Dagblaðið Vísir - DV - 17.12.2012, Blaðsíða 20

20 Fréttir 17. desember 2012 Mánudagur
Karim Benzema bestur annað árið í röð
n Einvalalið velur besta knattspyrnumann Frakklands
Þ
að er sóknarmaður Real
Madrid, Karim Benzema,
sem hlýtur heiðurinn besti
knattspyrnumaður Frakk­
lands árið 2012 samkvæmt úr­
skurði dómnefndar France Foot­
ball, en tilkynnt var um valið um
helgina.
Allir geta tekið þátt í valinu en
sérstök dómnefnd velur svo þá
sem flest atkvæðin fá frá almenn­
ingi. Engir aukvisar eru nefndar­
menn þar á bæ heldur skipa dóm­
nefndina Michel Platini, Zinedine
Zidane, Laurent Blanc og Lillian
Thuram, svo einhverjir séu nefndir.
Benzema fékk samtals 109
atkvæði en næstur honum kom
Franck Ribery með 101 atkvæði.
Hugo Lloris, markvörður Totten­
ham, varð þriðji og Olivier Giraud
hjá Arsenal fjórði.
Valið kemur kannski spánskt
fyrir sjónir enda ekki svo langt
síðan Benzema komst varla í byrj­
unarlið Real Madrid. Ekki hefur
hann beint blómstrað í framlínu
liðsins í vetur og aðeins skorað átta
mörk í 22 leikjum. Hann hefur hins
vegar skilað ellefu stoðsendingum
á félaga sína.
Þó Giraud hafi endrum og
sinnum sýnt fína takta hefur
hann engan veginn staðið undir
væntingum hjá Arsenal og er alveg
óhætt að setja spurningarmerki við
franska boltann ef hann er talinn
vera sá fjórði besti í landinu. En lík­
lega er tekið mið af spilamennsku
hans í treyju Montpellier á síðustu
leiktíð þar sem hann fór vissulega
á kostum. n
Til varnar
Wenger
Þetta eru erfiðir dagar hjá stjóra
Arsenal Arsené Wenger. Liðinu
gengur illa og síðustu vikurnar
hafa aðdáendur liðsins, í fyrsta
sinn frá komu Wengers, reglu­
lega krafist afsagnar hans. Aðr­
ir vilja þó hafa Wenger áfram og
einn þeirra er George Graham
sem þjálfaði liðið lengi og tryggði
liðinu titilinn 1989 og 1991. Hann
segir Wenger aðeins þurfa meiri
tíma og þá muni allt smella.
Reynsluleysi
hjá Arsenal
Spánverjinn Santi Cazorla hef­
ur verið frábær allt keppnis­
tímabilið í ensku úrvals­
deildinni með Arsenal og ein
allra bestu kaupin í deildinni
fyrir vertíðina. Aðspurður um
slæmt gengi síns liðs sagði
hann ástæðuna í raun aðeins
eina: reynsluleysi. Sé það rétt
hjá þeim spænska fer því fjarri
að auðvelt sé að ráða þar bót
á og það verður ekki gert á
nokkrum æfingum í viku.
David Villa
órólegur
Það er ótrúlega sjaldgæft miðað
við fjölda stórgóðra leikmanna
Barcelona að heyra kvartanir úr
þeim herbúðum en spænskir miðl­
ar segja þó minnst einn leikmann
orðinn órólegan með fáa leiki. Það
er sóknarmaðurinn David Villa
sem ekki alls fyrir löngu þótt sá
allra besti á Spáni ásamt Fernando
Torres. Kappinn hefur fengið til­
tölulega fáa leiki eftir að hann snéri
aftur úr meiðslum og fær varla mik­
ið meira meðan liðinu gengur jafn
vel og raun ber vitni. Breskir fjöl­
miðlar segja forráðamenn Chelsea
hafa áhuga að kaupa kappann en
óvíst er hvort hann sé til sölu.
Allt að gerast
hjá City
Nýbirtur ársreikningur Man chester
City sýnir að þrátt fyrir gríðarlegt
tap er rekstur félagsins á réttri leið.
Tapið 2011 nam aðeins 97 millj­
ónum punda í stað 197 milljóna
punda árið áður. Tapið er helmingi
minna en góðu fréttirnar eru að
tekist hefur að tvöfalda veltu fé­
lagsins á sama tíma. Allt þetta er í
takti við áætlanir eigenda liðsins
sem hugðust eyða miklu fé í leik­
mannakaup í upphafi en í kjölfarið
átti klúbburinn meira og minna að
fara að reka sig sjálfur. Enn er þó
einhver tími í að það gangi eftir.
