Dagblaðið Vísir - DV - 15.07.2014, Side 36

Vikublað 15.–17. júlí 201436 Fólk
S
kemmtikrafturinn Sverrir
Þór Sverrisson íhugar nú að
flytjast búferlum til útlanda
ásamt fjölskyldu sinni. Kona
hans, Íris Ösp Bergþórsdóttir við­
skiptafræðingur, hyggur á dokt­
orsnám en ekki er ákveðið hvenær
af því verður eða hvert fjölskyld­
an ætlar sér. „Þetta er allt saman
í bígerð,“ segir Sverrir og heldur
áfram: „Það hefur staðið til hjá okk­
ur fjölskyldunni að flytja til útlanda
heillengi, eiginlega frá því að við
kynntumst. Maður á ekki að búa á
þessari eyju alla ævi.“
En hvert langar Sveppa að flytja?
„Ég er til í hvað sem er. Ég er hins
vegar ekki að fara strax. Ég er að
taka upp bíómynd og frumsýni
hana í haust, ég er með risatónleika
í október og er bókaður í skemmtun
í desember og mun vinna eitthvað í
sjónvarpi. Þannig að það eru ýmsir
lausir endar sem þyrfti að ganga frá
áður en land verður lagt undir fót.“
Myndin sem um ræðir heitir Al­
gjör Sveppi og Gói bjargar málun­
um, en það er fjórða Sveppa­
myndin. Að þessu sinni reynir
illmennið sem áhorfendur kynnt­
ust í fyrstu myndinni að ræna völd­
um á Íslandi, en Sveppi og félagar
gera allt sem í þeirra valdi stendur
til að stöðva þau áform. Leikstjóri
myndarinnar er Bragi Þór Hinriks­
son sem skrifar einnig handritið
ásamt Sverri. n
baldure@dv.is
Sveppafjölskylda til útlanda
Vigdís Hauks naut
lífsins í Flórens
É
g var svo heppin að vera boð­
ið í brúðkaup til Ítalíu. Var
þar í sextán daga,“ segir Vig­
dís Hauksdóttir aðspurð hvað
hún hafi verið að gera frá því
að þingi var slitið. „Systursonur minn
var að gifta sig í Flórens, það er yndis­
leg borg alveg hreint. Síðan er hún á
svo góðum stað. Það er stutt að fara til
annarra skemmtilegra borga. Við fór­
um til Feneyja, Pisa, niður til Napólí,
Capri og Pompeii. Síðan enduðum
við í Rómaborg.“
Kolféll
Brúðguminn sem um ræðir heitir
Haukur Logi Karlsson, doktorsnemi
í lögum við European University
Institute, en hann gekk að eiga Ás­
laugu Dögg Karlsdóttur að viðstödd­
um vinum og fjölskyldu, meðal
annars Vigdísi, sem aldrei áður hafði
komið til Ítalíu. Hún kolféll fyrir landi
og þjóð „Þarna var góður matur og
léttur í maga. Ítalir eru mjög vinaleg­
ir; mikil þjónustulund í þeim.“
Batteríin hlaðin
Á þingi er Vigdís þekkt fyrir sköru­
lega framgöngu og átakasækni. Í frí­
inu forðaðist hún aftur á móti allt
slíkt. Í Flórens hlóð hún batteríin
fyrir áframhaldandi baráttu í haust.
„Þarna gekk allt fyrir sig átakalaust.
Annars var ég ekkert eftir mig eftir
þingið. Maður gengur bara til hvers
verks eins og það er á hverjum degi.
Ég er búin að vera í þessu í fimm ár og
orðin vön. Pásan er samt nauðsynleg.
Það verða allir að hlaða batteríið og
þess vegna erum við með fimm vikna
lögbundið sumarfrí.“
Rótast í moldinni
Þótt Vigdís sé í sumarfríi er hún ekki
alveg laus við vinnuna, því skyld­
an kallar allt árið um kring. Þegar
blaðamaður nær tali af henni er hún
að undirbúa sig fyrir miðstjórnar­
fund Framsóknarflokksins sem fjall­
að er um framar í blaðinu. En er eitt­
hvað skemmtilegt fram undan hjá
Vigdísi? „Ég kem til með að ferð­
ast innanlands. Svo stunda ég og
María, systir mín, mikla garðrækt.
