Dagblaðið Vísir - DV - 06.12.2013, Blaðsíða 37

Helgarblað 6.–9. desember 2013 Fólk Viðtal 37
Trúbrot sem varð súpergrúppa. En
Björgvin, Arnar, Karl og Sigurjón
Sighvats voru ekki með. Þeir stofn-
uðu sveitina Ævintýri. Sem söngvari
þeirrar sveitar varð Björgvin stór-
stjarna. Hápunktur sveitarinnar var
í Laugardalshöll þegar 4.500 manns
mættu og völdu hann sem popp-
stjörnu ársins og Hljómsveitina
Ævin týri sem popphljómsveit ársins
þann 1. október 1969.
„Við erum bara sætir strákar að
syngja cover-lög í Tónabæ, eða Lídó
eins og staðurinn kallaðist í gamla
daga. Svo er haldin þessi fræga popp-
hátíð sem var einskonar Idol-keppni
þess tíma. Við unnum keppnina og
Poppstjörnuna. Eftir það var vegur-
inn beinn og breiður.
Það hlýtur að hafa verið kreppa
og gengisfelling og allt í steik. Gúrku-
tíð,“ segir hann og gerir lítið úr þessu.
„Við héldum bara áfram, ég hef ekk-
ert litið til baka síðan.“
Of mikið
Björgvin varð súperstjarna, fékk
sendibréf frá ungum stúlkum og
þau voru tíð símtölin á heimili for-
eldra hans í Hafnarfirðinum. Hann
var dáður og dýrkaður og áttaði sig
eina nótt á Akureyri á að hann þyrfti
að taka hlutverk sitt alvarlega og af
ábyrgð.
„Það varð allt vitlaust, ég fékk
mikið af sendibréfum. Í bréfunum
var ég ef til vill beðinn um að senda
mynd og í þeim var ég lofaður í
hástert. Þetta eru orðnar fullorðnar
konur í dag, og þessi bréf eru ennþá
til í einhverri skúffunni. Það var ekk-
ert internet og ekkert Facebook eða
tölvupóstur, því var hringt og svona
á heimili foreldra minna. Eftir þessa
popphátíð þá sprakk allt upp í loft.
Við spiluðum einu sinni á Akur-
eyri, á Sjallanum með Ingimar
Eydal. Við vorum á hóteli beint á
móti Sjallanum. Við fórum út á sval-
ir og sáum þá að Geislagatan var full
af fólki og við stóðum þarna og veif-
uðum fjöldanum.
Eftir það þá fattaði ég að þetta
væri of mikið. Ég áttaði mig á því
að ég þyrfti að taka þetta alvarlega,
þetta væri ábyrgðarhlutverk. Ég vissi
að það væri mikilvægt að gleyma
ekki uppruna mínum. Að ég væri
bara strákur úr Hafnarfirðinum. Það
hjálpaði mér að takast á við þetta.“
Fer í skápinn og
nær í söngvarann
Björgvin fann strax þá þörf hjá sér
að passa upp á einkalífið. Sér í lagi
þegar kjaftasögurnar fóru á kreik.
„Ég fann að það var alltaf verið að
horfa á mig og tala um mig. Svo ég
tók fljótlega upp á því að passa upp
á einkalífið. Þegar ég er að spila og
koma fram, þá fer ég inn í skápinn
að ná í söngvarann og hann er send-
ur út af örkinni.
Ég þekki marga sem hafa farið
illa á því að höndla frægðina. Sér-
staklega úti í hinum stóra heimi.
Þegar fólk verður frægt og ríkt, þá
tapar það sjálfu sér. Það er list að
vera ríkur og frægur. Sjáðu bara
hana Miley Cyrus. Fólk á það til að
leggjast í eiturlyf og brennivín eða
sturlast. Það er mikið ábyrgðarhlut-
verk af fjölmiðlum að setja fólk í
svona aðstöðu, að setja það á stall.
Ekki má gleyma ábyrgðarhlutverki
fræga fólksins heldur.“
Nýi guðinn
Björgvin rifjar upp eina af mörgum
forsíðum frá þessum árum. „Ég man
eftir einni forsíðu, þar sem ég stend
upp á hamri með kött í fanginu.
