Dagblaðið Vísir - DV - 30.11.2012, Side 12

M
aður á sextugsaldri sem
dæmdur var í 18 mánaða
fangelsi í maí 2011 fyrir
að brjóta kynferðislega
gegn þroskahömluðum
manni, hefur ekki enn hafið afplán­
un – einu og hálfu ári eftir að dóm­
ur í máli hans féll. Páll Winkel, for­
stjóri Fangelsismálastofnunar, segist
ekki geta tjáð sig um einstök mál.
„Ég get þó almennt sagt að í forgangi
er að taka inn þá dómþola sem telj­
ast hættulegir, eru í brotum eftir að
dómur er kveðinn upp auk þess sem
alvarleiki brots skiptir vissulega máli.
Hins vegar getur komið upp sú staða
að dómþolar sem dæmdir eru fyrir
alvarleg brot komist ekki strax til af­
plánunar vegna plássleysis,“ segir
Páll. Samkvæmt upplýsingum frá
Fangelsismálastofnun er almenna
reglan sú að kynferðisafbrotamenn
séu í forgangi þeirra sem eru teknir
til afplánunar. Maðurinn var tekinn
fyrir að brjóta gegn fórnarlambinu
í janúar 2010. Seinna kom í ljós að
þetta var ekki í fyrsta sinn sem mað­
urinn braut gegn fórnarlambinu sem
er þroskahamlaður og býr á sambýli.
Fór inn í herbergið og læsti
Það var þann 6. janúar 2010 sem mað­
urinn kom í heimsókn á sambýlið
sem fórnarlambið býr á. Mennirnir
höfðu þekkst frá árinu 1999 þegar að
sá fyrrnefndi var að vinna á öðru sam­
býli sem fórnarlambið bjó þá á. Frá
þeim tíma hafði hann verið í reglulegu
sambandi við fórnarlambið og meðal
annars boðið honum í bíltúra. Vanda­
menn fórnarlambsins höfðu staðið í
þeirri trú að maðurinn væri vinur hans
og vissu ekki að honum gengi neitt
misjafnt til. Umrætt kvöld mætti mað­
urinn á sambýlið og var hleypt inn af
þroskahamlaðri konu sem einnig býr
á sambýlinu. Það vakti athygli starfs­
manns sem var á vakt að maðurinn
gekk rakleiðis inn í herbergi fórnar­
lambsins og læsti hurðinni. Við yfir­
heyrslur lýsti fórnarlambið atburða­
rásinni á þann hátt að hann hefði verið
í tölvunni þegar maðurinn kom inn
í herbergið og læsti dyrunum. Hann
hefði síðan spurt sig hvort hann mætti
ekki káfa á typpinu á sér. Hann kvaðst
hafa neitað því en ákærði hefði samt
sem áður losað um buxur hans, tekið
um typpi hans og farið að fróa honum.
Brotaþoli kvaðst hafa sagt ákærða að
hætta, hann ætti kærustu og vildi ekki
að hann gerði þetta við sig. Skömmu
síðar hafi starfsmaður á sambýlinu
hringt í sig og beðið sig að koma fram.
Hún hafi síðan vísað ákærða út úr hús­
inu.
Kom grátandi fram á
nærbuxunum
Við dóminn sagði starfsmaðurinn á
sambýlinu að henni hefði þótt heim­
sókn mannsins grunsamleg. Hún
bankaði á herbergisdyrnar en fékk
ekkert svar. Þá hlustaði hún eftir því
hvort eitthvað væri sagt í herberginu
og segist þá hafa heyrt fórnarlambið
segja: „Þú mátt þetta ekki, ég vil þetta
ekki.“ Þá hafi hún áttað sig á að eitt­
hvað var í gangi inni á herberginu og
hafi þess vegna hringt í fórnarlambið
sem hafi svarað kjökrandi í símann.
Hún bað hann um að koma fram
sem og hann gerði. Þegar hann kom
út herberginu var hann í nærbuxum
einum fata en áður en maðurinn kom
hafi hann verið í náttbuxum enda ný­
kominn úr sturtu. Starfskonan segist
þá hafa spurt fórnarlambið hvað hefði
gerst og hann þá sagt henni frá því há­
grátandi að maðurinn hefði verið að
runka honum. Þá fór hún inn í her­
bergi og segir manninn hafa setið þar
á rúminu með nærbuxur af fórnar­
lambinu í fanginu. Hún segist hafa
vísað manninum út en hann hafi þá
sagt að hann hefði nú unnið í faginu
og þekkti þetta. Eftir það hefði hann
farið.
