Lögmannablaðið - 01.06.2005, Side 24
24
Dagana 18.-20. ágúst 2005 verður37. norræna lögfræðingaþingið
haldið í Reykjavík. Á þinginu verður
að venju fjölbreytt dagskrá, þar sem
íslenskum lögfræðingum gefst kostur á
að fræðast og taka þátt í umræðu um
margs konar lögfræðileg málefni. Um
leið fá þeir tækifæri til að kynnast
lögfræðingum frá hinum Norðurlönd-
unum, en reiknað er með alls um
1.200 þátttakendum á þinginu.
Löng hefð er fyrir norrænu lögfræð-
ingaþingunum, en fyrsta þingið var
haldið 1872. Þingin eru haldin á þriggja
ára fresti, og færast á milli höfuðborga
Norðurlandanna í ákveðinni röð.
Íslenskir lögfræðingar hafa þrisvar áður
verið gestgjafar þinganna, árin 1960,
1975 og 1990. Árið 1993 var þingið haldið í Kaup-
mannahöfn, árið 1996 í Stokkhólmi, árið 1999 í
Osló og árið 2002 í Helsinki.
Þingin eru einstakur vettvangur fyrir umræðu og
samvinnu á sviði lögfræði á Norðurlöndunum, og
hafa haft mikla þýðingu fyrir mótun norrænnar
lagahefðar og norræns löggjafarsamstarfs. Á þing-
unum koma saman lögfræðingar í alls konar
stöðum, svo sem fræðimenn, dómarar, lögmenn og
lögfræðingar úr stjórnsýslunni og viðskiptalífinu,
og ræða um þau efni innan lögfræðinnar sem eru í
brennidepli á hverjum tíma. Formlega séð er litið á
þingin sem félagsskap, sem þátttakendur á þing-
unum verða félagar í. Hvert Norðurlandanna hefur
eigin stjórn fyrir þingin. Ákveða stjórnirnar í sam-
einingu þau efni sem fjallað er um á hverju þingi
fyrir sig. Á þinginu í Reykjavík 2005 verður fjallað
um 24 mismunandi efni. Hefur efnum verið skipt
niður í níu efnisflokka: 1) ábyrgð og bætur, 2) lög-
fræðilegar aðferðir, 3) vinna, 4) fjölskylda, 5)
grundvallarréttindi, 6) opinberi geirinn, 7) réttarfar,
8) refsing og 9) málefni nútímans. Sameiginlegir
fundir eru haldnir við upphaf og lok þingsins. Að
öðru leyti verður fjallað um mismunandi efni
þingsins í málstofum, en 4-5 slíkar verða haldnar
samhliða á hverjum tíma.
Almennt er fjallað um einstök efni á
þinginu með þeim hætti að útnefndur
er svonefndur referent frá einhverju
Norðurlandanna fyrir hvert efni. Hann
fjallar skriflega um efnið í referat, sem
sent verður fyrirfram til þeirra sem
hafa skráð sig á þingið. Þar er ætlast til
að referent setji fram skýrt mótaðar
kenningar (teser) um efnið. Einnig er
útnefndur svonefndur korreferent frá
einhverju hinna Norðurlandanna, en
hlutverk hans er að fjalla með
gagnrýnu hugarfari um þær kenningar
sem referent setur fram. Í málstofum er
gert ráð fyrir að þátttakendur hafi
kynnt sér referatið. Málstofur hefjast á
því að referent gerir stuttlega grein
fyrir helstu atriðum referats, en síðan
heldur korreferent framsögu sem tekur mið af ref-
eratinu. Að því loknu er gert ráð fyrir umræðum
undir stjórn málstofustjóra, svonefnds debatledare.
Framsögur referents og korreferents, ásamt
umræðum sem fylgja í kjölfarið, eru birtar í fundar-
gerðum sem dreift verður til þátttakenda í kjölfar
þingsins. Hefur þetta fyrirkomulag á málstofum
gefist mjög vel á þingunum. Nokkrar málstofur
verða þó með öðru sniði, en þar verða fyrirlestrar
og pallborðsumræður.
Fjölmargir íslenskir lögfræðingar hafa þegar
skráð sig á 37. norræna lögfræðingaþingið í
Reykjavík. Lögfræðingar geta skráð bæði sig sjálfa
og maka til þátttöku á þinginu. Útlit er fyrir að
þingið verði bæði fróðlegt og skemmtilegt. Þátttak-
endum verður boðið í móttöku í Ráðhúsi Reykja-
víkur að kvöldi 18. ágúst, í heimboð eða annars
konar boð að kvöldi 19. ágúst og í sameiginlegan
veislukvöldverð að kvöldi 20. ágúst. Auk þess
verður haldið sérstakt boð fyrir unga þátttakendur í
undanfara mótsins 17. ágúst, og boðið verður upp á
ferðir fyrir maka. Nánari kynningu á efnum og dag-
skrá þingsins, ásamt öðrum upplýsingum um það,
má finna á heimasíðu þess, www.cong-
ress.is/njm2005.
Það er mikið verkefni að halda norrænt lög-
2 / 2 0 0 5
37. norræna lögfræðingaþingið
í Reykjavík í ágúst 2005
Ragnar Tómas
Árnason
hdl.