðu drengn-
um til Barnaverndar. Þær voru afar
miður sín. Þegar í skammtímavistun-
ina var komið byrjaði drengurinn að
hágráta vegna þess að hann vildi ekki
yfirgefa móður sína og ömmu. Móð-
ir hans hélt á honum grátandi inn á
vistheimilið og reyndi hvað hún gat
að róa hann niður. „Ég þurfti að sitja
með hann á gólfinu og hugga hann.
Kveðjustundin var mjög erfið,“ seg-
ir móðir drengsins. Amma drengsins
tekur undir með móðurinni og seg-
ir aðskilnaðinn hafa verið erfiðan.
„Hann grét þegar ég fór,“ segir Helga.
Drengurinn bað móður sína inni-
lega um að fá að sofa heima hjá ömmu
sinni og móður. Barnavernd sagði það
hins vegar ekki mögulegt og þaðan
var hringt ítrekað í mæðgurnar eftir
drengnum.
Þvílíkar aðfarir
„Þetta eru þvílíkar aðfarir að mað-
ur veit varla hvað er að gerast. Þetta
fylgir engum lögum. Þeir virðast bara
vera búnir að gefa barn, og taka það
án dóms og laga beint úr höndunum
á okkur,“ segir Helga um það hvernig
Barnavernd Reykjavíkur hefur ákveð-
ið að taka barnið af ömmu sinni og
setja í fóstur hjá vandalausum.
Helga fékk að hitta drenginn í
nokkra klukkutíma á dag er hann var
nýkominn á vistheimilið. Hún fór með
hann á knattspyrnuæfingu á laugardag
og í fjóra tíma á skauta á sunnudag.
Auk þess fékk hún að svæfa dreng-
inn á kvöldin en nú hefur henni verið
meinað að svæfa barnið á kvöldin og
má ekki hitta það nema í klukkutíma
á dag og á fimmtudag verður haldin
kveðjuveisla fyrir móðurina, ömm-
una, bróðurinn og drenginn.
Drengurinn æfir íþróttir af kappi
og mætir sex sinnum í viku á íþrótta-
æfingar. En þar sem hann er í skamm-
tímavistun í Reykjavík er honum
meinað að sækja íþróttaæfingarnar í
þessari viku. Það féll drengnum ekki í
geð og strauk því úr vistinni.
„Ekki með neina dramatík“
Forsaga málsins er sú að Helga hafði
drenginn og þrettán ára gamlan bróð-
ur hans í sinni umsjá síðan í septemb-
er 2008 á meðan móðir drengjanna
vann í því að koma lífi sínu á réttan
kjöl á ný eftir að hafa glímt við áfengis-
vandamál. Móðir piltanna hefur verið
edrú í sex mánuði og er í góðri vinnu.
Helga segir dóttur sína hafa verið langt
komna með að ná lífi sínu á réttan kjöl
er starfsmenn Barnaverndar tilkynntu
þeim að níu ára gamli drengurinn yrði
sendur til fósturforeldra næstkomandi
föstudag. Þetta hefur verið mikið álag
en dóttirin staðist það.
Helga segist hafa farið með dreng-
inn á fund Barnaverndar en Helga fékk
ekki uppgefnar neinar forsendur fyrir
fundinum. „Þegar þangað var komið
var mér tilkynnt að barnið yrði tekið
frá mér, það sett á vistheimili og það-
an til fósturforeldra. Mér var sagt að ég
skyldi undirbúa það og vera ekki með
neina dramatík yfir því,“ segir hún.
Helga segir að unnið sé að því að fá
þessum úrskurði áfrýjað og búið sé að
skipa dómara í málinu. Það verður þó
ekki tekið fyrir fyrr en eftir helgina og
segir hún það vera nánast of seint því
drengurinn fer til fósturforeldranna
á föstudag. Málsmeðferð um forræði
barnanna er ekki lokið og verður mál-
ið ekki tekið fyrir fyrr en í janúar. Hef-
ur lögmaður Helgu og dóttur henn-
ar sagt í samtali við Ríkisútvarpið að
það sé á skjön við lög og reglur að
taka barn úr umhverfi sínu á meðan
dómsmál sé í gangi.
Drengjunum líður vel
Helga tekur skýrt fram að hún vilji
ekki taka drengina af dóttur sinni,
móður þeirra. Hún hafi einfaldlega
viljað sjá um drengina meðan móðir
þeirra væri að koma sínum málum í
lag og gefa móður drengjanna tæki-
færi til að sýna að hún gæti tekið við
drengjunum aftur.
Helga segir allt gert til að hlúa
að drengjunum tveimur. „Ég hætti
í vinnu á hádegi og sæki þá úr skóla
og geri allt til að hlúa að þeim,“ seg-
ir Helga. Hún segir líðan drengjanna
góða en þeim líði þó ekki vel vegna
málsins.
Hún segist finna fyrir miklum
stuðningi í samfélaginu vegna máls-
ins og þurfa ekki annað en að horfa
á fréttirnar til að skynja hann. Í yf-
irlýsingu í gær fordæma Breiðavík-
ursamtökin og Kumbaravogssam-
tökin Barnavernd Reykjavíkur fyrir
framgangsmátann í málinu og segja
söguna sýna að slíkar nefndir geti
hæglega haft rangt fyrir sér. Benda
samtökin á reynslu Breiðavíkurbarna
og barna á öðrum vistheimilum.
„Hann grét
þegar ég fór“
Níu ára drengur strauk í gær tvisvar úr skammtímavistun þar sem honum hafði verið
komið fyrir að skipan Barnaverndar Reykjavíkur. Drengurinn hefur búið ásamt bróð-
ur sínum hjá ömmu sinni en verður sendur í fóstur. Hann bað móður sína í gærkvöldi
innilega um að fá að sofa heima hjá ömmu sinni og móður. Barnavernd neitaði.
DV0911108692_08.jpg
DV0911108692_01.jpg
birgir olgEirsson
blaðamaður skrifar: birgir@dv.is
„Ég þurfti að sitja
með hann á gólfinu
og hugga hann.“
standa saman sem klettur Helga
leggur áherslu á að hún vilji ekki
taka drengina af dóttur sinni, móður
þeirra. Hún tók þá aðeins að sér
meðan dóttir hennar vann í sínum
málum. mynD rakEl Ósk sigurðarDÓttir
Hér er honum haldið Ömmusonur
Helgu er vistaður á skammtímavistun
þar til hann verður sendur í fóstur. mynD
rakEl Ósk sigurðarDÓttir