Lögmannablaðið - 01.06.2005, Blaðsíða 21
PIST ILL FORMANNS:
21
Þann 11. mars sl. var aðalfundur LMFÍ hald-inn. Þá var ný stjórn kjörin en í henni sitja
auk mín þau Helga Melkorka Óttarsdóttir hdl.,
varaformaður, Helga Jónsdóttir hdl.,
ritari, Stefán Geir Þórisson hrl.,
gjaldkeri og Jóhannes Albert Sæv-
arsson hrl., meðstjórnandi. Ég lít
björtum augum til starfsins í LMFÍ
með þessu fólki sem ég tel einvala-
lið sem allt er áhugasamt um eflingu
og virkni félagsins.
Þótt sú venja sé ríkjandi að
stjórnmálamenn lofi öllu fögru fyrir
kosningar, í þeirri von að með því
geti þeir veitt atkvæði, hefur sá
háttur ekki verið hafður á í aðdrag-
anda aðalfundar LMFÍ. Stjórnar-
skipti þar eru að öllu jöfnu hávaða-
laus og oftast án mótframboðs. Þótt ekki sé um
kosningaloforð að ræða þykir mér rétt að nýta
þennan vettvang í Lögmannablaðinu til að tæpa
á þeim verkefnum sem mér finnst einna mikil-
vægust innan LMFÍ fyrir utan auðvitað það
grundvallarverkefni að standa vörð um sjálf-
stæði lögmannastéttarinnar.
Hér á Íslandi eru núlifandi útskrifaðir lög-
fræðingar sennilega í kring um 2000 talsins.
Þetta fólk starfar á ýmsum sviðum s.s. í lög-
mennsku, í ráðuneytum og öðrum opinberum
stofnunum, í bönkum o.fl. o.fl. Lögfræðingar
hafa myndað með sér ýmis félög sem öll eru
helguð þeim tilgangi að þjónusta félagsmenn
sína og efla þá. Í þessu sambandi má t.d. nefna
Lögfræðingafélag Íslands sem er lang fjölmenn-
asta félagið, Sjóréttarfélagið, Félag lögfræðinga
fjármálafyrirtækja, Félag um vátryggingarétt,
Skattaréttarfélag Íslands o.fl. Öll
þessi félög halda fræðafundi af
ýmsu tagi auk þess sem sum þeirra
a.m.k. standa fyrir útgáfu á ýmsu
lögfræðilegu efni. Við þetta bætist
svo mjög metnaðarfullt endur-
menntunarstarf lagadeilda háskól-
anna hér á landi. Framboð á ýmis
konar endurmenntunarefni fyrir
lögfræðinga er því gífurlegt og
mjög mikið af því á beint erindi til
félagsmanna LMFÍ þó það komi frá
öðrum félögum.
Ég tel að það sé mikið hags-
munamál fyrir lögmenn að samstarf
milli allra þessara aðila sé sem best. Til stendur
að opna n.k. upplýsingatorg á heimasíðu LMFÍ
þar sem hægt verður að sjá hvað er boðið upp á
á hverjum tíma af öllum þessum aðilum. Til-
gangurinn með opnun slíks upplýsingatorgs er í
fyrsta lagi að gefa lögmönnum aðgengilegt yfir-
lit yfir það sem í boði er auk þess sem það ætti
að hjálpa þeim sem eru að standa í skipulagn-
ingu á fræðafundum og öðrum uppákomum að
stilla hlutina þannig af að þeir rekist ekki hver á
annan. Þetta skref LMFÍ er vonandi einungis
það fyrsta í enn öflugra samstarfi félaga lög-
fræðinga sem augljóslega mun skila félags-
mönnum LMFÍ betri þjónustu og efla þá fag-
lega.
Helgi Jóhannesson
hrl.
Sigurliðið Reynsla og léttleiki bar höfuð
og herðar yfir andstæðinga sína á vellinum.
Ef einhverjir hyggjast leita hefnda verða
þeir að velja annan vígvöll en knatt-
spyrnuvöllinn, þar eru þeir númer eitt!
F.v. Baldvin Björn Haraldsson, Jón
Ármann Guðjónsson, Anton Björn
Markússon og Jóhannes Bjarni
Björnsson.
L Ö G M A N N A B L A Ð I Ð