Hafði brotið gegn honum áður
Starfskonan ræddi síðar við fórnar­
lambið sem sagði henni frá því að
þetta hefði ekki verið í fyrsta sinn
sem maðurinn braut gegn hon­
um kynferðislega. Hann hefði káfað
á honum í bíltúrum sem þeir fóru í
og látið hann káfa á sér líka. Fórn­
arlambinu virðist hafa létt við að
málið komst upp en hann hafi verið
mjög upptekinn af því að þetta væri
honum að kenna. Hann hafi lengi
haft hægðartregðuvandamál sem
hafi horfið eftir að upp komst um
málið og sagði starfskonan starfs­
fólkið telja það tengjast kvíða hans
vegna tengsla við manninn.
Aldrei sýnt kynferðislega
tilburði
Maðurinn neitaði öllum sakargiftum
og sagðist saklaus bæði í yfirheyrslum
og við réttarhöld. Geðhagir mannsins
voru rannsakaðir með það fyrir augum
að finna út hvort hann væri sakhæfur
og hann reyndist vera það. Maðurinn
lenti í bílslysi fyrir um þrjátíu árum
og lenti í hjólastól í kjölfarið. Hann
komst úr hjólastólnum og gengur nú
við hækjur. Hann er sagður hafa yfir­
burðagreind og hafi vitað hvað hann
var að gera. Í vörn sinni sagði hann
fórnarlambið vera ofvirkt á á kynferðis­
sviðinu og hefði ítrekað sýnt af sér
slíka hegðun í þeirra samskiptum.
Forstöðukona sambýlisins sem fórn­
arlambið býr á sagði hann aldrei hafa
sýnt af sér kynferðislega tilburði, það
þurfi til dæmis að baða hann og aldrei
hafi borið á neinu slíku. Félagsráðgjafi
sem sérhæfir sig í kynlífsfræðslu fyrir
þroskahefta tók undir þetta en hún
hefur þekkt fórnarlambið í 20 ár. Hún
sagði þekkingu hans á kynlífsefnum
afar takmarkaða og hann þekkti til að
mynda ekki einkasvæði líkamans og
vissi ekki í hverju samþykki væri fólg­
ið. Dómurinn komst að þeirri niður­
stöðu að þrátt fyrir að gerandinn væri
mikið líkamlega fatlaður þá hafi ekk­
ert komið fram sem benti til að hann
væri andlega skertur á nokkurn hátt og
því sakhæfur. Hann hafi misnotað sér
yfirburðastöðu sína gagnvart fórnar­
lambinu. Honum er í dómsorðum
gert að afplána 18 mánaða fangelsi
og borga skaðabætur. Þrátt fyrir það
gengur maðurinn enn laus, en í janúar
verða liðin þrjú ár frá því að brotið var
framið. n
NíðiNgur ekki eNN
hafið afpláNuN
12 Fréttir 30. nóvember – 2. desember 2012 Helgarblað
Lúskraði á viðhaldinu
n Kom að sambýliskonunni í rúmi með öðrum manni
H
éraðsdómur Reykjaness hefur
dæmt karlmann á fertugsaldri
í tveggja mánaða skilorðs­
bundið fangelsi fyrir líkams­
árás. Maðurinn réðst á annan mann
þegar að hann kom að honum í rúmi
með fyrrverandi sambýliskonu sinni.
Rúmt ár er síðan árásin átti sér
stað en það var í september í fyrra
sem maðurinn kom að heimili sínu
að nóttu til og fann fyrrverandi sam­
býliskonu sína og annan mann í rúm­
inu saman. Árásarmaðurinn sagðist
hafa ráðist á manninn í „ákafri geðs­
hræringu“ og misst stjórn á skapi
sínu. Sambýlisfólkið hafði þó slitið
samvistir, en árásarmaðurinn taldi
sig þó enn eiga heima í íbúðinni.
Hann sló brotaþola ítrekað með
hnefa í andlitið. Við það hlaut brota­
þoli glóðarauga á vinstra auga, sár á
nefi, brot á augntóftarhólfi, tann­
brot, nefbeinsbrot og brot á miðnesi
auk þess að fá heilahristing. Ákærði
játaði sök, en mótmælti brota­
kröfu brotaþola á þeim grundvelli
að brotaþola hefði mátt vera ljóst
að hann væri á heimili ákærða og í
rúmi með konu ákærða. Í skýrslu­
töku hjá lögreglunni tók konan
reyndar fram að hún og ákærðu
hefðu verið skilin og því hefði
ákærði ekki átt erindi inn á heimil­
ið um miðja nótt, þrátt fyrir að hann
ætti hjá henni muni. Dómurinn tók
þá afsökun þó ekki gilda, en vísaði
miskabótakröfu brotaþola frá dómi
vegna skorts á gögnum. Síðan atvik­
ið átti sér stað hafa konan og ákærði
tekið saman aftur.
