Dagblaðið Vísir - DV - 01.02.2012, Blaðsíða 17

Dómstóll götunnar
Leoncie kann
ekki á klukku
Svo stendur til að
ráðast í framleiðslu
Tobba Marinósdóttir um óstundvísi Leoncie. – DVHelgi Vilhjálmsson flytur inn gosdrykkinn Sinalco. – Fréttablaðið
Sjómennska, ofurlaun og bónusar
„Já, ég er búin að borða
þorramat. Mér finnst hann alveg
ágætur.“
Ásthildur Brynjólfsdóttir,
66 ára ritari
„Ég er ekki búin að borða
þorramat, en það getur vel verið
að ég muni gera það.“
Guðrún Inga Bjarnadóttir,
57 ára vinnur í félagsmiðstöð aldraðra
„Nei, og ég efast um að ég muni
gera það.“
Cecilia White,
22 ára nemi við HÍ
„Nei, og ég hugsa að ég muni
ekki gera það. Mér finnst harð-
fiskurinn góður en annað ekki.“
Ragnar Nói Snæbjörnsson,
29 ára lagerstarfsmaður
„Nei.“
Jane Maren Óskarsdóttir,
23 ára verslunarstjóri í Gyllta kettinum
Hefur þú borð-
að þorramat
í ár?
Haltu kjafti, Hallgrímur
Þ
að sætir furðu að Hallgrímur
Helgason rithöfundur skuli voga
sér að fjalla um Bjarna Bene-
diktsson, formann Sjálfstæðis-
flokksins, með þeim hætti sem gerðist
í grein í DV um helgina. Skáldið vogaði
sér þar að nefna það að Bjarni væri
með Vafning um hálsinn og ætti að
svara fyrir brall sitt í viðskiptum.
Svarthöfði tekur undir með fjöl-
mörgum sjálfstæðismönnum og spyr
hvern andskotann Hallgrímur sé að
vilja upp á dekk gullskútunnar. Veit
ekki skáldið að Bjarni er einn af bestu
sonum þjóðar sinnar? Bjarni er rétt-
borinn Engeyingur sem hefur blómstr-
að á vinnumarkaði. Hann var um tíma
í starfi hjá verðbréfafyrirtækinu Burn-
ham. Þá er hann einn höfunda hins
frábæra módels að bensínrisanum N1.
Þar tókst Bjarna með snilld að tengja
saman fjárhag lífeyrissjóða og olíu-
félagsins góða. Og ekki má gleyma því
að Bjarni hjálpaði til við að finna leið-
ina inn í bótasjóð Sjóvár til að vekja til
dáða þá peninga sem þar lágu í dvala.
Eftir að hafa markað djúp spor í við-
skiptaheiminum stóð Bjarni upp og
fór. Burnham var farið á hausinn og
yfirveðsett N1 dafnaði vel á lífeyrin-
um. Óvissa var um framtíð Sjóvár eftir
að bótasjóðurinn var virkjaður. Bjarni
leitaði annað.
Engeyingurinn knái ákvað að fara
í stjórnmálin með hjálp pabba síns
og frænda. Hann ákvað að verða for-
maður Sjálfstæðisflokksins sem gekk
allt saman eftir. Þaðan hefur hann
síðan stjórnað með mikilli fimi og
kænsku. Hallgrímur Helgason vogar
sér síðan að leggja til þessa góða snill-
ings með skörðótt sverð sitt að vopni.
Þetta er hörmung eins og Bjarni benti
á í svargrein sinni sem birtist í félags-
riti flokksins. Hann sagði þar réttilega
að Hallgrímur væri „brjóstmylkingur
útrásarinnar“. Riddari Engeyjarelít-
unnar og útrásarinnar hafði
sem sagt orðið fyrir árás hvít-
voðungs. Þessu varð hann
að svara af krafti.
