Dagblaðið Vísir - DV - 28.08.2013, Qupperneq 8
8 Fréttir 28. ágúst 2013 Miðvikudagur
Gæðum verði
ekki fórnað
Verði nám á framhaldsskólastigi
stytt mega þess konar breytingar
ekki verða notaðar til að spara og
rýra gæði náms. Þetta kemur fram
í áskorun Kennarasambands Ís-
lands til menntamálaráðherra.
Mikil umræða hefur verið síðustu
daga og vikur um möguleika á
styttingu náms í framhaldsskóla.
„Minnt er á að í stefnuyfirlýsingu
ríkisstjórnarinnar um menntamál
er sérstök áhersla lögð á samráð
við hagsmunaaðila. Mennta- og
menningarmálaráðherra hefur
tjáð sig opinskátt um að hann ætli
að stytta nám í framhaldsskólun-
um í þrjú ár. Hann hefur hins
vegar ekki rætt við forystufólk KÍ
um málið,“ segir í áskorun til ráð-
herra og skorað á hann að ræða
við sambandið.
Óskari sparkað af Moggabloggi:
Hvatti til
„léttra“
barsmíða
„Þetta var vegna hvatningar
minnar til íslensku þjóðarinnar
vegna þessarar yfirgengilegu þol-
inmæði sem við sýnum með því
að henda þessum þingmönnum
ekki til hliðar sem hafa verið að
kvelja okkur síðastliðin ár. Það á
bara að taka þetta lið í pólitíkinni
og berja það bara persónulega,“
segir Óskar Helgi Helgason, kaup-
maður í Hveragerði og fyrrverandi
bloggari á Mbl.is, sem hefur nú
verið hent út af Moggablogginu
fyrir að hvetja til ofbeldis gegn al-
þingismönnum. Óskar Helgi hef-
ur bloggað á Mbl.is undir heitinu
Svarthamar frá árinu 2007.
Aðspurður hvort hann hafi
verið að hvetja til ofbeldis gagn-
vart þingmönnum segir Óskar
Helgi. „Já, svona léttra barsmíða.“
Óskar Helgi segist vera falangisti
– ein gerð fasisma sem yfirleitt er
nefndur í sömu andránni og ein-
ræðisherrann Francisco Franco á
Spáni. Óskar Helgi er ósáttur við
að hafa verið hent út af Mogga-
blogginu og telur sakirnar ekki
vera miklar. Hann segir þó að
fleiri sem hann þekkir hafi verið
hent út fyrir „minni sakir“: „Ég er
ekkert sá eini í þessari stöðu sem
hefur verið hent út fyrir að segja
skoðanir mínar, aðrir hafa lent í
því fyrir minni sakir.“
Þrettán eiga
von á sekt
Brot 13 ökumanna voru mynduð
á Fjallkonuvegi á þriðjudag.
Fylgst var með ökutækjum sem
var ekið í vesturátt, við Folda-
skóla. Á einni klukkustund fóru
76 ökutæki þessa leið og því óku
17 prósent ökumanna of hratt
eða yfir afskiptahraða. Meðal-
hraði brotlegra var 42 kíló metrar
á klukkustund en þarna er 30
kílómetra hámarkshraði. Vöktun
lögreglunnar er liður í umferðar-
eftirliti hennar við grunnskóla á
höfuðborgarsvæðinu.
Áminnt fyrir losun
á rækjuskel í sjóinn
n 5.000 tonn af skel losuð árlega n Brýtur gegn starfsleyfi
R
ækjuvinnslan Dögun á
Sauðárkróki hefur verið
áminnt formlega af Heil-
brigðiseftirliti Norðurlands
vestra fyrir að losa rækju-
skel í sjó. Slíkt er bannað og brýtur
gegn starfsleyfi vinnslunnar en
Dögun er ein stærsta rækjuvinnsla
landsins. Öllum rækjuvinnslum er
skylt að skilja skel og hausa frá frá-
fallsvatni og koma í móttöku eða
vinnslustöð. Þrátt fyrir það kemur
fram í svari umhverfis- og auðlinda-
ráðherra við spurningu Guðlaugs
Þórs Þórðarsonar frá síðasta þingi
að líklega sé um 5.000 tonnum af
skel dælt í sjó á hverju ári. Þó það sé
bannað og brjóti gegn starfsleyfi.
Vanalega hefur Dögun selt
skel og hausa til Primex á Siglu-
firði og er því losun þess ný af nál-
inni en Þröstur Friðfinnsson, fram-
kvæmdastjóri fyrirtækisins, segir
losunina stafa af því að samningar
við Primex séu í uppnámi.
