Dagblaðið Vísir - DV - 18.07.2014, Síða 26

Helgarblað 18.–21. júlí 201426 Umræða
Umsjón: Henry Þór BaldurssonÞessi eini sanni
Vinsæl
ummæli
við fréttir DV í vikunni
„Staðreyndin er
sú að Ísland er
láglaunaland,og
staða þess fer sífellt
versnandi. Nú þykist ég
vita að einhverjir munu
stökkva upp og mótmæla.
Fyrir venjulegan launþega
held ég að erfiðara sé að ná
endum saman en var fyrir
40 árum,“
segir Jón Kristinsson í
athugasemd við frétt DV um
neyðarástandið á leigumark-
aðnum á Íslandi. DV greindi frá fólki á
öllum aldi sem berst í bökkum og er að
sligast undan hárri leigu.
„Bíddu, bíddu!!
Allnokkur vitni að
atburðinum en
engin gerir neitt!! Hvað er í
gangi?“
spyr Eiríkur Barkarson í
athugasemd við frétt DV um
tvítugan ungan mann sem hef-
ur verið ákærður fyrir nauðgun í Svíþjóð.
Maðurinn var gestur á Bråvalla-tónlist-
arhátíðinni og er grunaður um að hafa
nauðgað sautján ára stúlku í miðjum
áheyrendaskara á miðjum tónleikum.
Fjöldi vitna var að árásinni.
„Og mér finnst
allt þetta mál
algjörlega
drepfyndinn farsi,“
segir Anna Pétursdóttir.
Tilefnið er viðtal við Tryggva
Gunnarsson kennara sem
Davíð Oddsson, ritstjóri Morgun-
blaðsins, taldi vera Tryggva Gunnarsson,
umboðsmann Alþingis. Ástæðan var
bréfaskriftir kennarans til fjölmiðla.
„Jáhá, það er
greinilega ekki
að ástæðulausu
að þessi drengur fór í
stjórnmál. Hann sómir
sér greinilega vel í
jafningahópi,“
segir Haraldur Magnússon.
Hann skrifar athugasemd við
frétt DV þar sem greint er frá
því að Vilhjálmur Árnason, þingmaður
Sjálfstæðisflokksins, fullyrði að frétt
Reykjavíkur Vikublaðs gefi ranga
mynd af samtali sem hann átti við
blaðamann, í tengslum við lekamálið
svokallaða, í síðustu viku.
„Þetta er þá allt
satt og rétt með
þessa Klópötru.
Hún er þá alveg eins og
Jesú!“
segir Smári Sverrisson, í
athugasemd við frétt sem
snýst um opið bréf Nancyar R.
Gunnarsdóttur. Í bréfinu fjallar Nancy
um deilur innan fjölskyldu sinnar, sem
stofnaði Gunnars Majones, og rekstur
fyrirtækisins. Sem kunnugt er varð
fyrirtækið gjaldþrota á dögunum.
4
13
13
6
2
N
ú vilja tækifærissinnar fá hing-
að til lands bandaríska risa-
verslun sem ætlar að selja
guðaveigar og sterakjöt til
grunlausra íslenskra neytenda. Þetta
finnst þeim sem leggja fæð á íslensk-
an landbúnað og yfirburði hans frá-
bær hugmynd. Talað er um „aukna
samkeppni“ og „jákvæð teikn á lofti
í efnahagsmálum“ en enginn hugsar
til þess að risinn horfir til Íslands með
glýjuna í augunum tilbúinn að gleypa
markaðinn í einum munnbita.
Hann ruglar íslenska neytendur
með loforðum um stærðarinnar
nautasteikur, aspirín-pillur í tonna-
tali og allt það áfengi sem hugurinn
girnist hvenær sem er dags gerir fólk
bara ruglað. Svarthöfði er vel sigld-
ur um heimsins höf og hefur víða
drepið niður fæti. Hann fer þó ávallt
með nesti með sér og nýja skó, enda
margt sem ber að varast á ókönnuð-
um slóðum.
Þegar hann heimsækir Bandaríki
Norður-Ameríku fer hann sérstak-
lega varlega. Þar ber að forðast vín-
ber á stærð við golfkúlur, appelsínur
á stærð við fótbolta, kjúklingabring-
ur sem gætu mettað ellefu manns
og síðast en ekki síst steraskornar
nautasneiðar. Forsætisráðherra vor,
Sigmundur Davíð Gunnlaugsson,
hefur bent á þessar staðreyndir og
borið í bætifláka fyrir samstarfskonu
sína, hina margreyndu framsóknar-
konu Sigrúnu Magnúsdóttur. Sig-
rún var óneitanlega fórnarlamb slæ-
legrar vinnubragða fjölmiðils sem
klippti saman viðtal á niðurlægjandi
hátt. Allt er gert til að tryggja að „virk-
ir í athugasemdum“ fái örugglega
nægju sína.
Ísland þarf ekki Evrópu og Ísland
þarf alls ekki Bandaríkin eða þau
gylliboð sem þaðan berast. Þetta vita
Sigmundur Davíð og Sigrún.
Höfum við kannski gleymt
framkomu Bandaríkjamanna við
Íslendinga þegar bandaríski her-
inn settist hér að, ágirntist land-
svæði og kvenfólk og fór svo með allt
hafurtaskið þegar það hentaði þeim?
