Dagblaðið Vísir - DV - 21.08.2013, Page 23

Menning 23Miðvikudagur 21. ágúst 2013
Náttúruleg list
n Fjörusandur, steinar og skeljar
S
ýningin Firðir er eftir Rögnu
Róbertsdóttur og Hörpu Árna­
dóttur. Þær sýna verk sem
verða til úr náttúrulegu hrá­
efni á ólíkum stöðum. Önnur sýn­
ingin verður opnuð í Skagafirði um
helgina og er sjálfstætt framhald sýn­
ingar sem þær héldu í Arnarfirði í
fyrra. Listakonurnar hafa undanfar­
ið dvalið í Skagafirði við listsköpun
sem byggist á hinni sérstöku með­
höndlun á náttúruefnum sem þær
hafa tileinkað sér. Þær hafa gert til­
raunir á staðnum með fjörusand,
skeljar, steina og gróður. Afrakstur­
inn verður til sýnis í listamiðstöðinni
Bæ á Höfðaströnd sem er í námunda
við Hofsós. Sýningaropnun sunnu­
daginn 25. ágúst, kl. 16.00 á Bæ á
Höfðaströnd. n
Íslenskur leikritavetur
n Sex ný íslensk leikrit verða frumsýnd í Borgarleikhúsinu og Þjóðleikhúsinu í vetur
Leikstjóri Hamlet er Jón Páll Eyj­
ólfsson og hefur hann sinn nán­
asta samstarfsmann og dramatúrg
Jón Atla Jónasson sér við hlið. Það
verður spennandi að sjá Ólaf Darra
feta í fótspor ekki ómerkari leikara
en Lárusar Pálssonar, Gunnars Eyj­
ólfssonar og Hilmis Snæs í hlut­
verki ákvörðunarfælna Danaprins­
ins.
Það er svo vel til þess fundið hjá
Borgarleikhúsinu að setja upp eins
konar barnaútgáfu af Hamlet á litla
sviðinu sem Bergur Þór Ingólfsson
leikstýrir. Í leikritinu, sem heitir
Hamlet litli, er sjónarhóli hins litla
Hamlet beint að áhorfendum og
fjallað um föðurmissi og óttann
í öðru samhengi en aðdáendur
verksins þekkja.
Leikhús í útrás
Borgarleikhúsið er einnig í útrás í
ár og hefur tekið Gamla bíó í mið­
bænum á leigu. Þar verður leikritið
Hús Bernhörðu Alba eftir Federico
García Lorca sett upp með Þröst
Leó í aðalhlutverki. Kristín Jóhann­
esdóttir leikstýrir. Ástæðan fyrir
þessum flutningum mun vera góð
aðsókn á Mýs og menn og Mary
Poppins og það hlýtur að vera
gleðiefni fyrir leikhúsáhugafólk að
Gamla bíó fyllist á ný af fólki en
reksturinn þar hefur verið upp að
ofan síðan óperan flutti í Hörpu.
Að sama skapi hlýtur það að
vera pínu svekkjandi fyrir starfsfólk
Þjóðleikhússins að sjá Borgarleik­
húsfánann blakta við hún hinum
megin við götuna en auðvitað hefði
það verið tilvalið fyrir Þjóðleikhús­
ið að færa hluta sinnar starfsemi í
Gamla bíó.
Besti bær í heimi
Mig langar sérstaklega að minnast
á leikritið Bláskjá eftir Tyrfing Tyrf­
ingsson sem frumsýnt verður í
byrjun febrúar í Borgarleikhúsinu.
Tyrfingur er hússkáldið hjá Borgar­
leikhúsinu á þessu ári en hann út­
skrifaðist fyrir um tveimur árum
úr náminu Fræði og framkvæmd í
Listaháskóla Íslands og hefur aldeil­
is látið til sín taka í íslenska leikhús­
heiminum síðan. Leikrit hans var
hluti af verkinu Núna sem sýnt var
í Borgarleikhúsinu á síðasta leikári
og útskriftarverkefni hans Grande
var tilnefnt til Grímuverðlauna.
