Dagblaðið Vísir - DV - 03.01.2014, Blaðsíða 10

Helgarblað 3.–6. janúar 201410 Fréttir
Bók Össurar veldur
ólgu í Samfylkingu
n Margt sem Samfylkingarfólki sárnar n „Hún er ekki að öllu leyti sanngjörn“
B
ók Össurar Skarphéðins­
sonar, Ár drekans, hefur
valdið nokkrum titringi
innan Samfylkingarinnar.
Í bókinni, sem byggir í
grófum dráttum á dagbókarfærsl­
um Össurar, er fjallað með opin­
skáum hætti um átök milli ráð­
herra og þingmanna sem áttu sér
stað árið 2012, til að mynda um
landsdómsákæruna gegn Geir H.
Haarde og framlög til þróunarað­
stoðar. DV hefur heimildir fyrir
því að bókin fari mjög í taugarn­
ar á ýmsum núverandi og fyrr­
verandi þingmönnum flokksins,
enda þyki mörgum sem dregin sé
upp ósanngjörn mynd af þeim Jó­
hönnu Sigurðardóttur og Oddnýju
G. Harðardóttur sem gegndu störf­
um forsætisráðherra og fjármála­
ráðherra í tíð síðustu ríkisstjórnar.
Kosið eftir sannfæringu
Í Ári drekans segir Össur að þriðj­
ungur þingflokksins hafi hótað Jó­
hönnu Sigurðardóttur að segja sig
úr þingflokknum ef það gengi eft­
ir að ákæran gegn Geir H. Haar­
de yrði afturkölluð. Össur vildi að
ákæran yrði dregin til baka og Geir
hlíft, en segir Jóhönnu hafa þving­
að þingmenn til að falla frá stuðn­
ingi við afturköllun ákærunn­
ar. DV hefur rætt við fyrrverandi
þingmenn Samfylkingarinnar sem
segja þetta ekki eiga við rök að
styðjast. „Það var alveg á kristal­
hreinu að hver og einn ætti að
kjósa eftir eigin sannfæringu og
engu öðru. Það er enginn fótur
fyrir því að Jóhanna hafi þvingað
þingflokkinn til eins né neins,“ seg­
ir fyrrverandi þingmaður sem DV
ræddi við. Einn núverandi þing­
maður tekur í sama streng en vill
ekki tjá sig um bók Össurar. „Æi, ég
leiði þessa bók bara hjá mér,“ segir
hann, aðspurður hvort rétt sé að
bókin hafi valdið ólgu meðal sam­
fylkingarfólks.
Jóhanna og femínisminn
„Ég skemmti mér yfir þessari bók
enda er Össur sniðugur penni.
En hún er ekki að öllu leyti sann­
gjörn,“ segir einn af fyrrverandi
þingmönnum flokksins í samtali
við DV. „Mér finnst einna furðu­
legast hvernig hann fer með kon­
urnar í Samfylkingunni, til dæmis
Jóhönnu og Oddnýju,“ segir hann.
Dæmi um þetta eru orð hans í bók­
inni um að sú ákvörðun að gera
Oddnýju að fjármálaráðherra hafi
verið liður í femínískri baráttu Jó­
hönnu, frekar en „liður í fjármála­
festu“. „Þetta er frekar skrítið, því
Oddný þykir hafa staðið sig með
prýði sem formaður fjárlaganefnd­
ar og ég sé ekki hvaða karlmaður
hefði hentað betur í embætti fjár­
málaráðherra,“ segir maður sem
gegnt hefur trúnaðarstörfum inn­
an Samfylkingarinnar og fylgdist
náið með störfum flokksins á síð­
asta kjörtímabili.
Deilt um þróunaraðstoð
Jóhanna Sigurðardóttir og Oddný
G. Harðardóttir hafa gagnrýnt
söguskýringar Össurar óbeint í
stöðuuppfærslum á Facebook.
Í bókinni fullyrðir Össur að þær
hafi þrýst á um að dregið yrði úr
þróunaraðstoð á fjárlagaárinu
2013, en hann hafi sjálfur komið
í veg fyrir það. Þessu hafna þær.
„Aldrei kom annað til greina en
að hækka framlag til þróunarað­
stoðar og aldrei um annað rætt í
ríkisstjórninni, ráðherranefnd um
ríkisfjármál eða í þingflokki Sam­
fylkingarinnar,“ skrifaði Oddný
fyrr í mánuðinum og tók Jóhanna
undir með henni: „Það er hárrétt
hjá Oddnýju að aldrei hafi komið
til greina að lækka framlög til þró­
unaraðstoðar. Hún var frábær fjár­
málaráðherra. Passaði líka vel upp
á framlög til barna­ og vaxtabóta,
ólíkt því sem núverandi fjármála­
ráðherra gerir.“
Össur og „elítan“
Á síðu 163 í bókinni kemur fram að
þann 19. maí árið 2012 hafi Öss­
ur verið í flugvél á leið til Banda­
ríkjanna á leiðtogafund NATO.
