Dagblaðið Vísir - DV - 03.01.2014, Blaðsíða 2

Helgarblað 3.–6. janúar 20142 Fréttir
Fær hálfa milljón
í mánaðarlaun
Samkvæmt heimasíðu samtakanna eru allir starfsmenn Fjölskylduhjálpar sjálfboðaliðar
É
g fór á laun fyrir tveimur
árum síðan, ástæðan var sú
starfið var orðið mjög tíma­
frekt. Allt upp í sextán tíma
á sólarhring og í raun þyrft­
um við eina manneskju á skrif­
stofu í hálfan dag. Við höfum þó
ekki efni á því, höfum verið að
spara mikið,“ segir framkvæmda­
stýra Fjölskylduhjálpar, Ásgerður
Jóna Flosadóttir. Hún fær um hálfa
milljón króna í mánaðarlaun og
hefur haft slík laun síðustu tvö ár.
Samkvæmt heimasíðu samtak­
anna eru allir starfsmenn í sjálf­
boðaliðavinnu og þær upplýsingar
eru því ekki réttar. „Við eigum eftir
að uppfæra heimasíðuna, við feng­
um hana gefins fyrir ári.“
Sjálfboðaliðastarf í lagi
upp að vissu marki
Ásgerður segir að ekki sé farið
leynt með þá staðreynd að hún
þiggi laun fyrir sína vinnu. „Það
gekk í átta ár að ég væri án launa,
en þróunin varð á þann veg að það
var ekki hægt lengur vegna álags.
Sjálfboðaliðastarf er allt í lagi upp
að vissu marki. Í uppgjöri sem
við dreifum til styrktaraðila, bæði
einkaaðila og opinberra, kemur
launakostnaður fram.“ Þessar
upplýsingar er þó erfitt að finna á
netinu og því geta þeir sem vilja
styrkja samtökin í fyrsta sinn átt
erfitt með að sjá annað en að allir
peningastyrkir fari beint til þeirra
sem sækja um aðstoð hjá samtök­
unum. Eins og fyrr segir kemur
ekki annað fram á heimasíðu sam­
takanna en að þar séu einungis
sjálfboðaliðar að störfum. Þá vekur
það athygli að tvær vefsíður merkt­
ar samtökunum eru til, hvor með
sinni endingunni.
Hægt að skoða bókhald á
skrifstofunni
Samkvæmt upplýsingum frá Fjöl­
skylduhjálp er erfitt að loka gömlu
síðunni. Þar eru nokkur gildi sam­
takanna efst á forsíðunni og eitt
þeirra er „Gegnsæi.“ Það er út­
skýrt á þennan hátt: „Speglar það
að bókhaldið er opið hverjum sem
er og geta sýnt fram á að þínu fé er
ráðstafað rétt.“ Á nýju síðunni eru
þessi gildi hvergi að finna og ekki
heldur upplýsingar um stjórn sam­
takanna. Þá er ársreikningur ekki
gefinn út á rafrænu formi, þar sem
engan skanna er að finna á skrif­
stofu samtakanna. Í gegnum tíð­
ina hefur þeim verið dreift til við­
takenda í pósti og ekki stendur
sérstaklega til að gera breytingar
þar á. „Það reyndist enginn áhugi
á þessum reikningum sem við gáf­
um út og því ákváðum við að senda
þá bara til opinberra stofnana og til
stærstu styrktaraðila. Með því móti
spöruðum við prentkostnað,“ segir
Ásgerður Jóna. „Hver sem vill getur
komið hingað til okkar og skoðað
möppurnar okkar, þannig hefur
það verið síðustu tíu ár. Það er þó
ekki hægt að taka bókhaldið með
sér út, eðlilega ekki.“
Hagnaður á síðasta ári
Ásgerður lét blaðamanni árs­
reikning síðasta árs í té, en upp­
gjörstímabil er frá 1. júní til 31.
maí. Samkvæmt rekstrarreikningi
voru tekjur af styrkjum frá einstak­
lingum, fyrirtækjum og stofnun­
um rúmlega 63 milljónir, en árið
áður voru þær rúmlega 32 milljón­
ir. Styrkir frá ríkissjóði og sveitar­
félögum lækkaði úr 5,3 milljónum
í 2 milljónir. Fyrir þennan pening
voru vörur keyptar fyrir tæpar 39
milljónir og hækkaði um tæplega
þrjár milljónir, launagjöld voru 7,3
milljónir og hækkuðu um rúmlega
700 þúsund. Annar rekstrarkostn­
aður ríflega tvöfaldaðist, úr 6,6
milljónum í 13,9. Muninn má að
mestu útskýra vegna leigu á nýju
húsnæði Fjölskylduhjálpar í Iðu­
felli í Breiðholti, en þangað flutt­
ist starfsemi samtakanna á höfuð­
borgarsvæðinu fyrr á árinu. Þá
jókst kostnaður við reikningslega
aðstoð um rúmlega eina milljón
króna á milli ára og var 2,2 millj­
ónir á síðasta ári. Hagnaður varð
af rekstri samtakanna um tæplega
þrjár og hálfa milljón króna, sam­
anborið við tap upp á 12,6 millj­
ónir árið áður. Á síðasta ári var
óráðstafað eigið fé þeirra rúmar 17
milljónir króna. n
Leigja húsnæði Rekstrarkostnaður
hækkaði mikið á milli ára samkvæmt síð-
asta ársreikningi Fjölskylduhjálpar. Kemur
það til vegna þess að starfsemin var flutt í
leiguhúsnæði fyrr á árinu. mynd Sigtryggur ari
„Það gekk í átta
ár að ég væri án
launa, en þróunin varð á
þann veg að það var ekki
hægt lengur vegna álags.