Þrátt fyrir að fá ekki miskabætur
fær brotaþoli skaðabætur að upp­
hæð 375 þúsund krónur auk þess
sem ákærða er gerð refsing, tveggja
mánaða fangelsi, en refsingin fellur
niður ef ákærði heldur skilorð næstu
tvö árin. Það er gert í ljósi þess að
ákærði játaði brotið skýlaust. Þetta
er í þriðja sinn sem ákærða er gerð
refsing. n
n Dæmdur í maí 2011 fyrir að níðast á þroskahömluðum manni
Viktoría Hermannsdóttir
blaðamaður skrifar viktoria@dv.is
„Þú mátt
þetta
ekki, ég vil
þetta ekki
Gengur enn laus Þrátt fyrir að eitt og hálft ár sé síðan maðurinn var dæmdur fyrir að
brjóta gegn þroskahömluðum manni og nærri þrjú ár séu síðan brotin áttu sér stað hefur
hann ekki enn hafið afplánun á 18 mánaða dómi sínum. SviðSett mynd: dv
ekki pláss fyrir hættulega Páll Winkel
segir dæmi um að fólk sem hlýtur dóma fyrir
alvarleg brot komist ekki í afplánun sökum
plássleysis.
Gripin í bólinu Maðurinn kom að fyrrverandi sambýliskonu sinni uppi í rúmi með öðrum
karlmanni á heimili þeirra í fyrra og gekk í skrokk á manninum. mynd: tenGiSt eFni FréttAr eKKi
neikvæð eiginfjárstaða Íe:
Kári neitaði
að ræða tapið
Íslensk erfðagreining (ÍE) tapaði
á annan milljarð króna á síðasta
ári og er með neikvæða eiginfjár­
stöðu. Frá þessu greindi Viðskipta­
blaðið á fimmtudag. ÍE tapaði tæp­
um 14 milljónum dollara, eða á
annan milljarð króna, á árinu 2011
samkvæmt ársreikningi fyrirtækis­
ins. Eiginfjárstaða fyrirtækisins var
neikvæð um rúmlega 51 milljón
dollara í lok sama árs. Fyrirtækið
treystir á fjármögnun núverandi
eigenda til að tryggja reksturinn
áfram. Í ársreikningi fyrirtækisins
kemur fram að gert sé ráð fyrir að
Íslensk erfðagreining hafi rekstrar­
fé fram á fyrsta ársfjórðung 2013
en að miklu leyti þurfi að treysta á
fjármögnun eigenda út árið 2013.
Kára Stefánssyni, forstjóra Ís­
lenskrar erfðagreiningar, var
gefinn kostur á að tjá sig um málið
en bauðst til að ræða við blaða­
mann Viðskiptablaðsins í kringum
10. desember þar sem hann vildi
ekki ræða málefni fyrirtækisins
að svo stöddu. Í grein Viðskipta­
blaðsins kemur fram að blaðið
hafnaði þessu tilboði Kára og sagði
Kári að þetta yrði síðasti skipti sem
hann myndi ræða við blaðamann
og sleit símtalinu.
Ökufantur
á skólabekk
Sautján ára piltur var staðinn að
hraðakstri á Reykjanesbraut í
Garðabæ kvöld eitt í vikunni en
bíll hans mældist á 143 kílómetra
hraða. Ljóst er að pyngja hans
mun léttast verulega vegna þessa,
en auk sektarinnar fer pilturinn
í akstursbann og verður gert að
setjast aftur á skólabekk til að ná
réttum tökum á akstrinum.
„Vonandi kemur hann aftur í
umferðina sem betri ökumaður
eftir að hafa lært sína lexíu,“ segir í
tilkynningu lögreglunnar á höfuð­
borgarsvæðinu um málið.
Ökumenn til
fyrirmyndar
Næstum allir ökumenn voru
til fyrirmyndar þegar lögreglan
var við hraðamælingar á Selás­
braut í Reykjavík á miðvikudag.
Fylgst var með ökutækjum sem
var ekið Selásbraut í norðurátt,
við Selásskóla. Á einni klukku­
stund, eftir hádegi, fóru 60 öku­
tæki þessa akstursleið og var
þeim öllum nema tveimur ekið á
löglegum hraða, en þarna er 30
kílómetra hámarkshraði. Hinir
brotlegu mældust á 41 og 47
kílómetra hraða.
Vöktun lögreglunnar á Selás­
braut er liður í umferðareftirliti
hennar á höfuðborgarsvæðinu,
en ábendingar höfðu borist um
hraðakstur á þessum stað. Þess
má geta að við fyrri hraðamæl­
ingar á þessum stað hefur brota­
hlutfallið verið 29–39 prósent,
en síðan þá hafa verið gerðar
hraðahindrandi aðgerðir. Miðað
við niðurstöðuna á miðvikudag
hafa þær aðgerðir skilað árangri.