Dagblaðið Vísir - DV - 07.01.2013, Blaðsíða 11

Fréttir 11Mánudagur 7. janúar 2013
F
riðjón Björgvin Gunnarsson,
eigandi netverslunarinnar
buy.is, hefur skipulega fært
starfsemi netverslunarinn­
ar buy.is á milli kennitalna á
undanförnum árum til þess að losna
við að greiða aðflutningsgjöld. Starf­
semi buy.is felst að mestu í sölu raf­
tækja en þegar þau eru flutt inn þarf
að greiða af þeim tolla og virðis­
aukaskatt eða svokölluð aðflutnings­
gjöld. Er nú svo komið að ýmis fé­
lög sem tengjast Friðjóni samkvæmt
fyrir tækjaskrá skulda um 50 milljónir
króna í opinber gjöld.
DV fjallaði ítarlega um meint brot
Friðjóns og félaga hans í júní árið
2012. Var tilefnið ítrekaðar ásakanir á
hendur honum um skipulagt kenni­
töluflakk og stórtæk skattsvik á spjall­
svæði Verðvaktarinnar. „Kennitölu­
flakk er ekki ólöglegt. Kennitöluflakk
er ekki einu sinni siðlaust,“ skrifaði
Friðjón á vefsvæði Verðvaktarinnar
til að verjast ásökunum á hendur sér.
Fréttastofa RÚV greindi síðan frá
meintum brotum Friðjóns í lok des­
ember síðastliðnum. Í samtali við
fréttastofu RÚV viðurkenndi Frið­
jón að hann stofnaði ný félög reglu­
lega og greiddi ekki aðflutnings­
gjöld. Það væri gert viljandi í þeim
tilgangi að fyrirtæki hans gæti stað­
ið í samkeppni við stærri fyrirtæki á
raftækjamarkaði. Hann sagðist hafa
rætt við lögmenn sem teldu athæf­
ið ekki ólöglegt – það væri hins vegar
mögulega á gráu svæði siðferðilega
séð. RÚV greindi hins vegar ekki frá
nafni Friðjóns og nefndi heldur ekki
fyrirtækið buy.is.
Brotin nú til rannsóknar
Fullyrðingar Friðjóns um að ekki sé
ólöglegt fyrir fyrirtæki að sleppa því
að greiða aðflutningsgjöld virðast ekki
eiga við rök að styðjast. Samkvæmt
heimildum DV eru meint brot Friðjóns
í gegnum félagið buy.is nú til skoðun­
ar hjá skattrannsóknarstjóra ríkisins
og hjá embætti tollstjórans í Reykjavík.
Bryndís Kristjánsdóttir skatt­
rannsóknarstjóri sagðist í viðtali við
DV ekki geta tjáð sig um einstök mál
sem væru til rannsóknar en staðfesti
að embættinu væri kunnugt um það
mál sem DV spurðist fyrir um. Ekki
náðist í embætti tollstjórans í Reykja­
vík við vinnslu fréttarinnar.
Á félag í Hong Kong
Fyrirtækið China 4You Limited sem
einnig er í eigu Friðjóns er talið
stunda brot á gjaldeyrislögum. Á
heimasíðu buy.is kemur fram að
ef óskað er eftir því að greiða fyrir
vörur með svokölluðu PayPal þá fari
greiðslan til fyrirtækisins China 4You
Limited. Það félag er skráð í Hong
Kong og samkvæmt gögnum sem
DV hefur undir höndum er Friðjón
skráður eigandi þess.
Þess skal einnig getið að sam­
kvæmt gögnum úr fyrirtækja­
skrá framkvæmdi sýslumaðurinn
í Reykjavík árangurlaust fjárnám á
hendur Friðjóni árið 2010 og er íbúð
sem hann er búsettur í skráður á
eigin konu hans samkvæmt kaup­
mála þeirra á milli.
Samkeppnisaðilar óánægðir
Samkvæmt heimildum DV hafa selj­
endur á tölvum og raftækjum hér­
lendis lengi verið ósáttir við starfs­
aðferðir Friðjóns. „Auðvelt að bjóða
svona verð þegar þú skiptir um
kennitölu á hverju ári,“ sagði Sig­
urður Þór Helgason, eigandi fyrir­
tækisins Frameworks sem rekur
verslunina iphone.is, á spjallsvæði
Verðvaktarinnar en hann stofnaði
umræðuþráð um meint brot Frið­
jóns.
Verslunin buy.is er samkvæmt
skráningu á vefnum rekin af fyrir­
tækinu 1949 ehf. Sjálfur er Friðjón
skráður eigandi lénsins. Í rekstr­
arsögu Friðjóns kemur fram að frá
2008 hafa fimm fyrirtæki í hans eigu
farið í þrot eins og sjá má í töflu með
fréttinni. Síðast fyrirtækið 1992 ehf.
sem kom að rekstri buy.is
Ekki náðist í Friðjón við vinnslu
fréttarinnar þrátt fyrir ítrekaðar til­
raunir. Hið sama átti við þegar DV
fjallaði um málefni buy.is í júní
2012 þar sem óskað var eftir við­
brögðum hans. „Það er að mínu
mati síðasta úrræðið að skipta um
kennitölu en á meðan það er lög­
legt að gera slíkt, þá sé ég ekkert
athugavert við það, svo fremi sem
það skaðar engan annan. Ég skipti
um kennitölu til þess að tryggja að
ábyrgðarþjónusta haldist og buy.
is lifi,“ var meðal þess sem hann
skrifaði á vefsvæði Verðvaktarinn­
ar til þess að réttlæta gjörðir sínar.
