Dagblaðið Vísir - DV - 11.04.2011, Blaðsíða 25

Sport | 25Mánudagur 11. apríl 2011
Arsenal aftur á sigurbraut með 3–1 sigri á Blackpool:
Rúmur mánuður frá síðasta sigri
„Við höfðum fyrir þessum sigri og
verðskulduðum hann,“ sagði Robin
van Persie, framherji Arsenal, eftir
sigur liðsins á Blackpool í ensku úr-
valsdeildinni á sunnudaginn, 3–1.
Sigurinn var virkilega kærkominn
fyrir Arsenal því liðið hafði ekki unn-
ið leik í rúman mánuð eða allt frá því
það valtaði yfir Leyton Orient í bikar-
keppninni, 5–0, þann 3. mars. Síðan
þá hafði Arsenal ekki innbyrt sigur í
fjórum deildarleikjum í röð auk taps
gegn Barcelona í Meistaradeildinni
og gegn Manchester United í bikarn-
um.
Arsenal komst í 2–0 með mörk-
um í fyrri hálfleik frá Abou Diaby
og Emmanuel Eboue. Hefði Arsenal
auðveldlega getað skorað fleiri mörk.
Blackpool jafnaði metin snemma
í seinni hálfleik þar sem Jens Leh-
mann, sem stóð vaktina í markinu,
var heppinn að fjúka ekki út af. Hann
felldi framherja Blackpool sem var
sloppinn í gegn en var heppinn að
Gary-Taylor Fletcher var mættur til
að rúlla boltanum yfir línuna og var
því hagnaðurinn látinn gilda. Rob-
in van Persie bætti við marki fyrir
Arsenal en Blackpool var rænt aug-
ljósri vítaspyrnu áður en það gerðist.
„Við trúum því að við getum unn-
ið alla leikina sjö sem við eigum eftir.
Það er okkar að sanna hvers megn-
ugir við erum. Við erum með frábært
lið og nú ætlum við að sýna það,“
sagði Persie sem skoraði sitt tíunda
mark í tólf leikjum í leiknum.
Hinn litríki Jens Lehmann varði
mark Arsenal í fyrsta skipti eftir end-
urkomuna og var ánægður með leik-
inn. „Núna erum við komnir aftur
í baráttuna. Ég veit samt ekki hvort
þetta var víti og rautt á mig. Þessi
regla er alltaf að breytast. Ég er bara
ánægður með sigurinn og ef þetta er
minn síðasti á ferlinum er ég ánægð-
ur að við unnum,“ sagði Jens Leh-
mann.
tomas@dv.is
Úrslit
Enska úrvalsdeildin
Úlfarnir - Everton 0-3
0-1 Jermaine Beckford (20.), 0-2 Phil Neville
(39.), 0-3 Diniyar Bilyaletdinov (44.).
Blackburn - Birmingham 1-1
0-1 Lee Bowyer (31.), 1-1 David Hoilett (45.).
Bolton - West Ham 3-0
1-0 Daniel Sturridge (13.), 2-0 Chung-Yong
Lee (20.), 3-0 Daniel Sturridge (50.).
Chelsea - Wigan 1-0
1-0 Florent Malouda (67.).
Man. Utd - Fulham 2-0
1-0 Dimitar Berbatov (12.), 2-0 Antonio
Valencia (32.)
Sunderland - WBA 2-3
1-0 Nicky Shorey (9. sm), 1-1 Peter
Odemwingie (28.), 2-1 Phillip Bardsley
(31.), 2-2 Youssouf Mulunbu (53.), 2-3 Paul
Scharner (71.).
Tottenham - Stoke 3-2
1-0 Peter Crouch (11.), 2-0 Luka Modric (18.),
2-1 Matthew Etherington (26.), 3-1 Peter
Crouch (33.), 3-2 Kenwyne Jones (41.).
Blackpool - Arsenal 1-3
0-1 Abou Diaby (17.), 0-2 Emmanuel Eboue
(20.) 1-2 Gary-Taylor Fletcher (52.), 1-3 Robin
van Persie (76.).
Aston Villa - Newcastle 1-0
1-0 James Collins (24.).
