Dagblaðið Vísir - DV - 17.10.2012, Blaðsíða 10
10 Fréttir 17. október 2012 Miðvikudagur
Við dveljum í notalegu húsi í Hrísey í tvær nætur,
lærum ýmislegt um okkur sjálf og njótum kyrrðarinnar
á einum friðsælasta stað landsins.
Markmið námskeiðsins er að kynnast sjálfum sér betur
og verða meðvitaður um hvaðan við komum.
Fyrirlestrar, æfingar og umræður.
Kostnaður er aðeins 29.000 krónur og innifalið
er gisting og matur (að undanskildum einum
kvöldverði) og námskeiðið með göngum.
Hver og einn kemur sér sjálfur á staðinn en
sé áhugi fyrir að sameina í bíla norður að
sunnan munum við gera það sem við
getum til að mæta því.
Helgarnámsekið í Hrísey
dagana 26 til 28 október
Frekari upplýsingar
og skráning á
thelma@drekaslod.is
Drekaslóð
Ég um mig
C
ristian Sima, rúmenski auð-
jöfurinn sem flúði til Ís-
lands, er sakaður um tengsl
við ítölsku mafíuna. Að sögn
Evrópuþingmannsins Gigi
Becali er Sima á flótta undan við-
skiptafélögum frá Ítalíu, mafíósum
sem eiga harma að hefna. Sjálfur
hefur Sima sagt frá því í rúmenskum
fjölmiðli að hann óttist um líf sitt.
Fjallað var um mál Sima í DV á
mánudaginn, en hann lét sig hverfa
frá Rúmeníu í byrjun október og
hafði með sér gífurlegar fjárhæðir
í eigu viðskiptavina sinna. Ekkert
spurðist til Sima í tæpar tvær vikur
þar til rúmenskir fjölmiðlar greindu
frá því um helgina að hann hefð-
ist við í leiguíbúð í Reykjavík. Sima
er einn þekktasti viðskiptamógúll
Rúmeníu auk þess að vera forseti
næststærstu kauphallar landsins,
Sibex, sem sérhæfir sig í afleiðuvið-
skiptum. Hann er sagður hafa haft
milljónir evra af viðskiptavinum sín-
um í gegnum félagið WBS Holding
sem skrásett er á Bresku Jómfrúa-
eyjum.
Flúði 92 ára mafíósa
„Sima hefur starfað með mafíósum
í Ítalíu, meðal annars 92 ára glæpa-
manni sem lánaði honum háar fjár-
hæðir,“ sagði Gigi Becali í samtali við
TVR, rúmenska ríkisfjölmiðilinn.
Becali segir Cristian Sima fyrst og
fremst vera á flótta undan viðskipta-
félögum frá Ítalíu en ekki Rúmen-
um. Becali segist hafa heimildir
sínar frá auðjöfrinum
Catalin Todirica sem
gengur undir gælu-
nafninu Baróninn og
er góðvinur Sima.
Vill vernd í Rúm-
eníu
Þótt vera kunni að
Sima stafi mest ógn
af ítölskum glæpa-
mönnum er ljóst
að ófáir Rúmenar
hugsa honum þegj-
andi þörfina. Með-
al þeirra sem hann
skuldar fé eru áber-
andi einstaklingar
úr stjórnmála- og
viðskiptalífi Rúm-
eníu, svo sem Daniel Dãianu, fyrr-
verandi fjármálaráðherra landsins
og þingmaður á Evrópuþinginu.
Hann staðfesti á laugardaginn að
hann hefði tapað umtalsverðum
fjárhæðum fyrir tilstilli Cristians
Sima og hvatti hann til að snúa aftur
til Rúmeníu.
Samkvæmt rúmenskum fjöl-
miðlum er þess vænst að Sima snúi
heim í vikunni með því skilyrði að
honum verði veitt vernd.
Eftirlitsstofnanir brugðust
Þjóðaröryggisráð Rúmeníu, sem
fer með eftirlit með fjármálum þar
í landi, hefur sætt harðri gagnrýni
eftir að mál Cristians Sima komst í
hámæli. Er ráðið sakað um linkind
og því legið á hálsi að hafa ekki grip-
ið til nægilegra ráðstafana í þágu
þeirra sem töpuðu fé í viðskiptum
við Sima. Þar sem fyrirtæki hans er
skráð á Bresku Jómfrúaeyjum hefur
Þjóðaröryggisráð Rúmeníu ekki
valdheimildir til að hlutast til um
það. „Ég tel að Þjóðaröryggisráðið
hefði átt að hafa eftirlit með Sima
fyrirfram. Starfsmenn þess hefðu átt
að setja sig í samband við bresk yfir-
völd og hefja rannsókn á fyrirtæk-
inu og stöðu þess,“ segir lögmaður-
inn Cristian Dutescu í samtali við
fréttastofuna Nine O‘Clock.