Þá hafi hann spjallað við utan­
ríkisráðherra Lúxemborgar og
sagt við hann: „Við gerum báðir
ráð fyrir því að í Frakklandi vinni
Francois Hollande góðan sig­
ur.“ Staðreyndin er hins vegar sú
að Francois Hollande var kjörinn
forseti Frakklands þann 6. maí.
Kjartan Valgarðsson, formaður
fulltrúaráðs Samfylkingarfélaga
í Reykjavík bendir á þetta á Face­
book­síðu sinni og skrifar: „Það
er útilokað að Össur hafi skrif­
að þetta í dagbók sína þennan
dag.“ Þá furðar Kjartan sig á því að
Össuri skuli vera tíðrætt um „elítu“
og „flokkseigendafélag“ í bókinni
þegar hann er sjálfur fyrsti for­
maður flokksins, fyrrverandi ráð­
herra og oddviti í Reykjavík.
„Grand old man“
„Það virðist dálítið í tísku þessa
dagana hjá gömlum stjórnmála­
mönnum að skrifa bækur og slá sig
til riddara. En hjá Össuri er svolítið
um leiðindi í garð samstarfsfélaga
hans. Hann getur auðvitað skrifað
eins og hann lystir, en ég mundi
ekki gera svona,“ segir þingmaður
í stjórnarandstöðu sem DV ræddi
við. Þá segir fyrrverandi þingmað­
ur að túlka megi margt í bókinni
sem einhvers konar sáttaviðleitni
gagnvart Sjálfstæðisflokknum
vegna landsdómsmálsins, en í
bókinni er Össuri tíðrætt um af­
stöðu sína gagnvart ákærunni á
hendur Geir H. Haarde. „Össur er
skemmtilegur karl. Dálítill svona
„grand old man“ á þinginu,“ segir
einn viðmælenda. Bókin hefur
fengið góða dóma þótt ekki geti
allir fallist á söguskýringarnar sem
þar koma fram. n
Jóhann Páll Jóhannsson
johannp@dv.is
„Mér finnst einna
furðulegast hvern-
ig hann fer með konurnar í
Samfylkingunni, til dæmis
Jóhönnu og Oddnýju.
Össur gegn
Jóhönnu
Samfylk-
ingarfólki
sem DV hefur
rætt við þykir
Össur draga
upp ósann-
gjarna mynd
af Jóhönnu
Sigurðardóttur
í bók sinni Ár
drekans.
MynD SiGtryGGur Ari
Stormasamt kjörtímabil Tekist var harkalega á í þingflokki Samfylkingarinnar meðan
flokkurinn var í ríkisstjórn.
Fleiri skip
úr landi
Í lok síðasta mánaðar bárust
fregnir af fjöldauppsögnum
sjómanna bæði í Hafnarfirði
og á Sauðárkróki. Vænta má
fleiri uppsagna í sjávarútvegin­
um miðað við frétt sem birtist
á vef LÍÚ. Þar kemur fram að
fleiri útgerðarfyrirtæki stefni á
að selja togara úr landi. Má þar
nefna að Þorbjörn hf. í Grinda­
vík hyggst selja frystitogarann
Hrafn og að Brim hf. muni selja
Skálaberg til Grænlands. Auk
þess hefur Ögurvík sett skipið
Frera á sölu og seldi HB Grandi
togarann Venus í desember.
Ætla má að uppsagnahrina sjó­
manna muni því halda áfram.
Rafmagns-
laus áramót í
Árneshreppi
Íbúar í Árneshreppi misstu af
áramótaskaupinu þetta árið en
rafmagnslaust var í hreppnum
frá um klukkan þrjú síðdegis
á gamlársdag til þrjú aðfara­
nótt nýársdags. Í fréttatilkynn­
ingu Orkubús Vestfjarða kemur
fram að ástæðan fyrir þessum
truflunum var lína sem slitn­
aði á Trékyllisheiði. Viðgerðar­
menn komu á svæðið að sögn
nokkrum klukkustundum eftir
að rafmagn fór af og eftir bráða­
birgðaviðgerð var rafmagni
komið á í hreppnum. Slæmt
veður var á svæðinu og höfðu
alls fimm rafmagnsstaurar
brotnað í óveðrinu.