Lögmannablaðið - 01.10.2009, Qupperneq 15
LÖGMANNABLAÐIÐ – 3 / 2009 > 15
Sigríður: Það er dómstólanna að taka á
þessu.
Vald dómstólanna
Arnar Þór: Menn hafa áhyggjur af því
að dómstólar taki sér meira vald en
þeim ber. Ég spyr út frá íslenskum
veruleika: Er þessu öfugt farið á
Íslandi? Getur verið að dómstólar séu
hreinlega feimnir við vald sitt? Fyrir
dómstólum reynir á mörg mikil-
vægustu mál sam félagsins. Það sama
mætti segja um framkvæmdavaldið,
að það hafi ekki farið út að sínum
mörkum og jafnvel haldið að sér
höndum.
Brynjar: Vald er vandmeðfarið og ég
held að menn eigi alltaf að takmarka
sig með því. Ekki vaða yfir allt og alla.
Ég vil fá bestu fagmenn í þetta vald
því það er svo vandmeðfarið.
Sigurður Tómas: Við viljum fá bestu
fagmennina í ákærendastöðurnar á
sama tíma og verið er að lækka laun
embættismanna!
Brynjar: Við eigum fínan mannskap í
grunnstofnanir en ef menn ætla gera
þetta að hornreka fyrirbæri í húsi á
Hverfisgötu þá er ekki von á góðu.
Saksóknarar hafa mikið vald sem
hefur áhrif á líf fólks. Til dæmis getur
ein röng ákæra snúið öllu á hvolf.
Sigríður: Í flestum nágrannaríkjum
okkar nýtur ákæruvaldið stuðnings
stjórnvalda þannig að sett er fram
ákveðin refsipólitísk stefna og ákæru-
valdið fær nægilegt fjármagn til að
framfylgja sínu hlutverki. Hér er það
ekki svo.
Arnar Þór: Við þurfum að ræða það
sem þjóð hvernig samfélag við ætlum
að byggja upp á þessum rústum sem
við stöndum á í dag.
Réttarkerfið og pólitíkin
Hvað þarf að gera til að tryggja að
réttarkerfið höndli núverandi ástand?
Brynjar: Það þarf að styrkja ákæru-
valdið og dómstólana og við höfum
mannskap og þekkingu í það.
Arnar Þór: Í vetur mun reyna
gríðarlega á lögreglu, ákæruvald og
dómstóla. Samfélag, þar sem ríkt hefur
ró og friður, getur hrunið á stuttum
tíma. Margar ákvarðanir þurfa að koma
frá stjórnmálaforystunni. Því miður er
það hins vegar staðreynd að
stjórnmála menn hafa tilhneigingu til
að koma sér hjá því að taka ákvarðanir
og því enda mörg stærstu mál
samtímans fyrir dómstólum. Ástandið
nú er þannig að stjórn málamenn geta
ekki leyft sér að færast undan ábyrgð
sinni og hlutverki með þessum hætti.
Brynjar: Pólitíkin þarf að laga þetta
ástand. Þú rífur ekki tennur úr tann-
lausum kjafti. Menn borga ekki meira
en hægt er. Það er betra að láta menn
borga eins og þeir geta. Það þarf einnig
að gera mönnum auðveldar að fara í
gjaldþrot og upp úr því aftur.
Sigurður Tómas: Jafnframt verður að
forgangsraða mjög markvisst þannig
að mikilvægustu málin verða tekin og
kláruð. Það má ekki kaffæra ákæru-
valdið og dómstóla í málum sem minni
þýðingu hafa.
Arnar Þór: Það þarf að hugsa um þetta
heildstætt. Þarf að efla ákæruvaldið,
efla dómstóla til samræmis og það
sama gildir um fyrirhugaða eflingu
stjórn sýslustofnana. Það mega ekki
verða til flöskuhálsar í kerfinu.
Sigríður: Svo má ekki gleyma hinum
sakamálunum sem eru í kerfinu, voru
og munu alltaf verða hvað sem kreppu
og hruni líður.
Mikil aðsókn á hdl. námskeið
Ekkert lát virðist vera á aðsókn lög-
fræðinga á námskeið til öflunar réttinda
til að vera héraðs dómslögmaður en á
nýbyrjuðu haustnámskeiði eru 42
þátttakendur skráðir til leiks, en auk
þeirra eru 22 þátttakendur frá fyrri
námskeiðum skráðir í einstök próf.
Níu kennarar leiðbeina á fyrri hluta
námskeiðsins sem stendur til 23.
október. Kennslugreinar eru einka mála-
réttarfar, sakamálaréttarfar, fullnustu -
réttarfar, samning lögfræðilegrar
álitsgerðar og lögfræðileg skjalagerð.
Stefnt er að því að síðari hluti nám-
skeiðsins hefjist í byrjun nóvember.
Í kennslustund í lögfræðilegri álitsgerð hjá Eyvindi g. gunnarssyni.