Fyrirsögnin var „Nýi guðinn“, segir
hann og hlær. Hann missti sig
aldrei í öllum látunum. „Ég djamm-
aði ekki meira en gengur og gerist.
Ég er enginn bindindismaður, en
þegar þú ert stóran part ævinnar á
dansleik – alltaf í glaumi og gleði
innan um vín og stuð – þá finnst þér
voðalega gott að taka það rólega. Þú
þarft að vera allsgáður á meðan hin-
ir eru ölvaðir. Mér finnst óþægilegt
að hugsa til þess að missa stjórnina
með því að deyfa mig.“
Hefði lært viðhald á
skrifstofutækjum
Ef Björgvin hefði ekki fallið fyrir tón-
listinni telur hann líklegt að hann
hefði orðið tölvunarfræðingur.
Blaðamaður hváir. Tölvunar-
fræðingur? „Já, eða einhver svona
græjukarl.
Ef ég hefði ekki farið í tónlistina
þá hefði ég lært viðhald á skrif-
stofutækjum,“ segir Björgvin glott-
andi. „Eldri bróðir minní nam í Iðn-
skólanum þar sem hann lagði stund
á prentiðn. Sigurgeir skólameistari
sagði mér að ég þyrfti að læra ein-
hverja iðn og vildi endilega að ég
færi í viðhald á skrifstofuvélum, þar
lægi framtíðin. Hann hafði nú rétt
fyrir sér í því. Ætli ég væri ekki ein-
hvers lags tölvunarfræðingur, það
hefði nú átt vel við mig. Ég er mikill
tölvukarl og kynni mér allt í þeim
efnum til hins ítrasta.“
Saknar sálufélagans
Björgvin er hamingjusamlega giftur
Ragnheiði Björk Reynisdóttur. Þau
eru enn jafn ástfangin og þegar þau
hittust fyrst og í næstu viku fagna
þau 35 ára brúðkaupsafmæli.
„Það var fyrir fjörutíu árum
sem við fundum hvort annað. Við
vissum af hvort öðru og eigum
sameigin legan vinahóp. Ég vissi af
henni og hún vissi af mér. Við hittu-
mst í partíum og eitt leiddi af öðru.
Það sem hreif mig var hversu
glæsileg og skemmtileg hún var.
Hún er það enn. Við höfum alltaf
getað talað saman og verið góðir
vinir. Við erum mikið saman hjón-
in, okkur finnst gaman að ferðast.
Við höfum ofsalegan áhuga á kvik-
myndum og slíku, borða góðan
mat og hitta góða vini. Hún er sálu-
félaginn minn. Mín mesta gæfa í líf-
inu er fjölskyldan og heilsan.
Ég er grasekkill núna, hún er úti
í Los Angeles hjá henni Svölu og
kemur á föstudaginn. Ég er búinn að
sakna hennar svolítið. Hana lang-
aði að fara í smá sól, ég komst ekki
með henni því ég þurfti að undirbúa
tónleikana og fleira. Svala kemur
með henni til landsins því hún mun
syngja á tónleikunum, það verða
fagnaðarfundir skal ég segja þér.“
Ekki tilbúinn til að verða faðir
Björgvin á þrjú börn. Elstur er
Sigurður Þór og þá Svala og Krummi
yngstur. Sigurð á hann frá fyrra
sambandi áður en hann hitti eigin-
konu sína. Hann var ekki tilbúinn til
að takast á við ábyrgðina sem fylgdi
föðurhlutverkinu.
„Ég varð vinur elsta sonar míns
þegar hann var kominn til vits og
ára. Hann heitir Sigurður Þór og
er framkvæmda- og markaðsstjóri
hjá Innes. Ég er orðinn afi og á þrjú
barnabörn. Ég er ríkur. Hann er al-
gjör gullstrákur. Hann söng og var í
hljómsveit sem hét Kórak og mjög
músíkalskur. Dóttir hans og afa-
stúlkan mín, hún Þórunn Lea, er
með í krakkahópnum í Jólagestum
og hefur mikinn áhuga á söng.
