Dagblaðið Vísir - DV - 17.12.2012, Blaðsíða 22

22 Menning 17. desember 2012 Mánudagur
Blúsar sig í gegnum lífið
H
vernig fylgir maður eft­
ir góðri búgíplötu? Skúli
mennski sýnir okkur það
með því að gefa út hörku
blúsplötu. Í fyrra gaf Skúli mennski
út plötuna Búgí ásamt hljóm­
sveitinni Grjóti, þar sem gleðin,
kynþokkinn og nostalgían voru í
fyrirrúmi.
Hér er hann ásamt hljóm­
sveitinni Þungri byrði með plötuna
Blúsinn í fangið. Upptökur fóru
fram í mötuneyti fiskvinnslunnar
Arctic Odda í ágúst síðastliðnum
á Flateyri. Blúsinn er vand­
meðfarið tónlistarform. Það get­
ur í raun hver sem er flutt það en
það þarf hæfileikamenn til að
gera það almennilega. Það vant­
ar ekki hæfileikana á þessari plötu
og eru menn alls ekki fastir í feni
einhæfninnar líkt og oft vill verða
þegar menn reyna við blúsinn. Hér
er passað upp það með fjölbreytt­
um útsetningum og innihaldsríkri
textagerð, sem er ein af sterkustu
hliðum Skúla.
Það er ákveðin þráður í gegnum
plötuna. Skúli byrjar að segja okkur
frá því í laginu Brottför þegar hann
flytur frá Ísafirði, hvar hann ólst
upp. Þar á eftir fáum við að kynnast
einmanaleikanum, ástinni, tilvist­
arkreppum, baráttunni við Bakkus
og betri tímum. Hann endar loks
plötuna á því að segja okkur frá
heimferðinni aftur á Ísafjörð.
Lagið Þessir kossar er eitt það
allra besta á plötunni. Skjálfandi
skilvitablús og Hallelúja Amen gefa
Þessum kossum lítið eftir. Þetta eru
lög sem menn ættu að tékka á ef
þeir hafa ekki heyrt í Skúla áður.
Platan er þó þannig uppsett að
hún virkar best sem heild. Flýtur
mjög vel í gegn og heldur manni
forvitnum.
Dugnaður Skúla er eftirtektar­
verður. Þetta er þriðja platan hans
á þremur árum og virðist hann fara
létt með að hrista góða tónlist fram
úr erminni. Skellið ykkur á eintak ef
þið viljið hlusta á vandaðan og inni­
haldsríkan blús. n
n Aðstandendur Lemúrsins skrifuðu Svörtu bókina n Sannar hryllingssögur
Í
þessari bók eru tuttugu stuttar
hryllingssögur. Sumar alveg viður­
styggilegar. En þetta er alls ekk­
ert skáldverk því þessar sögur eru
dagsannar, sem gerir þær enn
óhugnanlegri fyrir vikið, held ég,“
segir Helgi Hrafn Guðmundsson,
blaðamaður og höfundur Svörtu
bókarinnar ásamt Veru Illugadóttur.
Þau Helgi Hrafn og Vera hafa getið
sér gott orð fyrir skrif um furðuleg
atvik úr mannkynssögunni, fyrst í
Skakka turninum, en síðar á vefritið
Lemúrinn sem þau settu í samein­
ingu á stofn í fyrra. Þrátt fyrir að vera
búsett hvort sínum megin á hnettin­
um, Helgi í Argentínu og Vera í
Svíþjóð, segja þau samstarfið ganga
vel. „Það er allt hægt á netinu.“
Maðurinn mesta skrímslið
Hryllingssögurnar í Svörtu bókinni eru
sumar hverjar í anda þess sem lesend­
ur Lemúrsins ættu þegar að vera farnir
að þekkja. „Sögurnar eru úr mjög
mörgum áttum, við fjöllum til dæmis
um hræðilega vonda ungverska
greifynju á sextándu öld sem talin er
ein versta kona mannkynssögunnar,
útrýmingarbúðir Japana í síðari
heimsstyrjöldinni og franska hersveit
sem stundaði fjöldamorð í Afríku á
nýlendutímanum,“ segir Helgi Hrafn.
Hann tekur fram að þó að textarnir
séu líklega dálítið fjörlega skrifaðir,
þá fjalli bókin um alvarleg málefni.
„Svarta bókin fjallar fyrst og fremst um
þá hræðilegu staðreynd að maðurinn
er versta dýr jarðar, mesta skrímslið.
Okkur finnst að sú staðreynd megi
ekki gleymast og að það sé því
nauðsynlegt fyrir manninn að horfa í
spegil og líta ekki framhjá því að hann
er mun verri en dýr á borð við górillur
og eiturslöngur, sem okkur er svo tamt
að líta á sem vondar ófreskjur.“
Kemur vonandi á óvart
Vera bætir því þó við að ekki séu
allar sögurnar um manninn. „Ein
sagan er til dæmis um grimmileg
mannætuljón sem tókst um stund að
hindra framgang breska heimsveld­
isins. Dýrin geta líka verið slæm, þó
maðurinn sé verstur,“ segir hún til að
gæta sannmælis.
