Dagblaðið Vísir - DV - 06.12.2013, Side 54

54 Menning Helgarblað 6.–9. desember 2013
E
iríkur Guðmundsson rithöf-
undur var tilnefndur til Ís-
lensku bókmenntaverð-
launanna á dögunum fyrir
skáldsöguna 1983. Sú bók ger-
ist í Bolungarvík, heimabæ Eiríks í
æsku, og byrjar á því að sögupersón-
an hefur snúið aftur í þorpið fyrir
vestan og rifjar upp minningar sín-
ar. Bókin hefst svona: „Ég er kominn
hingað með segulbandstækið mitt,
það er gamalt, fylgdi mér út í lífið. Ég
ætla að taka upp nið hafsins, eins og
hann var, eins og hann er, öldurótið,
þögn fjallanna, hljóðið sem heyrist
þegar blóm springa út á gömlu leiði.“
DV bað Eirík um að segja lesend-
um blaðsins frá götunum í lífi sínu og
auðvitað er byrjað í Bolungarvík.
Hafnargata í Bolungarvík.
„Þar ólst ég upp, þótt ég hafi aldrei átt
heima þar, í eiginlegum skilningi. En
ég átti samt heima þar. Það var á sín-
um tíma lengsta gata í heimi, skartaði
bæði kaupfélagi, Bjarnabúð, frysti-
húsi, verbúðum, vélsmiðju, hóteli, og
þá er aðeins fátt upp talið, því þarna
var líka hafið. Við þessa götu var ekki
bara lífið sjálft heldur líka marg faldur
dauðinn í húsi sem nú er búið að
gera afar fallega upp, alveg niðri við
höfnina, komið þar dýrindis hótel og
veitingastaður. Við götuna bjó gamalt
fólk í litlum húsum, margir fóðruðu
hrafna. Þar mætti maður daglega
gömlum sjómönnum á göngu, þeir
voru með kaskeiti og fljótandi augu.
Líklega er Hafnargatan mín gata ekki
síst vegna þess að í húsi við þá götu
átti ég mína sælustu daga sem barn,
það var ekki stórt hús, en um veru
mína þar gæti ég sagt eins og Kristján
Fjallaskáld forðum; „Aldrei siklingur
neinn hefir sinni í höll lifað sælli né
fegurri stund“.“
Snekkjuvogur í Reykjavík
„Þar var fyrsta aðsetur mitt í Reykja-
vík, hjá bróður mínum. Húsið til-
heyrði reyndar Langholtsvegi en
stendur við Snekkjuvog. Það er ekki
löng gata, en ég stúderaði hana mjög
á sínum tíma, hún var eiginlega óhjá-
kvæmilegt rannsóknarefni því hún lá
að skólanum. Mér fannst hún þægi-
lega afvikin, og hafði gaman af að
horfa inn um gluggana á húsunum.
Á efri hæð hússins þar sem ég bjó
bjuggu stelpur sem buðu mér í bíltúr
fyrsta kvöldið mitt í borginni, það
var fallega gert. Ég hafði eiginlega
meira gaman af Snekkjuvoginum
en Gnoðarvoginum, þar sem ég bjó
síðar, og nokkuð lengi, við hliðina á
frægri skáldkonu sem allir unglings-
piltar elskuðu. Ég fékk stundum að
ýta bílnum hennar í snjókomu en gaf
henni aldrei start.“
Hraðlestin: Laugarnesvegur
– Fálkagata
„Við Laugarnesveg var ég um tíma,
en tengdi ekki sérstaklega við veginn,
sem götu, þótt ég kynni vel við hverf-
ið. Við veginn var snyrtistofan Para-
dís, ég bjó beint fyrir ofan hana, svo
þetta var dálítið magnað, og það var
gott að vera nálægt sjónum. Þá bjó
ég til þá kenningu að ef maður ætl-
aði sér að búa í Reykjavík ætti mað-
ur að búa norðan Miklubrautar, eða
Hringbrautar, út af Esjunni, og birt-
unni, sem væri öðruvísi eða æsi-
legri en sunnanmegin í borginni,
svo líklega hef ég bara kunnað vel
við mig þarna. Nú lifi ég ekki leng-
ur eftir þeirri kenningu því ég held
mig í Vesturbænum, sunnan Hring-
brautar, og fer helst ekkert út fyr-
ir hann. Þar eru göturnar í lífi mínu
þegar orðnar nokkrar, þótt ég geti
ekki sagt að ég hafi beinlínis taugar
til neinnar þeirra, helst að mér þyki
vænt um stígana sem liggja hérna
á milli húsanna, ég er mest á þeim,
en veit ekki alveg hvert þeir liggja.
