Dagblaðið Vísir - DV - 28.03.2012, Blaðsíða 8
8 Fréttir 28.mars 2012 Miðvikudagur
Ákærður fyrir flöskuárás:
Ekki nógu
mörg vitni
Héraðsdómur Suðurlands hefur
sýknað karlmann af ákæru þess
efnis að hafa slegið annan mann í
höfuðið með flösku. Atvikið átti sér
stað á skemmtistaðnum Hvíta hús-
inu á Selfossi þann 17. október 2010
en fórnarlambið hlaut þriggja til
fjögurra sentimetra skurð á vinstra
gagnauga við árásina.
Sagði fórnarlambið að hann
hefði hitt kunningja sinn á dansgólfi
staðarins og þeir hafi heilsast. Hann
hefði tekið „í góðu um vangann á
ákærða og þá óvart farið með fing-
ur“ í munn hans. Hafi maðurinn þá
slegið sig með glerflösku í höfuðið.
Vitni sem kom fyrir dóminn
sagði að hún hefði séð meintan
árásarmann á dansgólfinu með
flösku í hönd. Hún hafi hins vegar
litið undan í skamma stund og næst
séð fórnarlambið á dansgólfinu þar
sem það hélt um höfuð sér. Árásar-
maðurinn hafi ekki verið lengur
með flöskuna. Önnur vitni sem
komu fyrir dóminn sáu atvikið ekki.
Taldi Sigurður G. Gíslason hér-
aðsdómari að óvarlegt ætti að telja
sannað, gegn neitun meints árásar-
manns, svo hafið væri yfir skyn-
samlegan vafa, að hann hafi gerst
sekur um þá háttsemi sem lýst var í
ákærunni. Bar því að sýkna meintan
árásarmann. Sakarkostnaður máls-
ins, 288 þúsund krónur, greiðist úr
ríkissjóði.
Dæmdir fyrir dópmisferli:
Ræktuðu
kannabis
Héraðsdómur Reykjavíkur hefur
dæmt tvo karlmenn um þrítugt í
fangelsi fyrir fíkniefnabrot. Menn-
irnir voru báðir ákærðir fyrir að
hafa haft í vörslu sinni 72 grömm af
kannabisstönglum, 202 kannabis-
plöntur og 4,8 grömm af marijúana.
Lögregla fann efnin við leit í húsi
í Breiðholti en samkvæmt ákæru
voru efnin að hluta ætluð til sölu
og dreifingar. Annar mannanna
var auk þess ákærður fyrir að hafa
í vörslu sinni 159 grömm af mari-
júana. Sá var dæmdur í sjö mánaða
fangelsi en dómurinn er skilorðs-
bundinn til tveggja ára. Hinn mað-
urinn var dæmdur í sex mánaða
fangelsi og er dómurinn einnig skil-
orðsbundinn til tveggja ára. Menn-
irnir, sem fæddir eru 1980 og 1982,
játuðu báðir sök í málinu en þeir
hafa áður gerst brotlegir við lög hér
á landi. Fíkniefnin sem lögregla
lagði hald á voru gerð upptæk og
auk þess fimm gróðurhúsalampar,
tvær viftur og einn filter í kolasíu
sem lögregla lagði hald á við rann-
sókn málsins.
S
prengjan sem sprakk við
Stjórnarráðið þann 31. janú-
ar síðastliðinn varð til þess
að lífverðir fylgja nú Jóhönnu
Sigurðardóttur forsætisráð-
herra. Þetta herma heimildir DV.
Eftir því hefur verið tekið undan-
farið að lífverðir fylgja þremur ráð-
herrum í störfum sínum; Jóhönnu,
Steingrími J. Sigfússyni og Ögmundi
Jónassyni. Ólíkar ástæður eru fyrir
því að lífverðir fylgja þessum þremur
ráðherrum en samkvæmt heimild-
um DV hefur viðbúnaðarstig vegna
öryggis æðstu embættismanna þjóð-
arinnar verið eflt eftir árásina.
