Dagblaðið Vísir - DV - 11.01.2010, Page 18

Svarthöfði hefur verið á nálum yfir umræðunni erlendis í kjölfar ákvörðunar forsetans um að treysta mönnum eins
og honum fyrir Icesave-deilunni. Við
hvert geðshræringarkast Jóhönnu
Sigurðardóttur yfir óánægju erlendis
verður Svarthöfði sífellt meðvitaðri
um sjálfan sig og miðar allar athafnir
sínar við möguleg viðbrögð Breta og
Hollendinga. Hann er orðinn með-
virkur þeim. Svarthöfða líður eins og
hann sé í ofbeldissambúð.
Erlendir fjölmiðlar keppast um að draga upp sem und-arlegasta mynd af Íslending-um. Við vorum öll sjómenn,
en ákváðum að verða bankamenn og
fórum á hausinn af því að við kunn-
um ekki á banka. Þessi heimskulega
ákvörðun skýrist af því að við erum
svo vitlaus að við trúum öll á álfa.
Nú ætlum við aftur á sjóinn. Sam-
kvæmt þessu ætti aldrei að ræða um
Ice save-deiluna við Hollendinga á
Íslandi án þess að minnast á að þeir
gangi allir um í tréskóm og að þeir
rækti fullt af túlípönum til að yfir-
gnæfa óþefinn úr síkjunum.
Það er eins og Dithmar Blef-ken vinni á öllum bresku blöðunum. Hann er fræg-asti útlendingurinn til að
rægja Íslendinga erlendis. Hann var
að sjálfsögðu Hollendingur og gaf út
bókina Islandia í síkjaskornu heima-
landi sínu undir sjávarmáli árið
1607. Blefken fullyrti í bókinni að
Íslendingar ættu í nánum tengslum
við Satan. Hann sagði að djöfullinn
vekti fengsæla íslenska fiskimenn á
nóttunni og sendi þá á sjóinn. Hann
hélt því fram að fjölskyldur á Íslandi
pissuðu allar í sama koppinn og
þvoðu sér í andlitinu upp úr sama
koppi, trúandi því að það fegraði
andlitið. Ekki er Linda Pé hollensk.
Fyrsti ímyndarvandi íslensku þjóðarinnar spratt upp úr þessu rógsriti Blefkens. Ef það hefði verið til skulda-
tryggingarálag á þessum tíma hefði
það farið í ruslflokk daginn sem
bókin kom út. En í þessari gömlu bók
felst hins vegar sóknarfæri nútím-
ans; sjálf lausnin á Icesave-deilunni!
A f bók Blefkens lærðu Hol-lendingar að Íslending-ar hefðu púka og anda í þjónustu sinni. Í erlendum
fjölmiðlum endurómar lygin enn.
Útlenskir blaðamenn eru ófærir um
að skrifa um efnahagskreppuna án
þess að taka fram að við sjáum álfa
í hverju horni. Með öðrum orðum
að við séum svo vitlaus að við eig-
um þetta skilið. Kannski er það ekki
skrítið. Ragnhildur Steinunn Jóns-
dóttir, ein frægasta sjónvarpskona
landsins, sagðist trúa á álfa í frétt um
efnahagshrunið. Og fyrir nokkrum
vikum gaf ung íslensk stúlka út bók
á ensku um kynlíf með álfum, eftir
að hafa átt í taumlausu kynlífssam-
bandi við álf, að eigin sögn.
Í ljósi alvarlegrar deilu Breta við Íslendinga, þar sem Bret-ar krefja okkur í sífellu um að „endurgreiða“ þeim Icesave-
peningana, hefur Svarthöfði ákveðið
að skrifa bresku þjóðinni bréf. Það
tekur mið af ímynd landsmanna og
er svohljóðandi. „Við fórum aftur út
á sjó. Á meðan tóku álfarnir alla pen-
ingana ykkar. Því miður.“
A f umfjöllun Breta um Ís-lendinga að dæma munu þeir taka skýringuna gilda. Til að fullvissa þá gætum
við sviðsett skæruhernað álfanna og
herleiðangra okkar á hálendið til að
uppræta þá. Á gamlárskvöld kæmu
svo samhentar loftárásir á álfana úr
öllum byggðum landsins. Ekki segja
að við höfum ekki reynt!
