Fréttablaðið - 08.11.2014, Side 10

8. nóvember 2014 LAUGARDAGUR| FRÉTTIR | 10
NEYTENDUR „Það eru engar áætl-
anir um að breyta innihaldi þeirra
vara sem seldar eru á Íslandi eftir
því sem við vitum best hjá Vífil-
felli.“ Þetta segir Stefán Magn-
ússon, markaðsstjóri Vífilfells,
vegna afnáms kvóta á kornsíróp
innan Evrópusambandsins árið
2017.
Guðjón Sigurjónsson hjá Ölgerð-
inni segir notkun þess ekki á
stefnuskrá.
Kornsíróp er sætuefni unnið úr
maís og er ódýrara en venjulegur
sykur.
Á vef danska ríkisútvarpsins
er haft eftir Per Bendix Jeppe-
sen við Háskólann í Árósum, sem
rannsakar sykursýki og offitu, að
vísindamenn óttist að matvæla-
iðnaðurinn í Evrópu muni gleypa
við sykurtegundinni high fructose
corn syrup, HFCS. Jeppesen telur
að aukin neysla þessarar sykur-
tegundar geti leitt til þess að fleiri
veikist. Taka á málið fyrir hjá Evr-
ópuþinginu.
Anna Sigríður Ólafsdóttir, dós-
ent í næringarfræði við Háskóla
Íslands, segir kenningar uppi um
að mikið magn frúktósa í fæðinu
sé slæmt heilsunni og valdi offitu,
sérstaklega kviðfitusöfnun, og
brengli seddustjórnun. „Hins
vegar snýst þetta allt um jafnvægi
og heildarmagn og vandinn er ekk-
ert síður til staðar með venju legan
sykur. Það skiptir langmestu máli
að við áttum okkur á því að mikið
magn af sykri er skaðlegt heils-
unni og því þarf að breyta mat-
vælaframleiðslu í þá átt að við
hverfum frá sæta bragðinu og
minnkum bæði magn og fækkum
matvælum sem eru sæt í stað þess
að skipta út sykurtegundum.“ - ibs
Erlendir vísindamenn óttast aukna sykurneyslu:
Vara við afnámi
kvóta á síróp úr maís
GOSDRYKKIR Hægt er að innbyrða mikið magn sykurs á skömmum tíma þegar
hann er í fljótandi formi. FRÉTTABLAÐIÐ/VALLI

PIPA
R
\
TBW
A
• SÍA
• 14
39
37
Er framtíð verkfræðirannsókna á Íslandi grundvöllur
nýsköpunar í atvinnulífinu?
Dagskrá:
Setning fundar – dr. Guðmundur Freyr Úlfarsson, prófessor og formaður stjórnar.
Stuttar kynningar á rannsóknum nýs starfsfólks hjá Verkfræðistofnun
Háskóla Íslands – dr. Matthias Book, dr. Ásdís Helgadóttir, dr. Kristinn Andersen
og dr. Rajesh Rupakhety.
Pallborðsumræður með fulltrúum atvinnulífsins um framtíð verkfræðirannsókna
á Íslandi – Svana Helen Björnsdóttir, Stiki – Information Security;
Kristín Martha Hákonardóttir, Verkís; Gunnar Hólmsteinn Guðmundsson, Plain Vanilla
og Helga Jóhanna Bjarnadóttir, Efla.
Fundurinn fer að hluta fram á ensku.
Léttar veitingar að fundi loknum.
Allir velkomnir meðan húsrúm leyfir.
Ársfundur Verkfræðistofnunar Háskóla Íslands
þriðjudaginn 11. nóvember, kl. 16:00–17:30 í Tæknigarði
VERKFRÆÐISTOFNUN
HÁSKÓLA ÍSLANDS
Reykjavíkurborg ı 411 1111 ı www.reykjavik.is/sala
Re
yk
ja
ví
ku
rb
o
rg
7
. n
óv
em
b
er
2
01
4
/
JH
J
Sími 412 2500 www.murbudin.is
Trélím & límkítti
MS Polymer límkítti
frá Bostik verð kr. 1250
Ábendingahnappinn má
finna á www.barnaheill.is
BANDARÍKIN, AP Fyrrverandi sér-
sveitarhermaður í Bandaríkj-
unum, Robert O‘Neill, fullyrðir
að hann hafi skotið Osama bin
Laden.
