Dagblaðið Vísir - DV - 14.11.2012, Side 6

Tilgangslaus bílanefnd
n Ríkisendurskoðun fjallar um „úrelta“ nefnd hjá ríkinu
B
ílanefnd ríkisins, sem hefur
eftirlit með bifreiða- og
akstursmálum ríkisstofnana,
er óþörf. Þetta er mat Ríkis-
endurskoðunar sem leggur til í nýrri
skýrslu sinni að nefndin verði lögð
niður.
Bílanefnd ríkisins hefur meðal
annars það hlutverk að taka afstöðu
til beiðna ríkisstofnana um kaup eða
rekstrarleigu á bifreiðum. Að fengnu
samþykki nefndarinnar geta stofnan-
ir snúið sér til Ríkiskaupa sem annast
innkaup eða samninga um leigu fyrir
þeirra hönd. Þá eru aksturssamn-
ingar stofnana við starfsmenn sína
einnig háðir samþykki nefndarinnar.
Í skýrslu Ríkisendurskoðun-
ar kemur fram að kaup stofnana á
bifreiðum eigi að vera samkvæmt
rammasamningum, líkt og önnur
innkaup þeirra á vöru og þjónustu.
Þá kemur fram að nefndina skorti
úrræði til að framfylgja því umsjón-
ar- og eftirlitshlutverki sem henni er
falið. Þannig hefur nefndin til dæmis
ekki skýrt umboð til að bregðast við
ef stofnanir fara ekki að þeim reglum
sem gilda í þessum efnum. Þá er bent
á að hlutverk hennar við eftirlit með
hagkvæmni bílamála hjá ríkinu sé
takmarkað enda meti nefndin ekki
þörf stofnana fyrir bifreiðar.
„Á undanförnum árum hefur
forstöðumönnum verið falin aukin
ábyrgð á rekstri stofnana miðað við
það sem áður var. Ríkisendurskoðun
telur að starfsemi bílanefndar sé á
skjön við þessa þróun og að nefndin
sé bæði úrelt og óþörf. Lagt er til að
nefndin verði lögð niður og að reglu-
gerð sem kveður á um starfsemi
hennar verði numin úr gildi,“ segir í
skýrslunni þar sem er lagt til að kaup
á bifreiðum verði samkvæmt svoköll-
uðum rammasamningum sem fyrr
segir.
einar@dv.is
n Engar upplýsingar fást um félagsmenn í Samtökum fjárfesta
E
ngar upplýsingar fást um
hverjir standa á bak við
Samtök fjárfesta, hags-
munasamtök fjárfesta. Fé-
lagið átti árið 2010 sjö hund-
ruð milljónir og hlutabréfaeign upp
á tugi milljóna króna. Einn starfs-
maður er hjá samtökunum en það
er Vilhjálmur Bjarnason sem er
framkvæmdastjóri og stjórnarmað-
ur í samtökunum. Hann er ekki til-
búinn að upplýsa hverjir standa á
bak við samtökin.
Engin félagsgjöld í leynifélaginu
Vilhjálmur greindi frá gríðarmiklum
eignum Samtaka fjárfesta í samtali
við Fréttablaðið árið 2010. Þá sagði
hann að samtökin hefðu hagnast
vel á hlutabréfum sem samtökin
keyptu í Verðbréfaþingi í kringum
árið 1995 og að engin félagsgjöld
hefðu verið innheimt frá árinu
2006. Þá munu samtökin hafa feng-
ið dágóða summu þegar sænska
kauphallarsamstæðan OMX tók
þá íslensku yfir árið 2007 en kaup-
verðið var í sænskum krónum. Sú
fjárhæð var lögð inn á bankareikn-
ing samtakanna og árið 2010 hafði
upphæðin legið þar óhreyfð og
safnað vöxtum. Vilhjálmur sagði í
viðtalinu að sjóðurinn og vextirnir
af honum væru notaðir til að fjár-
magna rekstur samtakanna en það
felur meðal annars í sér að greiða
honum laun fyrir störf sín fyrir fé-
lagið og að greiða stjórnarmönnum
þóknun fyrir sín störf.
