Dagblaðið Vísir - DV - 22.06.2011, Blaðsíða 26

26 | Fólk 22. júní 2011 Miðvikudagur
Ummæli hommafælinna Færeyinga öðlast framhaldslíf í fjölmiðlum:
Fann Fyndið drasl á Facebook
„Ég var að finna til eitthvert drasl á
Facebook,“ segir húmoristinn Hall-
dór Högurður handritshöfundur um
hlekk sem hann setti á Facebook-
síðu sína í gær. Hlekkurinn var til-
vísun í færeyska Facebook-síðu þar
sem hommafælnir Færeyingar mót-
mæltu tónleikum Eltons John í Fær-
eyjum.
Það mun vera tæpt ár síðan þessi
herferð fór fram því tónleikarnir
voru haldnir í lok júní í fyrra.
En svo virðist sem fréttanefi grín-
istans Halldórs Högurðar sé treyst
án nokkurs vafa því að á þriðjudags-
morgun birtist frétt á Eyjunni um
ummæli hommafælnu Færeying-
anna.
Fréttin bar fyrirsögnina „ Elton
John er Satan á leið til Færeyja“.
Þremur tímum síðar kom frétt á
Pressunni þar sem blaðamaður hafði
hringt í Jóhannes í Bónus og spurt
hann álits. Jóhannes gaf það upp að
hann myndi styðja Elton John í bar-
áttu sinni gegn afturhaldsöflunum.
Atburðarásin minnir óneitanlega á
fræga dæmisögu af hænu sem missti
eina fjöður og endaði fiðurlaus.
Halldóri finnst fyndið að hlekk-
urinn hafi ratað í fréttirnar og segist
oft leita að einhverju skemmtilegu
til þess að gleðja Facebook-vini sína
með.
„Það er óborganlegt að fréttir hafi
verið unnar úr þessum hlekk mín-
um, ég var bara að leita að fyndnum
og asnalegum nöfnum á netinu og
datt inn á þessa síðu fyrir tilviljun.
Þegar ég sá hvað þessi síða snerist
um þá fannst mér þetta bara of fynd-
ið,“ segir Halldór.
Ummælin lifna við Hommafælnir Færeyingar geta glaðst yfir því að ummæli þeirra fá fram­haldslíf í íslenskum fjölmiðlum. Jóhannes í Bónus kemur hommum ári of seint til bjargar.
Óvæntur
fréttahaukur
Halldór Hög­
urður setti hlekk
á Facebook sem
rataði í fréttirnar.
Á
sgeiri Kolbeinssyni, eig-
anda Austurs, þykir gam-
an að grilla. Hann tók upp
á því að grilla fyrir gang-
andi vegfarendur á þjóðhátíðar-
daginn og grillaði fjöldann allan
af risahamborgurum. „Við höf-
um gert þetta á 17. júní. Í ár grill-
uðum við risahamborgara fyr-
ir vegfarendur. Þeir voru grand
og sérblandaðir fyrir Austur eftir
sérlegri leyniuppskrift. Við vild-
um ekki fara í einhverja 17. júní
okurstarfsemi og grilla eitthvað
sem hverfur bara á grillinu.“ Ás-
geir segir að grillið hafi gefist upp
og á endanum hafi það hrein-
lega sprungið. „Það var svona
rétt í lokin, kjötið var búið, það
hafði klárast fyrr en ætlað var.
Það var mikil olía úr kjötinu sem
hafði lekið ofan í grillið. Ég lokaði
því og það vildi svo illa til að það
hreinlega sprakk svo eldtungurn-
ar stóðu út um allt.“
Áttu fótum fjör að launa
Ásgeir segir fólki eðlilega hafa
verið brugðið og sumir hafi átt
fótum fjör að launa. „Flestöll-
um var brugðið nema okkur.