„Kjaftæði“ og „mannlegt rusl“
Í viðtali við fréttastofuna Realitatea
TV sagði Sima að stærsta tjónið sem
viðskiptavinur WBS Holding hefði
orðið fyrir næmi 1,4 milljónum
evra. Sima sagðist geta borgað upp
skuldina ef hann seldi allar sínar
innistæður en hann vildi sjá til þess
að allir lánveitendur fengju sömu
meðferð. Þá hvatti hann viðskipta-
vini sína til að sýna þolinmæði og
fullyrti að stærstur hluti skuldanna
yrði greiddur von bráðar.
Ekki taka þó allir yfirlýsingar
Sima trúanlegar. Blaðamaðurinn
Cristian Tudor Popescu, sem tapaði
háum fjárhæðum vegna viðskipta
við VBS Holding, hefur kallað Sima
„mannlegt rusl“ og yfirlýsingar hans
„kjaftæði.“ n
Er á flótta undan
ítölsku mafíunni
n Snýr heim ef hann fær vernd n Ófáir Rúmenar hugsa honum þegjandi þörfina
Jóhann Páll Jóhannsson
blaðamaður skrifar johannp@dv.is „Sima hefur starf-
að með mafíósum
í Ítalíu, meðal annars 92
ára glæpamanni sem lán-
aði honum háar fjárhæðir.
Leitaði skjóls
Cristian Sima flúði
til Íslands eftir
að hafa bakað
sér óvild ítalskra
mafíósa.
Auðjöfur veitir upplýsingar Gigi Becali,
moldríkur Evrópuþingmaður, greinir frá
viðskiptafortíð Sima.
15. október 2012
Vilja styðja fórnarlömbin
n Hernaðarandstæðingar gagnrýna forgangsröðun
S
amtök hernaðarandstæðinga
hvetja til þess að þeim þrjátíu
milljónum króna sem árlega er
varið til loftrýmisgæslu verði
á næsta ári varið til fórnarlamba
NATO-herja, en loftrýmisgæslan
verði afþökkuð. Þetta kemur fram í
ályktun sem samtökin sendu frá sér
á þriðjudaginn.
Bent er á að um helgina hafi
hersveitir Atlantshafsbandalagsins
drepið þrjú börn í Helmand-héraði
í Afganistan. Slíkt séu algengar fréttir
úr þessum heimshluta, einkum eftir
því sem notkun herjanna á fjarstýrð-
um drápsvélmennum í Afganistan
og Pakistan hefur aukist.
„Af þessu tilefni gera Samtök
hernaðarandstæðinga það að tillögu
sinni að stjórnvöld afþakki loftrýmis-
gæslu NATO í íslenskri lofthelgi árið
2013 og noti þær 30 milljónir sem
annars hefðu farið í að niðurgreiða
þotuæfingar NATO-herja í að greiða
bætur til aðstandenda þeirra af-
gönsku og pakistönsku borgara sem
drepnir hafa verið á okkar vegum,“
segir í ályktun samtakanna.
Undanfarin ár hafa framlög Ís-
lands til NATO tvöfaldast frá því
sem var fyrir hrun. Mesta hækkun-
in átti sér stað árið 2010 en þá fóru
framlögin úr 87,6 milljónum króna
upp í 216,4 milljónir króna. Skýrist
þetta fyrst og fremst af veiku gengi
krónunnar. Samtök hernaðarand-
stæðinga hafa um árabil barist fyrir
því að Ísland gangi úr Atlantshafs-
bandalaginu. Samfylkingin, Sjálf-
stæðisflokkurinn og Framsóknar-
flokkurinn eru hlynnt aðild Íslands
að NATO en Vinstri grænir hafa þá
yfirlýstu stefnu að Ísland standi utan
hernaðarbandalaga. Þeirri stefnu
hefur ekki verið fylgt eftir í stjórn-
artíð Samfylkingarinnar og Vinstri
grænna.
Skiptar skoðanir eru um ágæti
NATO á Íslandi. Árni Páll Árna-
son sem sækist nú eftir því að verða
formaður Samfylkingarinnar telur
að Atlantshafsbandalagið sé ekki
hernaðarbandalag. Athygli vakti
þegar hann fullyrti á Beinni línu hjá
DV í fyrra að NATO færi ekki með
hernaði á hendur nokkru ríki. Með-
al annarra sem stokkið hafa Atl-
antshafsbandalaginu til varnar er
sjálfstæðismaðurinn Benedikt Jó-
hannesson, framkvæmdastjóri
Talnakönnunar og ritstjóri Vís-
bendingar. Um helgina skrifaði
hann grein á vefsíðu útgáfufélagsins
Heimur þar sem hann kallaði NATO
og Evrópusambandið „stærstu frið-
arhreyfingar í heimi.“ n
Stefán Pálsson Formaður Samtaka hernaðarandstæðinga vill að Ísland hjálpi fórn-
arlömbum NATO-herja.