Heimildir DV herma að ástæða
þess að Ögmundur Jónasson, yfir-
maður dómsmála, og Steingrím-
ur J. Sigfússon, formaður Vinstri
grænna og fjármálaráðherra, hafa
fylgd öryggisvarða tengist þeirri
staðreynd að nokkrir meðlimir sam-
takanna Hells Angels sitja á bak við
lás og slá auk þess sem fyrirhugað er
að veita lögreglunni heimild til for-
virkra rannsóknarheimilda. Hótanir
hafa borist frá mönnum sem tengj-
ast þeim sem sitja inni. Eftir því sem
DV kemst næst er um að ræða afar
grófar hótanir um líkamsmeiðingar.
Viðbúnaðurinn ber vott um að hót-
anirnar séu teknar mjög alvarlega.
Neyðarlegt atvik
Samkvæmt upplýsingum DV inn-
an úr stjórnkerfinu voru sérsveitin
og ríkislögreglustjóri gagnrýnd
harðlega fyrir hæg viðbrögð þeg-
ar sprengjan sprakk fyrir utan
Stjórnar ráðið. Sprengjan sprakk á
sjöunda tímanum en það var ekki
fyrr en á ellefta tímanum sem leifar
sprengjunnar voru sprengdar og
fjarlægðar. Ekki hafi bætt úr skák
þegar í helgarviðtali í DV kom fram
að sprengjumaðurinn, hinn sjötugi
S. Valentínus Vagnsson, hafði ætl-
að að koma sprengjunni fyrir við
heimili forsætisráðherra. „Hún átti
að fara til Jóhönnu en ég fann ekki
hvar hún á heima,“ sagði hann við
DV. Samkvæmt upplýsingum DV
var í kjölfarið farið yfir öryggismál
æðstu ráðamanna og áhersla lögð
á að þetta mætti aldrei gerast aftur.
Atvikið hafi verið afar neyðarlegt
fyrir lögregluyfirvöld. Ákveðið hafi
verið að efla viðbúnaðarstigið og
herða vinnureglur um öryggi emb-
ættismanna. Ekki náðist í ríkislög-
reglustjóra við vinnslu fréttarinnar
en embættið hefur engar upplýs-
ingar veitt um viðbúnað eða hót-
anir. Sjálfir hafa ráðherrarnir ekkert
viljað tjá sig um fylgdina.
Ráðist að heimili ráðherra
Viðskiptablaðið greindi frá því fyrir
skemmstu að heimilis Steingríms J.
Sigfússonar væri gætt allan sólar-
hringinn. Ekki er útilokað að sam-
bærileg vakt sé við hús hinna ráð-
herranna sem um ræðir. Skemmst
er að minnast þess að í maí í fyrra
var ráðist að heimili Ögmundar Jón-
assonar um miðja nótt. Grjóthnull-
ungi var kastað í gegnum rúðu á
heimili hans með þeim afleiðing-
um að glerbrotum rigndi yfir ráð-
herrann og eiginkonu hans. Þau
sakaði ekki.
Fáheyrt er að ráðist sé að heim-
ilum ráðherra með þessum hætti en
þó eru dæmi þess að sótt hafi verið
að ráðherrum. Þau atvik hafa tengst
skipulögðum mótmælum og eru allt
annars eðlis en árásin á heimili Ög-
mundar. Sem dæmi um þetta má
nefna þegar Geir Haarde, þáverandi
forsætisráðherra, var umkringdur í
bíl sínum við Stjórnarráðið og rúður
barðar að utan.
Þá eru einnig nýleg dæmi um
að ráðherrum hafi verið hótað of-
beldi. Þannig skrifaði verkfræðing-
urinn og vísindakennarinn Loftur
Altice Þorsteinsson athugasemd
við bloggfærslu þar sem hann lagði
til að menn kynntu sér hvernig Be-
nito Mussolini var meðhöndlað-
ur og hengdur upp á löppunum.