O‘Neill hefur áður tjáð sig við
fjölmiðla, án þess þó að gefa upp
nafn sitt, og lýst því sem gerðist
þegar sérsveit hans réðst inn í
hús í Pakistan, þar sem hryðju-
verkaforinginn var í felum
árum saman. Kurr er í félögum
O‘Neills vegna þess að þetta átti
allt að fara leynt.
- gb
Drap Osama bin Laden:
Stærir sig af að
hafa hleypt af
EL SALVADOR, AP Meira en 1.500
glæpagengi eru skráð í bækur
öryggismálaráðuneytisins í El
Salvador. Þau vaða uppi með
ofbeldi og halda þjóðinni í heljar-
greipum. Konur og stúlkur verða
einna verst úti, en til þessa hefur
þögnin að mestu ríkt um hið kyn-
bundna ofbeldi.
„Allir meðlimir þessara glæpa-
gengja ráðast á konur. Öll glæpa-
gengin haga sér svona,“ segir
Silvia Juares, lögmaður samtaka
sem fylgjast með kynbundnu
ofbeldi í El Salvador. „Ef það
eru 60 til 70 þúsund glæpamenn,
ímyndið ykkur þá hve mörgum
konum hefur verið misþyrmt.“
Samkvæmt opinberum tölum
hafa 239 konur og stúlkur verið
myrtar í El Salvador það sem
af er þessu ári, og 201 að auki
er saknað. Frá ársbyrjun og
fram í ágúst var tilkynnt um 361
nauðgun til lögreglunnar.
Tölfræðin er hins vegar afar
óáreiðanleg, enda er almennt
talið að um það bil tuttugu pró-
sent kvenna tilkynni um nauðg-
anir. Líklegt er að þetta hlutfall
sé enn lægra í El Salvador. Vera
má að dauðsföll og mannshvörf
séu heldur ekki tilkynnt í öllum
tilvikum.
Margar konur hafa flúið land
frekar en að þurfa að leita á
náðir réttarkerfis, sem oftar en
ekki lætur ofbeldi gegn konum
óátalið. Margar leita hælis í
Bandaríkjunum eftir að hafa
verið rænt og nauðgað.
„Við höfum séð mikla fjölgun,“
segir Lindsay Toczlylowski, sem
er lögfræðingur hjá kaþólskum
líknarsamtökum í Los Angeles.
„Þannig þróast gengjastríðin. Við
sjáum þetta annars staðar þar
sem stríðsástand ríkir og nauðg-
anir eru notaðar sem vopn.“
Sex milljónir manns búa í El
Salvador. Tíðni morða er þar
hærri en í nokkru öðru landi að
undanskildu nágrannalandinu
Hondúras.
Jafnan eftir miklar rigningar
koma í ljós ómerktar grafir þar
sem fórnarlömb glæpa hafa verið
falin.
Afbrotafræðingur að nafni
Israel Ticas hefur það að starfi
að grafa upp lík úr ómerktum
gröfum fyrir skrifstofu ríkis-
saksóknarans. Hann segir að í
meira en helmingi þeirra grafa,
sem hann hefur fundið, séu lík
kvenna eða stúlkna.
„Það eru örugglega hundruð
slíkra mála og jafnvel þúsundir,“
segir hann. gudsteinn@frettabladid.is
Glæpagengi ráðast
á konur og stúlkur
Íbúum í El Salvador er haldið í heljargreipum af liðsmönnum glæpagengja sem
fara um landið með ofbeldi, ræna konum og nauðga. Fæstar þora að tilkynna.
ISRAEL TICAS Starfar hjá saksóknara í Hondúras við að grafa upp ómerktar grafir.
FRÉTTABLAÐIÐ/AP
Allir meðlimir
þessara glæpagengja
ráðast á konur. Öll glæpa-
gengin haga sér svona.
Silvia Juares, lögmaður samtaka sem
fylgjast með kynbundnu
ofbeldi í El Salvador