Dagblaðið Vísir - DV - 20.09.2013, Qupperneq 14

14 Fréttir 20.–22. september 2013 Helgarblað
Börnin gjalda
fyrir ástandið
Þ
etta er mjög slæmt frá
báðum hliðum og mín
skoðun er að vandinn
liggi í verðtryggingunni og
íbúðalánunum. Það sem
gerist er að lánin hækka og hækka
og þess vegna hækkar leigan,“ segir
Jóhanna Þorsteinsdóttir sem kom á
fót undirskriftasöfnun á netinu þar
sem skorað er á stjórnvöld að gera
úrbætur á leigumarkaði sem fyrst.
Hún bendir á að vandamál-
ið sé vissulega ekki nýtt af nál-
inni, hvorki hvað lánin né leigu-
markaðinn varðar. Henni þyki það
hins vegar orðið ansi þreytandi að
stjórnvöld og aðrir sem að þess-
um málaflokki koma bendi sífellt
á hvert annað. Í umfjöllun DV á
mánudag um leigumarkaðinn kom
fram að ný hagsmunasamtök leigj-
enda telji að samkvæmt lögum eigi
sveitar félögin að taka á vandan-
um. Jóhann Már Sigurbjörnsson,
einn forsvarsmanna samtakanna,
vísaði þar í fimmtu grein húsnæð-
islaga þar sem fram kemur að sveit-
arstjórnir beri ábyrgð á því að leysa
húsnæðisþörf fólks.
Vill sjá þak á leiguverði
Jóhanna er í þeirri stöðu að bæði
eiga íbúð sem hún leigir út og vera
sjálf á leigumarkaðnum. Hún þekk-
ir því bæði hlið leigusala og leigu-
taka. Íbúðin sem hún leigir og býr í
er bæði minni og ódýrari en sú sem
hún á sjálf.
Hún segir það vissulega vera
ágreiningsmál hvort leigjandi eigi
að standa undir öllum lánakostn-
aði, eða hvort leigusalar eigi að
borga með íbúðum sínum að ein-
hverju leyti. Það sé þó ekki á færi
allra. „Mér finnst reyndar að það
eigi líka setja þak á það hve leigan
má vera mikið umfram afborganir
af viðkomandi húsnæði.“
Sumir leigusalar stórgræða
Hún segir að miðað við það hve
leiguverð á mörgum íbúðum sé
hátt þá séu eigendur í einhverjum
tilfellum að stórgræða á leigunni.
„Leiguverð á þriggja herbergja
íbúðum er að skríða hratt yfir 200
þúsund krónurnar og jafnvel kom-
ið upp í 300 þúsund krónur sums
staðar. Og miðað við það þá þyrftu
lánin sem leigusalinn er að borga af
að vera 30 til 40 milljónir. Það getur
bara ekki staðist í raunveruleikan-
um miðað við fasteignamarkaðinn.
Þrátt fyrir að afborganir af lánum
fari hækkandi þá eru skemmd epli
á markaðnum sem eru bara í þessu
af eintómri græðgi.“
Jóhanna telur því að ef þak yrði
sett á það hve hátt leiguverð má
vera umfram afborganir á húsnæði
þá myndi það strax hafa jákvæð
áhrif á leigumarkaðinn.
Margir hálfpartinn á götunni
Jóhanna hefur sjálf verið tiltölu-
lega heppin með húsnæði en á
sama tíma hefur hún þurft að horfa
á eftir vinum sínum lenda hálfpart-
inn á götunni vegna húsnæðis-
skorts. Hún segir að fólk sé jafnvel
búið að leita að húsnæði upp undir
ár, án árangurs. Sumir hafi tök á því
að fá inni hjá vinum og ættingjum
en aðrir ekki. „Fólk er þá að leita til
gistiheimila og skrifstofuhúsnæðis.“
Hún segir marga vera í virkilega
erfiðri stöðu og það hafi neikvæð
áhrif á fjölskyldulífið. „Það veldur
rosalegum kvíða að vera alltaf að
flytja. Þetta er sérstaklega erfitt fyrir
börnin. Þau upplifa mikið öryggis-
leysi að vera að flytja endalaust og
þetta getur haft áhrif á þau fram á
fullorðinsár.“
Til stendur að afhenda undir-
skriftalistann og áskorun til stjórn-
valda formlega þegar hagsmuna-
samtök leigjenda hafa tekið til starfa,
en þau verða formlega stofnuð þann
21. september næstkomandi.
