Dagblaðið Vísir - DV - 16.12.2009, Síða 2

2 MIÐVIKUDAGUR 16. desember 2009 FRÉTTIR
DV hefur á síðastliðinni viku greint frá
aðkomu Bjarna Benediktssonar, for-
manns Sjálfstæðisflokksins og fyrr-
verandi stjórnarformanns BNT og N1,
að fjárfestingum eignarhaldsfélags-
ins Vafnings í febrúar í fyrra. Vafning-
ur var settur á laggirnar fyrir tilstuðl-
an eignarhaldsfélagsins Milestone og
keypti félagið eignir í Makaó í Asíu og
í Bretlandi af tryggingafélaginu Sjóvá.
Tryggingafélagið var stærsti hlut-
hafinn í Vafningi en þar á eftir komu
eigendur N1, bræðurnir Einar og
Benedikt Sveinssynir. Bjarni, sem
er sonur Benedikts, fékk umboð frá
bræðrunum til að veðsetja hluta-
bréf þriggja eignarhaldsfélaga þeirra
í Vafningi fyrir tveimur lánum frá
Glitni sem veitt voru í febrúarlok 2008.
Bjarni hefur viðurkennt að hafa veð-
sett bréfin en segist enga aðra aðkomu
hafa haft að viðskiptum Vafnings sem
fjárfesti í lúxusturninum í Makaó og
breska fjárfestingasjóðnum KCAJ fyr-
ir 10,6 milljarða króna sama dag og
hann veðsetti hlutabréf fjölskyldu-
meðlima sinna í Vafningi. Þessi við-
skipti voru að öllum líkindum fjár-
mögnuð með 10,6 milljarða láni frá
Sjóvá sem veitt var í lok febrúar í fyrra.
Skýringar Bjarna eru á þá leið að hann
hafi ekkert vitað um þessi viðskipti
Vafnings fyrr en einhverjum mánuð-
um síðar.
Bjarni gefur fá svör
DV hefur tvívegis rætt við Bjarna um
viðskipti Vafnings og aðkomu hans
að þeim og hafa svör Bjarna við efn-
islegum spurningum um félagið ver-
ið heldur fáfengileg. Hann veit þó ým-
islegt um starfsemi félagsins og segir
að því verið komið á koppinn til að
endurfjármagna lán. Hann vildi hins
vegar ekki ræða hvaða lán var um að
ræða. Lítið annað hefur fengist upp úr
Bjarna um félagið en ljóst er af sam-
tölunum við Bjarna að hann þekk-
ir starfsemi og tilgang félagsins í það
minnsta sæmilega.
Síðastliðinn sunnudag þegar
frétt DV um fjárfestingu Vafnings í
breska fjárfestingasjóðnum KCAJ var
í vinnslu hafði
blaðamað-
ur sam-
band við
Bjarna til
að spyrja
hvort hann
hefði vit-
að um þessi
viðskipti
þegar
hann veðsetti bréfin í Vafningi. Samtal
blaðamanns við Bjarna er birt í heild
sinni á næstu síðu að undanskildu
upphafi samtalsins þar sem blaða-
maður kynnti sig og bar upp inngang
að erindinu.
Gagnrýni Bjarna
Bjarna var nokkuð mikið niðri fyr-
ir í samtalinu, eins og sést, enda taldi
hann að í umfjöllun DV um sig og
Makaó-viðskiptin væru miklar rang-
færslur.
Gagnrýni Bjarna gengur út á það,
og að því er virðist aðeins það, að DV
hafi ekki farið rétt með þegar sagt var
að misheppnaðar fjárfestingar Sjóvár,
og síðar Vafnings, í Makaó kostuðu
hvern íslenskan skattgreiðanda 10
þúsund krónur. Sagt var í fréttinni að
hluti þeirra 12 milljarða króna sem ís-
lenska ríkið þurfti að leggja inn í Sjóvá
til að bjarga félaginu frá þroti síðastlið-
ið sumar væri tapað fé.
Gagnrýni Bjarna á þetta atriði
fréttaflutnings DV er réttmæt í þeim
skilningi að ekki kom fram í fyrri frétt
af málinu að ríkið gæti endurheimt
framlag sitt vegna fjárfestingarinnar í
Makaó. Um lán var að ræða sem rík-
issjóður fær vonandi greitt aftur þeg-
ar tryggingafélagið verður selt. Því
er vonast til að kostnaður ríkisins og
þar með 10 þúsund króna kostnað-
ur hvers Íslendings vegna fjárfesting-
anna í Makaó verði tímabundinn. Þó
er alls ekki ljóst hversu mikið af þess-
um fjármunum íslenska ríkið fær til
baka og hvort kostnaðurinn muni á
endanum lenda á greiðendum ið-
gjalda, svo dæmi sé nefnt.