Hjarðarhaginn er hér auðvitað
nokkurs konar Avenida Liberdade,
og þeir eru haganlega dregnir búlu-
varðarnir sem liggja frá Hagatorginu.
Maður er mikið þar. En kannski ætti
ég bara að eiga lögheimili við hina
mjög svo umdeildu Hofsvallagötu
því þar er sundlaugin. Allar götur
sem liggja að henni eru göturnar í
lífi mínu, þeirra á meðal er Óshlíðin,
þótt hún sé aðeins lengra í burtu og
raunar búið að loka henni.“ n
Göturnar sem liggja að Hofsvallagötu eru göturnar í lífi Eiríks Guðmundssonar
Ingi Freyr
Vilhjálmsson
Göturnar
í lífi mínu
„Ég fékk stundum
að ýta bílnum
hennar í snjókomu en gaf
henni aldrei start.
Taugar Eiríks Eiríkur
Guðmundsson segist
ekki bera sérstakar
taugar til þeirra gatna
sem hann hefur búið
við í Vesturbænum en
honum þykir vænt um
stígana sem liggja á milli
húsanna. Mynd SiGTRyGGuR aRi
„Við þá götu
átti ég mína
sælustu daga“
„Við götuna bjó gamalt
fólk í litlum húsum,
margir fóðruðu hrafna
Brand í Hörpu
Sex mánaða uppistandsferðalagi
grínistans Russell Brand lýkur í
Hörpu á mánudag og þriðjudag.
Uppistandssýningin eða gjörn-
ingurinn heitir Messiah Comp-
lex. Russel Brand hyggst ræða
trúarbrögð og hetjur mannkyns-
sögunnar og beina athyglinni
einkum og sér í lagi að byltingar-
leiðtoganum Che Guevara, mann-
réttindafrömuðinum Gandhi og
baráttumanninum Malcolm X,
sem lét sig réttindi blökkumanna
miklu varða, og svo auðvitað Jesú
Krist sjálfan. Brand er þekktur
fyrir beitta gagnrýni og óvenju-
lega heimssýn. Hann komst ný-
verið í fréttirnar þegar hann hélt
langa ræðu um galla hefðbund-
inna stjórnmálakerfa hjá sjálfum
Jeremy Paxman. Brand mun troð-
fylla Eldborgarsal, en uppselt er á
báðar sýningarnar.
Kjarval í Lands-
bankanum
Listfræðingurinn Aðalsteinn Ing-
ólfsson ætlar að ræða við gesti í
Listasafni Reykjavíkur um þau
verk eftir Jóhannes S. Kjarval,
einn ástsælasta myndlistarmann
þjóðarinnar, sem eru í eigu Lands-
bankans. Tilefni umræðnanna er
sýningin Mynd af heild II: Kjarval
bankanna. Íslensku bankarnir
hafa í gegnum tíðina keypt mikinn
fjölda íslenskra listaverka og eiga
stór söfn verka Kjarvals. Á sýn-
ingunni gefst í fyrsta sinn tækifæri
til á að sjá öll verkin á einum stað.
Gestaspjallið hefst klukkan 15.00
laugardaginn 7. desember á Kjar-
valsstöðum. Þetta kemur fram í til-
kynningu frá listasafninu.
Bókmennta-
kynning MFÍK
Vigdís Gríms, Amal Tamimi, Sig-
ríður Kristín Þorgrímsdóttir og
Ragnar Stefánsson eru meðal rit-
höfunda sem lesa upp úr verkum
sínum á árlegri bókmenntakynn-
ingu Menningar- og friðarsam-
takanna MFÍK sem fram fer í MÍR
á laugardag. Húsið verður opnað
klukkan 13.30 og boðið verður
upp á glæsilegt kaffihlaðborð en
ágóði af því rennur til útgáfu bók-
ar um sögu samtakanna en þau
eru elsta friðarhreyfing á Íslandi
sem enn er starfandi.
Markmið samtakanna er að
sameina allar konur án tillits
til trúar eða stjórnmálaskoð-
ana til baráttu fyrir alheimsfriði
og afvopnun, og efla samvinnu
kvenna í þágu friðar, mann-
réttinda og menningar.
Auk ofantalinna höfunda
koma fram Berglind Gunnars-
dóttir, Sigrún Helgadóttir og
Guðný Hallgrímsdóttir.