Reiknar með skjótri lausn
„Þetta er mál sem snýst um nýt-
ingu á skelinni og við erum að skoða
ýmsa kosti í því samhengi. Þetta
mun leysast fljótlega,“ segir Þröstur
í samtali við DV þegar hann er
spurður hvers vegna fyrirtækið losi
nú skel í sjó. Aðspurður út í áminn-
ingu Heilbrigðiseftirlits Norður-
lands vestra segir Þröstur að fyrir-
tækið verði við þeim fyrirmælum
sem það fær frá stofnuninni. „Við
höfum verði að senda skel til Primex
á Siglufirði og þetta er bara mál sem
er í vinnslu.“
Þröstur telur Dögun ekki sitja við
sama borð og aðrar rækjuvinnslur
í landinu hvað varðar losun en líkt
og áður kom fram er miklu magni
af skel dælt í sjó á ári hverju sam-
kvæmt úttekt Umhverfisstofnunar
vegna áðurnefndrar fyrirspurnar til
ráðherra. Þá bendir Þröstur einnig
á að ekki sé um hættulega mengun
að ræða. „Þetta er skel af rækju sem
kemur úr sjó, er soðin í vinnslu og
fer aftur út í sjó.“
Lagt fyrir heilbrigðisnefnd
„Málið hefur verðið lagt fyrir heil-
brigðisnefnd,“ segir Sigurjón
Þórðarson, framkvæmdastjóri Heil-
brigðiseftirlits Norðurlands vestra.
„Fyrirtækið hefur verið áminnt og
frekari þvingunaraðgerðum verði
beitt ef ekki finnst lausn á þessu.
Þetta gengur ekki svona en ég á von
á því að þetta leysist innan skamms.
Þessi mál hafa verið í góðum farvegi
fram að þessu hjá fyrirtækinu.“
Frárennsli frá Dögun kemur
út undan nýja hafnargarðinum á
Sauðárkróki og er því rækjuskel
við hafnargarðinn og berst hún í
nærliggjandi fjöru. DV hefur fengið
ábendingar frá íbúum sem hafa
kvartað undan því.
Mikið losað í sjó
Í svari umhverfis- og auðlindaráð-
herra við fyrirspurn Guðlaugs Þórs
Þórðarsonar frá síðasta þingi kem-
ur fram að samkvæmt reglugerð
nr. 737/2003 um meðhöndlun úr-
gangs sé öllum rækjuvinnslum skylt
að færa úrgang til meðhöndlunar á
söfnunar- eða móttökustað.
Þar kemur einnig fram að engin
starfandi rækjuvinnsla sé með
undanþágu frá þessum reglum en
þrátt fyrir það er áætlað að um 5.000
tonnum af skel og haus sé dælt í sjó
hér við land á hverju ári. Er sú tala
áætluð út frá því magni sem unnið
er hér á landi en af óunninni rækju
skilar sér um helmingur í afurð.
Annað er úrgangur sem er skylt að
losa með áður greindum hætti.
Dögun hefur hingað til verið í
hópi þeirra vinnslustöðva sem hafa
fylgt settum reglum og samkvæmt
svörum framkvæmdastjóra er um
tímabundið frávik að ræða. Í úttekt
Umhverfisstofnunar segir hins vegar
að FISK Seafood á Grundar firði hafi
unnið 4.000 tonn af hráefni árið 2011
og hafi um helmingi af því verið dælt
í sjó. Sama hafi verið upp á teningn-
um hjá Hólmadranga á Hólmavík.
Þar hafi um 3.000 tonnum verið dælt
í sjó. Þær ástæður sem eru nefndar
fyrir losuninni er fjarlægð vinnslu-
stöðvanna frá vinnslu- og móttöku-
stöðvum á skel.
Þrátt fyrir ítrekaðar tilraunir náð-
ist ekki í Heilbrigðiseftirlit Vestfjarða.
Ekki náðist heldur í þann starfs-
mann hjá Heilbrigðiseftirliti Vest-
urlands sem fer með þessi mál.
Rækjuveiðar í uppnámi
Rækjuveiðar hafa verið nokkuð í um-
ræðunni að undanförnu en gríðarleg
óánægja hefur ríkt með ákvörðun
Sigurðar Inga Jóhannssonar sjávar-
útvegsráðherra um uppstokkun á
rækjukvóta. Ákvörðunin felur í sér að
70 prósentum af heildarkvóta verði
úthlutað til fyrrverandi handhafa
kvótans en aðeins 30 prósentum til
þeirra sem stundað hafa veiðarnar
síðustu þrjú árin eftir að þær voru
gefnar frjálsar. Stopp var sett á veiðar
í kjölfarið á þessum breytingum.
Rækjuveiði er rétt að taka við
sér aftur eftir hrun í veiðum í kring-
um aldamót. Mest fór rækjuveiði
í 89.000 tonn árið 1996 en hefur
undanfarin ár verði á bilinu 5.000–
10.000 tonn.
Vinnslur líkt og Dögun reiða sig
því á innflutning á hráefni til að
halda starfsemi sinni gangandi.n
Ásgeir Jónsson
blaðamaður skrifar asgeir@dv.is
Sigurjón Þórðarson Er framkvæmda-
stjóri Heilbrigðiseftirlits Norðurlands vestra.
Hann segir losunina óviðunandi en á von á
að málið leysist fljótt.
Rækja Flýtur
um í sjónum
við hafnar-
garðinn á
Sauðárkróki.
Mynd FeykiR
dögun á Sauðárkróki
Fyrirtækið hefur vanalega selt skel og
hausa til Primex á Siglufirði en samn-
ingar eru nú í uppnámi. Mynd FeykiR
„Þetta er
mál sem
snýst um nýtingu
á skelinni og við
erum að skoða
ýmsa kosti í því
samhengi.
Mikið losað í sjó Þó Dögun losi alla jafna ekki í sjó eru
önnur fyrirtæki að losa um 5.000 tonn á ári samkvæmt
mati Umhverfisstofnunar. Mynd FeykiR