Dagblaðið Vísir - DV - 02.02.2011, Blaðsíða 16

16 | Erlent 2. febrúar 2011 Miðvikudagur
Nicolas Sarkozy vill hefja enskukennslu á leikskólastigi:
Þriggja ára börn læri ensku
Frakkar eru þekktir fyrir hreintungu-
stefnu sína og gremst þeim mjög nýj-
asta útspil Nicolas Sarkozys, forseta
Frakklands. Sarkozy hefur löngum
haldið því fram að nauðsynlegt sé
að kenna frönskum börnum enska
tungu frá unga aldri. Í fyrra lýsti hann
því yfir að öll frönsk ungmenni á
menntaskólaaldri ættu að vera orðin
tvítyngd. Leiddi þetta til þess að farið
var að kenna börnum ensku strax frá
sjö ára aldri.
Nú hefur Luc Chatel, mennta-
málaráðherra í ríkisstjórn Sarkozys,
lýst því yfir að enskukennsla eigi að
hefjast enn fyrr – eða við þriggja ára
aldur. Frakkar eru gáttaðir á yfirlýs-
ingunni og telja hana koma úr hörð-
ustu átt, sérstaklega vegna þess að
Sarkozy sjálfur talar mjög takmark-
aða ensku. Málvísindamaðurinn
Claude Hagége hefur lýst yfir efa-
semdum um gagnsemi áætlunar-
innar. „Að hefja tungumálakennslu
við þriggja ára aldur er fullsnemmt,
fimm eða sex ár er mun betri aldur.“
Aðrir gagnrýnendur Sarkozys
hafa bent á að mikilvægara sé að
börn nái betri tökum á sínu eigin
móðurmáli, áður en lagt er á þau að
læra annað mál. Þá hafa sósíalist-
ar í Frakklandi sakað Sarkozy um að
vera hluti vandans, þar sem hann tali
sjálfur of lélega alþýðufrönsku, með
takmörkuðum orðaforða og tíðum
málvillum. François Loncle, þing-
maður sósíalista, sagði málnotkun
Sarkozys „jafnast á við árás á menn-
ingu landsins og á orðspor Frakk-
lands í hinum stóra heimi.“
Frakkar eru mjög viðkvæmir vegna
innrásar ensku í franska menningu.
Árið 2006 vakti mikla athygli þeg-
ar Jacques Chirac, þáverandi forseti,
þrammaði út af fundi Evrópusam-
bandsins um atvinnumál. Ástæð-
an var sú að Ernest-Antoine Seill ière,
landi hans og yfirmaður samtaka at-
vinnurekenda, hóf að flytja erindi
á fundinum á ensku. Slíkt lét Chir-
ac ekki bjóða sér og hlaut hrós fyrir í
Frakklandi í kjölfarið. björn@dv.is
Að minnsta kosti milljón manns
fylltu miðborg Kaíró, höfuðborgar
Egyptalands, á þriðjudag. Þá söfn-
uðust saman hundruð þúsunda
í hafnarborginni Alexandríu, en
mótmæli voru skipulögð um gjör-
vallt Egyptaland. Mótmælendur
kyrjuðu baráttusöngva og kröfð-
ust þess að Hosni Mubarak, for-
seti Egyptalands síðan árið 1981,
léti af stjórnartaumunum í land-
inu. Mótmælendur vilja ekki sjá
neina skjólstæðinga Mubaraks í
ríkisstjórn og vilja frjálsar kosn-
ingar. Stjórnarandstöðuflokkar í
Egyptalandi hafa lýst því yfir að
þeir líti ekki á ríkisstjórn Mubar-
aks sem réttmæta ríkisstjórn og að
umbótatilraunir forsetans undan-
farna daga séu marklausar.
Hátíðarstemning
Fréttamenn arabísku fréttastof-
unnar Al Jazeera, sem var reynd-
ar bönnuð í Egyptalandi á sunnu-
daginn, greindi frá því í gær að
hátíðarstemning ríkti meðal mót-
mælenda í Kaíró. Fjöldi mótmæl-
enda var vel yfir milljón og var mál
manna að mikill samhljómur hafi
ríkt meðal mótmælenda. Aldur og
fyrri störf virðast engu máli skipta,
en meðal mótmælenda er fólk á
öllum aldri og úr öllum stéttum
samfélagsins.
Talsvert ofbeldi hefur einkennt
mótmælin hingað til en að minnsta
kosti 125 manns hafa fallið í átök-
um við lögreglu og um 1.500 eru
særðir. Nú er lögreglan hins vegar
horfin á braut og herinn hefur tek-
ið við löggæslu á götum úti.
Herinn lofaði að beita ekki valdi
Í yfirlýsingu frá egypska hernum á
mánudag sagði að „tjáningarfrelsi
væri öllum tryggt, svo lengi sem frið-
samlegum leiðum yrði beitt.“ Í yfir-
lýsingunni sagði að herinn ætlaði sér
ekki að beita valdi. „Egypski herinn
tilkynnir hér með, hinni miklu eg-
ypsku þjóð, að hann viðurkenni lög-
mætar kröfur þjóðarinnar. Hermenn
eru nú á götum úti, en til þess eins
að gæta öryggis fólksins.“ Í yfirlýsing-
unni var einnig varað við skemmd-
arverkum, sem myndu stefna öryggi
mótmælenda í hættu. Einnig var var-
að við fámennum hópum þorpara,
sem hafa farið ránshendi um hús-
næði og verslanir undanfarna daga.