Svo eru það þau Svala og
Krummi. Þau eru ekki komin með
barnabörn ennþá.
En kannski koma þau seinna.
Krummi er náttúrulega líkur pabba
sínum, hann er ekki giftur og lifir
fyrir listina. Svala hefur nóg að gera
í Los Angeles, með eigið tískumerki,
Kali, sem er að slá í gegn og gerir
líka tónlist. Hún og Einar, maðurinn
hennar, reka nokkurs konar listhús.
Krummi er að gera bæði myndverk
og tónlist. Þau standa öll undir sínu
og Sigurður líka. Mér finnst þetta
æðislega gaman og ég reyni að
hjálpa þeim eftir fremsta megni.
Þá eru ekki í skugga mínum, því er
frekar öfugt farið.“
Blómstrar í afahlutverkinu
Björgvin segir þau hjón hafa veitt
börnum sínum ákaflega mikið frelsi.
Hann myndi gera betur í dag enda
býr hann yfir meiri þroska. „Við
vorum hippar og mjög frjálslynd.
Börnin fengu að gera allt sem þau
vildu og við studdum allt. Þau eru
náttúrulega alin upp við tónlist og
mikinn umgang listamanna á heim-
ilinu. Þau völdu sinn vettvang sjálf og
eru að fíla það. Eitt er á hreinu, mað-
ur er miklu þroskaðri og maður veit
meira en maður vissi. Maður var ekki
alveg tilbúinn að eiga börn á þessum
árum. Núna veit maður alveg ná-
kvæmlega hvernig þetta á að vera og
ég get blómstrað í afahlutverkinu.“
Á erfitt með skapið
En hvernig er hann heima hjá
sér? Hver er þessi Björgvin sem
Íslendingar þekkja ekki? „Þú verður
að spyrja kisurnar,“ segir hann og
brosir út í annað. „Mér líður vel í
eigin skinni, það er víst. Ef ég sé eftir
einhverju þá er það hversu erfitt ég
á með skapið í mér. En það er betra
en það var. Þráðurinn er of stuttur.
Ég get æst mig upp og er sem betur
fer fljótur niður aftur. Oft er ástæða
til. En það sem er leiðinlegast er að
stundum eru þetta smáatriði sem
engu máli skipta. Það er ýmislegt í
samskiptum við fólk sem er leiðin-
legt.
Ég hef nú fengið á baukinn fyrir
að vera of hreinskilinn. Ef að ég á
eitthvað vantalað við fólk þá segi
ég það bara. Sannur vinur segir þér
sannleikann. Hann er ekki að segja
eitthvað af því hann sé að setja sig
á hærri stall. Heldur af því að hon-
um þykir vænt um þig. Ég tel mig nú
þrátt fyrir skapið vera nokkuð sann-
gjarnan í samskiptum samt og reyni
það yfirleitt.“
Björgvin er líka haldinn full-
komnunaráráttu og vill hafa allt upp
á tíu. „Það verður alltaf að vera tipp
topp. Þegar ég er að gera tónlistina.
En maður nær aldrei að vera full-
kominn. Fullkomnun er dauði. En
maður er samt alltaf að reyna og
það getur stundum farið í taugarnar
á sumum. En ég fæ svo mikið út úr
því að keppa við sjálfan mig og geta
stundum sagt, þetta var gott hjá þér.
Bara ansi gott.“
Kettirnir eiga mig
Björgvin er alþekktur dýravinur og
hefur stundað góðgerðastarf í þágu
katta um árabil. Nú er hann með
fjóra ketti á heimilinu. „Aðalgæinn
minn er dáinn, hann Jökull Ljóns-
hjarta Í staðinn fengum við okk-
ur æðislegan kött, Markús Árelíus.
Þá er ég með tvo dvergpersa, þau
Sheilu og Elvis, sem Svala skildi eftir
hjá okkur þegar hún flutti til Los
Angeles og hana Emmu sem er ís-
lenskur köttur. Mér er mjög annt
um ketti og velferð dýra almennt.