STAÐAN
Lið L U J T M St
1 Man. Utd 32 20 9 3 70:32 69
2 Arsenal 31 18 8 5 62:30 62
3 Chelsea 31 17 7 7 55:25 58
4 Man. City 31 16 8 7 50:27 56
5 Tottenham 31 14 11 6 44:36 53
6 Liverpool 31 13 6 12 42:38 45
7 Everton 32 10 14 8 45:41 44
8 Bolton 32 11 10 11 46:43 43
9 Newcastle 32 10 9 13 48:47 39
10 WBA 32 10 9 13 46:59 39
11 Fulham 32 8 14 10 36:35 38
12 Stoke City 32 11 5 16 39:42 38
13 Sunderland 32 9 11 12 35:45 38
14 Aston Villa 32 9 10 13 40:53 37
15 Blackburn 32 9 8 15 40:52 35
16 Birmingham 31 7 14 10 31:43 35
17 Blackpool 32 9 6 17 46:66 33
18 West Ham 32 7 11 14 38:56 32
19 Wolves 32 9 5 18 36:56 32
20 Wigan 32 6 13 13 29:52 31
Barnsley - Bristol City 4-2
Derby - Coventry 2-2
Aron Einar Gunnarsson spilaði allan leikinn
fyrir Coventry og skoraði fyrsta mark
leiksins.
Doncaster - Cardiff 1-3
Ipswich - Crystal Palace 2-1
Leicester - Burnley 4-0
Millwall - Leeds 3-2
Nott. Forest - Reading 3-4
Ívar Ingimarsson spilaði allan leikinn fyrir
Reading en Brynjar Björn Gunnarsson var
ekki í leikmannahópnum.
Portsmouth - Preston 1-1
Hermann Hreiðarsson stóð vaktina vörn
Portsmouth allan leikinn.
Scunthorpe - QPR 4-1
Heiðar Helguson var ekki í leikmannahópi
QPR.
Sheff. United - Middlesbrough 1-2
Watford - Hull 1-2
Swansea - Norwich 3-0
STAÐAN
Lið L U J T M St
1. QPR 40 22 13 5 64:27 79
2. Norwich 40 19 13 8 68:50 70
3. Cardiff 40 20 9 11 67:48 69
4. Swansea 40 21 6 13 57:38 69
5. Reading 40 17 15 8 68:46 66
6. Leeds 40 17 13 10 75:64 64
7. Millwall 40 16 12 12 55:42 60
8. Nottingham F. 40 15 15 10 52:43 60
9. Leicester 40 17 8 15 63:59 59
10. Hull 40 15 14 11 44:40 59
11. Burnley 39 15 12 12 54:52 57
12. Watford 40 15 11 14 69:58 56
13. Ipswich 40 16 7 17 52:51 55
14. Portsmouth 40 15 10 15 51:51 55
15. Bristol City 40 15 8 17 53:58 53
16. Barnsley 40 13 11 16 49:59 50
17. Middlesbro 39 13 9 17 51:58 48
18. Coventry 40 12 10 18 45:52 46
19. Derby 40 12 9 19 51:59 45
20. Doncaster 40 11 11 18 50:71 44
21. Cr. Palace 40 11 9 20 40:62 42
22. Scunthorpe 40 11 4 25 37:75 37
23. Preston 40 8 11 21 46:69 35
24. Sheffield Utd 40 9 8 23 35:64 35
Baráttan Arsenal og Blackpool gáfu allt í leikinn á Bloomfield. MYND REUTERS
„Þetta hefur kannski verið of þægi-
legur tími,“ segir Teitur Örlygsson,
þjálfari körfuknattleiksliðs Stjörn-
unnar, um þann tíma sem Stjarnan
hefði getað hvílt sig á meðan KR klár-
aði sitt frábæra einvígi gegn Keflavík
í undanúrslitum Iceland Express-
deildarinnar. KR og Stjarnan hefja
leik í kvöld, mánudag, í úrslitarimm-
unni sjálfri en þetta er í fyrsta skiptið
í sögunni sem Stjarnan leikur til úr-
slita. „Sagan segir að það sé slæmt
að bíða svona lengi. Það sé betra að
koma beint úr hörkunni og halda
áfram. En það verður bara áskorun
fyrir okkur að mæta tilbúnir í rimm-
una,“ segir Teitur sem getur hald-
ið áfram að skrifa söguna í Garða-
bænum á næstu vikum er Stjarnan
berst við Vesturbæjarstórveldið í úr-
slitarimmunni.
Reynum að ná okkur niður á
jörðina
„Ég held að við séum bara ágætlega
tilbúnir í þessa rimmu,“ segir Teitur.
„Við höfum verið að æfa vel að und-
anförnu en einnig reynt taka því ró-
lega og koma okkur niður á jörðina.