Hallgrímur þarf ekki
að binda um nein sár eftir
svar Bjarna. Formaðurinn
svaraði af slíkri rökfimi að
að skáldið liggur eftir óvígt
og marklaust. Bjarni kom
aldrei nálægt útrás, bóta-
sjóði, olíufélagi eða neinu
vafasömu. Hann er fórnarlamb ein-
eltis þeirra vitleysinga sem ekki vita
að Engeyingar eru rjómi þjóðarinnar
á meðan Hallgrímur tilheyrir
undanrennunni. Svarthöfði
tekur að sér að móta í einni
setningu skoðun góðra sjálf-
stæðismanna: „Haltu kjafti,
Hallgrímur, og láttu
hinn réttborna í
friði.“
Svarthöfði
N
ú get ég bara ekki orða bundist.
Þann 25. janúar síðastliðinn
birtist grein í DV um ofurlaun og
bónusa. Upphaf greinarinnar er
svona:
„Framkvæmdastjórn Evrópu-
sambandsins íhugar nú að setja
reglur um bónusa og ofurlaun
starfsmanna banka og fjármála-
stofnana svo þau verði að hámarki
ákveðið margfeldi af launum undir-
manna.“
Maður hugsaði hreinlega hlýtt
til Evrópusambandsins, þetta er
með því vitlegasta sem þaðan hefur
komið. Í greininni kemur fram svo
himinhrópandi fáránleiki og ósvífni
að engu tali tekur og þetta er langt
frá því að vera einsdæmi.
Royal Bank of Scotland sem var
kominn á hausinn fékk stærsta
björgunarpakka sem nokkur banki
í Evrópu hefur fengið. Þetta fallega
orð „björgunarpakki“ er sem sagt
bara fé frá skattgreiðendum, hugsið
ykkur. Og hvað gerðu stjórnendur
bankans eftir að þeir fengu „björg-
unarpakkann“? Jú, þeir greiddu sér
bónusa, 500 milljónir punda. Þá er
ég aftur kominn að upphafinu, sem
sagt að allir hlytu að fagna þessum
nýju tillögum Evrópusambandsins.
Fátt líkt
Á sömu síðu er Vilhjálmur Egilsson,
framkvæmdastjóri Samtaka atvinnu-
lífsins, spurður hvernig honum lítist á
þessar tillögur. Hann svarar og segir að
sér lítist ekkert á þær. Ég þurfti að lesa
viðtalið við hann nokkrum sinnum, var
viss um að ég var að misskilja eitthvað,
en það virtist ekki vera. Hann líkti þess-
ari bankastarfsemi við sjómennskuna,
skipstjórana, áhöfn og aflahlut.
Ég er fiskverkandi og fyrrverandi
skipstjóri og mig langar til að biðja
menn vinsamlegast um að sleppa þess-
um samanburði við ofurlaun og bón-
usa, það er fátt líkt með þessu tvennu.
Skipstjórinn og áhöfnin fara út að
fiska, það hagnast allir ef skipstjórinn
getur náð í aflann á hagkvæman og
skjótan hátt. Aflinn er síðan seldur og
andvirðið skiptist á milli útgerðar og
áhafnar þar sem skipstjórinn er með
tvöfaldan hásetahlut og í sumum tilfell-
um meira. Stóra málið er að þessir að-
ilar fá ekki greitt fyrr en aflinn er seldur
og greiddur, engir bakreikningar, nema
aflinn reynist gallaður þá er það dregið
af andvirði aflans.
Fiskast misjafnlega
Fjármálajöfrarnir okkar fyrrverandi fóru
út að fiska en þeir voru alltaf búnir að
taka sér greiðsluna fyrir aflann áður en
búið var að selja hann. Stundum voru
þeir búnir að selja aflann og borga sér
hlut úr túrnum áður en þeir fóru í veiði-
ferðina. Svo endar það með því að þeir
nenna bara ekkert að fara meira út að
fiska en dettur ekki í hug að borga til
baka það sem þeir borguðu sér fyrir-
fram. Getum við ekki verið sammála
um að aðferð sjómannanna sé gáfulegri
og væri ekki gott að koma þeirri aðferð á
fjármálakerfið?
Hjá sjómönnum fiskast misjafnlega,
stundum eru allir á lágmarkslaunum,
þ.e. tryggingu. Þeir taka á sig ábyrgðina
ef illa gengur og lækka í launum. Sáum
við þetta gerast í fjármálakerfinu, ég
man ekki til þess. En væri ekki gott að
koma þessu kerfi á fjármálakerfið?