Tyrfingur þykir eitt mesta efni
sem íslenskt leikhús býr yfir um
þessar mundir og það er virðingar­
vert af Borgarleikhúsinu að gefa
Tyrfingi tækifæri til að þroska eigin
hæfileika og sinna sinni list af krafti
þetta árið. Leikrit Tyrfings heitir
Bláskjár og er víst fyrsta leikrit í
heimi sem gerist í Kópavogi.
Hér var aðeins farið yfir brot
af því sem leikhúsin bjóða upp
á í vetur. Dagskrá leikhúsanna
er aðgengileg öllum á heimasíð­
um leikhúsanna. Þjóðleikhúsið
sendi bækling inn á hvert heimili
með Fréttablaðinu á þriðjudaginn
og dagskrárbæklingur Borgar­
leikhússins kemur út á morgun,
fimmtudag. n
Auður Ava Fylgir eftir velgengni Svarts
hunds prestsins með leikritinu Undarlegt
eðli hjónabandsins.
Tyrfingur Tyrfingsson leikskáld Er
leikskáld Borgarleikhússins í ár - höfundur
verksins Bláskjár sem gerist í Kópavoginum.
Íslendingar í Metropolitan
Ó
perusöngkonan Dísella Lár­
usdóttir er ekki fyrsti Ís­
lendingurinn sem er fastráð­
inn við Metropolitan­óperuna
í New York. María Markan óperu­
söngkona var fastráðin við húsið á ár­
unum 1941–1942. Fjórir Íslendingar
hafa sungið á fjölum Metropolitan–
óperunnar.
Dísella var í viðtali í Vikunni
þar sem hún greindi frá því að hún
hefði verið fastráðin við Metropolit­
an­óperuhúsið. „Ég er ekki fyrsti Ís­
lendingurinn til að syngja hjá óp­
erunni. María Markan var fyrst, svo
hafa Kristján Jóhannsson og Krist­
inn Sigmundsson sungið þarna líka.
Ég er samt fyrsta íslenska söngkon­
an til að syngja í þessu óperuhúsi því
María Markan söng í gamla óperu­
húsinu,“ sagði Dísella í viðtalinu.
Í Vikunni kom fram að Dísella hafi
verið fyrsti fastráðni Íslendingurinn
við Metropolitan­óperuhúsið. DV
birti frétt byggða á umfjöllun Vik­
unnar. Einhverjir bentu hins vegar
á það á samfélagsmiðlum að þetta
væri ekki rétt. María Markan hefði
verið fastráðin við húsið. DV leitaði
til Sigríðar Ellu Magnúsdóttur, sem
er ein af ástsælustu söngkonum Ís­
lands og óperusérfræðingur, til að
komast að hinu sanna.
„Það kemur fram í ævisögu Maríu
Markan að hún hafi verið fastráðin
við Metropolitan­óperuna og starfað
þar á árunum 1941–1942,“ segir Sig­
ríður. „Hún var valin úr hópi mörg
hundruð söngvara. Var ein þriggja
sem fengu samning við húsið. Síð­
an þá hafa aðrir Íslendingar sungið
í óperunni – Kristinn Sigmundsson
og Kristján Jóhannsson voru ráðnir
í sérstök hlutverk. En María var fast­
ráðin og söng stórar rullur á þeim
tíma sem hún var við húsið.“
Ferill Maríu endaði hins vegar
snögglega eftir að hún eignað­
ist barn árið 1942 og hún söng ekki
framar í Metropolitan­óperunni. Nú
eigum við Íslendingar aðra óperu­
stjörnu sem vonandi á eftir að gera
garðinn frægan í Bandaríkjun­
um. „Íslendingar geti verið stoltir af
Dísellu,“ segir Sigríður. „Þetta er frá­
bær árangur.“ n
simonb@dv.is
n María Markan fyrst fastráðin í Metropolitan-óperunni
Dísella Lárusdóttir
óperusöngkona
Syngur við Metropolitan-
óperuna í New York.
María Markan
Var fyrst Íslendinga
fastráðin við Metro-
politan-óperuhúsið.