Lögmannablaðið - 01.07.1998, Blaðsíða 7
7Lögmannablaðið
laganna sagði að þetta væri ekkert mál, hann hefði
lært frönsku hjá Herdísi Vigfúsdóttur í Hamrahlíð-
inni og honum yrði ekki skotaskuld úr því að þýða
fyrir þá. Þeir pöntuðu síðan eftir forskrift Hamra-
hlíðarstúdentsins en brá heldur í brún þegar mat-
urinn birtist á borðinu. Fyrir framan Mörð var sett
heilt svínshöfuð, sem glotti illyrmislega til hans af
disknum. Mörður var ekki alveg viss um hvort gölt-
urinn væri lífs eða liðinn. Lögmaðurinn við hliðina
á honum, Gísli, fæddur og uppalinn í Dýrafirðin-
um, horfði niður í súpuskál og þar svamlaði eitt-
hvað, sem Mörður vildi ekki fá að vita hvað væri.
Sá þriðji fékk gufusoðnar grísatær, sem voru það
gufusoðnar að litla táin datt af, þegar hann potaði
með gafflinum í tána. Hamrahlíðarstúdentinn
gæddi sér hins vegar á ljúffengri nautasteik. Lítið
varð af matarneyslu. Gísli Dýrfirðingur vildi ekki
greiða fyrir þennan mat og hóf ákafar samninga-
viðræður á íslensku, dönsku, þýsku og ensku, með
dyggri aðstoð spænska dippans, sem ræddi við
þjóninn á spænsku. Ekki kunni þjónninn að meta
tungumálakunnáttu þeirra félaganna og krafðist
greiðslu. Deilur jukust stig af stigi og þegar Merði
var hætt að lítast á blikuna birtust inn á gólfi á mat-
sölustaðnum fjórir gendarmerie með alvæpni. Ís-
lenskir lögmenn láta slíkt ekki á sig fá og höfnuðu
enn greiðslu með vísan til kaupalaganna. Belgíska
pólitíið þekkti lítið til hinna fínni blæbrigða í ís-
lenskum kauparétti og urðu málalyktir þær að
þeim félögunum var stungið í steininn, ásamt
spænska diplómatanum. Honum tókst reyndar um
síðir að koma hinum belgísku gendarmerie í skiln-
ing um að hann nyti diplómatískrar friðhelgi og var
fljótlega sleppt. Íslensku lögmennirnir máttu íhuga
lífshlaup sitt í kjallaranum hjá belgísku lögreglunni
fram eftir nóttu. Formaður félagsins birtist þó um
síðir á lögreglustöðinni og tókst með sinni alkunnu
lipurð og réttsýni að fá þá lausa. Eftir að hið bel-
gíska pólití fékk að vita hvers konar höfðingjar
voru hér á ferð, voru þeir innilega beðnir afsökun-
ar, „pardon, pardon” og kvaddir að hermannasið.
Það voru hljóðir og hógværir menn sem héldu upp
á hótel í morgunsárið. Mörður var feginn að þeir
voru á förum frá þessari skelfilegu borg daginn eft-
ir.
„Þá er betra að vera bara heima” hugsaði Mörð-
ur. Hann er að vísu búinn að frétta það að LMFÍ
ætli að ári að fara í aðra ferð til borgar sem heitir
Strassborg, þar sem einhver dómstóll er, og er að
íhuga að fara þá ferð, en bara ef formaðurinn fer
með.
Til leigu
skrifstofuhúsnæði
að Skólavörðustíg 19, 2. hæð.
Um er að ræða 150m2 sem geta
skipst annarsvegar í 50m2 og
hinsvegar 100m2.
Uppl. hjá Fasteignasölunni Laufási
sími 533-1111.