„Ég heiti Friðjón, ég er kennitölu­
flakkari, þunglyndissjúklingur, fað­
ir, góður maður og á og rek buy.is,“
bætti hann við. n
BUY.IS GRUNAÐ UM
STÓRFELLD BROT
n Eigandi buy.is í kennitöluflakki til að losna undan aðflutningsgjöldum
Skipulagt kennitöluflakk Friðjón Björgvin Gunnarsson, eigandi netverslunarinnar buy.
is, viðurkennir að stunda skipulagt kennitöluflakk og greiðir ekki aðflutningsgjöld til þess að
geta staðið í samkeppni.
„Kenni-
töluflakk
er ekki ólöglegt.
Kennitöluflakk
er ekki einu
sinni siðlaust.
Annas Sigmundsson
blaðamaður skrifar as@dv.is
Félög tengd
Friðjóni
✘ Starfandi ✔ Gjaldþrota
Félög tengd Friðjóni Kennitala
✘ 1680 ehf. 510912-0550
✘ 1690 ehf. 450712-0430
✘ 1720 ehf. 520312-0560
✘ 1820 ehf. 510512-1890
✘ 1920 ehf. 560112-1140
✘ 1949 ehf. 560112-1060
✔ 1990 ehf. 650609-2120
✔ 1992 ehf. 680111-0730
✘ B Import ehf. 670511-1540
✘ Centurion Group ehf. 451007-0170
✔ FBG ehf. 420210-1160
✘ Import ehf. 691111-0240
✔ Innfl. og ráðgjöf ehf. 470809-0510
✘ Netverslun ehf. 601100-2820
✔ Terra ehf. 590711-0550
✘ Tokina ehf. 461112-2260
✘ Tölvuverkstæðið ehf. 510512-1540
Lén tengd Friðjóni
n buy.is
n china4you.com
n minningargreinar.is
n markadslausnir.is
n hundafot.is
n jakkafot.is
n nuddpottar.is
Um buy.is
Af heimasíðu buy.is: „Buy.is er net-
verslun sem selur vörur af öllu tagi en
aðallega raftæki. Leitast er við að bjóða
ávallt lægsta verðið á markaðnum og
ef það ekki tekst, þá frekar sleppum við
því að selja vöruna. Við leitum því að
þeim vörum sem aðrir eru að selja mest
af og athugum hvort mögulegt sé að
selja sömu vöru á lægra verði. Við höfum
margra ára reynslu af því að kaupa og
selja vörur og verulega góð sambönd,
bæði innanlands sem utan.“
Á heimasíðu buy.is segir að fyrirtækið
sé alfarið í eigu Friðjóns Björgvins
Gunnarssonar og fjölskyldu.
Svöng á suðurskautinu
n Vilborg Arna á 88. breiddargráðu n Slæmar aðstæður til pólgöngu
Í
slenski pólfarinn Vilborg Arna
Gissurardóttir kveðst stríða við
hungurtilfinningu þegar hún
leggur til atlögu við síðustu kíló­
metrana að lokatakmarki sínu.
Þetta kemur fram í tilkynningu
sem aðstandendur hennar sendu
frá sér á laugardag.
Vilborg lagði á suðurpólinn
þann 19. nóvember síðastliðinn
og var áætlað að gangan á syðsta
punkt jarðar tæki 50 daga. Fyrir­
séð er að gangan muni taka lengri
tíma en Vilborg er nú komin yfir
á 88. breiddargráðu og á eftir að
ganga um 220 kílómetra til að ná á
pólinn, eða sem nemur vegalengd­
inni frá Akureyri til Vopnafjarðar.
Og enn er á brattann að sækja því
hækkunin sem eftir er nemur um
250 metrum. Á laugardag voru 47
göngudagar að baki og miðað við
yfirferð Vilborgar síðustu daga má
ætla að hún komist á pólinn eft­
ir um það bil viku, eða í kringum
næstu helgi.
Í tilkynningunni kemur fram
að aðstæður til pólgöngu hafi
verið slæmar síðustu daga. Mikill
kuldi hafi verið á svæðinu og auk
þess mjög mikið hvassviðri sem
myndað hefur það háa rifskafla að
vanir pólfarar segjast vart þekkja
annað eins. Vilborg, sem þarf að
hylja allt andlit sitt með grímu,
er hins vegar hvergi bangin og er
staðráðin í að ná markmiði sínu.
Hún segir þessar aðstæður þvert
á móti vera mikla áskorun fyr­
ir sig og þrátt fyrir að hún sé lítil­
lega kalin á lærum hefur henni
aukist þróttur eftir því sem loka­
takmarkið nálgast. Hún segist þó
vera sísvöng enda er maturinn
sem hún hefur haft meðferðis á
þrotum. Líkur eru á að hún þurfi
að láta senda sér meiri vistir þar eð
göngudagarnir verða væntanlega
fleiri en hún gerði ráð fyrir. n
Tæp vika eftir
Búist er við að Vilborg
nái á pólinn í kringum
næstu helgi.