Dagblaðið Vísir - DV - 07.02.2011, Blaðsíða 19

Umræða | 19Mánudagur 7. febrúar 2011
Latté og sígó
í morgunmat
1 Bjarni fyrsta alvarlega ást Katrínar Bjarni Bjarnason
rithöfundur var fyrsta alvarlega ást
Katrínar Júlíusdóttur iðnaðarráð-
herra.
2 Vill vinna Sigmar Þóra Arnórs-dóttir á RÚV er tilnefnd til Edduverð-
launa eins og kollegi hennar, Sigmar
Guðmundsson.
3 Lottómiðinn Skopmynd Henrýs Þórs Baldurssonar af Árna Páli
Árnasyni og Þorsteini Baldvinssyni.
4 Platar vin sinn í sjómann Myndband sem sýnir tvo vini
taka sjómann með kostulegum
afleiðingum.
5 Frægðarmenni á Flateyri Búast má við margmenni þegar Flateyr-
ingar halda árlegt þorrablót sitt um
næstu helgi.
6 Steinþór tók sér 30 milljónir í arð Steinþór Jónsson hótelstjóri tók
sér veglegan arð í gegnum félagið
JWM.
7 Unglingur tekinn 15 sinnum á bíl Sextán ára piltur í Danmörku getur
ekki beðið eftir að fá bílpróf.
Árni Ólafur Ásgeirsson, leikstjóri
myndarinnar Brim, er tilnefndur til
Edduverðlaunanna fyrir bestu
leikstjórn. Myndin hans, Brim, er einnig
sú mynd sem tilnefnd er til flestra
verðlauna á hátíðinni.
Hver er maðurinn?
„Árni Ólafur Ásgeirsson og ég reyni að vera í
góðu skapi og í kringum gott fólk.“
Hvað heldur þér gangandi?
„Vinnan að stórum hluta, því mér finnst hún
virkilega skemmtileg, og svo náttúrulega
fjölskyldan. Ég á litla fjölskyldu en mjög
stóran vinahóp.“
Hvernig er dagur í lífi þínu?
„Þeir eru mjög mismunandi því að vinnan
er þess eðlis að maður er alltaf að kljást við
eitthvað nýtt. Þannig að týpískur dagur er
kannski ólíkur þeim sem á undan leið.“
Hvað borðar þú í morgunmat?
„Ég drekk kaffi latté og fæ mér sígarettu
með því, sem ég er reyndar að reyna að
hætta.“
Hver er uppáhaldskvikmyndin þín?
„Ég held að það sé One Flew Over the
Cuckoo’s Nest, eða Gaukshreiðrið. Hún er
búin að fylgja mér mjög lengi og ég horfi á
hana aftur og aftur. Þetta er sú mynd sem
ég leita svona oftast í.“
Hvað ertu með á prjónunum?
„Ég er að gera ýmislegt. Ég er að kenna uppi
í kvikmyndaskóla, ég er að leggja drög að
nýju handriti og ég vinn við sjónvarpsauglýs-
ingar. Svo er ég að fylgja Brimi eftir á hátíðir
erlendis.“
Hlakkar þú til Edduverðlaunanna?
„Já, já, að sjálfsögðu. Allir vinir mínir verða
þarna þannig að þetta verður svaka
skemmtilegt partí.“
Ætlarðu að vera tilbúinn með ræðu?
„Nei. Ég held ekki. Ég held að maður fái sér
bara bjór og voni það besta, að maður verði
valinn.“
„Já, ég ætla að ferðast innanlands en hef
ekki ákveðið neitt með utanlandsferðir.“
Agnar Kristjánsson
39 ára tölvumaður
„Ég verð búsettur í útlöndum en mun
eitthvað ferðast hér heima líka.“
Sigurgeir Örn Sigurðsson
43 ára kvikmyndagerðarmaður
„Ég fer út til að vera við útskrift tengdason-
arins.“
Jóhanna Hafliðadóttir
56 ára hjúkrunarfræðingur
„Nei, ég verð hér og að vinna í allt sumar.“
Anja Spheters
24 ára mastersnemi við HÍ
„Vonandi innanlands þar sem ég er nýkomin
að utan.“
Stefanía Erlingsdóttir
Starfsmaður í Bókabúð Máls og menningar
Mest lesið á dv.is Maður dagsins
Ætlar þú að ferðast innanlands eða utan í sumar?
Vetrarsport „Loksins! Loksins!“ hafa þessi börn ef til vill hugsað með sér þegar byrjaði að snjóa í
höfuðborginni. Þau nýttu alla vega snjóinn til að renna sér á sleða niður Arnarhól á sunnudaginn.
Mynd: Róbert Reynisson
Myndin
Dómstóll götunnar
Sjálfstæðismenn hafa haft undar-
lega hægt um sig undanfarið, og er
kannski ekki að undra. Í ársuppgjöri
því sem fylgdi áramótunum kom í ljós
að ríkisstjórnin hafði í kyrrþey staðið
sig betur í efnahagsmálum en flest-
ar spár sögðu til um. Og samkvæmt
skoðanakönnunum er meirihluti
þjóðarinnar hlynntur því að gengið
verði að nýjum Icesave-samningum.
Svo virtist því sem þeir hefðu misst öll
sín helstu vopn úr höndunum.
