Lögmannablaðið - 01.06.2005, Blaðsíða 8

8
Mat á því hvenær nauðsynlegt er síðan fyrir
lögmann að koma fram og bæta við þá „frétt“ sem
viðkomandi blaðamaður hyggst birta, byggist á
brjóstviti einstaks lögmanns. Þannig er það í
sumum tilvikum líklega betra að láta kyrrt liggja.
Það að reyna rétta hlut umbjóðandans í fjöl-
miðlum eftir á, getur nefnilega leitt til þess að
„fréttin“ frá í fyrradag komist aftur í hámæli
meðal almennings.
„Sjaldan lýgur almannarómur“
Lögmenn hafa misjafna reynslu af samskiptum
sínum við fjölmiðla og þá sem þar starfa.
Umfjöllun um einstök mál hefur oftsinnis farið út
fyrir öll siðsemismörk þar sem virðing og nær-
gætni fyrir brotaþola er að engu höfð. DV, sem
hefur gengið hvað lengst í þá átt, hefur nú sett sér
sérstaka siðaskrá og margir binda vonir við að
blaðið muni hér eftir sýna meiri tillitssemi í
umfjöllun sinni en hingað til.
Lögmaður sem haft var samband við vegna
þessara greinarskrifa, sem hefur töluverða reynslu
af verjendastörfum í opinberum málum, sagði sína
reynslu af fjölmiðlum vera slæma og ræddi um
vaxandi hörku af hálfu blaðamanna í garð sakaðra
manna þar sem þeir eirðu engu. „Auðvitað er ekki
hægt að alhæfa og segja að öll umfjöllun sé slæm
en umfjöllun vegna sakamála getur verið slæm
þegar hún hefst áður en menn hafa verið fundnir
sekir fyrir dómstólum. Slík umfjöllun getur haft
áhrif á dómendur, sérstaklega þegar dómstóll göt-
unnar hefur fjallað um málið og fellt sektardóm,
auk þess sem hún getur brennimerkt menn sem að
lokum eru sýknaðir í dómsmeðferð og slíkir menn
fá aldrei uppreisn æru,“ sagði lögmaðurinn.
Reynsluleysi blaðamanna
Lögmenn sem rætt var við töluðu um reynslu-
leysi þeirra blaðamanna sem væru látnir fjalla um
þennan málaflokk og töldu að svo virtist sem
venja væri meðal fjölmiðla að láta unga blaða-
2 / 2 0 0 5
» Blaðamaður leitast við að gera ekkert það, sem til
vanvirðu má telja fyrir stétt sína eða stéttarfélag,
blað eða fréttastofu. Honum ber að forðast hvaðeina
sem rýrt gæti álit almennings á starfi blaðamanns
eða skert hagsmuni stéttarinnar ...
Úr 1. grein siðareglna Blaðamannafélags Íslands
» 5. gr. Í umræðu í fréttamiðlum eða á öðrum
opinberum vettvangi um mál, sem lögmaður hefur
eða hefur haft til meðferðar, ber honum að virða
óskir skjólstæðings síns um að ekki sé fjallað um
málið af hans hálfu.
Codex Ethicus fyrir LMFÍ
» Í frásögnum af dóms- og refsimálum skulu
blaðamenn virða þá meginreglu laga að hver maður
er talinn saklaus þar til sekt hans hefur verið
sönnuð.
Úr 4. grein siðareglna Blaðamannafélags Íslands