Dagblaðið Vísir - DV - 28.03.2012, Blaðsíða 18

E
ld
sn
ey
ti Bensín Dísilolía
Algengt verð 266,5 kr. 266,4 kr.
Algengt verð 262,3 kr. 263,2 kr.
Algengt verð 262,2 kr. 263,1 kr.
Algengt verð 266,5 kr. 267,4 kr.
Algengt verð 268,7 kr. 266,4 kr.
Höfuðborgarsv. 266,3 kr. 266,2 kr.
18 Neytendur 28. mars 2012 Miðvikudagur
Last varð
að lofi
n Lofið fær 10-11 en viðskiptavin-
ur sendi eftirfarandi;: „Ég keypti
tómata, gúrku og papriku í 10-
11 en grænmetið var allt ann-
aðhvort myglað eða með
frostskemmdir. Allt græn-
metið var nýtt og raunar
ekki þroskað. Augljóst var
að matvaran hafi
ekki verið geymd við
réttar aðstæður og
hitasveiflur miklar.
Mér fannst þetta ekki
til fyrirmyndar, sér í
lagi þar sem þetta er ekki
ódýrasta verslun landsins og borg-
aði ég um 1.500 krónur yfir þetta.
Þetta hljómar ekki vel en það sem
ég vil lofa eru viðbrögðin sem ég
fékk þegar ég hafði sent tölvupóst
til þeirra. Þeir brugðust strax við en
ég fékk símtal með afsökunarbeiðni
og var spurður hvaða 10-11 búð
væri næst mér og ég beðinn um að
líta við næst þegar ég hefði færi á og
pikka upp gjafakörfu. Best var samt
að það var ekkert vesen og mér var
bara þakkað fyrir ábendinguna.“
Smakkaðist
ekki vel
n Lastið fær Kex Hostel. „Við héld-
um „reunion“ þar. Salurinn var fínn
og öðruvísi stemning, en matur-
inn var ekki góður. Við borguðum
5.500 krónur fyrir 6 rétta máltíð án
drykkja en þetta voru engar 6 mál-
tíðir. Forréttirnir sam-
anstóðu af eintómum
skinkusneiðum og
ólífum á diski. Aðal-
rétturinn var lamba-
steik í potti og kart-
öflumús blönduð súpukjöti.
Með þessu var engin sósa
og ekkert salat og eftir-
rétturinn var ódýr súkkul-
aðimús. Við vorum öll gapandi yfir
þessu. Því miður smakkaðist þetta
ekki vel fyrir þennan pening“.
Aðstandendur Kex Hostel vildu
ekki veita viðbrögð við lastinu
þegar DV hafði samband.
SENDIÐ LOF EÐA LAST Á NEYTENDUR@DV.IS
Lof&Last
V
ið bjóðum upp á allar
H&M-vörurnar frá
versluninni í Bretlandi á
vefsíðunni okkar en verðin
þar eru öll með sköttum og
aðflutningsgjöldum,“ segir Ívar Rafn
Þórarinsson sem rekur síðuna outfit.
is ásamt Pétri Karli Ingólfssyni. Síðan
er þó hliðarverkefni þeirra því Ívar
forritar og vinnur á auglýsingastofu
en Pétur Karl er nemi í tölvunarfræði
við HÍ.
H&M vinsælust
Íslendingar eru hrifnir af H&M-
búðunum og hafa lengi beðið eftir
að ein slík verði opnuð hér á landi.
Í nóvember síðastliðnum var greint
frá því á Bylgjunni að mikil aukn-
ing hefði verið í kortaviðskiptum
Íslendinga erlendis. Bergsveinn
Sampsted, sem situr í framkvæmda-
stjórn Valitor, skoðaði notkunina og
komst að því að H&M væri önnur af
vinsælustu búðunum þegar kæmi
að kortaviðskiptum Íslendinga.
Íslendingar hrifnir af H&M
Ívar undrast af hverju H&M hafi
ekki enn opnað verslun hér á landi.
„Þetta er búið að vera svo mikið í
umræðunni og mikil eftirvænting hjá
Íslendingum að fá búðina hingað.
Þeir hjá H&M tala um að það sé svo
mikill kostnaður við að opna búð
hér og lítill markaður. Þeir vilji því
einbeita sér að öðrum mörkuðum.
Þeir vita greinilega ekki hve hrifin við
erum af þessum fötum hér á landi,“
segir hann.
Varan kemur heim að dyrum
Þeir félagar gripu því tækifærið
og stofnuðu síðuna til að aðstoða
Íslendinga við að kaupa föt frá
versluninni og flytja þau heim. „Það
sem við bjóðum upp á er að öll
verð sem gefin eru upp á síðunni
okkar eru með aðflutningskostnað,
sendingarkostnað, toll, og svo
framvegis, innifalinn. Fólk þarf því
ekki að reikna neitt út, velur sér bara
vöru og setur í körfuna. Svo má greiða
með kreditkorti eða millifærslu. Það
líða svo 2 til 3 vikur þar til varan er
komin heim að dyrum.“ Ívar segir
að outfit.is sé með samning við
DHL sem sér um að tollaafgreiða
vörurnar. Fólk þurfi því ekki að hugsa
um neitt slíkt.