Skipstjóri og áhöfn eru bundin
ströngum reglum, geta bara fiskað upp
að ákveðnu marki sem er takmarkað
með kvóta í hverri tegund.
Fjármálajöfrarnir okkar, fyrst verið er
að bera þá saman við skipstjóra, hegð-
uðu sér eins og skipstjóri sem gaf skít í
kvótann og djöflaðist bara alla daga við
að fiska sem mest óháð öllum reglum
um kvóta. Gæti þetta gengið á sjónum?
Nei!
Allt annar veruleiki
Vilhjálmur segir að sé sett eitthvert þak
á hvað skipstjórar mega fiska þá fari þeir
bara annað.
Skipstjórar eru alltaf á hreyfingu og
það eru margir góðir skipstjórar sem
eru tilbúnir að taka við ef einn hættir,
þeir telja sig ekki ómissandi frekar en
aðrir.
Er reynsla okkar sú að okkar út-
rásarvíkingar voru svo miklir snillingar
að það mátti borga þeim hvað sem var
bara til að fá þá inn fyrir dyrnar á bank-
anum og moka svo stanslaust í þá eftir
það?
Gerið það svo fyrir mig að hætta að
bera saman fiskveiðar og fjármálakerfi.
Með þessu er ég engan vegin að tala
niður til venjulegs starfsfólks í fjármála-
geiranum, þar á ég marga góða vini sem
mega ekki vamm sitt vita og ég tel víst
að þeirra ósk sé sú að sett verði skýrari
lög með takmörkunum á stjórnendur
því það bitnar jú verulega illa á þessu
góða starfsfólki þegar stjórnandinn býr
við allt annan veruleika en það sjálft.
Sprengjuleit Fjölmennt lið lögreglu, sérsveitar ríkislögreglustjóra og sprengjusveitar Landhelgisgæslunnar var neðst á Hverfisgötunni á þriðjudagsmorgun, en torkennilegur
hlutur sem talið var að gæti verið sprengja, fannst í grennd við Stjórnarráðið. Inni fyrir fundaði ríkisstjórnin. Mynd Sigtryggur Ari jóhAnnSSonMyndin
„Nei, nei, hún er meira að segja þriggja ára í
dag,“ segir Jóhann Hauksson, talsmaður ríkisstjórnar-
innar. Sprengja fannst fyrir utan Stjórnarráðið í gær.
Er stjórnin sprungin?
Umræða 17Miðvikudagur 1.–2. febrúar 2012
Mest lesið á DV.is
1 Ölgerðin býður bökurum í ferð til Þýskalands Ölgerðin hefur
boðið hópi bakara í ferð til Þýskalands.
Hópurinn fór á sunnudag og kemur til
baka á fimmtudag.
2 Búa til iPhone við ömurlegar aðstæður Starfsfólk sem framleiðir
iPhone og aðrar vörur fyrir Apple er í
hálfgerðri þrælavinnu.
3 Lýsti því grátandi þegar hún reyndi að endurlífga Speed
Eiginkona knattspyrnumannsins Gary
Speed, sem framdi sjálfsvíg í fyrra, kom
fyrir dóm á mánudag.
4 Glys og glamúr á Gay 46 Skemmtistaðuirnn Gay 46 var opnaður
um helgina á Hverfisgötunni.
5 Heimavarnarliðið auglýsir eftir „útburðarhyski“ Auglýst
eftir þeim sem stóðu að útburði í
Breiðagerði í byrjun janúar.
6 „Gæti verið leifar af sprengju“ Lögregla var með mikinn viðbúnað
vegna torkennilegs hlutar sem fannst
á Hverfisgötu.
7 Neitaði að greiða fyrir vöru í Austurstræti Lögregla handtók
karlmann í annarlegu ástandi sem
neitaði að greiða fyrir vöru í verslun.
Aðsent
Elvar Reykjalín
fiskverkandi
„Fjármálajöfrarnir
okkar fyrrverandi
fóru út að fiska en þeir
voru alltaf búnir að taka
sér greiðsluna fyrir aflann
áður en búið var að selja
hann.