Lögmannablaðið - 01.10.2009, Blaðsíða 10

10 < LÖGMANNABLAÐIÐ 3 / 2009
Mismunandi túlkun á inntaki
innheimtulaga
Ljóst er að ágreiningur er uppi um
túlkun á inntaki innheimtulaga nr.
95/2008 og eftir atvikum reglugerðar
nr. 37/2009 um hámarksfjárhæð
innheimtukostnaðar o.fl. Þetta kom
berlega í ljós á fundi sem Lögmanna-
félagið stóð fyrir þann 28. ágúst s.l.,
þar sem talsmaður neytenda og
lögmenn skiptust á skoðunum um
inntak reglanna og túlkun einstakra
ákvæða.
Stjórn Lögmannafélags Íslands hafði
reyndar varað við óskýrleika laganna
með bréfi til viðskiptaráðuneytisins
dags. 2. febrúar s.l. Í bréfinu óskaði
félagið jafnframt eftir nánari leið-
beiningum um túlkun reglnanna með
það fyrir augum að komast hjá fyrir-
sjáanlegum ágreiningi við framkvæmd
þeirra. Engin svör bárust hins vegar frá
ráðuneytinu en í kjölfar fundarins með
talsmanni neytenda var beiðni félagsins
ítrekuð, enda er það mat stjórnar
Lögmannafélagsins að félagið geti ekki,
miðað við núverandi aðstæður, sinnt
eftirlitshlutverki með lögmönnum á
grundvelli 2. mgr. 15. gr. innheimtu-
laganna með viðunandi hætti, né gefið
út reglur um slíkt eftirlit samkvæmt 3.
mgr. sömu greinar. Í bréfinu er einnig
skorað á ráðuneytið að beita sér fyrir
tillögum um breytingar á innheimtu-
lögunum þar sem m.a. verði sett inn
skýrari ákvæði um upphaf löginn-
heimtu, auk lagfæringa á villum sem
finna má í lögunum. Jafnframt hefur
Lögmanna félagið lýst sig reiðubúið til
samstarfs við mótun skýrari inn-
heimtureglna og leggur til við
ráðuneytið að myndaður verði sér-
stakur vinnuhópur með þátttöku
fulltrúa ráðuneytisins, lög manna,
talsmanns neytenda og e.t.v. fleiri
aðila.
Lækkun tímagjalds til
verjenda­ og
réttargæslumanna
Með reglugerð dómsmálaráðuneytisins
nr. 715/2009 var tímagjald þóknunar til
verjenda og réttargæslumanna lækkað
úr kr. 11.200 niður í kr. 10.000. Fyrir
setningu reglugerðarinnar hafði stjórn
Lögmannafélagsins reyndar fengið í
hendur drög að reglugerðinni til
umsagnar og kom stjórnin sjónarmiðum
sínum á framfæri með bréfi til ráðu-
neytisins dags. 10. ágúst s.l.
Í bréfi félagsins var bent á að reglu-
gerðardrögin fælu í sér ríflega 10%
lækkun tímagjalds fyrir verjenda- og
réttargæslustörf lögmanna frá því sem
ákveðið var í viðmiðunarreglum
dómstólaráðs nr. 3/2007. Benti félagið
á þá staðreynd að þóknun til lögmanna
fyrir umrædd störf hafi ekki hækkað í
samræmi við vísitölubreytingar á árinu
2008, þrátt fyrir að í reglum dóm-
stólaráðs sé kveðið á um slíka hækkun.
Því hafi verjendur og réttargæslumenn
í raun þegar tekið á sig 10% skerðingu
þóknunar. Með frekari lækkun þókn-
unar væri skerðingin því umtalsvert
meiri en aðrar starfsstéttir hafa þurft að
taka á sig í kjölfar efnahagshrunsins
hér á landi. Það er skemmst frá því að
segja að ekki var tekið tilliti þessara
sjónar miða félagsins og tók umrædd
reglugerð gildi 20. ágúst s.l.
Í framhaldi af gildistöku reglu-
gerðarinnar ritaði stjórn Lögmanna-
félagsins dóms málaráðherra bréf þar
stjónarmið félags ins voru áréttuð og
jafnframt ítrekað inntak bréfs stjórnar
félagsins til ráðu neytisins, dags. 24. júlí
2008, vegna fyrirætlana þess um
lækkun kostnaðar við rekstur sakamála
og opinbera réttaraðstoð. Í því bréfi var
m.a bent á nauðsyn þess að skoða
einnig kostnað vegna annarra aðila en
lögmanna sem koma að meðferð
opinberra mála, bæði á rannsóknarstigi
og fyrir dómi. Í þessu bréfi lagði
Lögmannafélagið ríka áherslu á að
málið yrði unnið af yfirvegun og að
tryggt væri að réttaröryggi borgaranna
yrði ekki stefnt í hættu. Var m.a. vísað
til þess að íslensk stjórnvöld væru
bundin af alþjóðlegum mannréttinda-
sáttmálum, m.a. Mannréttindasáttmála
Evrópu, og að þær aðgerðir sem
Innheimtulög og efling
dómstóla ásamt fleiru
Ingimar Ingason, framkvæmdastjóri
Af vettvangi félagsins