Þ
etta átti að vera klippt og
skorið og hreint formsatriði
fyrir besta knattspyrnulið
Evrópu. Raunin varð önn­
ur og í stað þess að stjörn­
um prýtt lið Chelsea bætti góð­
um titli í safnið urðu það leikmenn
brasilíska liðsins Corinthians sem
stigu sigur dans eftir 1–0 sigur í úr­
slitaleiknum.
Ástríðulítið vafstur
Chelsea, með hvern snillinginn á
fætur öðrum í sínum röðum, virt­
ist spila þennan mikilvæga leik
eins og hvern annan æfingaleik
og var áberandi skortur á áræðni
og ástríðu hjá leikmönnum þess.
Enginn var að spila eins og hann
hefði gaman af eða vildi vinna sig­
ur á andstæðingnum og hampa
titli. Þessu var öfugt farið hjá leik­
mönnum brasilíska liðsins strax frá
fyrstu mínútu og það sem Brassana
vantaði í getu samanborið við stór­
stjörnur enska liðsins bættu þeir
upp með vilja.
50/50
Það segir sína sögu um gæði leiks
hinna bláklæddu að aðeins fjórum
sinnum ógnuðu þeir marki þeirra
brasilísku. Brassarnir aftur á móti
áttu níu skot á ramma Petr Cech,
markvarðar Chelsea. Engu að síður
voru bæði lið nákvæmlega jafnmikið
með knöttinn.
Sigurmarkið kom á 69. mínútu
þegar Paulo Guerrero skallaði bolt­
ann í netið framhjá þremur varnar­
mönnum. Guerrero þessi hefur
einmitt vakið áhuga enskra félagsliða
og verið orðaður við Arsenal meðal
annars.
Sigurinn var verðskuldaður. Það
lið hafði betur sem var hungraðra og
þannig á það að vera.
Rafa í tjóninu
Þessi úrslitaleikur hefði að líkindum
gert lífið bærilegra fyrir nýjan
þjálfara Chelsea, Spánverjann Rafa
Benítez, hefði lið hans farið með
sigur af hólmi. Karlinum hefur ekki
beint verið tekið opnum örmum af
stuðningsmönnum liðsins frá því að
hann var ráðinn tímabundið í þjálf­
arastarfið í stað Robertos di Matteo.
Titill í safnið hefði gert marga sátt­
ari við karlinn en í staðinn heldur
sorgarsaga hans með liðið áfram og
í þokkabót er Chelsea fyrsta félags­
liðið síðan 2006 sem tekst ekki að
vinna þennan titil eftir að hafa unnið
Meistaradeild Evrópu.
Ekki bætir úr skák að Chelsea
varð einnig nýlega fyrsta liðið í
Meistaradeildinni til að falla út eftir
riðlakeppni leiktíðina eftir að liðið
hampaði titli í sömu keppni. Þá er
enn ótalinn slælegur árangur liðsins
undir stjórn Benítez í ensku úrvals­
deildinni.
En hvort sem menn eru stuðn­
ingsmenn Chelsea eður ei þá verður
því ekki mótmælt að ferill Benítez
er skrambi góður og hann þekktari
fyrir að kveikja neista hjá liðum sem
kannski búa ekki yfir heimsklassa
leikmönnum. Hann gerði stórfína
hluti með spænska liðið Valencia
áður en hann tók við þjálfarastöðu
hjá Liverpool þar sem hann gerði
það lið að Evrópumeisturum á met­
tíma.
Hvorugt þessara félagsliða hafði
yfir álíka frábærum mannskap að
ráða og Benítez gerir nú hjá Chelsea.
Kannski er það vandamálið. Hann
ræður ekki við stórlið. n
Blús á Blús ofan
Albert Örn Eyþórsson
blaðamaður skrifar albert@dv.is
n Chelsea tapaði úrslitaleik félagsliða n Er Benítez alveg búinn að missa það?
Jæja, allir hressir?
Leikmenn Chelsea
stóðu stjarfir eftir að
hafa, þvert á spár,
tapað úrslitaleik
í heimsmeistara­
keppni félagsliða gegn
Corinthians.
Sambadans og bros á vör Brasilíska
liðið Corinthians er heimsmeistari félags­
liða árið 2012
Sigurvegarar í
HM félagsliða
2000 Corinthians
2005 Sao Paulo
2006 Internacional
2007 AC Milan
2008 Manchester United
2009 Barcelona
2010 Inter Milan
2011 Barcelona
2012 Corinthians
Besti knattspyrnumaður Frakklands Benzema þykir fremstur jafningja annað árið í röð.