Dagblaðið Vísir - DV - 25.06.2010, Blaðsíða 51

föstudagur 25. júní 2010 úttekt 51
Með tilkomu Besta flokksins hefur poppurum og pönkurum
svo sannarlega fjölgað á hinu stóra sviði stjórnmálanna. Áður
höfðu þó fjölmargir tónlistarmenn lagt fyrir sig pólitík. DV tók
saman nokkra af þekktustu tónlistarmönnum landsins sem
ratað hafa í pólitíkina. Já, eða öfugt. PoPP og Pönk
í pólitík
Stuðmiðborgar-
Stjórinn
Jakob Frímann magnússon reyndi að stofna til stjórnmálaferils innan
Samfylkingarinnar fyrir nokkrum árum, án árangurs. Tónlistarferillinn hefur verið
farsælli en hann er forsprakki og hljómborðsleikari Stuðmanna. Jakob varð þó
nokkuð valdamikill í sjö mánaða valdatíð Ólafs F. Magnússonar á borgarstjórastóli
árið 2008 þegar Ólafur gerði Jakob að svokölluðum „miðborgarstjóra“.
pönkari og
umboðSmaður
Annar maður á lista Besta flokksins, Einar Örn bEnEdiktsson, var annar
tveggja forsprakka Sykurmolanna, þeirrar hljómsveitar íslenskrar sem mestri hylli
hefur náð utan landsteinanna ef frá er talin Sigur Rós. Áður en Sykurmolarnir
sigruðu heiminn söng Einar meðal annars með pönkhljómsveitunum Kukli og
Purrki Pillnikk, sem nutu öllu meiri hylli en Nefrennsli borgarstjórans, og var um-
boðsmaður Utangarðsmanna. Í seinni tíð hefur Einar Örn verið annar helmingur
dúettsins Ghostigital.
tölvunar-
fræðingur með
Silkimjúka rödd
karl sigurðsson, borgarfulltrúi Besta flokksins, er tölvunarfræðingur að
mennt en hann er hvað þekktastur sem söngvari hinnar sívinsælu hljóm-
sveitar Baggalúts. Hann er maðurinn með silkimjúku og djúpu röddina sem
syngur jafnan á móti Guðmundi Pálssyni. Þeir félagar hafa ósjaldan sungið til
hvor annars í gervi vina sem eru óþægilega nánir.
roðlauS
þingmaður
bJÖrn Valur gíslason er ekki þekktasti tónlistarmaðurinn í þessum fríða hópi,
en tónlistarmaður er hann samt. Þekktastur er Björn fyrir að vera þingmaður Vinstri-
grænna eftir að hafa verið kosinn á þing fyrir rúmu ári. Færri vita að hann er einnig
meðlimur hljómsveitarinnar Roðlaust og beinlaust. Í helgarviðtali við DV í fyrrahaust
sagði Björn, sem ættaður er frá Ólafsfirði, bandið hafa spilað mikið fyrir norðan og á
allmörgum tónleikum í Reykjavík í tengslum við Hátíð hafsins. Einnig var félögunum í
Roðlaust og beinlaust boðið á tónlistarhátíð í Frakklandi fyrir nokkrum árum sem sótt
var af ríflega 110 þúsund manns en á hátíðinni voru einungis spiluð sjómannalög. Er
það ekki svolítið pönk?
prófeSSorinn
Óttarr ProPPé, nýkjörinn borgarfulltrúi, er eins og svo margir félagar hans á lista Besta
flokksins þekktari sem listamaður en pólitíkus. Óttarr er þekktastur sem
söngvari hinnar goðsagnakenndu rokksveitar Ham og í
seinni tíð sem söngvari Dr. Spock. Eftir að Ham leið
undir lok var Óttarr í hljómsveitinni Fünkstrasse
sem spilaði meðal annars á hinni frægu
útihátíð Uxa árið 1995. Sviðsnafn Óttars með
Fünkstrasse var Prófessorinn. Fjölmargar
þekktar bakradda söngkonur sungu með
þeirri sveit. Til dæmi Emilíana Torrini. Ótt-
arr var svo hættur öllum afskiptum af
tónlist þegar hljómsveitin Dr. Spock
fékk hann til að syngja eitt lag með
sér. Hann hefur verið að síðan.
Óttarr er þekktur fyrir mjög
svo sérkennilega en um leið
einstaka söngrödd. Ekki er
framandi útgangur hans á
sviði minna frægur.
vara-
brekku-
Söngvarinn
rÓbErt marshall, þingmaður
Samfylkingarinnar, fær að fljóta
með þrátt fyrir að hafa ekki látið
mikið að sér kveða á tónlistarsvið-
inu. Innáskipting hans í Brekku-
sönginn á Þjóðhátíð í Eyjum þegar
Árni Johnsen var í sveitinni vegna
tæknilegra mistaka, tryggir það.
Síðan var það líka svo mikið rokk
þegar Róbert fór í brúnkusprautu-
klefann í frétt sem hann gerði
þegar hann var fréttamaður á
Stöð 2.
úr ríó í
r-liStann
hElgi Pétursson var borgarfulltrúi
fyrir R-listann seint á síðustu öld.
Þekktastur er hann hins vegar fyrir
spilerí sitt með Ríó tríóinu. Þess má
geta að dóttir Helga, Heiða Kristín, tók
þátt í að hrúga tónlistarmönnum inn
í borgarstjórn á dögunum en hún var
kosningastjóri Besta flokksins. Hún var
síðan ráðin aðstoðarmaður Jóns Gnarr
borgarstjóra.