Dagblaðið Vísir - DV - 20.06.2011, Page 17

Erlent | 17Mánudagur 20. júní 2011
Austurríkismenn mótmæla áformum yfirvalda:
Vilja selja Alpatinda
Austurrísk stjórnvöld hafa frestað
áformum sínum um að selja tvö fjöll
Alpanna eftir hávær mótmæli íbú-
anna. Við höfum frestað sölunni til
að meta aðra möguleika, sagði tals-
maður umboðsskrifstofu sem sér um
ríkiseigur.
Um er að ræða tindana Rosskopf,
sem er 2.600 metra hár, og Grosse
Kinigat, sem er 2.700 metra hár en
báðir tindarnir eru staðsettir í aust-
urhluta Týrólhéraðs í Austurríki.
Stjórnvöld vilja fá 121 þúsund evrur
fyrir tindana tvo eða um 20 milljónir
króna.
Austurríkismenn eru mjög stolt-
ir af sínum hluta Alpanna en í þjóð-
söng landsins er það nefnt „Land
fjallanna“. Samtök stjórnmálamanna
í Týról sögðu hvern þann sem selja
vill fjöllin leitast við að selja sál
landsins.
Tilboð bárust úr ýmsum áttum.
Bæjarstjóri í þorpi við rætur fjallanna
sagði að þýskt hugbúnaðarfyrirtæki
hefði boðist til að kaupa fjöllin og
gefa íbúum þorpsins gegn því skil-
yrði að þau yrðu nefnd eftir fyrirtæk-
inu. Þá lýsti fulltrúi suðurkóreskra
stjórnvalda áhuga og spurði hvort
Austurríki væri að þessu til að rétta
fjárlagahalla.
Líklegt er að tindarnir verði seldir
austurrískum stofnunum á borð við
þá sem sér um málefni skóga eða þá
Kartitsch-þorpi eða Týrólríki. Ólík-
legt er að þeir verði seldir á frjálsum
markaði. bjornreynir@dv.is
FARÐU
AFTUR
Í BÍÓ
Í FYRSTA
SINN
www.bioparadis.is
hverfisgötu 54 / 101 reykjavík
Alparnir Austurrísk stjórnvöld freista þess að selja tvo tinda Alpanna.
Kvörtunum rigndi yfir BBC-sjón-
varpsstöðina sem sýndi heimildar-
mynd um líknardráp í síðustu viku.
Myndin sýnir síðustu andartök Pet-
ers Smedley sem fékk hjálp við að
binda enda á líf sitt. Myndina gerði
Terry Pratchett, fantasíurithöfundur
sem greindist með Alzheimer-sjúk-
dóminn fyrir þremur árum, en hon-
um finnst það vera sjálfsagður réttur
sinn að fá að binda enda á eigið líf.
BBC sagt breiða út sjálfsmorðs-
áróður
Í myndinni eru raktar sögur nokk-
urra einstaklinga sem kosið hafa að
láta binda enda á líf sitt. Þá var ein-
um þeirra fylgt eftir þegar hann hélt
til Dignitas, meðferðarstofu skammt
frá Zürich í Sviss sem sérhæfir sig í
að gera fólki kleift að binda enda á líf
sitt með aðstoð lækna. Í Sviss er heil-
brigðisstarfsfólki heimilt að hjálpa
fólki sem býr við miklar þjáningar að
binda enda á líf sitt.
Sýnir myndin síðustu andartök
Smedleys eftir að hann fær eitur-
drykk til að drekka. Margir Bretar
leita til Dignitas í því skyni að fá að
binda enda á líf sitt og finnst stuðn-
ingsmönnum líknardrápa leitt að
þeir þurfi að leita út fyrir Bretland til
að fá ósk sína uppfyllta.
Myndin hefur vakið hörð við-
brögð meðal almennings. BBC hef-
ur verið gagnrýnt fyrir að breiða út
áróður fyrir sjálfsmorðum með því
að sýna myndina og sumir saka BBC
um að ráskast með Pratchett. Þá ótt-
ast sumir hverjir að myndin muni
hvetja fleiri til að láta binda enda á líf
sitt með þessum hætti.
BBC hélt því hins vegar fram að
myndin væri sýnd til að vekja um-
ræður um þetta umdeilda málefni
og hjálpa fólki að gera upp hug sinn
gagnvart því. Pratchett varði einn-
ig mynd sína og sagði að fólk með
ólæknandi sjúkdóma ætti að fá að
deyja á friðsaman hátt með hjálp
lækna frekar en að þurfa að kveljast
lengi fyrir dauða sinn. Hann segir
enn frekar að fólk eigi að fá að ráða
hvenær það deyi en ekki stjórnvöld.
Þó eru ekki allir ósáttir við mynd-
ina. Gömlum manni, sem horfði upp
á 54 ára gamlan son sinn deyja úr
krabbameini, fannst þörf á að hefja
umræðu um þessi mál en hann hafði
þó ekki séð myndina.
Hin eilífa siðferðislega spurning
um líknardráp
Líknardráp eru mikið siðferðis-
legt álitamál. Stuðningsmenn líkn-
ardrápa halda fram einstaklings-
bundnum rétti hvers manns til að
deyja. Þá sé það mannúðlegra að
leyfa fólki að fara yfir móðuna miklu
frekar en að það þurfi að kvelj-
ast lengur. Þá er því haldið fram að
enginn eðlislægur munur sé á líkn-
ardrápi og líknandi meðferð sem
heimiluð er í mörgum löndum, til
dæmis á Íslandi.
Hins vegar halda andstæðingar
líknardráps því fram að í fyrsta lagi
sé rangt að deyða fólk þar sem líf-
ið sé heilagt og fólk eigi óskorðað-
an rétt á því að lifa. Þá sé það órétt-
mæt krafa að biðja manneskju um
að binda enda á líf annarrar. Lögleið-
ing líknardráps myndi setja lækna í
mikla klemmu því þrátt fyrir að þeim
væri tryggður réttur til að segja nei
gæti þeim liðið þannig að þeir væru
að bregðast sjúklingum sínum. Þá
er bent á hættu á misnotkun líknar-
drápa og vísað til reynslu Hollands í
því samhengi en Holland, Belgía og
Lúxemborg eru einu ríkin í heimin-
um sem heimila líknardráp.
Loks er bent á að margt sé hægt
að gera fyrir deyjandi sjúklinga þótt
ekki sé hægt að lækna þá, til dæmis
líknandi meðferð sem feli í sér mik-
inn skammt verkjalyfja til að lina
þjáningar sjúklings síðustu stundir
sínar.
BBC vekur upp gamlar
deilur um líknardráp
Terry Pratchett Fantasíuhöfundi með
alzheimer finnst sjálfsagt að heimila líknar-
dráp.
Dignitas Líknarstofnun í Sviss en þangað fara margir Bretar til að fá að binda enda á líf sitt.
n Umdeild mynd Terrys Pratchett vekur hörð viðbrögð n BBC sakað um sjálfsmorðs-
áróður n Stuðningsmenn líknardrápa segja mannúðlegra að leyfa fólki að deyja
Björn Reynir Halldórsson
blaðamaður skrifar bjornreynir@dv.is