Dagblaðið Vísir - DV - 31.10.2011, Blaðsíða 12

12 | Erlent 31. október 2011 Mánudagur
Beint í fangelsi eftir Mónópólí
Í
leikreglum borðspilsins Mónó-
pólí er gert ráð fyrir því að spil-
arar geti verið sendir beint í fang-
elsi og þurfi að dúsa þar á meðan
aðrir spilarar fá að gera. Aldrei áður
hefur þetta þó verið eins bókstaf-
legt og í tilfelli Lauru Chavez, sex-
tugrar konu frá Santa Fe í Mexíkó.
Chavez var send beint í fangelsi
eftir að hafa tekið upp hníf í miðju
borðspili og stungið mótspilara
sinn, sem einnig var kærastinn
hennar. Ástæðuna fyrir árásinni má
rekja til deilna þeirra á meðan þau
spiluðu borðspilið fræga.
Lögreglan segir að fórnarlambið,
48 ára karlmaður, hafi verið stung-
inn í kviðinn með eldhúshníf og
hann hafi misst mikið blóð í kjöl-
farið.
Hin tapsára sextuga kona lét
sér það ekki nægja, heldur tók hún
einnig vínflösku og mölbraut hana
á höfði kærastans. Chavez taldi víst
öruggt að kærastinn hennar hefði
svindlað í Mónópólí.
Bæði árásarkonan og fórnar-
lamb hennar voru undir nokkrum
áhrifum áfengis þegar árásin átti
sér stað, en 10 ára sonarsonur
hennar var að spila með þeim.
Hann varð vitni að rifrildi sem upp-
hófst í miðju spili. Hann fór hins
vegar sem betur fer í háttinn og var
í fastasvefni þegar amma hans gekk
af göflunum með þessum hörmu-
legu afleiðingum.
Hún á yfir höfði sér þungan
fangelsisdóm fyrir stórhættulega
líkamsárás og fyrir að sýna lög-
reglumönnum mótþróa við hand-
töku.
n Sextug kona gekk af göflunum í miðju borðspili
Spil Kona sturlaðist og stakk kærasta sinn því hana grunaði að hann svindlaði í borðspili.
Mynd úr safni.
Umdeildar veislur:
Sykurpabba-
partí vinsæl
Innan tíðar geta ungar breskar
konur sótt veislur þar sem þeim
gefst færi á að hitta ríka karla.
Þessar veislur hafa notið mik-
illa vinsælda í Bandaríkjunum og
nefnast Sykurpabbapartíin. Veisl-
urnar eru haldnar á flottum bör-
um í New York þar sem ríkir karl-
menn hitta ungar konur í von um
að með þeim takist ástir.
Fjallað er um málið í breska
dagblaðinu Daily Mail en þar segir
að skipuleggjendur þessara við-
burða hafi augastað á Lundún-
um. Þeir sem skipuleggja þessar
veislur hafa varið þær. Þeir segja
að þær sæki aðeins fullorðnir ein-
staklingar af fúsum og frjálsum
vilja og að enginn þurfi að gera
neitt gegn vilja sínum. Gagnrýn-
endur þessara viðburða segja þó
að þarna sé á ferðinni vændi. 
Það kostar fimm hundruð doll-
ara að jafnaði að fá stefnumót
með konunum sem sækja þessa
viðburði en greint er frá því að
stefnumótin hafi kostað suma frá
tíu þúsundum og allt upp í tuttugu
þúsundir dollara.
Þrátt fyrir að neita að vændi sé
þarna á ferðinni þá segja skipu-
leggjendur þessara viðburða að
konurnar sem sæki þá séu jafnan
tæplega eða rétt rúmlega tvítugar
og séu að leita sér að fé til að fjár-
magna háskólanám og lúxuslífs-
stíl. 
Þeir segja þúsundir breskra
kvenna spenntar fyrir þessum við-
burðum.
Fyrirtækið sem sér um við-
burðina heitir Seeking Arrange-
ment. Framkvæmdastjóri þess,
Brandon Wade, sagði að þeir væru
nánast búnir að fullkomna þessar
veislur. „Við teljum okkur vera
reiðubúna til þess að sækja inn
á nýja markaði í Lundúnum. Við
ætlum að byrja á næsta ári.“
Sex hundruð manns mættu
á Hudson Terrace-barinn í New
York. Karlmennirnir greiddu
hundrað dollara til að fá að kom-
ast inn á meðan konurnar greiddu
fjörutíu dollara.
