Lögmannablaðið - 01.03.2004, Blaðsíða 25

25L Ö G M A N N A B L A Ð I Ð
sínar. Slíkur núningur var ástæða þess að í frum-
varpi til breytinga á lögmannalögum er að finna
ákvæði, sem undirstrikuðu enn frekar en áður
var, að heimild lögmanna hjá stofnunum og fyr-
irtækjum takmarkaðist við störf fyrir vinnuveit-
endur þeirra. Ég tel að í sjálfu sér hafi ekki verið
lögð til nokkur efnisbreyting og því í raun ekkert
unnið með nýju ákvæðunum. Ljóst er hins vegar
að þau komu mjög illa við marga þeirra sem þau
beinast að. Stjórn félagsins mun því leggja til að
þau verði felld úr frumvarpinu.
Óánægja þessa hóps félagsmanna kom gleggst
í ljós á fundi, sem haldinn var til kynningar á lög-
mannafrumvarpinu. Fundarmenn samþykktu þó,
mótatkvæðalaust, tillögu tveggja fyrrum for-
manna félagsins um að fara þess á leit við dóms-
málaráðherra, að frumvarpinu yrði breytt á þann
veg að úr því yrði fellt annað en það sem laut að
staðfesturéttindum, heimildum annarra en HÍ til
þess að útskrifa lögfræðinga sem geti þreytt próf-
raun til lögmannsréttinda og ákveðnar tillögur til
breytinga varðandi Úrskurðarnefnd lögmanna.
Beiðnin var borin upp við ráðherra og ítrekuð á
fundi með allsherjarnefnd Alþingis. Á hana var
hins vegar ekki fallist. Frumvarpið fer því, í
þeirri mynd sem það var lagt fram, í meðferð hjá
Alþingi. LMFÍ mun senda efnislega umsögn um
frumvarpið til allsherjarnefndar, en stjórn félags-
ins mun leita álits félagsmanna á umsögninni
áður en hún fer frá félaginu.
Á félagsfundinum var einnig samþykkt tillaga
um skipan 9 manna nefndar, undir forystu for-
manns félagsins, sem hafi það verkefni að fara
heildstætt yfir lögmannalögin. Nefndin hefur
þegar verið skipuð en auk mín skipa hana: Aðal-
steinn Jónasson hrl., Ástríður Gísladóttir hdl.,
Bjarki Diego hrl., Guðmundur Pétursson hrl.,
Helga Hlín Hákonardóttir hdl., Hjördís Harðar-
dóttir hdl., Jakob R. Möller hrl. og Lára V. Júlíus-
dóttir hrl. Ég tel nefndina gefa nokkuð góðan
þverskurð af félaginu og vænti mikils af störfum
hennar. Þrátt fyrir dræmar undirtektir ráðherra og
allsherjarnefndar við tillögu um breytingu á
frumvarpi til breytinga á lögmannalögum, tel ég
félaginu nauðsynlegt að leggjast í nokkra sjálf-
skoðun vegna þeirra breytinga sem á því hafa
orðið. Ég hef ennfremur ákveðið að bjóða mig
fram til formanns félagsins þriðja sinni og bjóð-
ast þar með jafnframt til þess að fara áfram fyrir
nefndinni, hljóti ég til þess fulltingi á aðalfundi
LMFÍ.
Námskeið á vorönn
Samspil atvinnu- og einkalífs.
Í störfum sínum glíma lögmenn oft við mál sem
tengjast erfiðustu lífsreynslu umbjóðenda sinna.
En hvernig vinna þeir sjálfir úr sínu? Er hægt að
koma heim að loknum vinnudegi og „loka” á erfið
mál? Á námskeiðinu er farið yfir með hvaða hætti
lögmenn geta varið sig gegn erfiðum málum.
Einnig verður fjallað um kulnun í starfi, hæfni í
mannlegum samskiptum og hvernig leysa á
farsællega úr ágreiningi.
Kennari: Jóhann Ingi Gunnarsson sálfræðingur.
Staður: Kennslustofa LMFÍ, Álftamýri 9, Rvík.
Tími: Þriðjudagur 20. apríl, kl. 16:00 –19:00.
Verð: kr. 15.500,- en fyrir félaga í félagsdeild
kr. 12.500,-.
Skráning fer fram hjá félagsdeild í síma 568 5620 eða
með tölvupósti á netfang eyrun@lmfi.is