Dagblaðið Vísir - DV - 11.04.2011, Blaðsíða 6

6 | Fréttir 11. apríl 2011 Mánudagur
Á fyrsta fundi þingflokks Vinstri
grænna eftir að Guðfríður Lilja Grét­
arsdóttir snéri aftur úr fæðingar­
orlofi var ákveðið að setja hana af
sem formann þingflokksins. Árni Þór
Sigurðsson, sem hefur gegnt starfi
þingflokksformanns VG í fjarveru
Guðfríðar Lilju, var kjörinn þing­
flokksformaður á fundinum. Ekki var
eining innan þingflokksins um þessa
ráðstöfun en Ögmundur Jónas son
var á meðal þeirra sem vildi halda
Guðfríði Lilju sem formanni en varð
undir að lokum í atkvæðagreiðslu
um málið. Ekki liggur nákvæmlega
fyrir hvers vegna hún var sett af sem
þingflokksformaður en ekki er úti­
lokað að það tengist andstöðu henn­
ar við forystu flokksins í Icesave­mál­
inu.
„Mér kemur á óvart að hreyf­
ing sem kennir sig við femínisma
og kvenfrelsi gangi fram með þess­
um hætti og setji af konu sem er að
koma úr fæðingarorlofi,“ sagði Guð­
fríður Lilja þegar hún var innt eftir
viðbrögðum við því að hún hafi verið
sett af sem formaður þingflokks VG.
Guðfríður Lilja og Ögmundur lýstu
því bæði yfir að þetta hafi komið
þeim á óvart. Ögmundur sagði jafn­
framt að þetta væri ekki í anda laga
um fæðingarorlof. „Þeir sem vildu
hafa þennan hátt á verða að svara
fyrir það, hvað fyrir þeim vakti,“ sagði
Ögmundur þegar hann var spurður
út í ástæður þess að Guðfríður Lilja
var sett af. Virðist því sem miklar um­
ræður eigi eftir að eiga sér stað inn­
an Vinstri grænna um málið á næst­
unni. Guðfríður Lilja vildi engu spá
fyrir um framhaldið en sagðist ætla
að sinna sínu starfi eftir sem áður af
trúmennsku. gudni@dv.is
Árni Þór Sigurðsson kjörinn þingflokksformaður Vinstri grænna:
Guðfríður sett af
„Þetta er ólýsanleg tilfinning. Ég
er ennþá að átta mig á þessu,“ seg­
ir Dagur Sigurðsson, tvítugur nemi
í Tækniskólanum í Reykjavík, að­
spurður hvernig tilfinning það væri
að standa uppi sem sigurvegari
Söngkeppni framhaldsskólanna.
Dagur kom sá og sigraði á laugar­
dagskvöld en keppnin var haldin fyr­
ir troðfullu húsi í Íþróttahöllinni á
Akureyri. Þar flutti Dagur bítlalagið
vinsæla Helter Skelter, sem í íslenskri
þýðingu Dags hét Vitskert vera.
Keppnin var spennandi og ljóst að
það leynast margir efnilegir söngvar­
ar í menntaskólum landsins.
Fagmaður
Dagur titlar sig sem fagmann í síma­
skránni og svo virðist sem það sé ekk­
ert grín þar sem enginn byrjandabrag­
ur var á flutningi hans. Hann tók þátt
í keppninni fyrir þremur árum og þá
fyrir hönd Fjölbrautaskólans í Ármúla.
Dagur lenti þá í þriðja sæti en mætti í
ár reynslunni ríkari.
Það var að ekki að sjá á Degi að
hann væri stressaður uppi á sviði fyrir
framan troðfullt íþróttahús af mennt­
skælingum. „Alls ekki,“ segir Dagur að­
spurður hvort að hann hafi fundið fyrir
taugatitringi áður enn hann steig upp
á svið. „Ég var alveg tilbúinn í þetta.
Mér líður best uppi á sviði, nýt mín í
botn,“ segir hann og hlær. Aðspurður
hvernig viðbrögð hann sé búinn að fá
eftir sigurinn segir Dagur: „Facebo­
ok­síðan mín logar og ég er búinn að
fá endalaust af alls konar skilaboðum.
Það eru allir mjög ánægðir með þetta.“
Draumur að taka upp
Dagur segir keppnina í gær hafa ver­
ið eina þá bestu frá upphafi. „Hún var
mögnuð. Frábærir keppendur og mjög
vel að öllu staðið. Stemningin á með­
al keppendanna var líka alveg frábær.