Meðalaldur karlanna var 38
ár á meðan konurnar voru mun
yngri að jafnaði. Sumir karlanna
voru þó á sjötugsaldri. Gestgjaf-
inn, Alan Schneider, sagði að við-
burðir hans væru „fágaðir, flottir
og siðaðir.“
n Toppar hækka laun sín í fjármálakreppu n Almennir starfsmenn fá 2–3 prósenta
hækkun n Verðbólgan étur upp hækkanir n Occupy-mótmælin í Bretlandi en virk
Toppar fá væna
launahækkun
B
reskur almenningur sér lík-
lega aldrei fram á að fá um
helmingshækkun á laun sín
í miðri kreppu en stjórnend-
ur fyrirtækja þar í landi veigra
sér ekki við að hækka sín laun umtals-
vert. Þeir veita hins vegar litlar sem
engar launahækkanir til starfsfólks
síns. Laun stjórnenda 100 stærstu
fyrirtækja Bretlands (FTSE 100) hafa
hækkað um 49 prósent á þessu ári. Al-
mennir starfsmenn einkageirans hafa
aðeins fengið um þriggja prósenta
hækkun á sama tíma og opinberir
starfsmenn enga. Í Bretlandi er um
5,2 prósenta verðbólga og hefur hún
ekki verið hærri í þrjú ár. Það þýðir
að laun almennings hafa, líkt og víð-
ar í Evrópu, lækkað frekar en hækkað,
en laun stjórnenda samt hækkað um
helming. Þetta kemur fram í rann-
sókn á vegum Income Data Service.
Alls er hver og einn stjórnendanna
með að meðaltali 2,7 milljónir punda
árlega í laun, sem eru tæplega fimm
hundruð milljónir íslenskra króna.
Óvenjulega sammála
„Breskur almenningur á erfitt með
að ná endum saman,“ segir David
Cameron, forsætisráðherra Bret-
lands, og gagnrýnir þessar hækk-
anir. „Þessi skýrsla vekur menn
vonandi til umhugsunar, sérstak-
lega í ljósi þess að heimilin eru í
fjárhagsvanda,“ segir Cameron,
enda ljóst að fimmtíu prósenta
launahækkanir í skugga efnahags-
vanda heimsins hljóma undarlega.
Meira að segja verkalýðshreyfingar
í Bretlandi eru sammála Cameron
sem gerist sjaldan, enda yfirleitt
trúrri Verkamannaflokknum en
Íhaldsflokknum sem Cameron er
í forsvari fyrir. Þeir segja að slíkar
launahækkanir endurspegli engan
veginn efnahagskerfi Bretlands,
heldur séu þær algjörlega úr takti
við raunveruleikan. „Þessi skýrsla
sýnir hversu fjarlægir þessir dekr-
uðu stjórnendur eru lífi vinnandi
fólks sem rígheldur í atvinnu og
greiðir síhækkandi kyndingar-,
matar- og bensínkostnað,“ segir
Len McCluskey hjá Unite-verka-
lýðshreyfingunni.
Vel að launahækkunum komnir
Martin Sorell forstjóri WPP-fjárfest-
ingahópsins sem er hluti af FTSE
100 fyrirtækjunum ver þessar launa-
hækkanir og segir að stjórnendur séu
vel að þessu komnir, enda eru laun-
in árangurstengd. Ef hagnaður fyr-
irtækisins eykst eigi þeir hreinlega
rétt á slíkum launum. Hann segir þó
bresk fyrirtæki eiga langt í land með
að ná ofurlaunum í Bandaríkjunum.
„Við þurfum að vera samkeppnis-
hæf. Við störfum í alheimshagkerfi.
Eru okkar laun sambærileg launum í
Bandaríkjunum? Svarið er nei,“ seg-
ir hann og bendir á að methagnaður
var á rekstri fyrirtækisins í fyrra sem
líklega verður endurtekinn í ár.
Occupy London
Almenningur mótmælir þessu harð-
lega. Fólk mótmælir þó ekki bara
fjármálamörkuðum heldur ójöfnuði
og ólýðræðislegum vinnubrögðum
á heimsvísu. Mest hefur verið fjallað
um Occupy-mótmælin í Bandaríkj-
unum en þau hafa einnig staðið yfir
í London í tvær vikur og ekkert lát
hefur verið á þeim. Krafa mótmæl-
enda í London er sú að kerfinu verði
breytt og unnið verði að auknu lýð-
ræði og meiri jöfnuði. Til þess verði
auður heimsins að renna jafnt til
fólksins ekki bara til þeirra ríku sem
nú njóta forréttinda og hafa tök á því
að stjórna sínum eigin launahækk-
unum.
Ásta Sigrún Magnúsdóttir
blaðamaður skrifar astasigrun@dv.is
Mótmæla efnahagsórétti Occupy-
mótmælin hafa einnig skotið rótum í Bret-
landi og hafa staðið yfir í tvær vikur.
Fjárhagsvandi heimilanna
Breskur almenningur á erfitt með að
ná endum saman líkt og annars staðar.
Hékk í snöru í
draugahúsi
Sautján ára stúlka fannst hang-
andi í snöru í draugahúsi í Fen-
ton í Bandaríkjunum í síðustu
viku. Stúlkan er á gjörgæslu-
deild og sögð í lífshættu. Hún
er starfsmaður draugahússins.
Það var bandaríska fréttastofan
Fox 2 sem greindi frá þessu en
ekki er vitað hvernig stúlkan
endaði með hálsinn í snörunni.
„Við tókum eftir baðkeri nærri
henni. Það lítur út fyrir að hún
hafi staðið á baðkerinu og ein-
hverja hluta vegna sett snöruna
um hálsinn. Það lítur út fyrir að
hún hafi síðan runnið,“ sagði
Ron Arnhart, lögreglustjóri í
Jefferson-sýslu.