Dagblaðið Vísir - DV - 21.08.2013, Side 2

2 Fréttir 21. ágúst 2013 Miðvikudagur
Lítil ánægja með veðrið
n Íbúar Suðvesturkjördæmis óánægðastir en íbúar Norðausturkjördæmis ánægðastir
V
eðrið á suðvesturhorninu hef-
ur verið mikið til umræðu í
sumar og vilja margir meina
að blíðviðrisdagarnir hafi verið
helst til of fáir. Sú er að minnsta kosti
raunin ef marka má könnun MMR á
ánægju fólks með veðrið það sem af
er sumri. Mikill munur var á afstöðu
fólks eftir landshlutum og eðli máls-
ins samkvæmt voru flestir þeirra sem
voru ánægðir með sumarið búsettir
í Norðvesturkjördæmi. Óánægð-
astir voru íbúar Suðvesturkjördæmis.
Könnun MMR fór fram á tímabilinu 9.
til 14. ágúst síðastliðinn.
Af þeim sem tóku afstöðu sögð-
ust 86,6 prósent þeirra sem bú-
sett voru í Norðausturkjördæmi að
þau væru ánægð með veðrið í sum-
ar, samanborið við 57 prósent íbúa
Norðvesturkjördæmis, 38,3 prósent
íbúa Suðurkjördæmis, 38,2 prósent
í Reykjavíkurkjördæmunum og 28,4
prósent íbúa Suðvesturkjördæm-
is. Á heildina litið sögðust 44,9 pró-
sent vera frekar eða mjög ánægð með
veðrið á Íslandi í sumar samanborið
við 96,3 prósent í fyrra. Þá sögðust
86,8 prósent vera ánægð með sumar-
fríið sitt nú borið saman við 92,9 pró-
sent í september 2012.
Íslendingar virðast enn sem fyrr al-
mennt ánægðir með vinnuna sína og
nágranna. Af þeim sem tóku afstöðu
sögðust 90,6 prósent ánægð með ná-
granna sína, borið saman við 91,7 pró-
sent í september 2012 og 89,5 prósent
sögðust ánægð með vinnuna sína,
borið saman við 90,3 prósent í sept-
ember 2012. Breytingarnar, frá fyrri
könnunum MMR í september 2012,
eru því ekki miklar. n einar@dv.is
B
elgíski bankinn Fortis hótaði
að kyrrsetja skip Samskipa
ef Ólafur Ólafsson fengi ekki
að eiga fyrirtækið áfram árið
2009. Fortis var stærsti kröf-
uhafi Samskipa og var í lykilstöðu
í samningaferlinu um fjárhagslega
endurskipulagningu skipafélags Ólafs
Ólafssonar en annar kröfuhafi Sam-
skipa var Arion banki. Arion banki
vildi hins vegar helst ekki að Ólafur
ætti Samskip áfram en þurfti á endan-
um að verða við kröfum Fortis-bank-
ans eftir að hafa verið stillt upp við
vegg með áðurnefndum hætti. Þetta
kemur fram í nýrri bók, Ísland ehf., eft-
ir Magnús Halldórsson og Þórð Snæ
Júlíusson sem kom út á þriðjudaginn.
Í bókinni er fjallað um eftirhrunið svo-
kallaða: Endurskipulagningu íslensks
viðskiptalífs eftir hrunið 2008.
