Dagblaðið Vísir - DV - 27.01.2010, Blaðsíða 2

2 MIÐVIKUDAGUR 27. janúar 2010 FRÉTTIR
Æ algengara er að hjón geti ekki skil-
ið að lögum vegna mikilla skulda
eða ágreinings um hvernig þær
skuli skiptast á milli fólks við skiln-
að. „Það er verðfallið á fasteignum
sem er stærsta vandamálið,“ seg-
ir Lára V. Júlíusdóttir, lögfræðingur
hjá Borgarlögmönnum. „Fólk er þar
af leiðandi að fresta skilnuðum um
tíma,“ segir Lára og svarar aðspurð
að mál af þessu tagi hjá sér gangi
sérstaklega hægt þessi misseri. Fólk
sé hreinlega fast í hjónabandi gegn
sínum vilja.
Eignir verða skuldir
Húsnæðisskuldir geta reynst sér-
staklega erfiðar við skilnað. DV er
kunnugt um hjón sem keyptu sér
húsnæði fyrir þremur árum á 27
milljónir. Hjónin áttu 7 milljón-
ir sem þau settu í íbúðina en fengu
lánaðar 20 milljónir. Þau ákváðu
svo að skilja eftir hrun en þá voru
aðstæður breyttar. Lánið þeirra er
komið upp í 24 milljónir. Verðmat
íbúðarinnar hefur lækkað og er hún
nú metin á 20 milljónir. Í staðinn
fyrir að eiga 7 milljónir króna skulda
þau 4 milljónir.
„Hvernig eiga þau að geta skil-
ið? Á annar aðilinn að taka íbúð-
ina og hinn að borga af henni,“ spyr
Lára og segir að í þessum málum
sé augljóslega erfitt að finna lausn.
„Þar sem tilfinningalegt uppgjör er
í gangi líka er þetta afar erfitt fyrir
fólk. Það er endalaus ágreiningur og
rifrildi.“
Einstæð en gift
DV þekkir einnig mál hjóna sem búa
ekki lengur saman en skilja ekki þar
sem þau hafa ekki náð samkomulagi
um skiptingu skulda. Konan er flutt
frá manni sínum og börnin með
henni. Þar sem þau hafa ekki náð
að semja um skiptingu skulda eru
þau ekki skilin og því fær konan ekki
greitt meðlag með börnunum.
„Þetta er miklu meira en erfitt
þótt maður viðurkenni það ekki.
Þetta situr í manni og maður losn-
ar ekkert,“ segir konan sem ekki vill
láta nafns síns getið. „Ég tek allar
skuldir sem eru á mínu nafni. Það
er ekki eins og ég geti og vilji setja
mínar skuldir á hans nafn en hann
vill gera það við mig,“ segir hún.
Hjónin áttu íbúð sem þau keyptu
í kringum hrunið 2008. Íbúðin féll
svo í verði og lenti á uppboði hjá
bankanum. Enn er óljóst hversu
mikið þau skulda. Að auki eru
neysluskuldir þeirra beggja. Ósætt-
ið liggur í hvernig þeim skuli skipta.
Móðirin fær ekki meðlag fyrr en
þau hjón skilja að lögum. Maðurinn
þiggur samt sem áður barnabætur
fyrir börnin þótt þau séu á framfæri
móðurinnar.
Engin leið út
„Ég vil reyna að gera allt til þess að
vinna mér inn pening og borga mín-
ar skuldir en ekki taka á mig meiri
skuldir og eiga
hættu á gjald-
þroti. Og er ég aðallega
að hugsa um börnin.
Ég vil geta boðið þeim
góða framtíð. Ég er löngu
hætt að hugsa um hann.
Ég vil bara losna,“ seg-
ir konan en segir að
tilfinningalegt álag á
þessu eina ári hafi ver-
ið mikið. „Maður verð-
ur bara að taka þetta á
þrjóskunni.“
Tvær leiðir eru út
Margir standa frammi
fyrir því í dag að vera
fastir í hjónabandi
gegn vilja sínum. Verð-
fall á fasteignum í kjöl-
far hrunsins verður til
þess að fólk situr uppi
með eignirnar og getur
ekki skilið. Áður var
bitist um eignir, nú er
bitist um skuldir.
NEYDD TIL AÐ VERA GIFT
ÁSDÍS BJÖRG JÓHANNESDÓTTIR
blaðamaður skrifar: asdisbjorg@dv.is
Lára V. Júlísdóttir lögfræðingur „Fólk þarf að fresta skilnuðum.“
Strandaglópar Það er erfitt
að hefja nýtt líf þegar maður er
hlekkjaður við það gamla.
Milli steins og sleggju Hjón
sem vilja skilja og losna ekki við
eignir sínar eða ná ekki sáttum
eru í erfiðri stöðu.
SVIÐSETT MYND PHOTOS.COM