En þegar lítið heyrist úr Valhöll
er ljóst að verið er að leggja á ráðin.
Nú hefur hinn skórinn loks fallið, og
ljóst hver hernaðaráætlun sjálfstæðis-
manna er fyrir þetta árið. Rétt eins og
þeim tókst að kæfa mestalla umræðu
í fyrra með Icesave-málinu, munu
þeir nú reyna að láta allt snúast um
stjórnalagaþingið.
Auðveldasta lausnin
en ekki sú besta
Ný stjórnarskrá er vissulega málefni
sem vert er að ræða og umræða sem
öll þjóðin ætti að taka þátt í. Því mið-
ur er þetta ekki sú umræða sem nú
stefnir í. Þess í stað mun hún snúast
um stjórnalagaþingið sem slíkt, sem
er mun minna uppbyggileg umræða.
Ljóst er að sjálfstæðismenn voru frá
upphafi á móti þessu þingi. Kosn-
ingarnar um það virtust í raun alveg
fara framhjá flokknum, hin mikla
kosningamaskína Sjálfstæðisflokks-
ins var undarlega þögul. Afleiðingar
þess voru jú að kjósendur Sjálfstæð-
isflokksins vissu ekki hvað þeir áttu
að gera, og sátu heima.
Úr því sem komið er hlýtur besta
niðurstaðan að vera að kjósa aftur.
Það að umræðan um nýja stjórnar-
skrá falli niður vegna formgalla er
óhugsandi og mun láta okkur sem
nú lifum líta enn verr út í augum eft-
irtíðarinnar en við gerum þegar, eft-
ir efnahagshrun og stórfellda eyði-
leggingu umhverfisins. Auðveldasta
lausnin er að Alþingi einfaldlega til-
nefni þá sem munu sitja á þinginu
en sú leið kemur í raun ekki heldur
til greina. Þeir sem fá það mikla verk-
efni að rita nýja stjórnarskrá fyrir lýð-
veldið verða að vera hafnir yfir allan
vafa og sitja í umboði þjóðarinnar
allrar.
Niðurstaða næstu kosninga
Helsta lýti kosninganna var ekki
hvort kjörkössum var lokað með lás-
um eða límbandi, heldur hitt, hvað
fáir tóku þátt í að kjósa. Það stóð ekki
á frambjóðendum, enda buðu rúm-
lega 500 manns sig fram, en gall-
inn var að þeir höfðu lítið rými til að
kynna málstað sinn. Nýjar kosning-
ar munu leysa úr þessum göllum en
mun um leið búa til tvo nýja.
Nú þegar líklegt er að stjórnlaga-
þingið verði mál málanna mun um-
ræðan verða mun meiri og vænt-
anlega munu því mun fleiri kjósa í
næstu kosningum. Frambjóðendur
munu þá einnig hafa meira tóm til
að kynna skoðanir sínar. Vandinn
er hins vegar sá að þessar umræður
munu verða mun flokkspólitískari
í stað þess að snúa að grundvallar-
stoðum lýðveldisins sem allir eiga að
geta verið sammála um.
Nú þegar hefur afstaða til stjórna-
lagaþingsins mótast af flokksholl-
ustu. Ef kosið verður í annað sinn
munu sjálfstæðismenn líklega ekki
láta slíkt fram hjá sér fara aftur, held-
ur reyna að koma sínum mönnum
á þing. Markmiðið mun þá vera að
annaðhvort þvælast fyrir störfum
þingsins, eða þá að minnsta kosti að
koma í veg fyrir að það geti lagt til
neinar meiriháttar breytingar, eins
og varðandi eignarétt á auðlindum.
Trójuhestur sjálfstæðismanna
Ef þetta hljómar langsótt má benda
á að Skafti Harðarson virðist einmitt
slíkur trójuhestur. Hann var stjórn-
armaður í Heimdalli, ritstjóri Vöku-
blaðsins og einn stofnenda Félags
frjálshyggjumanna. Í Kastljósviðtali
kom fram að hann hafði litla trú á
stjórnlagaþinginu og vildi helst vilja
leggja það niður. En fyrst svo er, hvers
vegna bauð hann sig þá fram? Þetta
kom einnig í ljós í viðtalinu. Hefði
hann ekki verið í framboði hefði
hann ekki getað hafið þá málsókn
sem varð til þess að hnekkja þinginu.
Aðrar kosningar munu líklega, og
því miður, verða flokkspólitískar og
niðurstaðan því stjórnlagaþing sem
verður jafn klofið og óstarfhæft og Al-
þingi sjálft. Eigi að síður er varla ann-
að hægt í stöðunni úr því sem nú er
orðið. Lýðræðið verður að hafa sinn
gang. Rök á þann veg að slíkt sé of
dýrt eru varla þess virði að svara, því
með sömu rökum mætti afnema all-
ar kosningar yfirhöfuð. Þessar kosn-
ingar eru þó enn mikilvægari en al-
mennar alþingiskosningar. Hér er
verið að ræða um grundvallarspurn-
ingar þjóðfélagsins og þeim verður að
svara, hvað sem það kann að kosta.
Er lýðræðið of dýrt?
Kjallari
Valur
Gunnarsson
„Ef kosið verður í
annað sinn munu
sjálfstæðismenn líklega
ekki láta slíkt fram hjá sér
fara aftur, heldur reyna
að koma sínum mönnum
á þing.