Lögmannablaðið - 01.12.2013, Síða 20

20 lögmannaBlaðið tBl 04/13
UMfJÖllUn
um samruna greiðslu gjaldfallinna krafna
á hendur félögunum og tryggingar fyrir
ógjaldföllnum kröfum.
dómurinn taldi því að hér væri um
vangæslu Es að ræða og að hún hafi
leitt til þess að áfrýjandi hefði farið á mis
við að fá tryggingar fyrir þeim verulegu
fjárhæðum, sem hann átti ógreiddar
frá Fs21 ehf. af kaupverði hlutanna í
Vinnulyftum ehf. og smiðsbúð 12 ehf.
og áður hefur verið getið.
Var skaðabótaábyrgð af þessum
sökum felld á Es og kPmg ehf. og
voru því kPmg ehf., kPmg Fs ehf., B
og Es dæmdir sameiginlega til greiðslu.
Bar hluta tjóns sjálfur
tjón E var talið nema í heild sinni kr.
183.732.232,­. Hins vegar kemur fram
í dóminum að E hafi látið undir höfuð
leggjast að leita sér ráðgjafar vegna
málsins og einnig er tekið fram að
hann hafi frá árinu 1995 staðið fyrir
atvinnurekstri og hafi aflað sér reynslu
af viðskiptum. Hæstréttur taldi að sú
reynsla ætti að leiða til þess að gera
mætti ríkar kröfur til meiri aðgæslu en
hann sýndi í þeim viðskiptum, sem
málið varðar. Var niðurstaðan að E bæri
hluta af tjóni sínu sjálfur, eða þriðjung.
miklar kröfur til milligöngu
í dómnum felst að lagðar eru ríkar
skyldur á þá sem taka að sér milligöngu
við sölu fyrirtækja um ítarlega ráðgjöf
og leiðbeiningar til beggja aðila, jafnvel
þótt viðkomandi aðilar hafi meira en
áratuga reynslu af rekstri fyrirtækja.
Þá horfir Hæstiréttur til þess að kPmg
hafi í reynd tekið að sér milligöngu
um fyrirtækjaviðskiptin þótt formlegt
orðalag í samkomulagi hafi ekki
endilega borið slíkt með sér og að E
hafi borið um það við meðferð málsins
að hann hafi talið kPmg vera að gæta
hagsmuna kaupenda, en ekki sinna
hagsmuna. Þessi sjónarmið virðast
hafa ráðið mestu um sýknu í héraði
sem og að ekki hafi í sjálfu sér verið
neitt athugavert við vinnubrögð kPmg
í málinu. Ennfremur er áhugavert að
svo virðist sem kaupsamningur milli
aðila sé skýr um að hluti söluverðs verði
greiddur síðar og án þess að beinar
tryggingar séu veittar. Þetta kemur þó
að einhverju leyti inn í það mat dómsins
að fella hluta af tjóninu á stefnanda.
Ætla má að þeir sem sinni ráðgjöf
á sviði fasteigna­ og fyrirtækjaviðskipta
þurfi að gaumgæfa forsendur Hæstaréttar
í þessum dómi og taka mið af þeim
varðandi aðkomu sína að verkefnum
sem þessum þegar fram líða stundir.
ÁH
Jólaaðventuhádegisverðarhlaðborðssamverustund
LögmAnnAFÉLAg ísLAnds, Lögfræð­
ingafélag íslands og dómarafélag
íslands stóðu fyrir jólahádegisverði
á aðventunni eins og síðustu ár.
Rúmlega 100 lögfræðingar snæddu
saman ljúffenga forrétti, vænar flísar
af feitum sauðum, piparkökur eftir
uppskrift bakarans í Hálsaskógi, jólagrís
að hætti móður Emils í kattholti og
svo danskættaða eftirrétti við undirleik
jólalaga í útvarpi allra landsmanna.