rögnvaldur már Helgason
rognvaldur@dv.is
Mengun var
innan marka
Styrkur svifryks fyrstu klukku­
stundina árið 2014 var 245
míkrógrömm á rúmmetra í
mælistöðinni við Grensásveg
í Reykjavík. Meðaltalsstyrk­
urinn á nýársdag var hins
vegar 18 míkrógrömm á
rúmmetra. Heilsuverndarmörk­
in á sólarhring eru þar með 50
míkrógrömm á rúmmetra, sem
er undir heilsuverndarmörkum.
Eðli málsins samkvæmt er tals­
vert meira af svifryki í lofti rétt
eftir miðnætti á nýársdag, enda
höfuðborgarbúar iðnir við að
skjóta upp flugeldum. Þá má geta
þess að fyrstu klukkustundina
árið 2013 var styrkurinn 475 en
árið 2012 var hann 1.014. Ástæða
fyrir lágu svifryksgildi þessi ára­
mót er falin í veðurskilyrðum sem
voru afar góð í ár.
Hér verður þrettándagleði
Kýr tala mannamál og kynjaverur mæta á brennur
Á
þrettándanum má sjá hinar
ýmsu kynjaverur skemmta
sér við brennur sveitarfé­
laga, en víða um landið notar
fólk tækifærið og gerir sér glaðan
dag á síðasta degi jóla. Samkvæmt
þjóðtrúnni tala kýr mannamál
á þrettándanum, og því eflaust
einhverjir sem hafa varann á sér í
fjósum landsins.
Í Hafnarfirði verður þrettánda­
gleði á Ásvöllum á mánudagskvöld,
en dagskráin þar hefst klukkan hálf
sjö um kvöldið. Þar verður álfa­
brenna, söngur, glens og gaman og
Grýla og Leppalúði mæta á svæð­
ið og lýkur hátíðahöldunum með
flugeldasýningu klukkan hálf átta. Í
Grindavík verður mikil dagskrá, að
vanda munu börn ganga í hús og
sníkja nammi og þá verður skemmti­
dagskrá í íþróttahúsinu og flugelda­
sýning á vegum Björgunarsveitar­
innar Þorbjarnar.
Þar sem þrettándann ber upp
á mánudegi þetta árið nota sum
sveitarfélög tækifærið og flytja há­
tíðahöldin yfir á helgina, sums
staðar er jafnvel haldið upp á
þrettándann tvisvar. Til dæmis
verður þrettándagleði ungmenna­
félagsins Baldurs í Flóahreppi
haldin á laugardaginn, 4. janúar,
en þrettándagleði ungmennafé­
lagsins Vöku verður mánudags­
kvöldið 6. janúar. Þrettánda­
gleði í Vestmannaeyjum fer fram
yfir helgina en á Akureyri verður
þrettándagleði Þórs haldin á plan­
inu við Hamar sunnudaginn 5.
janúar. n
astasigrun@dv.is
Brenna Við brennurnar birtast oft hinar
ýmsu kynjaverur. mynd davíð Þór
Vinsæll seðill
Notkun á tíu þúsund króna seðli,
sem settur var í umferð á haust­
mánuðum, er talsvert mikil. Nú
eru um 550 þúsund tíu þúsund
króna seðlar í umferð utan Seðla­
banka Íslands eða um 5,5 millj­
arðar króna. Samkvæmt upp­
lýsingum frá Seðlabankanum er
hlutdeild seðilsins um 12,5 pró­
sent af andvirði seðla í umferð í
lok árs, en alls eru um 44,2 millj­
arðar króna í seðlum í umferð.
Seðlabankinn segir að til­
gangur með útgáfu tíu þúsund
króna seðilsins hafi verið að gera
greiðslumiðlun á Íslandi liprari
og hagkvæmari, meðal annars
með því að fækka seðlum í um­
ferð. Telja forsvarsmenn bankans
að það hafi tekist, þar sem fimm
þúsund króna seðlum í umferð
hefur fækkað.