Dagblaðið Vísir - DV - 25.02.2013, Síða 6

Sex milljarðarnir
fóru ekki til Giftar
n Orð aðstoðarkaupfélagsstjórans ríma ekki við ársreikninga félagsins
E
kkert í bókhaldi fjárfestingar­
félagsins Giftar bendir til
þess að rúmlega sex millj­
arða króna eignir dóttur­
félags þess, Fells ehf., hafi
skilað sér aftur til félagsins. Sigur­
jón Rúnar Rafnsson, aðstoðarkaup­
félagsstjóri Kaupfélags Skagfirðinga,
sagði í viðtali við DV í árslok 2011 að
milljarðarnir sex hefðu skilað sér til
Giftar. Þegar gengið var frá nauða­
samningum Giftar í lok árs 2011 átti
félagið eignir upp á um 2,8 milljarða
króna en þar af var handbært fé upp
á 1.700 milljónir króna. Milljarðarnir
sex voru því ekki hluti af eignasafni
Giftar þegar gengið var frá nauða­
samningum félagsins.
Enn er ekkert vitað hvað um
þessa sex milljarða króna varð en
ekkert kemur fram um þá í ársreikn­
ingi Giftar fyrir 2008 og ekki voru
þeir inni í félaginu við nauðasamn­
inga þess. Sérstakur saksóknari
hefur skoðað málefni Fjárfestingar­
félagsins Fells en DV hefur ekki
heimildir fyrir stöðunni á athugun­
inni á félaginu.
Gerðist árið 2009
DV fjallaði ítarlega um flóknar til­
færslur með þessar eignir Fells og
Giftar í lok árs 2011. Rúmlega sex
milljarða króna eignir Fells enduðu í
félagi sem heitir Fjárfestingarfélagið
EST en í árslok 2008 voru skráðar
eignir þess félags rúmlega 6,2 millj­
arðar króna. Ári síðar höfðu eignir fé­
lagsins rýrnað um nærri 6,1 milljarð
króna. Engar skýringar eru gefnar á
þessari eignarýrnun í ársreikningi
félagsins fyrir árið 2009. Þar seg­
ir aðeins að um sé að ræða „niður­
færslu krafna“. Samkvæmt þessum
ársreikningum Fjárfestingarfélags­
ins EST átti eignarýrnun félagsins
sér stað árið 2009 en ekki árið 2008.
Passar ekki
Í máli Sigurjóns Rúnars við fyrirspurn
DV um málið sagði orðrétt: „Að gefnu
tilefni vil ég taka það fram að þeir fjár­
munir sem komu inn í Fjárfestingar­
félagið Fell árið 2006 voru allir í formi
hlutafjár. Við formleg skipti á Felli
árið 2008 fór eignarhlutur dóttur­
félags Giftar, Fjárfestingarfélagsins
EST ehf., aftur til þess félags, sem skil­
aði fjármununum að fullu með pen­
ingagreiðslu til Giftar, rúmir 6 millj­
arðar króna, sem greidd var til Giftar í
mars 2008. Þessu til staðfestingar vísa
ég til Kristins Hallgrímssonar hrl. hjá
Advel lögfræðistofu sem annast hef­
ur samskipti við lánardrottna Giftar.
Hlutur Kaupfélags Skagfirðinga rann
síðan með samruna aftur til dóttur­
félags KS. Skrif varðandi meinta
óeðlilega starfsemi Fjárfestingar­
félagsins Fells og að fjármunir hafi
horfið í ofangreindum viðskiptum
eru því algjörlega tilhæfulaus. Allir
fjármunir sem lagðir voru í félag­
ið skiluðu sér til baka til eigenda að
fullu með ásættanlegri ávöxtun.“
Miðað við ársreikninga Fjár­
festingarfélagsins EST, ársreikning
Giftar fyrir árið 2008 og eignastöðu
félagsins við gerð nauðasamnings
þess getur ekki staðist að peningarnir
sem verið höfðu í Felli hafi skilað sér
aftur til Giftar með þeim hætti sem
Sigurjón Rúnar lýsti. n
Ingi Freyr Vilhjálmsson
fréttastjóri skrifar ingi@dv.is
„… sem skilaði fjár-
mununum að fullu
með peningagreiðslu til
Giftar, rúmir 6 milljarðar
króna, sem greidd var til
Giftar í mars 2008.
Ekkert í nauðasamningum Miðað við eignastöðu
Giftar þegar gengið var frá nauðasamningum félagsins
í árslok 2011 voru milljarðarnir sex frá Felli ekki eign
félagsins á þeim tíma. Þórólfur Gíslason og Sigurjón
Rúnar Rafnsson eru æðstu stjórnendur Kaupfélags
Skagfirðinga.
6 Fréttir 25. febrúar 2013 Mánudagur
Kvenrithöfundar verðlaunaðir
n Fjöruverðlaunin afhent í sjöunda sinn á konudaginn
B
ókmenntaverðlaun kvenna,
Fjöruverðlaunin, voru afhent
við hátíðlega athöfn í Iðnó í
gær, á sjálfan konudaginn.