Stórar pantanir
Ívar segir að þeir taki 20 prósent
fyrir þjónustuna en það sé fyrir
rekstrarkostnaði. „Við þurfum
einnig að greiða prósentur út til
aðila sem sér um að taka á móti
vörunum og áframsenda svo til
Íslands. H&M sendir nefnilega ekki
beint til Íslands svo það þarf að fara
þessar krókaleiðir til að fá vörurnar
hingað heim til Íslands. Það er því
kostnaður í því.“
Aðspurður hvort það borgi sig
fyrir fólk að fara þessa leið til að
kaupa sér föt segir hann svo vera.
„Það eru margar vörur þarna sem
eru mjög ódýrar en aðrar ekki.
Auðvitað er alltaf hægt að finna
ódýrar vörur hér heima líka. Það
sem við höfum fram yfir að fólk
sjái um að panta sjálft á netinu er
að við leggjum fram stórar pantanir
í einum og getum því haldið
sendingarkostnaðinum niðri.
Þannig getum við boðið vörurnar á
lægra verði.“
Betra kerfi
Ívar og Pétur hafa áður haldið úti síðu
sem sá um að koma H&M-fötum til
Íslendinga sem gekk vel. Ívar segir að
það hafi þó verið vesen með kerfið sem
var lélegt. „Það virkaði ekki nógu vel
en það var erfitt fyrir okkur að fylgjast
með, til dæmis ef varan var ekki til.
Nú erum við komnir með miklu betra
kerfi og ákváðum því að byrja með
H&M aftur.“ Þeir félagar eru ekki með
umboð fyrir H&M þar sem það er ekki
nauðsynlegt og því gæti hver sem er
tekið þetta að sér. „Svo lengi sem varan
er seld innan EES getum við séð um að
kaupa hana og flytja hana inn.“
n Ný síða gerir Íslendingum kleift að panta föt úr H&M beint að dyrum
H&M heim að dyrum
„Það líða svo 2 til 3
vikur þar til varan
er komin heim að dyrum.“
Gunnhildur Steinarsdóttir
blaðamaður skrifar gunnhildur@dv.is
Aðstoða Ívar er annar stofnenda outfit.is
Enn engin erfðabreytt matvæli merkt
n Nýjar reglur tóku gildi um áramótin
R
eglur um merkingar á
erfðabreyttum matvælum gengu
í gildi um síðustu áramót og nú
er óheimilt að selja slík matvæli
án þess að þess sé getið á umbúðum
að þau séu erfðabreytt. Sé um samsett
matvæli að ræða verður að upplýsa um
það að ef erfðabreytt hráefni eru meira
en 0,9 prósent af vörunni.
Um þetta er rætt á heimasíðu
Neytendasamtakanna en þar segir
að samtökin hafi fengið mörg erindi
vegna þessa. Neytendur séu hissa á því
að enn séu engin matvæli merkt sem
erfðabreytt og velti því fyrir sér hvort
nýju reglurnar hafi ekki tekið gildi.
Samtökin svara þessu og segja að
reglur um merkingar á erfðabreyttum
matvælum hafi vissulega tekið gildi
um áramótin og að Matvælastofnun
og heilbrigðiseftirlit sveitarfélaga hafi,
lögum samkvæmt, eftirlit með því að
reglunum sé fylgt. Á síðunni segir að
samtökin ætlist til að eftirlitið tryggi
að birgjar og verslanir fari að settum
reglum þannig að valfrelsi neytenda
sé tryggt.
Skilgreiningu á erfðabreyttum
matvælum má finna á Vísindavefnum
en þar segir að slík matvæli séu
framleidd úr lífverum, sem breytt hafi
verið lítillega með utanaðkomandi
erfðaefni. Mikill meirihluti þeirra
séu nytjaplöntur og afurðir þeirra.
Erfðabreytingarnar hafi einkum
beinst að aukinni framleiðslu með
því að gera plönturnar ónæmar fyrir
skordýrum og illgresiseyðandi efnum.
Mest er framleitt af erfðabreyttum
sojabaunum, maís, olíufræjum,
kartöflum og tómötum auk baðmullar
og tóbaks. Kartöflur Algengt er að sojabaunum, maís, olíufræjum, kartöflum og tómötum sé erfðabreytt.
Litir í sumar Bolir í öllum litum verða
greinilega vinsælir hjá yngri kynslóðinni í
sumar. Að minnsta kosti ef marka má þessa
mynd af vef H&M.
Sumartískann Þessi blússa kostar sem samsvarar 3.100 krónum á vef H&M. Eitthvað bætist þó við verðið við að senda hana til Íslands.
Smart í sumar Strákarnir geta fundið
margt við sitt hæfi á vef H&M.