Allir þekktu alla og við vorum eins og
ein stór fjölskylda.“
Hvað lagavalið varðar og hvort að
Bítlarnir séu í uppáhaldi svarar hann
játandi. „Maður hatar ekki Bítlana,“
segir hann og bætir við „Ég fæddist að­
eins of seint. Uppáhaldshljómsveitin
mín er Led Zeppelin og ég er dálítið
fyrir þetta gamla rokk.“
Dagur er í grunnámi í upplýsinga­
og fjölmiðlafræði og stefnir á að gerast
grafískur miðlari í framtíðinni, það er
að segja, ef tónlistarferilinn verður ekki
ofan á. „Ég er búinn að syngja alveg frá
því að ég var um tíu ára gamall. Ég var
í hljómsveit þegar ég var yngri en núna
stefni ég á að fara að semja meira sjálf­
ur,“ segir Dagur um söngferil sinn fram
að þessu. „Næsta skref er að setja sam­
an nýja hljómsveit og fara að taka upp
eigið efni. Það er draumurinn.“
„Maður hatar
ekki Bítlana“
n Dagur Sigurðsson vann Söngkeppni framhaldsskólanna með frábærum
flutningi n Segist líða best uppi á sviði n Stefnir á að taka upp eigið efni
Hanna Ólafsdóttir
blaðamaður skrifar hanna@dv.is
„Næsta skref er að
setja saman nýja
hljómsveit og fara að
taka upp eigið efni.
Ekkert stress Dagur
Sigurðsson, sigurvegari
í Söngkeppni fram-
haldsskólanna, segist
njóta sín best uppi á
sviði. MynD StEFÁn ErlingSSon
Björgunarsveitir kallaðar út:
Víða tjón
vegna veður-
ofsans
Kalla þurfti út út allar björgunar­
sveitir á Suðurnesjum, á höfuð­
borgarsvæðinu og á Akranesi vegna
vonskuveðurs á sunnudag. Tugir
aðstoðarbeiðna bárust og voru á
annað hundrað björgunarsveitar­
menn að störfum á Suðvesturlandi.
Björgunarsveitarhópar fengust við
fjúkandi þakplötur og lausa muni en
einnig var eitthvað um að festa þyrfti
þakkanta sem losnuðu. Á Akranesi
fuku þakplötur af
bílskúr og brutu
rúður í nærliggj­
andi húsi. Þá var
nokkuð um að
ruslatunnur, grill,
bílkerrur, grind­
verk og lausir
munir væru á
ferð. Mikið drasl
fauk yfir Sandgerðisveg og olli veg­
farendum þó nokkrum vandræðum.
Samkvæmt lögreglunni á höfuð­
borgasvæðinu var eitthvað um að
trampólín og grill sem vorþyrstir
höfuðborgarbúar höfðu tekið fram
væru að fjúka. Tjón hefur orðið á
ökutækjum vegna foks og maður
meiddist lítillega þegar grindverk
fauk á hann á Skólavörðuholtinu.
Einnig þurftu farþegar í nokkrum
farþegaþotum að bíða af sér veðrið
og sitja sem fastast í vélunum á
Keflavíkurflugvelli.
Þá fóru tveir fólksbílar út af efst
á Holtavörðuheiði. Mjög hvasst var
á svæðinu og vont ferðaveður. Öku­
maður og farþegi úr öðrum bílnum
voru fluttir á heilsugæslustöðina í
Borgarnesi til aðhlynningar. Óhapp­
ið varð með þeim hætti að bíll fór
út af veginum og fólk sem ók þar á
eftir stoppaði til að að veita aðstoð.
Þá kom þriðji bíllinn og fór hann
út af og valt tvær veltur. Ökumaður
og farþegi í þeim bíl hlutu minni­
háttar meiðsl. Ekkert ferðaveður var
á flestum fjallvegum á vestanverðu
landinu sem og þar sem vindur stóð
af fjöllum.
Þakplötur losnuðu af húsi á horni
Bræðraborgarstígs og Vesturgötu á
sunnudagskvöld. Þá brotnaði stórt
tré á Túngötu.
nýkomin úr orlofi Guðfríður segir að það
komi henni á óvart að hún hafi verið sett af.