Dagblaðið Vísir - DV - 07.02.2011, Blaðsíða 6

6 | Fréttir 7. febrúar 2011 Mánudagur
Lögreglan klippti númerin af Range Rover-bifreið Jóns Ásgeirs:
Segir bílinn tryggðan
Lögreglan skrúfaði númerin af
svartri Range Rover-bifreið í eigu
fjárfestisins Jóns Ásgeirs Jóhannes-
sonar síðastliðinn laugardag. Þetta
staðfestir Jón Ásgeir í tölvupósti sem
hann sendi blaðamanni DV. Hann
segir lögregluna hafa afhent númer-
in aftur á sunnudagsmorgun „afsak-
andi yfir framferði sínu.“ Atvikið átti
sér stað í kjölfar fréttar sem birtist í
DV á föstudaginn, þar sem fram kom
að Range-Rover-bifreið í eigu Jóns
Ásgeirs væri skráð ótryggð í öku-
tækjaskrá. Venjan er sú að lögreglan
klippi á númer þeirra bíla sem hafa
verið skráðir ótryggðir í gagnagrunni
ökutækjaskrár.
Jón Ásgeir segir alrangt að bíll-
inn hafi ekki verið tryggður. Segir
hann bifreiðina hafa verið tryggða
hjá Tryggingamiðstöðinni og því hafi
engar forsendur verið fyrir hendi til
þess að skrúfa númerin af bifreið-
inni. Jón Ásgeir bendir á tölvupóst frá
Tryggingamiðstöðinni því til stuðn-
ings. Í tölvupóstinum sem dagsettur
er þann 4. febrúar segir orðrétt: „Sæl,
svona er staðan eins og hún lítur út í
dag. Bílarnir eru tryggðir.“
Við vinnslu fréttar DV sem unn-
in var 2. febrúar var alfarið stuðst við
upplýsingar frá ökutækjaskrá en þar
kom fram að bifreiðin væri ótryggð.
Í samtali við lögreglumann hjá um-
ferðardeild lögreglunnar kom fram
að notast er við upplýsingar frá öku-
tækjaskrá þegar teknar eru ákvarð-
anir um að klippa á númer bíla. Ekki
reyndist unnt að fá það staðfest hvort
upplýsingarnar í ökutækjaskrá hafi
verið gamlar eða þær hreinlega rang-
ar.
Samkvæmt upplýsingum frá
Creditinfo er algengasta ástæða þess
að bifreiðar eru skráðar ótryggðar
í gagnagrunni ökutækjaskrár sú að
tryggingar af þeim hafa ekki verið
greiddar.
Endurnærir og hreinsar ristilinn
allir dásama OXYTARM
Í boði eru 60-150 töflu skammtar
30+
Betr i apotekin og Maður l i fandi www.sologhei lsa. is
OXYTARM
Sól og
heilsa ehf
=
Losnið við hættulega
kviðfitu og komið maganum
í lag með því að nota náttúrulyfin
Oxytarm og 30 days saman120 töflu skammtur
days
detox
Númerin klippt Jón Ásgeir Jóhannesson
segir það vera rangt að Range Rover-bifreið
hans hafi ekki verið tryggð.
Úlfari Logasyni, 18 ára pilti sem
stundar nám við Fjölbrautaskólann í
Garðabæ, var meinað að gefa blóð til
Blóðbanka Íslands vegna kynhneigð-
ar sinnar. Tildrög málsins eru þau að
í síðustu viku stöðvaði blóðgjafarbíll
Blóðbankans fyrir utan FG, þar sem
Úlfar ætlaði að láta gott af sér leiða og
gefa blóð. Úlfar er samkynhneigður
og af þeim ástæðum mátti hann ekki
gefa blóð. Starfsfólk blóðgjafarbíls-
ins sagði að það væri einungis að fara
eftir evrópskum reglum, og að betra
væri að hafa fleiri reglur en færri. Úlf-
ar sagði að starfsfólkið hefði sýnt hon-
um mikinn skilning, en hann varð
fyrir talsverðum vonbrigðum með að
vera meinað að gefa blóð. „Þau voru
mjög kurteis og virtust vera á sama
máli og ég. Ég hef einnig heyrt að fólk
úr læknastéttinni telji þessa reglu vera
hneyksli,“ sagði Úlfar í samtali við DV.
„Má ekki mismuna“
Úlfar hefur fengið jákvæð viðbrögð
síðan hann kaus að vekja athygli á
máli sínu. „Facebook-veggurinn hjá
mér er alveg stútfullur af baráttu-
kveðjum.“ Úlfar segist einnig ætla að
leita réttar síns, en hann telur málið
honum æðra – hér sé um mismun-
un að ræða sem eigi ekki að líðast. Í
dag, mánudag, á Úlfar fund með Páli
Rúnari M. Kristjánssyni, lögmanni
hjá Málflutningsstofu Reykjavíkur.
Í samtali við DV sagði Páll að
Málflutningsstofa Reykjavíkur tæki
reglulega fyrir mál sem snertu mann-
réttindi eða mismunun minnihluta-
hópa. „Þegar við sáum þetta mál þá
sáum við að þetta væri ljótt brot gegn
ákveðnum grunnréttindum sem
þessi ungi maður hefur.“ En er ekki
eðlilegt að Blóðbanki Íslands fari eft-
ir evrópskum reglum um blóðgjafa?