Aðgerðir skoðaðar
Eftir miklar umræður síðustu vikur
um stöðuna á leigumarkaðnum
hefur einhver hreyfing komist á
málið. Bæjarstjórn Kópavogs hef-
ur til að mynda falið embættis-
mönnum að kanna hvernig hægt er
að efla leigumarkaðinn í sveitarfé-
laginu. Þá hefur bæjarstjórnin sam-
þykkt tillögu minnhlutans um að
bærinn skoði mögulegar ívilnanir
vegna lóðaúthlutana til þeirra sem
hyggjast byggja leiguíbúðir í bæn-
um.
Þingflokkur Samfylkingarinnar
hefur einnig lagt fram þingsályktun
á Alþingi um bráðaaðgerðir til að
efla leigumarkaðinn. Þar er meðal
annars kveðið á um að ríkisstjórnin
gangist fyrir samkomulagi við
sveitarfélögin og aðila vinnumark-
aðarins um veitingu stofnstyrkja til
leigu félaga sem skuldbinda sig til
langtímareksturs á leiguhúsnæði.
Sem og að Íbúðalánasjóði verði
gert að koma íbúðum í útleigu eða
selja þær til leigufélaga sem fyrst. n
n Jóhanna vill sjá þak á leiguverði n Kom af stað undirskriftasöfnun
Sólrún Lilja Ragnarsdóttir
blaðamaður skrifar solrun@dv.is
Sumir
stórgræða
Jóhanna segir
mörg skemmd
epli á leigumark-
aðnum.
Mynd: Sigtryggur Ari
Safnar undirskriftum Jóhanna er orðin
þreytt á því enginn taki ábyrgð á vandanum
á leigumarkaðnum.
„Þrátt fyrir að af-
borganir af lán-
um fari hækkandi þá eru
skemmd epli á markaðn-
um sem eru bara í þessu
af eintómri græðgi.
Sími 412 2500 - sala@murbudin.is - www.murbudin.is
Bakkabraut 9, Kópavogi
LAGERSALA
MÚRBÚÐARINNAR
Sturtusett
Flísar
SalerniSturtuhorn
Handlaugar
Olíufylltir rafmagnsofnar
Panelofnar
20% afsláttur Ljós
Baðkör
Vegna mik
illar
eftirspurna
r
til 20. septem
ber
eða á með
an
birgðir end
ast!
Opið kl. 8-
18
Krefur þing-
mannsson
um milljón
Egill Einarsson krefur Inga Krist-
ján Sigurmarsson, son fyrrverandi
þingmannsins og ráðherrans Álf-
heiðar Ingadóttur, um milljón í
skaðabætur vegna myndar sem
hann deildi á netinu. Á hana var
búið að skrifa ásökun á hendur
Agli sem lögmaður hans telur
refsiverða. „Egill sakar Inga Kristján
um að hafa vegið með alvarlegum
hætti að æru sinni með uppátæk-
inu og þegar ljósmyndin og mynda-
textinn séu metin heildstætt sé ljóst
að í þeim felist aðdróttanir þess
efnis að hann sé sjálfur antikristur,
aumingi sem nauðgi konum,“ segir
í umfjöllun Kjarnans um málið.
Á myndinni, sem dreift var á
Instagram, var teiknaður kross á
hvolfi á enni Egils og skrifað orðið
„aumingi“ þvert yfir andlit hans yfir
myndatextanum: „Fuck you rapist
bastard.“ Þess er krafist að mynd-
textinn verði dæmdur dauður og
ómerkur. Þá er þess krafist að Ingi
Kristján verði dæmdur til að greiða
Agli eina milljón króna í miska-
bætur og 150 þúsund krónur til að
kosta birtingu forsendna og niður-
stöðu dóms í málinu í dagblaði auk
alls málskostnaðar.
Lokað fyrir
umferð
Lögreglan á höfuðborgar-
svæðinu lokaði fyrir umferð
að Alþingishúsinu á fimmtu-
dag vegna opinberrar heim-
sóknar Knuds Bartels, hers-
höfðingja og formanns
hermálanefndar Atlantshafs-
bandalagsins NATO. Að sögn
Kristjáns Ólafs Guðnasonar,
aðstoðaryfirlögregluþjóns
lögreglunnar á höfuðborgar-
svæðinu, var þetta hefðbund-
inn viðbúnaður lögreglu
vegna opinberra heimsókna.