Eftir hrunið og fall bankanna
hafa samtökin höfðað nokkur
dómsmál á hendur bönkunum,
slitastjórnum þess og höfð-
aði Vilhjálmur einnig vitnamál
gegn fyrrverandi eigendum og
starfsmönnum Landsbankans og
viðskiptafélögum þeirra. Vitnamál-
ið var höfðað í tengslum við skaða-
bótamál sem 350 fyrr verandi hlut-
hafar íhuga að höfða gegn Björgólfi
Thor Björgólfssyni, aðaleiganda
bankans. Vilhjálmur var sjálfur
hluthafi í bankanum.
Skila ekki ársreikningum
Þar sem Samtök fjárfesta eru fé-
lagasamtök eru ekki gerðar kröfur
til félagsins um að standa skil á árs-
reikningum til fyrirtækjaskrár. Það
þýðir að almenningur hefur ekki
aðgang að neinum fjárhagsleg-
um upplýsingum um félagið. Það
er sem sagt ekki hægt að fá upp-
lýsingar um raunverulega eigna-
stöðu eða skuldastöðu þess nema
frá framkvæmdastjóranum. Í árs-
reikningum má jafnan sjá upp-
lýsingar um launagreiðslur og þar
sem Vilhjálmur er eini starfsmað-
ur félagsins myndi ársreikningur
upplýsa hversu mikið fjárfestarnir í
Samtökum fjárfesta greiða honum í
laun. Fyrir utan störf sín fyrir félagið
er Vilhjálmur einnig lektor við við-
skiptafræðideild Háskóla Íslands.
Einu gögnin sem Vilhjálmur var
tilbúinn að sýna blaðamanni þegar
leitað var upplýsinga um aðstand-
endur félagsins voru stofnsam-
þykktir þess. Í fyrrnefndu viðtali
við Fréttablaðið sagði Vilhjálm-
ur að félagsmenn væru í kringum
fimmtán hundruð talsins, jafn
margir og hann sagði félagsmenn
vera árið 2007 í viðtali við sama
blað. Þar blés hann á sögusagn-
ir um að Samtök fjárfesta væri ein-
hvers konar eins manns félag.
Stóð uppi sem sigurvegari
Segja má að Vilhjálmur hafi stað-
ið uppi sem sigurvegari í prófkjöri
Sjálfstæðisflokksins í Suðvestur-
kjördæmi um helgina en hann
hafnaði í fjórða sæti auk þess að fá
fleiri hundruð atkvæði til að leiða
listann. Vilhjálmur fékk 658 atkvæði
í fyrsta sætið, sem eru tæp þrettán
prósent greiddra atkvæða. Athygli
vakti einnig í niðurstöðum próf-
kjörsins að Bjarni Benediktsson,
formaður flokksins, fékk færri at-
kvæði í heild en Vilhjálmur.
Í kjölfar prófkjörsins sendi
blaðamaður nokkrar spurningar til
Vilhjálms í gegnum tölvupóst þar
sem hann var inntur eftir því hvort
hann myndi halda áfram að starfa
fyrir samtökin. Eins og greint var frá
á DV.is á mánudag brást Vilhjálmur
illa við spurningunum, sagði þær
vera eins og hálfviti hefði skrifað
þær og sagðist hafa orðið illur við
lestur þeirra. „Ég get alveg guð svar-
ið fyrir það að þegar ég sá þetta að
þá hélt ég að það væri hálfviti sem
hnoðaði þessu saman,“ sagði hann.
Vilhjálmur gaf þó upp að hann
myndi starfa áfram fyrir samtökin, í
það minnsta fram að kosningum. n
Fær laun Frá
hulduFélagi
Stóreignafélag Vilhjálmur er framkvæmdastjóri Samtaka fjárfesta en félagið á eignir
upp á mörg hundruð milljónir króna. Stærsta eignin er sjóður sem heldur utan um söluand-
virði hlutar félagsins í Kauphöll Íslands.