„Myndi Jóhanna ekki taka sig ámóta
vel út? Nicolae Ceausescu er sérstök
fyrirmynd Svika-Móra. Væri ekki
við hæfi að þeir fóstbræður fengju
sömu brottför úr Jarðvistinni?“ skrif-
aði hann.
„Viðbúnaðurinn ber
vott um að hót-
anirnar séu teknar mjög
alvarlega.
n Auka öryggi eftir sprengjutilræði og hótanir tengdar Vítisenglum
AlvArlegAr hótAnir
Ólík nálgun við ógnir
n Grundvallarverkefni hvers ríkis er að
gæta öryggi borgaranna. Þjóðir heimsins
hafa brugðist með ólíkum hætti við að-
steðjandi ógn. Þó atburðir á Íslandi verði
ekki bornir saman við hryðjuverkaárásina
á Bandaríkin árið 2001 eða voðaverkin
sem framin voru í Útey í Noregi í fyrra
er athyglisvert að skoða mismunandi
viðbrögð stjórnvalda. Fyrsta verk Jens
Stoltenberg, forsætisráðherra Noregs,
eftir voðaverkin í Útey var að lýsa því yfir
að voðaverkunum yrði mætt með auknu
lýðræði. Norðmenn myndu ekki verja
sig, og sýna þannig að þeir óttist ekki
ofbeldismenn. Bandaríkjamenn tóku
gjörólíkan pól í hæðina eftir árásirnar 11.
september 2001. Viðbúnaður var hertur
til muna á öllum stöðum, til dæmis á
flugvöllum og öðrum fjölförnum stöðum.
Því hefur verið haldið fram að heimurinn,
í það minnsta frá sjónarhóli Bandaríkja-
manna, hafi breyst við árásina.
n Ýmsir fræðimenn og þjóðfélagsrýnar
hafa rætt um þessa tilhneigingu. Naomi
Wolf hefur bent á að frelsi borgaranna sé
iðulega skert í þágu öryggis. Hann hefur
bent á að að Bandaríkin hafi færst í átt til
fasisma eftir árásirnar. Annar, pró-
fessorinn Richard Sennett, sagði eitt sinn:
„Samfélög sem búa við frelsi og lýðræði
koma sér iðulega í þær þversagnarkenndu
aðstæður að nota kúgandi meðul til að
bæla niður sundrung og upplausn í þeim
tilgangi að „bjarga“ lýðræðinu.“
Við Stjórnarráðið
Samkvæmt heimildum DV
innan úr stjórnkerfinu þótti
atvikið neyðarlegt fyrir
ríkislögreglustjóra, sem
endurskoðaði starfsreglur
eftir atvikið. MyND SigtRygguR aRi
Fullur á hesti
Karl á þrítugsaldri féll af hest-
baki á höfuðborgarsvæðinu um
helgina og var fluttur á slysadeild
til aðhlynningar. Ekki er vitað
frekar um meiðsli hans né heldur
um tildrög óhappsins. Þó má ætla
að ástandi mannsins, sem var
dauðadrukkinn, hafi ef til vill verið
um að kenna. Hestamaðurinn var
mjög viðskotaillur þegar átti að
koma honum til hjálpar og þurfti
að beita valdi til að koma knap-
anum á slysadeild. Hesturinn var
færður aftur í hesthúsið.
Sprengjuhótun Tilræðismaðurinn við
Stjórnarráðið ætlaði að koma sprengjunni
fyrir við heimili Jóhönnu.
Fær vernd Ástæða þess að Steingrímur
fær vernd er talin tengjast því að nokkrir
meðlimir Hells Angels sitja í fangelsi.
Ógnað Ögmundur fær vernd af sömu
ástæðu og Steingrímur. Auk þess var grjót-
hnullingi kastað í rúðu á heimili Ögmundar.