Dagblaðið Vísir - DV - 15.02.2010, Side 19

Hver er maðurinn?
„Jóhann Rafn Heiðarsson heiti ég,
kokkur.“

Hvaðan ertu?
„Ég er frá Dalvík.“
Við hvað lékstu þér helst í æsku?
„Aðallega í fjörunni og á bryggjunni.“
Áttu þér lið í enska boltanum?
„Ég er gallharður Manchester
United-maður.“
Verða þeir meistarar?
„Ekki spurning.“
Uppáhaldskvikmynd?
„Die Hard er alltaf góð.“
Hvaða bók er á náttborðinu?
„Ég er að lesa bókina Fjallaþorpið
eftir Jeh Tsjú-Tsjen. Hún er frekar
leiðinleg - svolítið þung.“
Hver er þinn uppáhaldsmatur?
„Lambahryggurinn, það toppar hann
ekki neitt.“
Hverju ertu stoltastur af?
„Börnunum mínum.“
Hvernig bíl keyptirðu á mynt-
körfuláni? „Galloper. Hann er
ágætur.“
Ertu baráttumaður í eðli þínu?
„Já, ég tel mig vera það.“
ÆTLARÐU AÐ BAKA MIKIÐ AF BOLLUM?
„Nei, ég hugsa að börnin mín baki nú
fyrir mig.“
EDDA JÓNSDÓTTIR
68 ÁRA HÚSMÓÐIR
„Nei, það ætla ég ekki að gera.“
ANNA LAXDAL
54 ÁRA STARFSMAÐUR
Á AUGNLÆKNINGASTOFU
„Nei, konan sér um það.“
HJÖRVAR SIGURÐSSON
20 ÁRA NEMI
„Já, alveg fullt. Geri það ekki alltaf en
þó núna.“
ANGELÍA FJÓLA VILHJÁLMSDÓTTIR
20 ÁRA NEMI
DÓMSTÓLL GÖTUNNAR
„Einhverjar bollur, já. Samt ekkert mjög
mikið.“
MARGRÉT HALLSDÓTTIR
LEIKSKÓLAKENNARI Á BESTA ALDRI
JÓHANN RAFN HEIÐARSSON
tók myntkörfulán til að kaupa
Galloper hjá Lýsingu árið 2006. Með
falli krónunnar hækkaði afborgun
lánsins gríðarlega og vildi Lýsing fá
mun hærri mánaðargreiðslur en áður
en því vildi Jóhann ekki una og
stefndi Lýsing honum því vegna
vanefnda. Héraðsdómur Reykjavíkur
dæmdi Jóhanni í hag.
DIE HARD OG
MANCHESTER
UNITED
MAÐUR DAGSINS
Íslenskt samfélag líkist æ meira
ruslagámi. Á hverjum degi sitja
menn og dorga, draga upp ónýtt
drasl og illa lyktandi. Fregnir af
samsulli stjórnmálamanna og við-
skiptalífs verða æ svæsnari og þing-
meirihluti í þessa veru hugsanlega
staðreynd. Hægur framgangur
endurreisnar myndi skýrast af því,
sömuleiðis flumbrugangurinn í
Ice save og dráttur hinnar svoköll-
uðu bankahrunsskýrslu. Áttaviti
fjórflokksins hringsnýst.
Maður spyr sig hvers vegna
stjórnmálamönnum hafa í svona
ríkum mæli boðist stofnfjárhlut-
ir í fjármálastofnunum? Bréfdúfur
bankanna virðast vita nákvæmlega
hvar eigi að bera niður og hvar ekki.
Annað undur er sölutími þess-
ara stofnfjárhluta. Eigendur verj-
ast fregna um innherjaupplýsingar
og segja ásakanir um slíkt fráleitar.
Vísa í eigin samvisku sem kveður á
um að selja þegar menn eru sestir
í efri bríkur stjórnsýslunnar. Sem
sagt grandvarir menn sem geta
ekki gert að því að hlutabréfavæð-
ingin og metorðaprílið beri upp á
sama tíma. Áttaviti fjórflokksins
hringsnýst.
Fánaberi stjórnmálaflokks gerði
grein fyrir aðkomu sinni að við-
skiptalífinu fyrir skömmu í sjón-
varpsþætti. Hafði vottað einhvern
viðskiptagerning og eftir að hafa
hlustað á lýsingar mannsins skil
ég vel að hann skuli ekki hafa haft
fullan skilning á flækjunni. Við-
skiptunum lauk auðvitað með alls-
herjarhruni en gaurinn firrti sig
sök, ákvarðanataka hefði ekki ver-
ið í hans höndum og bein aðkoma
nánast engin. Undirskriftin hefði
einungis verið formsatriði í þess-
um vafningi. Sýn sama manns á af-
skriftir lána og áhættu bankanna
var hinsvegar skýr: Bönkum ætti að
vera ljós sú áhætta sem fylgir lána-
starfsemi. Þeim hljóti að vera ljóst
að sum útlán tapast. Rökrétt við-
horf en flagga mætti jafnræðissjón-
armiðum því efalítið er íslensk-
ur almenningur til í afskriftir lána
með sömu tilvísun. Áttaviti fjór-
flokksins hringsnýst.