ÁLFARNIR TÓKU ÞÁ!
SPURNINGIN
„Það má segja að
Faust sé á ystu nöf
en brjálæðislega
spennandi fyrir
vikið,“ segir
leikkonan Unnur
Ösp Stefáns-
dóttir sem
slasaðist lítillega
á æfingu fyrir
leikritið Faust.
Meiðslin reyndust ekki alvarleg og
verður verkið frumsýnt í Borgarleik-
húsinu næsta föstudag. Í verkinu,
sem er leikgerð Vesturports á sígildu
verki Goethes, reynir töluvert á
líkamlegt þrek leikaranna. Þurfa
leikararnir að fljúga um sal
leikhússins sem virðist ekki vera
hættulaust.
ER LEIKRITIÐ
STÓRHÆTTULEGT?
„Ragnhildur
Steinunn var að
hugsa um að
vera með fálkaorðu.“
n Eva María Jónsdóttir og Ragnhildur
Steinunn kynna Söngvakeppni Sjónvarpsins í ár
og sprella eitthvað að vanda. -Fréttablaðið
„Þetta er svolítið eins og að
fara að spila með Þór.“
n Arnór Atlason fer nú að leika með sameinuðu
liði FCK og AG Handball í Danmörku.
-Morgunblaðið
„Ég finn fáránlega mikinn
mun.“
n Ellý Ármannsdóttir, blaðakona og
þúsundþjalasmiður, hefur misst tólf kíló í ræktinni
og allt er orðið betra, meira að segja kynlífið. -DV
„Sonur minn vill meina að
ég sé sláandi líkur hol-
lenska markverðinum
Edwin Van der Sar.“
n Sævar Sigurgeirsson, sá er lék Sigmund Erni í
Áramótaskaupinu, er líkur fleirum en
alþingismanninum. -DV
„Þetta er eitt sem
íslenskar
fyrirsætur verða
að venjast, að
standa í ískulda einhvers
staðar, reyna að vera
eðlilegar og láta ekki
kuldann sjást.“
n Ásdís Rán sat fyrir í miðjum vetrarmánuði á
bikiní einu fata. -Pressan.is
Tvöfaldur Bjarni
LEIÐARI
Íslensk þjóð situr uppi með það að kjörnir fulltrúar eru stanslaust í sandkassaleik. Í desember var tek-ist á um þá tillögu Péturs Blöndal, al-
þingismanns Sjálfstæðisflokksins, að vísa
lögum um ríkisábyrgð vegna Icesave til
þjóðarinnar. Sú tillaga var allrar athygli
verð. Auðvitað á þjóðin að hafa sem mest
að segja um þau lög sem Alþingi setur.
Vandinn var hins vegar sá að Pétur meinti
ekkert með lýðræðistillögu sinni sem all-
ur Sjálfstæðisflokkurinn studdi ásamt
öðrum stjórnarandstöðuflokkum. Deilt
er um heilindi Ólafs Ragnars Grímsson-
ar, forseta Íslands, þegar hann fór að vilja
Péturs og félaga og vísaði þessu sama máli
til þjóðarinnar. Flest bendir til þess að for-
setinn hafi verið að bjarga eigin skinni
með því að leyfa þjóðinni að kjósa. Það
skiptir þó ekki lengur máli hvort hann
er maður fólksins eða lýðskrumari. Nú
er staðan sú að þjóðin fær að kjósa með
þeim afleiðingum sem niðurstaðan hefur
í för með sér.
En nú kveður við annan tón. Pétur
Blöndal, sem lagði til þjóðaratkvæði, er
skyndilega andvígur eigin tillögu og vill að
Alþingi leiti nýrra samninga. Bjarni Bene-
diktsson, formaður Sjálfstæðisflokksins,
er með sömu afstöðu. Hann flutti ræðu í
Valhöll Sjálfstæðisflokksins um helgina
þar sem hann mælti gegn þjóðaratkvæði
en taldi að Alþingi og ríkisstjórn í umboði
þess ættu að semja án aðildar þjóðarinn-
ar. Þetta er tvískinnungur af versta tagi.