Það hefur Svarthöfði ekki. Skömm
þeirra er ævarandi. Íslendingar eiga
að neita að taka þátt í stríðinu gegn
íslenskum landbúnaði og styðja þess
í stað við íslenskar verslanir. Hlustið
a Sigmund Davíð - leyfið ekki Golíat
að sigra.
Aspirín-risinn og Ísland
Svarthöfði
H
eimsmeistaramótið í
knattspyrnu hafði jákvæð áhrif
á samfélagið og hafði ýms-
ar birtingarmyndir. Ég sem
kem víða við og hitti marga varð þess
áskynja hvað þessi jákvæðu áhrif skil-
uðu sér inn á vinnustaði, dvalarheim-
ili og hjá fólki á förnum vegi. Hvar
sem ég kom í kaffistofur var búið að
setja upp lista þar sem spáð var fyrir
um úrslit mótsins og vegleg verðlaun
sums staðar í boði. Menn áttu sín
uppáhaldslið og kappsfullar umræð-
ur, glettni og grín fylgdi umræðunni
sem skilaði sér í jákvæðni á vinnu-
staðinn og í enda dagsins betri afköst-
um og skemmtilegri vinnustað.
Í erli dagsins er gott að hafa eitt-
hvað uppi í erminni og hlakka til að
hitta vinnufélagana sem máttu lúta
í gras í kappleiknum kvöldið áður.
Spennan jókst þegar liðunum fækk-
aði og „potturinn“ varð heitari. Fólk
safnaðist jafnvel saman á torgum og
opnum svæðum til að horfa á átrún-
aðargoðin sín og stolt þjóða sinna
spila knattspyrnu. Ekki var áhuginn
eða jákvæðnin minni á dvalarheimil-
um þar sem eldri borgarar tóku ekki
minni þátt í keppninni en væru þeir
sjálfir búnir að reima á sig takkaskóna
á heitum völlum Brasilíu. Þar mættu
menn jafnvel í treyju liða sinna fyrir
framan sjónvarpið til að kynda und-
ir rífandi stemningunni sem konur
og karlar tóku virkan þátt í. Á þenn-
an hátt hafa íþróttir jákvæð áhrif á
allt samfélagið. Hver þekkir það ekki á
sjálfum sér sem búið hefur í samtaka
samfélagi hvað andinn í bænum létt-
ist þegar liðið sigrar í leik svo ekki sé
talað um þegar landað er meistara titli.
Á mínum æskuslóðum mátti lesa
í bæjarbraginn eftir gengi ÍBV í fót-
bolta eða handbolta. Fátt er meira
rætt á hafnarvoginni og kaffistof-
um en gengi liðsins. Þegar vel geng-
ur þá smitar það út í allt samfélagið
og meiri gleði og jákvæðni ríkir. Ég
held því fram að Íslandsmeistaratitill
ÍBV í handbolta hafi haft jákvæð áhrif
á úrslit kosninganna í Eyjum í vor og
hefði hjálpað hvaða bæjarstjórn sem
var við völd. Slíkur er máttur íþrótt-
anna. Þannig eru íþróttirnar ekki að-
eins góðar fyrir þá sem þær stunda
heldur hafa íþróttir jákvæð áhrif á allt
samfélagið í kringum sig. Það er mik-
ilvægt að við leggjum rækt við gleðina,
vonina og það góða sem í okkur býr.
Nógur er barlómurinn og neikvæðu
fréttirnar sem góðu tíðindin og já-
kvæðu fréttirnar verða að víkja fyrir í
umræðunni.
Fátt gleður okkur meira en að
geta orðið að liði. Vera ærlegir þegn-
ar, skila okkar og leggja öðrum lið.
Þetta upplifið ég í liðinni viku ásamt
400 öðrum góðum konum og körlum.
Þessi hópur hefur hist á Þorláksmes-
su að sumri og borðað saman kæsta
skötu til góðs fyrir þá sem þurfa að-
stoð eða að tekið sé á með þeim undir
hornið á vagninum og honum komið
yfir erfiðan hjalla á lífsleiðinni.
Til að gera þetta mögulegt hafa
fyrirtæki og einstaklingar lagt sitt
af mörkum ásamt þeim sem greiða
sig inn og töluverður sjóður verð-
ur til sem notaður er til styrktar góð-
um málefnum. Í lok borðhaldsins eru
styrkirnir afhentir af viðstöddum öll-
um þeim sem tóku þátt í verkefninu.
Á þann hátt upplifa allir þátttöku sína
í góðu verki og við göngum saman
út í sumarnóttina glöð í bragði yfir
betra samfélagi í dag en í gær. Það er
sannarlega verkefnið að við leggjum
okkur fram um betra samfélag. Reiðin
og hatrið, skömmin og þunginn í um-
ræðu síðustu ára bætir ekki samfélag-
ið. Með því að efla forvarnir og íþrótt-
ir, taka þátt í hjálpsömu og glaðværu
samfélagi verður lífið okkur léttara
og við sjálf ánægð og gleðjumst yfir
framlagi okkar til betra lífs fyrir alla.
Er það ekki verkefnið okkar allra? n
Glaðværð, gleði og jákvæð þátttaka„Á þennan
hátt hafa
íþróttir jákvæð
áhrif á allt
samfélagið
Ásmundur Friðriksson
þingmaður Sjálfstæðisflokks
Aðsent