Hún er bóndi fyrir austan fjall og
við erum með garðrækt þar; rækt­
um allt okkar grænmeti sjálfar. Mág­
ur minn er með skógrækt á sömu
jörð og ég hjálpa honum að klippa
til og dedúa. Ég er mikið náttúru­
barn þannig að það hentar fulllkom­
lega að geta komist aðeins út til að
rótast í moldinni í sveitinni á sumr­
in,“ segir Vigdís sem er lærður garð­
yrkjufræðingur frá Garðyrkjuskóla
ríkisins og starfaði lengi vel sem slík­
ur í Blómavali. Þá var hún kennari við
blómaskreytingabraut skólans.
Semur fjárlög fyrir þjóðina
Ljóst er, miðað við stuðið í sum­
ar, að Vigdís mætir fersk til leiks
til næsta þings. Sem kunnugt er
sat Vigdís í sérstökum hagræðing­
arhópi sem ríkisstjórnin setti á lagg­
irnar á síðasta ári. Sá hópur skilaði
afar umdeildum niðurskurðartillög­
um. Hún er auk þess formaður fjár­
laganefndar Alþingis. „Fjárlög­
in verða númer eitt, tvö og þrjú hjá
mér á næsta þingi. Ég ætla að vinna
eins vel og ég get fyrir hönd íslensku
þjóðarinnar.“ n
n Náttúrubarn sem rótast í moldinni n Hleður batteríin fyrir komandi átök
Baldur Eiríksson
baldure@dv.is
Markaðs-
nördinn
Jónína
Jónína Ben hefur löngum þótt
klók markaðsmanneskja. Fróð­
leik sínum og innsæi deilir hún
gjarnan með öðrum, til dæmis
á Facebook. „Sat áðan í falleg­
asta umhverfinu með fallegasta
fólkinu að horfa á leikinn. Hugs­
aði allt í einu sem svo „Áfram
Völsungur“ fór upp á herbergi
að sofa. Rosalega er þetta lélegur
leikur!“ skrifar Jónína í véfréttastíl
inn á Facebook­hópinn „Mark­
aðsnördar“. Líklegt verður að telja
að skilaboðin hafi ratað inn í vit­
lausan hóp en þau vöktu alltént
mikla athygli. Fyrstu viðbrögðin
voru þessi: „ok“.
Kósídagur
Gylfa og
Alexöndru
Fyrrverandi fegursta fljóð Ís­
lands, Alexandra Helga Ívars­
dóttir, heldur úti vinsælu bloggi á
vefsíðunni femme.is. Þar skrifar
hún um líf sitt og tilveru í Lund­
únaborg, þar sem hún býr ásamt
kærasta sínum, knattspyrnu­
kappanum Gylfa Þór Sigurðs­
syni. Hann spilar sem kunnugt
er fyrir Tottenham Hotspurs og
er mættur aftur til æfinga eftir
sumarfrí. Um helgina tók hann
því þó rólega með sinni heittelsk­
uðu. Alexandra skrifar: „Við hjúin
erum búin að eiga ótrúlega kósý
dag saman, en þetta er fyrsti frí­
dagurinn sem hann hefur fengið
síðan æfingar hófust að nýju. Við
fórum því í dinner í gær á uppá­
halds steikhúsið okkar en ég segi
ykkur betur frá því seinna.“
n Íris Ösp, kona hans, hyggur á doktorsnám n Fjórða Sveppa-myndin frumsýnd í haust
Sverrir Þór Sverrisson
Sveppi og fjölskylda flytja
hugsanlega af landi brott.
Jógvan
kvæntur
Söngvarinn Jógvan Hansen gekk
í það heilaga um helgina. Jógv­
an gekk að eiga Hrafnhildi Jó­
hannesdóttur í Hallgrímskirkju
á laugardag. Veislan fór fram á
Hilton­hótelinu í Reykjavík og
var mikið fjölmenni. Mörg skyld­
menni Jógvans frá Færeyjum
mættu í veisluna. Söngvararn­
ir Matti Matt, Pétur Örn Guð­
mundsson, Hreimur Örn Heim­
isson og Friðrik Ómar sungu í
brúðkaupinu en sá síðastnefndi
var einnig veislustjóri. Jógvan og
Hrafnhildur hafa verið saman
í nokkur ár og eiga saman tvær
dætur.
Hrókur alls fagnaðar Vigdís hélt
ræðu í brúðkaupi frænda síns í Flórens.
Gaman í Flórens Vigdís
skemmti sér ásamt fjölskyldunni
á Ítalíu. Farið var til Flórens í brúð-
kaup en einnig til Rómaborgar,
Napólí, Capri, Pompeii og Pisa.
Á fullu í garðrækt Vigdís ræktar grænmeti í garði systur sinnar í sveitinni og finnst gaman
að róta í moldinni