Dagblaðið Vísir - DV - 26.07.2014, Blaðsíða 10

Helgarblað 26.–28. júlí 201410 Fréttir
REYNDU AÐ DÆMA HANN
FYRIR HRYÐJUVERK
n Íslensk ættaði hermaðurinn Vincent Crockford var nýlega dæmdur í átta ára fangelsi fyrir brot á vopnalögum
V
incent Crockford, hálf­
íslenskur hermaður, var á
dögunum dæmdur í átta
ára fangelsi í Bretlandi.
Vincent var dæmdur fyrir
að hafa haft í vörslu sinni ólögleg
vopn, en í bíl hans fundust ýmis
vopn, til dæmis afsagaðar hagla­
byssur, handsprengjur, skotfæri og
efni til sprengjugerðar. „Þetta var
ógnvekjandi vopnabúr,“ sagði dóm­
arinn í málinu.
Faðir Vincents, Torfi Geir­
mundsson hársnyrtir, segir málið
vera furðulegt. „Þetta er náttúr­
lega bara fáránlegt, mér finnst
þetta mjög skrýtið. Þeir reyndu að
fá hann dæmdan eftir upprunalega
nafninu hans sem er Bashir Vincent
Ali Geirmundsson, en dómarinn
leyfði það ekki af því að hann heit­
ir Vincent Crockford. Hann tók upp
nafn fósturföður síns. Það átti að
reyna að koma einhverjum hryðju­
verkastimpli á þetta,“ segir Torfi, en
hann er blóðfaðir Vincents.
Handtekinn á lögreglustöðinni
Hann segir að Vincent hafi ekki
verið dæmdur fyrir hryðjuverk, en
þá hefði hann fengið mun harðari
dóm. Í stað þess var hann dæmdur
fyrir vörslu á vopnum. Torfi segir
þó að það hafi ekki verið sannað
að hann hafi átt vopnin sem fund­
ust í bílnum. „Það var þessi túlk­
un á vörslu, því að bíllinn var löngu
farinn úr hans forsjá. En hann
var skráður á hann. Hann fannst
á ruslahaugi með skotfærum og
haglabyssu. En það voru engin
fingraför eða neitt. Dómurinn er
byggður eingöngu á því hvort þetta
hafi verið í hans vörslu. Og á þess­
um hálfa mánuði voru þeir að rífast
um hvað flokkast undir vörslu. Eru
hlutir í þinni vörslu ef þú átt bíl ein­
hvers staðar á þínu nafni, þó að þú
tilkynnir hann stolinn?
Forsaga málsins er sú að
Vincent fór í frí til Íslands og skildi
bílinn sinn eftir á herstöðinni. Bíll­
inn var talinn yfirgefinn og var því
fluttur á ruslahauga. Þetta gerðist í
ágúst í fyrra, en það var ekki fyrr en
mörgum dögum síðar sem vopnin í
skottinu uppgötvast.
Vincent kemur svo aftur til Bret­
lands og uppgötvar að bíllinn hans
sé horfinn. Hann hélt að hon­
um hefði verið stolið og fór á lög­
reglustöð til að tilkynna stuldinn.
Þar var hann hins vegar handtek­
inn á staðnum, grunaður um að
ætla að fremja hryðjuverk. „Hann
var búinn að vera í sextán daga á
ruslahaug einhvers staðar. Allir
gátu farið inn í hann og gert hvað
sem var því hann var með brotinn
glugga,“ segir Torfi.
Torfi segir að vörn Vincents hafi
snúist um það að það hefði hver
sem er getað sett vopnin í bílinn.
„Þetta hefði getað verið sett í bíl­
inn á þessum sextán dögum sem
hann var ekki á herstöðinni. Þegar
bílnum var hent á öskuhaugana var
ekkert skoðað í skottið á honum.
Þannig að það fannst ekki fyrr en
mörgum dögum seinna.“
Ekki hægt að áfrýja dómnum
Réttað var yfir Vincent á hæsta
dómstigi Bretlands, The Crown,
eða dómstóll krúnunnar og því er
ekki hægt að áfrýja dómnum. Hann
segir dóminn mikið áfall fyrir fjöl­
skylduna, sérstaklega vegna gríðar­
legs máls­ og lögfræðikostnaðar
„Það kostaði 20 milljónir að verja
hann. Þetta er þannig kerfi, það
voru eiginlega þrír lögfræðingar.
Af því að það þurfa að vera sér lög­
fræðingar sem reka mál fyrir The
Crown.“ Torfi segir þetta hafa tekið
mikið á og að ferlið hafi verið erfitt.
Hann segir að Vincent hafi alltaf
haldið fram sakleysi sínu. Vincent
hélt því fram að vopnunum hefði
verið komið fyrir í bifreið sinni af
„óvinum í hersveit sinni,“ en hann
var sjálfur undirliðþjálfi. „Ef hann
hefði viðurkennt eignina á þessu
og verið samvinnuþýður hefði
hann fengið miklu minni dóm.
Hann benti á það dómarinn að að
hluta til hefði þetta lögreglumál
verið svo lengi í vinnslu því hann
neitaði sök allan tímann og sagðist
vera saklaus af því að eiga þetta. Og
lögreglan túlkaði það þannig hann
væri ósamvinnuþýður til þess að
upplýsa málið. Ástæðan fyrir því
að hann neitaði strax er náttúrlega
sú að hann hafði ekki neitt að fela,“
segir Torfi.