Þetta er í sjöunda sinn sem verðlaun­
in eru veitt. Verðlaunað var í þremur
flokkum; fagurbókmenntum, fræði­
bókum og barna­ og unglingabók­
um en það var menntamálaráðherra,
Katrín Jakobsdóttir, sem afhenti
verðlaunin.
Auður Jónsdóttir hlaut verð­
launin í flokki fagurbókmennta fyr­
ir bók sína Ósjálfrátt sem gefin er út
af Máli og menningu en í umsögn
dómnefndar um bókina segir með­
al annars: „Frásögnin er hreinskilin
og vægðarlaus, en virðing, væntum­
þykja og djúpur mannskilningur ein­
kennir lýsingar af sögupersónum.
Samfélag og samband kvenna er í
fyrirrúmi, mæðra og dætra, systra og
frænkna, amma og ömmustelpna.“
Sagan af klaustrinu á Skriðu eftir
Steinunni Kristjánsdóttur hlaut verð­
launin í flokki fræðibóka en það var
Sögufélagið sem gaf bókina út. Þór­
dís Gísladóttir hlaut verðlaunin í
flokki barna­ og unglingabóka fyrir
skáldsöguna Randalín og Mundi sem
Bjartur gaf út. Margir gestir lögðu
leið sína á hátíðina og boðið var upp
á tónlistaratriði áður en verðlauna­
afhendingin hófst. Frú Vigdís Finn­
bogadóttir ávarpaði samkomuna.
Að verðlaunaafhendingu lokinni
fóru fram pallborðsumræður um
hlutverk og sérstöðu kvenna í listum
á Íslandi sem og nauðsyn verðlauna
líkt og Fjöruverðlaunanna sem sér­
staklega eru ætluð konum. Í frétta­
tilkynningu vegna verðlaunanna
segir að Fjöruverðlaunin séu orðin
mikilvægur hluti af bókmennta­ og
menningarlífi landsmanna en fyrst
og fremst lykilþáttur í að vekja athygli
á framlagi kvenna til íslenskra bók­
mennta. n
Verðlaunahafarnir Hér má sjá verðlaunahafana; þær Auði Jónsdóttur, Þórdísi Gísla-
dóttur og Steinunni Kristjánsdóttur.
Nýr flokkur
stofnaður
Landsbyggðarflokkurinn var
stofnaður nú um helgina og bætist
í hóp þeirra fjölmörgu stjórnmála­
flokka sem ætla að bjóða fram
til næstu kosninga. Stofnfund­
ur flokksins var haldinn á netinu
með þátttakendum víða á landinu.
Bráðabirgðastjórn hefur verið kos­
in í flokkinn fram að framhalds­
stofnfundi sem haldinn verð­
ur innan tveggja vikna. Hlutverk
bráðabirgðastjórnarinnar verður
að vinna frekar að samþykktum
og stjórnmálayfirlýsingum flokks­
ins og framboði hans til alþingis­
kosninga í vor. Þetta kom fram í
yfirlýsingu frá flokknum. Magn­
ús Hávarðarson Ísafirði, Gunnar
Smári Helgason Siglufirði, Haukur
Már Sigurðarson Patreksfirði, Árni
Björnsson Egilsstöðum og Ylfa
Mist Helgadóttir Bolungarvík voru
kosin í bráðabirgðastjórnina.
Óánægðir
kaþólikkar
Enginn kaþólskur prestur er á
Vestfjörðum þrátt fyrir að þar búi
um 500 kaþólikkar samkvæmt
Bæjarins Besta. Flestir kaþólikk­
anna búa á Ísafirði og í Vestur­
byggð en messa er haldin í kapellu
kaþólsku kirkjunnar tvisvar í
mánuði. Þá kemur séra Sebastian
Ludwin að sunnan og messar. Ríf­
lega hundrað kaþólikkar hafa sent
kaþólsku kirkjunni yfirlýsingu þar
sem þeir lýsa yfir óánægju sinni
með þetta afskiptaleysi kirkjunn­
ar á Vestfjörðum og vilja fá prest
vestur. Óskað hefur verið eftir því
meðal annars að kaþólsk kirkja
verði byggð á Patreksfirði.
Vantar við-
miðunarmörk
Mikið magn arsens hefur fundist
í matvælum unnum úr hrísgrjón­
um og líka í ávaxtasöfum eins og
epla­ og vínberjadjús. Þetta kemur
fram á heimasíðu Neytendasam­
takanna. Meiri hætta er fyrir börn
en fullorðna að neyta arsenríkra
matvæla. Í Danmörku og Svíþjóð
ganga ráðleggingar stjórnvalda
út á það að börn neyti ekki hrís­
grjónadrykkja. Engar rannsóknir
eru til um arsen í matvælum hér­
lendis og viðmiðunarmörk um
þau í matvælum hafa ekki verið
sett. Matvælastofnun skoðar nú
hvort ekki þurfi að nota sömu leið­
beiningar hér heima fyrir þessi
matvæli og notaðar eru erlendis.