Finnur Sveinbjörnsson var
bankastjóri Arion banka á þessum
tíma og segist hann kannast við þessa
frásögn, sem raunar hafi komið fram
áður að hluta. Ekki hefur hins vegar
komið fram að Fortis hafi gengið svo
langt að ætla að kyrrsetja skip Sam-
skipa ef Ólafur fengi ekki að halda
fyrir tækinu. Sú hótun mun hafa ráð-
ið úrslitum í endurskipulagningarferl-
inu: „Ég talaði alfarið fyrir bankann
á þessum tíma og greindi frá því
að Arion banki hefði verið í þessari
stöðu: Að Fortis hefði stutt Ólaf og vilj-
að vinna með honum áfram. Ég sagði
að Arion banki hefði verið kominn í
mjög erfiða stöðu og að bankinn hefði
fórnað meiri hagsmunum fyrir minni
ef ákveðið hefði verið að láta sverfa til
stáls; það er að segja ef Arion banki
hefði ákveðið að vinna ekki með Fort-
is-bankanum með þeim hætti sem
bankinn vildi.“
„Beita sér af hörku“
Í bókinni segir að vinna við endur-
skipulagningu Samskipa hafi byrjað í
upphafi árs 2009 og að Fortis hafi ver-
ið í lykilstöðu í því ferli þar sem veð-
staða fyrirtækisins hafi verið sterk. Svo
segir um Fortis: „Hann hafði sterka
veðstöðu þegar kom að rekstri Sam-
skipa og starfsmenn bankans vildu
auk þess vinna áfram með Ólafi Ólafs-
syni. Þegar kröfuhafar sem komu að
endurskipulagningu félagsins ræddu
möguleikana sem í boði voru var
áhersla lögð á það að Ólafur réði áfram
för. Sú krafa kom frá starfsmönnum
Fortis bankans. Fulltrúar Arion banka,
sem einnig var stór lánveitandi Sam-
skipa og hafði mikilla hagsmuna að
gæta gagnvart Kjalari, lögðu fyrst og
fremst áherslu á að vernda hagsmuni
bankans vegna lána til Samskipa.“
Arion mun svo hafa reynt að beita
sér gegn því að Ólafur ætti Samskip
áfram og myndaðist þá spenna á milli
vilja Fortis og íslenska bankans sem
ekki var auðvelt að vinna úr þar sem
aðilar voru á öndverðum meiði. Þá
greip Fortis til þess ráðs að hóta því
að kyrrsetja skip Samskipa í erlendum
höfnum. Þessu er lýst svona í bók-
inni: „Arion banki, undir stjórn Finns
Sveinbjörnssonar, kom þeim skila-
boðum skýrt á framfæri við starfs-
menn Fortis að bankinn vildi ekki
að Ólafur yrði áfram eigandi Sam-
skipa. Starfsmenn Fortis sögðu á móti
að það gengi ekki og að þeir vildu að
Ólafur yrði áfram eigandi félagsins. Ef
Arion banki myndi beita sér af hörku
fyrir því að Ólafur yrði ekki áfram eig-
andi þess, þá yrðu skip félagsins í er-
lendum höfnum einfaldlega stöðvuð.
Augljóst var að slíkt gæti ógnað rekstr-
argrundvelli Samskipa og þannig kné-
sett fyrirtækið, með tilheyrandi tjóni
fyrir Arion banka og aðra kröfuhafa.
Af þessum ástæðum var ákveðið að
verða við kröfum Fortis sem féllu eins
og flís við rass að hagsmunum Ólafs.“
Ólafur hélt Samskipum
Miðað við þessa frásögn var Fortis
reiðubúinn að tefla fjárhagslegum
hagsmunum sínum í Samskipum í
tvísýnu fyrir Ólaf Ólafsson því fastlega
má reikna meða að skipafélagið hefði
beðið fjárhagslegan skaða af slíkri að-
gerð. Með þessum hætti, að tryggja
sér stuðning mikilvægasta kröfuhafa
Samskipa, náði Ólafur að halda fyrir-
tækinu sem hann er oftast kenndur
við. Ekki er hins vegar greint frá því í
bókinni af hverju Fortis var reiðubú-
inn að ganga svo langt í samningavið-
ræðum við Arion fyrir hönd Ólafs en
ljóst er að samskipti hans og belgíska
bankans hljóta að vera afar góð fyrst
bankinn var reiðubúinn að setja öðr-
um banka afarkosti fyrir Ólaf.
Ólafur átti síðar eftir að missa verð-
mætar eignir eins og þriðjungshlut í
útgerðarfyrirtækinu HB Granda yfir
til Arion banka auk þess sem hann
greiddi hluta af skuldum eignarhalds-
félags síns, Kjalars, við bankann. Stór
hluti krafna Arion banka á hendur fé-
lagi Ólafs var hins vegar afskrifaður
en ágreiningur var uppi á milli hans
og bankans um uppgjör á gjaldmiðla-
skiptasamningum. Ólafur hefur misst
stærstan hluta af þeim fyrirtækjaeign-
um sem hann átti fyrir hrun – Kaup-
þingshlutinn, HB Granda, Icelandic
Seafood – en heldur Samskipum enn-
þá fyrir tilstuðlan Fortis-banka. n
Hótaði að
kyrrsetja
Ingi Freyr Vilhjálmsson
fréttastjóri skrifar ingi@dv.is
n Belgíski bankinn Fortis setti Arion banka í erfiða stöðu
skip ólafs
„Skip félagsins í
erlendum höfnum
einfaldlega stöðvuð.