„Þetta er í raun grundvallarspurning
um íslensk lög um jafnræði. Það er
ekki hægt að réttlæta brot á mann-
réttindum fyrir íslenskum rétti vegna
þess eins að þessi brot séu fram-
kvæmd annars staðar.“
Verður að gæta meðalhófs
Páll segir að lögfræðilega sé málið
einfalt. „Spurningin er hvort brot-
ið sé á jafnræðisreglu íslensks rétt-
ar, hvort brotið sé réttlætanlegt og
svo hvort gætt sé ákveðins með-
alhófs. Má í það fyrsta beita þess-
ari mismunun, og er henni beitt
með strangari hætti en nauðsynlegt
er? Ef það er til dæmis réttlætan-
legt að samkynhneigður blóðgjafi
fái einhverja aðra meðferð en aðr-
ir, er þá ekki til vægara úrræði en að
hafna þeim alveg? Ég velti því fyrir
mér hvort ástæða þess að samkyn-
hneigðum sé meinað að gefa blóð sé
í raun læknisfræðileg, eða hvort rót-
in í þeirri reglu sé ekki bara fordóm-
ar?“
Verið lengi til umræðu
DV hafði samband við Samtökin
78, hagsmuna- og baráttusamtök
samkynhneigðra á Íslandi. Fram-
kvæmdastjóri samtakanna, Árni
Grétar Jóhannsson, sagði að málefni
samkynhneigðra blóðgjafa hefðu
lengi verið í umræðunni. „Þetta er
auðvitað ekkert nýtt og er hluti af
áralangri baráttu okkar fyrir fullu
jafnrétti,“ sagði Árni. „Á gleðigöng-
unni árið 2006 var til að mynda einn
hópur sem fylkti liði um slagorðið
„Hommar eru gæðablóð“ til að vekja
máls á málefnum samkynhneigðra
blóðgjafa.“
„Ég velti því fyrir
mér hvort ástæða
þess að samkynhneigðum
sé meinað að gefa blóð sé
í raun læknisfræðileg, eða
hvort rótin í þeirri reglu sé
ekki bara fordómar?
n Úlfari Logasyni var bannað að gefa blóð því hann er samkynhneigður n Ætlar að leita
réttar síns n Lögfræðingur segir þetta spurningu um jafnræðisreglu íslensks réttar
Björn Teitsson
blaðamaður skrifar bjorn@dv.is
Úlfar fyrir utan FG Honum var
meinað að gefa blóð í síðustu viku
vegna kynhneigðar sinnar.
MyNd RóbeRt ReyNissoN
Leitar réttar síns
vegna bLóðgjafar
„Maður er að bjarga alls konar greyj-
um sem fólk er að láta drepa eða
nennir ekki að eiga lengur. Ég er
búin að vera í þessu síðan ég flutti
hingað í bæinn,“ segir dýravinur í
Reykjanesbæ sem býr með þrettán
hundum og þremur köttum.
Konan, sem vill ekki koma fram
undir nafni, býr í einbýlishúsi með
kærasta sínum en þar eru þau hvort
með sína hæðina þar sem kærast-
inn er ekki mikið fyrir dýr. „Hann er
að vísu með einn kött, en honum er
ekkert vel við hunda. Þetta fyrir-
komulag gengur samt bara ágæt-
lega.“
Flestir hundarnir á heimilinu
eru af smáhundakyni og er sá elsti
tíu ára púðlutík. Margir af hundun-
um eru afkomendur púðlunnar, en
einnig er hún með labrador-hund og
nokkra blendinga sem hún tók að
sér eftir að eigendurnir höfðu reynt
að láta þá frá sér. Hún segir sam-
búðina ganga mjög vel enda sé mikil
rútina og regla á heimilinu.
„Við förum alltaf út fyrir bæinn
með þá og leyfum þeim að hlaupa
í svona klukkutíma. Síðan hleypi
ég þeim í þremur hollum út í garð
til að pissa og það fara alltaf sömu
hundarnir saman. Það fara síðan
alltaf sömu hundar saman inn í búr
og aftur í skott og svona. Þeir kunna
þetta allt saman og gegna mér í einu
og öllu svo þetta er ekkert mál.“
Það er ekki á dagskránni að fá
sér fleiri hunda í bráð segir hún, en
hugsanlega eftir einhver ár. „Þegar
þeir fara að týna tölunni vegna ald-
urs. Maður verður líklega alltaf með
hund. Eða hunda,“ bætir hún við og
hlær.
Hún vill hvetja fólk til að íhuga
vandlega hvort það sé reiðubúið til
að taka að sér hund áður en í það er
farið. „Það eru svo margir sem fá sér
hund og svo þegar þetta er ekkert
gaman lengur þá eru þeir bara látnir
fara. Maður skilur ekki svona fólk.
Þetta eru lifandi skepnur alveg eins
og við.“
hanna@dv.is
dýravinur í Reykjanesbæ:
Á 13 hunda
og 3 ketti