Við höfum horft á leiki KR og Kefla-
víkur í leik gegn hvort öðru og hvort
í sínu lagi. Það kemur samt ekki í ljós
hvernig við erum stemmdir fyrir enn
á gólfið verður komið,“ segir Teitur,
en hvar liggja helstu styrkleikar KR
að hans mati?
„Þeir eru ofboðslega hraðir og
skora mikið af stigum úr hröðum
sóknum. Svo hika þeir ekki held-
ur við að taka þriggja stiga skot. Við
þurfum því að vera frekar fljótir til
baka. Ég held að það verði mikið
lykil atriði fyrir okkur. En við höfum
verið að fara yfir hvað þeir hafa ver-
ið að gera gegn Keflavík og reynt að
læra af því,“ segir Teitur.
Stjarnan hefur aldrei spilað til
úrslita áður og fáir í liðinu þekkja
svona mikilvæga leiki. „Við þurfum
að passa að enginn sé orðinn saddur.
Við viljum ekki líta kjánalega út. Við
munum láta þá hafa fyrir þessu og
gefa þeim alvöru leiki. Umgjörðin í
kringum úrslitin er alltaf svolítið sér-
stök og auðvitað væru allir körfu-
boltamenn á landinu til í að vera þar
sem við erum núna. Við þurfum bara
að halda í sjálfstraustið sem var í lið-
inu gegn Snæfelli og reyna að kalla
fram það besta hjá okkur,“ segir Teit-
ur Örlygsson.
Hefur engar áhyggjur af Teiti
Hrafn Kristjánsson, þjálfari KR, er
eins og Teitur í fyrsta skipti að þjálfa
lið í úrslitarimmu þrátt fyrir að Teit-
ur hafi oft verið þar sem leikmaður.
Hrafn var pollslakur og léttur í lund
þegar DV náði tali af honum í gær
er hann var að fara yfir oddaleikinn
gegn Keflavík. Hann gat ómögulega
metið hvort væri betra að hafa verið
í hvíld eða að klára eins magnaða
rimmu og KR var í gegn Keflavík.
„Við erum alla vega hrifnir af því
að hafa verið að spila hörkuleiki.
Það var fínt að fá þarna fimm leikja
einvígi því það sparar manni að-
lögunarferli í úrslitunum. Við fór-
um nú þarna í tvö sjúkrapróf gegn
svæðisvörninni og náðum því með
stæl í seinna skiptið,“ segir Hrafn en
hvar metur hann helstu styrkleika
Garðbæinga?
„Styrkleiki þeirra liggur helst í
uppsettum leik á hálfum velli. Þegar
þeir fá að stilla upp og leita að sín-
um bestu skorurum eru þeir erfiðir.
Við viljum því velja hvar og hverjir
taka skotin þeirra. Það má samt ekki
gleyma að þetta Stjörnulið er mjög
gott og ekkert minna er lagt í það en
KR-liðið. Í Stjörnunni eru þrír leik-
menn sem koma gagngert hingað
til lands til að spila körfubolta sem
atvinnumenn og í kringum þá eru
flottir íslenskir strákar,“ segir Hrafn.
Teitur Örlygsson, þjálfari Stjörn-
unnar, fór mikinn í undanúrslita
viðureigninni gegn Snæfelli og hik-
aði ekki við að blanda sér í barátt-
una. Hrafn þykir nú öllu rólegri á
hliðarlínunni. „Ég hef litlar áhyggj-
ur af Teiti. Við erum fínir félagar.
Hann er ótrúlegur keppnismað-
ur en mér getur líka alveg hitnað í
hamsi sko. Við munum samt bara
takast í hendur um leið og leikurinn
er búinn. Frekar vil ég brynja mína
menn þegar inn í návígið er kom-
ið. Það hefur gerst í leikjum gegn
Stjörnunni að snertingar hafa verið
meiri en gerist og gengur. Við mun-
um mæta af hörku en ég vil frekar að
menn spili körfubolta,“ segir Hrafn
Kristjánsson.
n Úrslitarimma KR og Stjörnunnar hefst
í kvöld n Stjarnan hefur verið í góðri
hvíld og fylgst grannt með KR n Enginn
ómeiddur en allir klárir í Vesturbænum
„Viljum ekki líta
kjánalega út“
Tómas Þór Þórðarson
blaðamaður skrifar tomas@dv.is
Veislan hefst í kvöld KR og Stjarnan leika fyrsta leikinn í úrslitarimmunni í DHL-höllinni í
kvöld. MYND SIGTRYGGUR ARI JÓHANNSSON.