Aðspurð hvernig þau hafi valið
efni í bókina segir Vera: „Við reyndum
að velja frásagnir og atburði sem ekki
allir kannast við nú þegar, og von­
andi mun bókin koma á óvart. Þá eru
sögurnar úr öllum heimshornum og
frá öllum tímum, frá miðöldum og
fram til nútímans.“
Mannkynssagan stútfull af
hryllingi
Hún segir að reyndar sé ekki erfitt að
finna efni í svona bók. „Mannkyns­
sagan er annars svo stútfull af hryll­
ingi að maður þarf ekki að leita lengi
til þess að finna efnivið. Sama hvar
drepið er niður í sögubókum virðist
maðurinn yfirleitt upptekin við að
fremja grimmdarverk.“
Helgi bendir á að þau hafi lengi
unnið saman og eigi því orðið gríðar­
legt safn af efni. „Við Vera unnum
saman á tímaritinu Skakka turnin­
um sem gefið var út fyrir nokkrum
árum og fyrir um ári stofnuðum við
vefritið Lemúrinn. Við höfum því
unnið saman í mörg ár og safnað að
okkur ýmsum sögum og hér er úrval
af hræðilegustu hryllingssögunum.“
„Þetta er skemmtilegt“
Þegar þau eru spurð út í Lemúr­
inn og hvers vegna þau hafi farið út
í það að stofna vefritið segir Helgi:
„Við stofnuðum Lemúrinn því okkur
fannst vanta vefsíðu á íslensku fyrir
almenning um sögu og menningu og
forvitnilega hluti.“
Vera tekur undir og bætir við að
þeim hafi þótt íslenskir netheimar
nokkuð einsleitir. „Það vantaði eitt­
hvað annað en eintóma pólitík og
blogg. Svo langaði okkur bara að
halda áfram að skrifa eitthvað af
þessu tagi, þó svo að Skakki turninn
hafi lagt upp laupana.“
Hún tekur þó fram að Lemúr­
inn sé þeim ekki tekjulind. „Þó vel­
gegni Lemúrsins sé vonum framar
græðum við ekkert á síðunni – við
erum að þessu því þetta er skemmti­
legt.“ n
„Viðurstyggileg-
asta bók ársins“
Jón Bjarki Magnússon
blaðamaður skrifar jonbjarki@dv.is
Skrifa frá Argentínu
og Svíþjóð Helgi Hrafn
Guðmundsson býr í Buenos
Aires í Argentínu en Vera Ill-
ugadóttir í Svíþjóð. Saman
skrifuðu þau Svörtu bókina
sem kom út núna fyrir jólin.
Flýtur mjög vel í gegn Lagið Þessir koss-
ar er eitt það besta á plötunni hans Skúla.
Blúsinn í fangið
Listamaður: Skúli mennski
Útgefandi: Skúli mennski
Birgir Olgeirsson
birgir@dv.is
Tónlist
Jólamyndir
í bíó 2012
Hverjar verða jólamyndir kvik­
myndahúsanna? Þar kennir
ýmissa grasa bæði fyrir börn og
fullorðna.
Sagan af Pí
Sagan af Pí, sem gerð er eftir met­
sölubók Yanns Martel og segir
sögu af ungum Indverja, Piscine
„Pi“ Patel, sem lendir í heldur bet­
ur óvenjulegum aðstæðum úti á
rúmsjó er ein stærsta jólamyndin
í ár. Það er Ang Lee sem heldur
um taumana en myndin hefur
fengið frábæra dóma og þykir
mikið meistaraverk, ekki bara
leikstjórnin og sagan heldur kvik­
myndagerðin öll, þar með talin
tónlistin, kvikmyndunin, sviðs­
setningin og einstakar tækni­
brellurnar. Myndin er í þrívídd
og mikið sjónarspil. Þetta er ein
af þeim sögum sem menn héldu
að væri varla hægt að kvikmynda,
en það hefur nú rækilega ver­
ið afsannað og er myndin talin
nokkuð örugg með Óskarsverð­
launatilnefningu á næsta ári.
Hobbitinn
Mynd Peters Jackson um
Hobbitann hefur ekki fengið jafn
góða dóma og Sagan af Pí en þykir
þó afbragðsgóð stórmynd. Nú er
það hobbitinn, Bilbó Baggi, sem er
í aðalhlutverki og ævintýraför hans
til hins forna konungsríkis Erebor
gerð skil. Hér hittir Bilbó lærimeist­
ara sinn og verndara, Gandald, og
dvergana sem eru undir stjórn hins
mikla stríðsmanns Þorins.
Nóg er af ævintýralegum upp­
ákomum í för þeirra og á vegi
þeirra verður að sjálfsögðu Gollrir
og djásnið hans.
Goðsagnirnar fimm
Í annarri af tveimur jólamyndum
fyrir börn þetta árið koma við sögu
flestar hetjur barnasagna, Frosti,
páskakanínan, tannálfurinn og
jólasveinninn og sameinast öll í
baráttunni við hið illa.