Þetta atriði sem Bjarni gagnrýnir
er hins vegar ekki lykilatriði í frétta-
flutningi DV um að-
komu Bjarna að
fjárfestingum
Vafnings.
Lykilat-
riðið er
að hann
tengist
þessum
fjárfest-
ing-
um
eins og
bent hef-
ur verið
á.
Bjarni sagði DV ekki vilja
leiðrétta
Eftir að meðfylgjandi samtal milli
Bjarna og blaðamanns hafði átt sér
stað á sunnudaginn hringdi Bjarni
Benediktsson í Hrein Loftsson, eig-
anda DV, og bar því við að umfjöll-
un DV væri þess eðlis að hann teldi
rétt að blaðið birti leiðréttingu vegna
rangfærslna sinna. Hreinn sagði
Bjarna hins vegar að hafa samband
við ritstjórn blaðsins. Í kjölfar sam-
talsins við Hrein sendi Bjarni frá sér
yfirlýsingu þar sem hann sagði að
DV hefði „ekki áhuga á að birta“
slíkar leiðréttingar.
Samtal Bjarna og blaðamanns
sýnir hins vegar að blaðamað-
ur sagði Bjarna að hann myndi
birta leiðréttingar á rangfærsl-
um DV um aðkomu hans að
viðskiptum Vafnings. Því ber
þó að halda til haga að Bjarni
gagnrýndi einungis þetta til-
tekna atriði: Að þriggja millj-
arða króna tap Sjóvár í Makaó
félli ekki á íslenska skattgreið-
endur þar sem ríkið hefði ein-
ungis lánað skilanefnd Glitnis til
að bjarga Sjóvá frá þroti. Því gæti fjár-
framlag ríkisins fengist endurgreitt
þegar fram líða stundir. Aðrar efnis-
legar athugasemdir um inntak fréttar-
innar hafði Bjarni ekki, líkt og sést á
samtalinu.
DV birti svo útskýringu á þessu at-
riði á tveimur stöðum í blaðinu sem
út kom á mánudaginn þar sem áfram
var fjallað um aðkomu Bjarna að við-
skiptum Vafnings. Blaðið varð því við
beiðni Bjarna jafnvel þótt hann hefði
haldið öðru fram í yfirlýsingu sinni og
sagt að blaðið væri ekki reiðubúið til
að birta slíkra leiðréttingu.
Ritstjórn DV hafði samband við
Bjarna á mánudaginn og bauð honum
að draga þau ummæli sín til baka að
DV hefði ekki viljað birta leiðréttingu
á fréttinni. Jafnframt var Bjarna boð-
ið að biðjast afsökunar á ummælum
sínum um blaðið. Bjarni kaus að gera
það ekki þrátt fyrir að samtalið sýni að
blaðamaður hafi sagst reiðubúinn að
leiðrétta þetta tiltekna atriði í fréttinni.
Blaðið birtir því allt samtalið þar sem
það kemur fram með skýrum hætti að
blaðamaður DV bauðst til að leiðrétta
umfjöllunina ef rangt hefði verið farið
með tiltekin atriði, öfugt við það
sem Bjarni heldur fram.
Lesendur geta svo
dæmt
sjálfir.
Bjarna Benediktssyni, formanni Sjálfstæðisflokksins, var sagt að tiltekið atriði í um-
fjöllun um aðkomu hans að eignarhaldsfélaginu Vafningi yrði leiðrétt ef sannað væri
að rangt væri farið með. Bjarni hélt því hins vegar fram í yfirlýsingu að DV hefði neitað
að leiðrétta umfjöllunina. Bjarni telur að umfjöllun DV um aðkomu hans að viðskipt-
unum sé byggð á persónulegri óvild í hans garð. Hann vill lítið tjá sig um Vafning.