AGS býður fram stuðning
Mubarak kynnti nýja ríkisstjórn sína
á mánudaginn. Um helgina rak hann
alla ríkisstjórnina á einu bretti og
skipaði náinn samstarfsmann sinn,
Ahmed Shafik, sem forsætisráðherra
og fól honum umboð til ríkisstjórn-
armyndunar. Ljóst er að egypska
þjóðin telur þessa ríkisstjórn mark-
lausa og ætlar ekki að láta af mót-
mælunum fyrr en Mubarak hverfur
á braut.
Í gær bárust einnig tíðindi frá
Alþjóðagjaldeyrissjóðnum um að
hann væri tilbúinn að rétta Eg-
yptum hjálparhönd. Í viðtali sagði
yfirmaður AGS, Dominique Strauss-
Kahn: „AGS er tilbúinn að skilgreina
efnahagsstefnu fyrir Egyptaland
sem hægt verði að koma í gagnið.“
Strauss-Kahn sagði ekkert um hvort
hann teldi fýsilegt að Mubarak tæki
poka sinn eður ei.
n Sífellt bætist í hóp mótmælenda í Egyptalandi n Ætla ekki að láta af
mótmælum fyrr en Hosni Mubarak tekur poka sinn n Herinn segist nú vera
á bandi fólksins n Alþjóðagjaldeyrissjóðurinn hefur boðið fram stuðning„Egypski herinn
tilkynnir hér með,
hinni miklu egypsku þjóð,
að hann viðurkenni lög-
mætar kröfur þjóðarinnar.
Milljónir á
götuM úti
Björn Teitsson
blaðamaður skrifar bjorn@dv.is
Líkt við Hitler Þessi mótmælandi er
búinn að mála yfirvararskegg á Mubarak og
líkja honum þannig við Adolf Hitler.
Tahrir-torg um hádegi í gær
Fólk flykktist á hið sögufræga torg.
Elsta kona í
heimi látin
Bandaríska konan Eunice Sanborn
lést á mánudag en hún var elsta
kona í heimi. Eunice fagnaði 115
ára afmæli sínu í júlí í fyrra en hún
fæddist árið 1895 í Lake Charles í
Louisiana-ríki. Hún var þrígift, en
ásamt öðrum eiginmanni sínum
settist hún að í Jacksonville í Texas
árið 1937 og bjó þar allt til dauða-
dags. Nú er elsta kona í heimi Besse
Cooper, en hún er einnig bandarísk
og er 114 ára að aldri. Hún er einnig
frá suðurríkjum Bandaríkjanna og
hefur búið í Georgíu-ríki undanfarin
90 ár. Hún segir að lykillinn að lang-
lífi sé að skipta sér ekki af annarra
manna málum og að halda sig frá
ruslfæði.
Ég er hættan holdi klædd:
Bækur um
Assange
Það vakti athygli í desember þegar
Julian Assange, aðalritstjóri upp-
ljóstrunarvefjarins Wikileaks, skrif-
aði undir samn-
ing þess efnis
að hann myndi
skrifa bók um
vefinn. Nú hafa
hins vegar tvær
bækur þegar litið
dagsins ljós um
Assange. Önnur
þeirra er skrifuð
af ritstjóra New York Times, Bill Kell-
er, þar sem hann greinir frá samn-
ingaviðræðum þeim sem áttu sér
stað milli hans og Assange, ásamt
fulltrúum fleiri fjölmiðla sem hafa
birt gögn frá Wikileaks á undan-
förnum vikum. Kemur þar fram að
ritstjórn New York Times og ritstjórn
breska blaðsins Guardian, höfðu
ákveðið að birta Wikileaks-gögn
áður en samþykki Assange lá fyrir.
Mun Assange þá hafa hótað lögsókn
á hendur ritstjórna blaðanna. Kell-
er lýsir Assange eins og persónu úr
Millenium-þríleik Stiegs Larssons –
„að ekki hafi verið hægt að greina á
milli þess hvort hann var hetja eða
skúrkur.“ Keller sagði að Assange
væri maður sem ynni eftir sínum
eigin reglum og ynni ekki vel með
öðrum.
Þá hafa blaðamennirnir Dav-
id Leigh og Luke Harding, sem
skrifa fyrir Guardian, einnig gefið
út bók. Þeir greina meðal annars frá
lífi Assange áður en hann komst í
sviðsljósið. Hafi Assange þá nýtt sér
stefnumótaþjónustu á netinu, þar
sem yfirskriftin var: „Varúð: ertu að
leita að venjulegum jarðbundnum
náunga? Leitaðu þá annað...Ég er
hættan holdi klædd, ACHTUNG.“
Sarkozy hugsi
Sjálfur talar hann mjög
takmarkaða ensku.