Dagblaðið Vísir - DV - 24.09.2010, Side 24

24 ERLENT 24. september 2010 FÖSTUDAGUR
Hingað til hefur því verið haldið fram
að Titanic hafi sokkið vegna þess að
skipið var á allt of miklum hraða. Þá
hafi skipstjórar þess ekki komið auga
á borgarísjakann sem sökkti því fyrr
en allt of seint. En nú er sannleikur-
inn loks kominn fram í dagsljósið;
skipstjórar fengu veður af borgar-
ísjakanum í tæka tíð en vegna mis-
skilnings beygðu stýrimennirnir í
vitlausa átt og fóru beint á jakann.
Þetta er meðal þess sem kemur
fram í nýrri bók um slysið eftir rithöf-
undinn Louis Patten. Í henni er fjall-
að um skipið og jómfrúarferðina ör-
lagaríku þann 15. apríl 1912.
Patten er barnabarn Charles
Lightoller, liðsforingja á skipinu, sem
komst lífs af úr slysinu. Samkvæmt
frásögn Pattens vissi afi hennar allan
tímann hvað fór úrskeiðis. Eftir slysið
hafi hann vísvitandi sagt ósatt frá því
sem gerðist af ótta við að eigendur
Titanic á þeim tíma yrðu gjaldþrota.
Þá óttaðist hann að kollegar hans
myndu missa vinnuna ef sannleikur-
inn kæmi upp á yfirborðið.
„Þeir hefðu auðveldlega getað
forðast það að rekast á jakann ef ekki
hefði verið fyrir þessi glappaskot,“
segir Patten í samtali við breska fjöl-
miðla. Hún fullyrðir að hægt hefði
verið að bjarga öllum farþegum
skipsins – jafnvel eftir að skipið rakst
á jakann – ef stýrimenn hefðu ekki
reynt að koma skipinu af stað aftur.
Það gerðu þeir hins vegar með þeim
afleiðingum að skipsskrokkurinn
fylltist af sjó.
Í bókinni, Good as Gold, kemur
fram að Lightoller hafi ekki sagt
neinum sannleikann í málinu, öðr-
um en eiginkonu sinni og ömmu
Louis Patten. „Amma mín lést þegar
ég var sextán ára. Þó hún hafi aldrei
sagt mér að halda þessu út af fyrir
mig sagði ég það engum. Móðir mín
sagði að þetta væri fjölskyldumál og
heiður afa míns væri í húfi. Næst-
um 40 árum síðar, löngu eftir andlát
ömmu minnar og móður minnar, var
ég að leggja drög að nýrri skáldsögu.
Þá áttaði ég mig á því að ég væri eina
manneskjan á lífi sem vissi sannleik-
ann um hvað gerðist þegar Titanic
sökk.“ einar@dv.is
Sannleikurinn um hvað sökkti Titanic dreginn fram í dagsljósið:
Klúður sökkti Titanic
Charles Lightoller Var hræddur við að eigendur Titanic yrðu gjaldþrota.
Lögmaðurinn Daniel K. Perlman var
hústökumaður í sjö mánuði í Emp-
ire State-byggingunni í New York sem
er einn frægasti skýjakljúfur veraldar.
Hann var með gríðarstóra skrifstofu
út af fyrir sig á 40. hæð og þurfti ekki
að borga leigu. Hann sagði New York
Times sögu sína á dögunum.
Daniel Perlman er tæplega fimm-
tugur lögmaður sem sérhæfir sig í
fjölskyldurétti og því að verja grunaða
sakamenn. Hann er, ólíkt mörgum
lögmönnum á Manhattan í stórborg-
inni New York, hvorki ríkur né fræg-
ur. Hann var áður grunnskólakennari
og lifir venjulegu miðstéttarlífi í stór-
borginni.
Árið 2006 flutti hann lögmanns-
stofu sína á fertugustu hæð í Empire
State-byggingunni. Stofan þurfti ekki
mikið pláss; Perlman var eini starfs-
maður hennar. Hann deildi skrif-
stofuálmu með nokkrum öðrum fyr-
irtækjum og hreiðraði um sig í litlum
herbergiskróki þar sem skrifborðið
hans og stóll komust fyrir en lítið ann-
að.
Kom sér fyrir í króki
Leigusali skrifstofuálmunnar var hús-
næðislánamiðlari sem leigði út her-
bergin í álmunni til hinna fyrirtækj-
anna, þar á meðal lögmannsstofu,
sem áframleigði herbergiskrókinn
síðan til Perlmans. Hann gerði því
hvorki leigusamning við leigusalann
né eigendur byggingarinnar. Perlman
segist raunar ekki einu sinni hafa gert
formlegt samkomulag við lögmanns-
stofuna og hin fyrirtækin á hæðinni.
Hann hafði unnið nokkur verk fyrir
lögmannsstofuna og fékk því að vera í
herbergiskróknum fyrir lága leigu.