Leiðbeiningar um sprengjugerð
skiptu sköpum
Saksóknari byggði ákæruna einnig
á gögnum sem fundust þegar tölva
og sími Vincents voru skoðuð.
Í fréttum um málið kemur fram
að í tölvu hans hafi fundist gögn
sem talin voru benda til þess að
Vincent hygðist fremja hryðjuverk.
Í tölvunni fannst eintak af bókinni
The Anarchist's Cookbook, hand­
bók frá IRA sem og uppskrift að
nítróglyserín­sprengju.
Torfi segir þó að þessi gögn
sanni ekki neitt. „Hann er náttúr­
lega hermaður og hann er að kynna
sér hvernig … ef við snúum þessu
yfir á blaðamann, blaðamaður
sem væri að skoða upplýsingar um
hvernig á að skrifa bók. Ég meina,
ef þú ert hermaður og ert að leita
að einhverjum upplýsingum á tölv­
unni er ekki þar með sagt …, áttu
ekki að kynna þér það sem and­
stæðingarnir geta notað. Hann er
atvinnuhermaður sem er búinn að
vera að í öll þessi ár. Hann er bú­
inn að vera í níu mánuði allt í allt
í Afganistan og auðvitað verða at­
vinnuhermenn að kunna skil á því
sem þeir eru að fást við. Reyndar
byggðist vörnin á því að það væri
ekkert sannað að það hefði verið
hann sem var að skoða þetta í tölv­
unni. Þó að einhver hafi notað tölv­
una hans til að skoða svona, þá var
engin sönnun fyrir því að það hafi
verið hann,“ segir Torfi.
Hann segir það hafa komið sér
á óvart að kviðdómurinn hafi verið
fullviss um að enginn vafi lægi á sekt
Vincents. „Dómarinn margundir­
strikaði það við þennan kviðdóm,
sem taldi tólf manns, að hann yrði
að vera þess fullviss að enginn vafi
léki á sönnunargögnum. Og vafinn
var bara svo mikill, fannst mér. Það
var það sem vörnin byggðist á, það
voru svo miklar ágiskanir. Því hann
er á Íslandi þegar bíllinn er tekinn
og settur á öskuhaugana. Hann var
hérna heima á Íslandi í heila viku.“
Einsleitur kviðdómur
Torfi segir einnig að kviðdómur­
inn hafi verið einsleitur og telur að
það gæti hafa haft áhrif á dóminn.
„Vincent er svolítið dökkur yfir­
litum og það var enginn Asíubúi
eða svartur eða litaður í þessum
kviðdómi. Og þetta var í Chelms­
ford, þar sem er mikið af lágstéttar­
fólki. Og ég setti nú út á þetta við
„barristerinn“, en hann sagði að
þeir [kviðdómurinn] bæru svo
mikla virðingu fyrir hernum að
þeir myndu aldrei dæma hann.
En virðing fyrir hernum er held ég
bara á lágu plani í Bretlandi. Það er
auðvitað þetta tilgangslausa stríð í
Afganistan og fólk er ekkert hlynnt
þessu herbrölti.“
Atvinnuhermaður til
margra ára
Vincent hefur verið atvinnuher­
maður hjá breska hernum í mörg
ár. Hann hefur farið þrisvar sinn­
um til Afganistan og einnig til Írak
og Norður­Írlands. Árið 2003 birti
Fréttablaðið grein um Vincent, þar
sem sagt er frá því að hann verði
líklega einn af þeim fyrstu sem
„leggja til atlögu gegn Saddam
Hussein og hersveitum hans ef og
þegar innrásin verður gerð í Írak.“
Torfi sagði þá í viðtali við blaðið að
honum litist ekki á. „Þetta leggst
illa í mann á mínum aldri sem hef­
ur gengið margar Keflavíkurgöngur
gegn her og styrjöldum,“ sagði Torfi
í blaðinu. En Vincent fór þó aldrei
í þessa ferð, vegna lagabreytinga
sem kváðu á um að hermenn þyrftu
að vera nítján ára til að mega fara,
en Vincent var átján ára þegar inn­
rásin var gerð. Hann var þó sendur
til Íraks í þrjá mánuði síðar.
21 árs í Afganistan
Þegar hann var 21 árs var hann
sendur til að berjast í Afganistan.
Þar mátti litlu muna að hann yrði
drepinn af talibönum, en hann
sagði frá reynslu sinni í tímaritinu
Mannlífi í septembermánuði árið
2006. Þar segir hann frá átökum
sem hann lenti í þegar hann var á
ferð ásamt hersveit sinni í Nowzad­
héraði í Afganistan. Hersveit hans
drap 21 talibana í átökunum, en
enginn breskur hermaður lét lífið.
Vincent varð fyrir skoti í árásinni,
en það fór betur en á horfð­
ist. Þegar bréfið birtist í Mann­
lífi var hálfbróðir Vincents, Mikael
Jón Steinar Sandholt
jonsteinar@dv.is
„Það átti
að reyna að
koma einhverjum
hryðjuverkastimpli
á þetta
Á vígvellinum Þessi mynd birtist árið 2006 í Mannlífi, þar sem bréf sem Vincent skrifaði um átök í Afganistan birtist.
Ungur hermaður Hér er mynd af Vincent
sem ungum hermanni, sem birt var í Frétta-
blaðinu árið 2003, þegar Vincent átti að
taka þátt í innrásinni í Írak.