Kettirnir eru eins og kóngar heima
hjá mér. Kettirnir eiga mig, ég á þá
ekki. Þeir eru svo sjálfstæðir.
Nú, á meðan eiginkonan er
fjarri, þá skríða kettirnir í bólið. Um
daginn var haglél, þetta viðtal verð-
ur alltof væmið,“ segir hann og glott-
ir. „Sko þeir skriðu allir upp í, ég svaf
einn í rúminu með öllum fjórum.“
Dýravinur í góðgerðastarfi
Björgvin býður samtökunum
Dýrahjálp að dreifa upplýsingum
um samtökin á tónleikum sínum.
Fyrir nokkru safnaði hann milljón
fyrir Kattholt á tónleikum í Fríkirkj-
unni ásamt fleiri listamönnum og
kattavinum.
„Þeir sem komu fram voru all-
ir kattaeigendur eða kattavinir. Það
gáfu allir vinnu sína og komust færri
að en vildu til að skemmta á tónleik-
unum. Allur ágóði tónleikanna rann
óskertur til Kattholts. Þá vantaði búr
og fleira til að bæta aðstöðuna. Ég
ætla að efna til annarra tónleika á
næsta ári. Þá býð ég alltaf stelpunum í
Dýrahjálp að dreifa miðum um starf-
semina á tónleikunum. Ég hef miklar
skoðanir á dýrahaldi. Það þarf að taka
þessi mál algjörlega í gegn. Eigendur
þurfa að gelda fressin og ræktunar-
mál á Íslandi eru í miklu óefni. Aðal-
lega finnst mér að það þurfi að tak-
marka dýrahald, það eiga ekki allir að
fá að halda dýr. Ef þú tekur að þér dýr,
þá þarftu að búa þeim heimili og vera
vinur þeirra þangað til þau deyja.“
Dapur um áramót
Framtíðin er blómleg. Björgvin
hlakkar til jólanna. Þá er fjölskyldan
sameinuð og hann fær að njóta sín
í eldamennskunni sem er eitt hans
aðaláhugamál.
„Ég er alltof mikill sælkeri, mér
finnst gaman að búa til góðan mat.
Ég á ofsalega mikið af matreiðslu-
bókum. Ég geri samt ekki mikið af
því þegar við erum bara tvö í húsinu
en hlakka til jólanna þegar ég get
farið að taka til hendinni með fjöl-
skylduna alla sameinaða.“
Honum þykja áramótin hins
vegar alltaf ljúfsár. Eftir annir jól-
anna grípur hann tómleikatilfinning
og örlítil eftirsjá. „Upp úr áramótum
þá verð ég stundum svolítið dapur.
Ég fyllist ljúfsárri eftirsjá þegar upp-
hefst nýtt ár. Þegar ég þarf að snúa
við plötunni og veit ekki hvað er á
hinni hliðinni.“ n
Gullvagninn Gullvagninn inniheldur 88
lög frá einstaklega farsælum ferli Björgvins
Halldórssonar og er skyldueign aðdáenda.
Nýjasta platan Dúett 3 er ný plata frá
Björgvini í ár.
Björgvin í Eurovision Björgvin keppti í Eurovision árið 1995 með lagið Núna.
Björgvin og Jökull Ljónshjarta Björgvin
er mikill dýravinur, hér er hann með ketti sem
hann átti um árafjöld, Jökli Ljónshjarta.
Vinsæl Platan átti eftir að verða mest selda
plata ársins.
Með strákunum í Ævintýri Björgvin sló í gegn með strákunum í Ævintýri, þeir voru
dýrkaðir og dáðir hvar sem þeir sáust.
Græjukarl Björgvin er mikill græjukarl og á
meira en 40 gítara.
Feðgin Hér syngja þau saman, feðginin
Björgvin og Svala.
Poppstjarna ársins Björgvin kosinn
poppstjarna ársins á stórtónleikum í
Laugardalshöll þar sem vinsælustu hljóm-
sveitir landsins komu fram.