Blautt Rigning hefur sett strik í reikninginn hjá íbúum á Suður- og Suðausturlandi á meðan
sólin hefur verið völd á Norður- og Austurlandi.
Slæmar
afleiðingar
Kyrrsetning skip-
anna hefði getað
haft afar slæmar
afleiðingar fyrir
Samskip og þar
með einnig Arion
banka sem var
einn af kröfuhöf-
um félagsins.
Hótun um
kyrrsetningu
Fortis hótaði
að kyrrsetja
skip Samskipa
ef Ólafur
Ólafsson fengi
ekki að halda
fyrirtækinu.
MyNd Sigtryggur Ari
Stuðningur
dalar
Stuðningur við ríkisstjórnina,
stjórn Framsóknarflokks og Sjálf-
stæðisflokks, mælist nú 49,3
prósent samkvæmt niðurstöð-
um könnunar sem MMR fram-
kvæmdi dagana 9. til 14. ágúst
síðastliðinn. 54 prósent studdu
ríkisstjórnina þegar síðasta
könnun fór fram í júlí.
Samkvæmt niðurstöðum
könnunarinnar bæta Vinstri
græn lítillega við sig fylgi. Fylgi
Sjálfstæðisflokks mælist nú 27,9
prósent samanborið við 29,7 pró-
sent í síðustu mælingu. Fram-
sóknarflokkurinn mælist nú með
18,1 prósents fylgi en mældist
með 16,7 prósenta fylgi síðast.
Björt framtíð mælist nú með
11,7 prósenta fylgi borið saman
við 12,3 prósenta fylgi í síðustu
mælingu og Pírataflokkurinn
mælist nú með 7,1 prósents fylgi,
borið saman við 8,4 prósent í síð-
ustu mælingu.
Lemstraður á
ótryggðum bíl
Drengur slasaðist á Kísilvegi í
Þingeyjarsýslu í síðustu viku þegar
bíll, sem hann var farþegi í, valt.
Foreldrar hans, erlendir ferða-
menn, leigðu bílinn sem bíla-
leigubíl í gegnum bílaleigumiðlun
á netinu. RÚV greinir frá. Bíllinn
var leigður á síðunni Carrenters.
is, en leigumiðlunin hefur ekki
starfsleyfi. Þó svo að bílinn væri
tryggður, var hann ekki tryggður
sem bílaleigubíll og þar með ekki
með gilda tryggingu fyrir slíku
óhappi. Samgöngustofa gefur
út starfsleyfi og ekkert fyrirtæki
með heitinu Carrenters.is hefur
slíkt starfsleyfi og því virðist sem
starfsemin sé ekki heimil að sögn
RÚV. Bíllinn var skoðaður eftir
óhappið og er ökuhæfur. Í óhapp-
inu viðbeinsbrotnaði drengurinn
og lemstraðist. „Við höfum upp-
lýsingar um marga bíla þar sem
ferðafólk hefur verið að lenda í
meiri og minni vandræðum vegna
lélegs ástands á bílum sem það
hefur verið að taka á leigu. Fólk
hefur lent í mjög miklum vand-
ræðum út af því,“ segir Sigurður
Brynjólfsson, yfirlögregluþjónn
hjá lögreglunni á Húsavík.
Of mörg mál
Fjöldi mála er alltof mikill hjá
Hæstarétti segir Jón Steinar
Gunnlaugsson, en í viðtali í
morgunþættinum Bítinu sagði
hann að hver dómari færi með
allt að 300 mál. Jón telur að
dómarar hafi ekki tækifæri til
þess að kynna sér hvert mál
vegna þessa. Jóni Steinari tald-
ist til að árið 2010 þegar hann
var enn dómari við Hæstarétt
hafi hann verið með yfir 330 mál
á sinni könnu, en bendir á að
starfsdagar dómsins séu aðeins
um 200 á ári. Hann hefur lengi
lagt til að sett verði af stað milli-
dómstig og telur að þannig geti
Ísland haldið uppi raunveruleg-
um Hæstarétti þar sem menn
dæma um 60 til 80 mál á ári.