„ÞÉR ER BARA ILLA VIÐ MIG“
EIGNARHALD Á TURNINUM Í MAKAÓ:
Vafningur ehf. - 100 prósent - SJ Properties MacauOneCentral HoldCo ehf. - 100
prósent - Drakensberg Investments Limited á Bresku Jómfrúareyjum - 100
prósent - Turninn í Makaó
EIGNARHALD Á VAFNINGI:
SJ2 EHF (Sjóvá/Wernerssynir) - 48,8 prósent
Skeggi ehf. (SJ2, Hrómundur/Einar Sveinsson, Hafsilfur/Benedikt Sveinsson, BNT
ehf./Einar og Benedikt ofl. og Sáttur/Guðmundur Ólason) - 39,10 prósent
Fjárfestingafélagið Máttur (SJ2, Hrómundur, Hafsilfur) - 12,1 prósent
„Ég kom ekkert nálægt
þeim ákvörðunum sem
áttu sér stað þennan dag.“
INGI F. VILHJÁLMSSON
blaðamaður skrifar ingi@dv.is
Ekki satt Gagnrýni Bjarna á frétta-
flutning snérist um að ekki væri rétt
að fullyrða að ríkissjóður hefði tapað
þremur milljörðum á fjárfestingunni
í Makaó þar sem ríkið hefði lánað
upphæðina inn í tryggingafélagið og
gæti því fengið hana aftur. Bjarni sagði
DV ekki reiðubúið að leiðrétta þetta
atriði en samtalið sýnir fram á annað.
Aðkoma Bjarna ekki ljós Aðkoma Bjarna Benediktssonar, formanns Sjálfstæðis-
flokksins, að viðskiptum Vafnings liggur enn ekki ljós fyrir þar sem hann hefur ekki
viljað tjá sig mikið um þau. Vitað er að hann veðsetti bréf félagsins og að fjölskylda
hans átti stóran hlut í félaginu. Karl Wernersson og Guðmundur Ólason hjá Milestone
hafa skipulagt viðskiptin að stóru leyti.
YFIRLÝSING BJARNA BENEDIKTSSONAR, FORMANNS
SJÁLFSTÆÐISFLOKKSINS, FRÁ ÞVÍ SÍÐASTA SUNNUDAG:
„Undanfarna daga hefur DV slegið upp fréttum í þeim tilgangi að reyna að sýna fram á tengsl mín við fjárfestingar á Makaó.
Ég hef greint blaðinu frá því að ég hafi ekki komið nálægt ákvörðunum um þær fjárfestingar.
Í dag hringdi blaðamaður DV, Ingi Vilhjálmsson, í mig vegna sama máls. Ég tjáði honum að ég treysti ekki samskiptum við
blaðið og því myndi ég ekki vilja bregðast sérstaklega við frekari spurningum. Ég rakti rangfærslur blaðsins fyrir blaðamannin-
um og lýsti þeirri skoðun minni að ég teldi rétt að blaðið birti leiðréttingu vegna umfjöllunar sinnar.
Slíkar leiðréttingar hefur DV ekki áhuga á að birta.
Ég hafði því samband við eiganda blaðsins, Hrein Loftsson, og tjáði honum að ég teldi blaðamennsku af því tagi sem birst
hefði síðastliðna daga algerlega óásættanlega. Áður en ég hafði haft tök á að fara yfir samskipti mín við blaðið æsti Hreinn sig,
sagðist ekki lúta mínu boðvaldi og sagði mér að eiga samskipti um þetta við ritstjórn blaðsins. Að svo búnu skellti hann á.
Stuttu síðar birtist viðtal við eigandann þar sem hann segist hafa spurt mig til hvers ég ætlaðist af honum og að ég hafi svarað
með því að krefjast þess að hann stöðvaði fréttaflutning blaðsins. Þessi hluti samtals okkar Hreins hefði kannski getað farið
fram ef samtalið hefði orðið lengra. En hann náði því miður ekki að bera spurninguna upp við mig áður en hann skellti á mig.
Ég hef því aldrei farið fram á að Hreinn Loftsson stöðvaði fréttaflutning DV, þó óvandaður sé. Ætlun mín var einfaldlega sú að
segja eiganda blaðsins skoðun mína á óásættanlegum vinnubrögðum blaðamanns sem þar starfar og útskýra fyrir honum í
hverju ég teldi rangfærslur þess liggja.
Nú er komið í ljós að Hreini Loftssyni er alveg sama um með hvaða hætti fréttamenn á hans vegum starfa að fréttaflutningi. Sá
fréttaflutningur er hvorki vandaður, réttmætur né sanngjarn.
Það verður Hreinn Loftsson að eiga við sig. Ég bið hann engu að síður að hafa rétt eftir þegar hann lýsir stuttum samskiptum
okkar sem hann sjálfur batt enda á.
Framganga blaðamanna DV og eiganda blaðsins eru hins vegar þess eðlis að um þetta mál mun ég ekki frekar við þá ræða.“