Þetta er eitthvað sem vanir grill-
arar geta átt von á,“ segir Ásgeir
og skellir upp úr. Hann bætir þó
við að kokkarnir á Austri sjái nú
oftast um eldamennskuna þann-
ig að gestir staðarins þurfi ekki
að kvíða fleiri sprengingum í
spennumyndastíl. „17. júní er nú
bara einu sinni á ári og þá á vel
við að vera með læti.“
En hversu vanur grillari er Ás-
geir? „Á skalanum 1 til 10 raða
ég mér ofarlega, ég er mjög fær.
Þetta var bara svona svolítið
öðruvísi þennan dag. Það hafði
verið grillað allan liðlangan dag-
inn og mikið álag á grillinu.“
Opnar Austur yfir daginn
Það er heilmargt fram undan
hjá Ásgeiri og hann segist ekki
hafa tíma til að fara í sumarfrí.
Hann ætlar að opna staðinn
fyrir gestum á daginn og opna
eldhúsið. En hingað til hefur
Austur aðeins verið rekið sem
veitinga- og skemmtistaður
á kvöldin. „Það er nú leyndó
hvernig matseðillinn verður
samansettur, en við ætlum að
bjóða upp á öðruvísi stemn-
ingu en gengur og gerist á stöð-
unum í kring. Við opnum stað-
inn yfir daginn eftir mánuð og
þá kemur þetta allt saman í
ljós.“
kristjana@dv.is
n Ásgeir Kolbeinsson grillaði fyrir vegfarendur á 17. júní n Grillið sprakk
og eldtungurnar stóðu í allar áttir n Fólk átti fótum fjör að launa
GRILLIÐ
SPRAKKKokkarnir á Austri sjá um eldamennskuna héðan í frá Ásgeir Kolbeinsson grillaði fyrir vegfarendur fyrir utan Austur á 17. júní og lenti í því óhappi að grillið sprakk svo eldtungurnar teygðu sig um allt.
Jónsmessutón-
leikar í Viðey
Fimmtudagskvöldið 23. júní munu
trúbadorinn Svavar Knútur og djassdívan
Kristjana Stefáns halda tvenna Jónsmessu­
tónleika. Svavar Knútur segir að stemningin
á tónleikunum verði krúttuð dramatík
þar sem saman muni fara kántrítónlist,
Abba, íslensk lög og frumsamin lög þeirra
sjálfra. „Þetta eru svona Jónsmessu­
dúettatónleikar. Okkur langaði líka að hafa
tónleika um miðnættið, það væri notalegt
að hafa svona öðruvísi stemningu þá. Ef
veðrið verður gott þá verðum við úti, ef það
verður kalt þá verðum við inni í Viðeyjar­
stofu. Þetta verður svona krúttstemning,
við erum svo hrikalega krúttleg,“ segir
Svavar Knútur. Fyrri tónleikarnir hefjast
kl. 20 og eru börn sérstaklega velkomin á
þá. Miðnæturtónleikarnir hefjast klukkan
23. Sprækum tónleikagestum verður síðan
frjálst að velta sér upp úr Viðeyjardögg.
Framtíð gríns á
íslandi borgið
DV sagði frá því á dögunum að brotist hefði
verið inn til Hugleiks Dagssonar og þaðan
stolið vinnutölvu hans. Bubbi Morthens
notaði tækifærið í útvarpsþættinum Virkir
morgnar á mánudaginn og bað „vini sína
í undirheimunum“ um að skila gögnunum
upp í Efstaleiti. Á þriðjudagsmorgun var
búið að koma hörðum diski með afriti af
gögnum Hugleiks þangað og beið hann
Gunnu Dísar stjórnanda þáttarins Virkir
morgnar. Hún kom honum svo til Hugleiks
sem tók á móti honum. Nú þegar Hugleikur
hefur endurheimt gögnin sín má því með
sanni segja að framtíð íslensks gríns sé
borgið.
„Ég lokaði því
og það vildi
svo illa til að það
hreinlega sprakk