Pólitískur hráskinnaleikur einkennir af-
stöðu þessara þingmanna. Þeim er slétt-
sama um hagsmuni Íslands á ögurstundu
Icesave. Aðalatriðið er að halda áfram
pólitískum skylmingum. Þar helgar til-
gangurinn meðalið. Þeir segja já í þinginu
en nei í Valhöll. Lýðræðisástin eða virð-
ingin fyrir því hlutverki að sitja á Alþingi
er engin. Formaður Sjálfstæðisflokksins
hefur slegið forsetann út með skrumi sínu
og tvöfeldni. Honum er óhætt að gera sér
grein fyrir því að teningunum er kastað.
Þjóðin verður að kjósa.
REYNIR TRAUSTASON RITSTJÓRI SKRIFAR. Pétur meinti ekkert með lýðræðistillögu sinni.
BÓKSTAFLEGA
18 MÁNUDAGUR 11. janúar 2010 UMRÆÐA
SANDKORN
n Óhætt er að segja að ástandið
í kringum Bjarna Benediktsson,
formann Sjálfstæðisflokksins,
sé fjörugt. Bjarni hefur skipt um
skoðun í Icesave-málinu með
tilþrifum.
Hann studdi
tillögu Pét-
urs Blöndal,
flokksbróð-
ur síns, um
að efnt yrði
til þjóðar-
atkvæða-
greiðslu.
Áður hafði hann hafnað dóm-
stólaleiðinni. Nú vill hann ekki
lengur þjóðaratkvæði en leggur
til að stjórnvöld taki að nýju upp
samninga við Breta og Hollend-
inga.
n Hanna Birna Kristjánsdóttir
borgarstjóri situr á friðarstóli og
þykir stjórna af festu og öryggi
þar sem lítið er um kúvendingar.
Hanna Birna var á meðal þeirra
sem mættu
við opnun
kosninga-
skrifstofu
Júlíusar Vífils
Ingvarssonar
á laugardag.
Meðal þeirra
sem fluttu
ávarp var
Benedikt Jóhannesson, eigandi
Talnakönnunar. Dauðaþögn sló
á gesti þegar Benedikt sagðist
lítið þekkja Júlíus en styddi hann
vegna þess að hann væri „einn
sexmenninganna“ sem börðust í
REI-málinu.
n Það vakti athygli að allir borg-
arfulltrúar Sjálfstæðisflokksins
að undanskildum Gísla Marteini
Baldurssyni mættu hjá Júlíusi
Vífli Ingvarssyni. Þorbjörg Helga
Vigfúsdóttir borgarfulltrúi opn-
aði sína skrifstofu samdægurs og
var húsfyllir. Gísli Marteinn mætti
þó ekki þar.
Könnun um
traust á borg-
arfulltrúa
sem DV birti
gaf til kynna
að Gísli
myndi lenda
sjöunda sæti.
Hermt er
að hann sé áhyggjufullur vegna
þessa. Sömu heimildir segja að
hann treysti nú á Davíð Oddsson
og Moggann að bjarga sér.
n Ólafi Ragnari Grímssyni, for-
seta Íslands, hefur af snilld tekist
að reisa við ímynd sína í bili og
útrásarstimpillinn hefur vikið fyr-
ir ljóma þess
forseta sem
færir þjóð-
inni vald.
Þetta þykir
vera krafta-
verk eins og
umræðan var
um embættið
og stans-
laust útrásardaður árum sam-
an. Kenningar eru uppi um það
að forsetinn hafi ákveðið það á
gamlárskvöld að synja lögum um
Icesave samþykkis og vísa þeim
til þjóðarinnar. Þar hafi háðuleg
umfjöllun um forsetann sjálfan
ráðið úrslitum.
LYNGHÁLS 5, 110 REYKJAVÍK
ÚTGÁFUFÉLAG: Útgáfufélagið Birtíngur ehf.
STJÓRNARFORMAÐUR: Hreinn Loftsson
FRAMKVÆMDASTJÓRI: Sverrir Arngrímsson
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRAR:
Brynjólfur Þór Guðmundsson, brynjolfur@dv.is
og Þórarinn Þórarinsson, toti@dv.is
AUGLÝSINGASTJÓRI:
Elísabet Austmann, elisabet@birtingur.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
Óprúttinn íslenskur álfur hlær upp í opið
geðið á Bretum eftir að hafa tekið sinn
skerf af Icesave-innistæðunum.