Fyrrum útrásarvíkingum og
auðmönnum virðist umhugað að
halda velli á vettvangi viðskiptanna
og helst yfirráðum. Í þeirri viðleitni
sitja þeir á gulli sínu í stað þess að
borga lánardrottnum, bíða afskrifta
og bjóða svo í þegar þrotabúin eru
seld. Fyrir bankana eru þessar síð-
búnu heimtur skárri en engar og
réttlætir að menn séu hvorki spurð-
ir hvaðan þetta fé komi né svona
seint. Gömlu brellurnar virka enn
og áttaviti fjórflokksins hringsnýst.
En eitt hringsnýst ekki og það
er stefna LÍÚ, hagsmunasam-
taka útvegsmanna. Á þeim bæ
ganga menn í takt: Veiðirétturinn
er þeirra og kemur engum öðrum
við. Stærsta útgerðin er Sjálfstæð-
isflokkurinn, síðan Brim og Grandi,
Framsóknarflokkurinn, Ísfélag-
ið, vinstri-grænir og Samfylking-
in. Þessi floti tryggir ofangreindu
sjónarmiði viðgang enda keyrður
áfram á því eldsneyti sem mann-
kynið hefur jafnan kokgleypt: Pen-
ingum. Viðhlæjendur kalla þetta
hagræðingu og vissulega má finna
henni stað, til dæmis í skúffunum á
Tortóla.
Áttaviti fjórflokksins sem ætti að
beinast að almenningi veit varla að
hann sé til. Stjórnmál snúast ekki
um fólkið í landinu heldur fólkið í
stjórnmálunum. Og fólkið í stjórn-
málunum er ekki lengur fólkið í
landinu heldur sérræktað græn-
meti úr gróðrarstíum flokkanna
sem kostaðar eru af hagsmunaað-
ilum. Vilji fólk nýtt Ísland þarf að
rjúfa þennan vítahring.
Áttaviti fjórflokksins
KJALLARI
MYNDINMEST LESIÐ á DV.is
LÝÐUR ÁRNASON
heilbrigðisstarfsmaður
skrifar
„Gömlu brellurnar
virka enn og átta-
viti fjórflokksins
hringsnýst.“
UMRÆÐA 15. febrúar 2010 MÁNUDAGUR 19
Baráttan í fullum gangi Framsóknarmenn í Kópavogi búa sig nú af krafti undir prófkjör flokksins um aðra helgi. Þrír bjóða sig
fram í fyrsta sætið. Þeir eru Ómar Stefánsson, oddviti flokksins, Einar Kristján Jónsson, sem setið hefur í nefndum fyrir flokkinn, og
Gísli Tryggvason, talsmaður neytenda, sem um helgina opnaði kosningaskrifstofu sína. MYND RAKEL ÓSK
1 Afskriftir auðmanna
Auðmenn hafa fengið skuldir sínar
afskrifaðar hjá bönkunum í stórum stíl.
2 Bishop drap bróður sinn árið
1986
Líffræðikennarinn Amy Bishop, sem skaut
þrjá til bana í háskóla í Bandaríkjunum
skaut bróður sinn til bana árið 1986.
3 Risastórar öldur skullu á
áhorfendum - Myndband
Fimmtán slösuðust alvarlega þegar
gríðarstórar öldur skullu á áhorfendum
brimbrettakeppni í Point Pillar í Kaliforníu.
4 Líflegur veðurfræðingur
- Myndband
Bandarískur veðurfræðingur þolir ekki að
spá fyrir um leiðinlegt veður.Hann ákvað
því að greina frá komandi snjóbyl í
Baltimore með miklum leikrænum
tilbrigðum og vakti athygli á YouTube.
5 Karl Magnús á reynslulausn í
Brasilíu
Karl Magnús Grönvold var látinn laus úr
fangelsi í Brasilíu 11. febrúar síðastliðinn
eftir að hafa setið þar inni í tvö ár.
6 Eins og að sigra Real Madrid
Verðlaunahöfundurinn Guðmundur
Óskarsson segir að það, að hafa betur
gegn Gyrði Elíassyni, hafi verið eins og að
vinna Real Madrid.
7 Breskar stjörnur flæktar í
svikamyllu
Fjölmargar stjörnur og valdamenn í
viðskiptalífi Bretlands eru nú til
rannsóknar vegna meintra skattsvika.