Aðalsteinn Kjartansson
blaðamaður skrifar adalsteinn@dv.is
Össur um makríldeiluna:
Hótunum Norð-
manna ekki
tekið þegjandi
„Það eru sérstakar kæruleið-
ir innan EFTA-samkomulags-
ins sem hægt er að nýta gegn
ákvörðunum EFTA-þjóða um
viðskiptaþvinganir gegn hverri
annarri, og ég lýsti því form-
lega yfir á ráðherrafundinum
að Ísland myndi beita þeim
leiðum gegn Norðmönnum ef
þeir ákvæðu að beita viðskipta-
þvingunum í makríldeilunni
umfram það sem samningurinn
heimilar,“ segir Össur Skarphéð-
insson utanríkisráðherra sem á
mánudag var staddur á ráðherra-
fundi EFTA í Genf. Í fréttatilkynn-
ingu kom fram að Íslendingar
hefðu tekið upp makríldeiluna á
fundinum.
„Það hefur auðvitað vakið
athygli okkar að Norðmenn, fyrst
og fremst Lisbet Berg Hansen
sjávarútvegsráðherra, hafa geng-
ið fram með sverum hótunum í
okkar garð um viðskiptaþvinganir
vegna makríldeilunnar, og geng-
ið lengra en Damanaki sjávar-
útvegsstjóri ESB. Við tökum því
ekki þegjandi, allra síst þar sem
Norðmenn eru bundnir af EES-
samkomulaginu sem beinlínis
slær í gadda að Norðmenn geta
ekki farið í þvinganir sem ganga
umfram það sem þar er heimilað
við aðstæður eins og þessar.“
Utanríkisráðherra segir að
Norðmenn hafi áður í samskipt-
um sendiherra landanna verið
varaðir við því að aðgerðum af
þessu tagi verði svarað með því
að nýta umsvifalaust kæruleiðir
innan EFTA-samkomulags-
ins. „Þær viðvaranir voru nú
settar á hærra stig með því að
við kynntum það formlega inn-
an ráðherra ráðs EFTA til hvaða
viðbragða við myndum þá grípa.“
Ráðherrann segir það ekki í þágu
Norðmanna að beita meðulum af
þessu tagi gagnvart Íslendingum
í makríldeilunni.
„Ég sagði á fundinum að það
væri óhugsandi að Norðmenn
gripu til ráða sem vafi leiki á að
væru lögleg og það myndi hafa
áhrif á önnur samskipti ríkjanna.
Við eigum ýmsar leiðir í hendi ef
í harðbakka slær.“
Ölvaðir menn
brutu rúðu
Lögreglan á höfuðborgarsvæðinu
fékk tilkynningu um tvo menn
sem höfðu brotið rúðu í húsi við
Laugaveg gegnt Hlemmi á þriðju-
dagsmorgun. Nokkru seinna
voru tveir menn, sem reyndust
vera mjög ölvaðir, handteknir á
Baróns stíg og eru þeir grunaðir
um verknaðinn. Mennirnir voru
færðir á lögreglustöð og kom þar í
ljós að annar þeirra var eftirlýstur
vegna rannsóknar annars máls hjá
lögreglu. Rætt var við þá þegar af
þeim var runnið.
Þá fékk lögreglan tilkynningu
um þjófnað á málverki í Domus
Medica við Egilsgötu. Ekki kemur
fram í tilkynningu lögreglu hvort
einhver hafi verið handtekinn í
tengslum við málið.
6 Fréttir 14. nóvember 2012 Miðvikudagur
Ráðherrabifreiðar Bílanefnd
sér meðal annars til þess að reglum
um endurnýjun á ráðherrabílum sé
framfylgt. Nefndin er hins vegar úr-
elt að mati Ríkisendurskoðunar sem
leggur til að hún verði lögð niður.