Allir hurfu
Þegar húsnæðismarkaðurinn í
Bandaríkjunum hrundi árið 2008
varð húsnæðislánamiðlarinn og
leigusalinn gjaldþrota. Hann hætti
að vera leigusali í Empire State í júlí
2009. Lögmannsstofan og öll önnur
fyrirtæki á hæðinni fluttu á svipuð-
um tíma, þau höfðu líka þurft að þola
miklar raunir vegna fjármálakrepp-
unnar. Perlman fór að skimast um
eftir nýjum skrifstofum. Hann beið
eftir því að hússtjórnin myndi líma
útburðartilkynningu á dyrnar, eins og
hún hafði gert annars staðar í bygg-
ingunni. En enginn kom.
„Ég var tilbúinn að flytja, en það
gerðist ekkert. Það var enginn grænn
límmiði á hurðinni. Og á sama tíma
kom enginn frá stjórn Empire State
til að skipta sér af mér. Ræstingafólkið
vissi samt af mér.“
Eins og í draugahúsi
Niðurstaðan var að Perlman gat not-
að 900 fermetra skrifstofurými í einni
þekktustu byggingu veraldar, í miðju
Manhattan-hverfi í New York. Hann
fór að breiða úr sér. Fór smám sam-
an að nota fleiri herbergi. Þegar upp-
runalega auðkenniskortið hans rann
út, fékk hann annað með hjálp vinar
síns, sem vann líka í byggingunni.
Í nóvember opnaði Daniel Perl-
man dyrnar að stóru rými, sem áður
hafði verið fundarherbergi. Það var
galtómt, fyrir utan ljósritunarvél sem
stóð við vegginn og einhver hafði
merkt „má henda“.
Honum leið eins og hann væri í
draugahúsi. Herbergin voru galtóm,
fólkið á bak og burt, en samt minnti
margt á gamla skrifstofulífið – ótengd-
ar faxvélar, kaffi í hillum.
Svindlaði ekki á neinum
Perlman segist ekki líta á sig sem hús-
tökumann eða lögbrjót. Hann finn-
ur þó ekkert til með eigendum bygg-
ingarinnar, sem hann segir að hafi
reynt að ýta út leigjendum lítilla rýma
í turninum til að rýma fyrir stórum
leigjendum. „Ég svindlaði ekki á nein-
um. Ef ég er sekur um eitthvað, þá
væri það fyrir slóðaskap,“ segir Perl-
man.
Í febrúar kom Perlman að skrif-
stofu sinni þar sem búið var að fjar-
læga allt hafurtaskið hans. Skipt var
um lása stuttu eftir það.
Ólögmæt glufa
Talsmaður Empire State tjáði New
York Times að Perlman hefði verið
ólöglegur leigjandi sem hefði fund-
ið ólögmæta glufu í kerfinu til þess
að hafast við í byggingunni. Ástæð-
an fyrir því að hússtjórnin frestaði að
taka yfir skrifstofuálmuna hefði verið
vegna flókins málareksturs fyrir dóm-
stólum vegna vanskila húsnæðislána-
miðlarans. Perlman vann heima í
nokkra mánuði en er nú kominn með
nýja skrifstofu. Skrifstofuálman á fer-
tugustu hæð er enn laus.
Yngsta mamma
Bretlands borin út
Amy Crowhurst, sem fyrir átta árum
varð yngsta móðir Bretlands þegar
hún eignaðist sitt fyrsta barn 12 ára,
hefur verið borin út af heimili sínu
í Crawley á Englandi. Ástæðan: ná-
grannarnir fengu sig fullsadda af
háværri tónlist og fíkniefnaneyslu
í linnulausum gleðskap á heimili
hennar. Crowhurst er í dag tvítug,
tveggja barna móðir og var það
leigusalinn hennar sem sparkaði
henni út. Fyrir ári var hún dæmd
fyrir að rækta kannabis á heimili
sínu til að eiga fyrir áfengi.
Hann beið eftir því að hússtjórn-
in myndi líma útburðar-
tilkynningu á dyrnar,
eins og hún hafði gert
annars staðar í bygging-
unni. En enginn kom.
HÚSTÖKUMAÐUR
Í EMPIRE STATE
Lögmaður í New York leigði árið 2006 lítinn skrifstofukrók í Empire State-skýjakljúfnum heimsfræga. Þegar
húsnæðismarkaðurinn í Bandaríkjunum hrundi í fjármálakreppunni hurfu allir nágrannar hans á hæð-
inni. Hann þurfti ekki að borga neinum leigu og hreiðraði um sig í stórri skrifstofuálmu í turninum. Hann
var hústökumaður.
Empire State Lögmaðurinn var
hústökumaður á fertugustu hæð
í þessum heimsfræga skýjakljúfi
á Manhattan-eyju í New York.
Perlman Daniel K. Perlman var fyrst
með lítinn herbergiskrók á hæðinni en
gat svo breitt úr sér í 900 fermetra rými.
HELGI HRAFN GUÐMUNDSSON
blaðamaður skrifar: helgihrafn@dv.is