Dagblaðið Vísir - DV - 18.07.2014, Blaðsíða 56

Helgarblað 18.–21. júlí 2014
55. tölublað 104. árgangur Leiðbeinandi verð 659 kr. dv.is/frettaskot askrift@dv.is Sími 512 7000
Verður hann
annars ber
að neðan?
Ætlar að deyja
ber að ofan
n Steinunn Ólína Þorsteins­
dóttir, leikkona og ritstjóri
Kvennablaðsins, fór mikinn á
Facebook­síðu sinni á miðviku­
dag og taldi upp hina ótrúlegustu
hluti sem seldir eru í Costco.
Má þar nefna sex humra á 115
dollara, 20 lendarstykki af nauta­
kjöti á 160 dollara og að lokum
tvískipta líkkistu á aðeins 950
dollara. „Ég ætla að deyja ber að
ofan. Er hægt
að hafa bara
neðri­opn­
un?“ spurði
eiginmað­
ur hennar
og leik­
ari með
meiru,
Stefán Karl
Stefánsson.
Tvífarar Jónínu
n Jónína Benediktsdóttir skrif­
aði sérkennilegt innlegg á Face­
book­hópinn Markaðsnördar
síðastliðinn sunnudag þar sem
hún sagði frá upplifun sinni af
úrslitaleik HM í fótbolta. „Sat
áðan í fallegasta umhverfinu
með fallegasta fólkinu að horfa
á leikinn. Hugsaði allt í einu sem
svo „Áfram Völsungug“ [sic] fór
upp á herbergi að sofa,“ skrifaði
hún þá. Nú á miðvikudag virðist
hún gefa í skyn að tvífari hennar
hafi skrifað innleggið. „Þetta hér
er mín síða en svo poppa upp
Jónína ben síður af og til en hafa
ekkert með mig að
gera,“ skrifaði
hún. „Þetta
er sama síða
og þú skrif­
aðir frá um
daginn,“
voru fyrstu
viðbrögð við
færsl unni.
Snorklar við
Disney-eyjuna
n Greta Salóme Stefánsdóttir
eyddi síðastliðnum þriðjudegi í að
snorkla við eyjuna Castaway Cay
sem er eyja sem Disney­fyrirtæk­
ið hefur leigt næstu hundrað ár
af Bahamaeyjum. Eyjan var áður
millilending fíkniefnasmyglara.
Þar er Greta vegna sumarvinnu,
en hún syngur og spilar á
skemmtiferðaskipi Disney­fyrir­
tækisins fram í miðjan september­
mánuð. Af Facebook­síðu henn­
ar að dæma virðist
Greta una sér vel
í starfinu. Í sam­
tali við Vísi þar
sem hún sagði
fyrst frá starf­
inu greindi
hún frá því
að starfið
gæfi vel
í aðra
hönd.
Gítarinn er í geymslu
Guðlaugur T. Óskarsson fékk Springsteen-gítarinn á 25 þúsund krónur
G
ötuvinurinn og tónlistar­
maðurinn JóJó segir að al­
gengustu spurninguna
sem hann fær þegar hann
skemmtir borgarbúum í
Austurstræti um helgar vera hvað
hafi orðið um gítarinn sem hann
lánaði Bruce Springsteen þegar þeir
spiluðu saman þrjú lög á Strikinu
í Kaupmannahöfn árið 1988. Þetta
segir hann í samtali við DV. „Þetta
er aðalumræðan alltaf þegar ég er
úti á nóttunni um helgar. Hann Eg­
ill Ólafsson hélt utan um sjóð sem
átti að fara til styrktar Hörpunni,
þetta var áður en Harpan var byggð.
Það var sem sagt uppboð á gamla
Grand Rokk­barnum. Ég ákvað að
gefa þennan gítar á uppboðið til
styrktar þessu tónleikahúsi, Hörpu,“
segir JóJó. Gítarinn seldist á tuttugu
og fimm þúsund krónur. „Þetta þykir
ekkert svo merkilegt hérna á Íslandi,“
segir JóJó. Hann bendir á að gott sé
fyrir fólk að vita að fleiri hafi lagt til
byggingar Hörpunnar en banka­
menn.
Guðlaugur T. Óskarsson, eig­
andi varahlutaþjónustunnar G. T.
Óskarsson, var sá sem átti hæsta
boðið í gítarinn. Hann segist í sam­
tali við DV ekki spila á hann. „Hann
er bara í geymslu. Það er búið að
smíða utan um þetta, þetta er í gler­
kössum,“ segir hann. Hann segir að
á sínum tíma hafi hann keypt þrjá
gítara á uppboði, Springsteen­gítar­
inn og tvo frá Bubba Morthens. „Ég
ætlaði að vera með þetta til sýnis á
Eyrarbakka en svo hirti bankinn hús­
næðið þannig að það var ekki hægt
að hafa neitt til sýnis. Svo þetta er allt
saman hérna niðri í vinnu hjá mér.“
Spurður hvort hann safni gítörum
segir Guðlaugur: „Ég tók þessa þrjá
en svo hægði maður á sér því svo
kom hrunið. Maður fer kannski að
vakna aftur núna. Það getur vel verið
að ég kaupi fleiri.“ n hjalmar@dv.is
Spilaði með Springsteen JóJó segir að
sífellt sé verið að spyrja hann hvað hafi orðið
af gítarnum sem Springsteen spilaði á. Guð-
laugur T. Óskarsson keypti hann á uppboði.