Fréttablaðið - 08.11.2014, Síða 110

8. nóvember 2014 LAUGARDAGUR| MENNING | 66
Ástarsöngvar verða í öndvegi á
styrktartónleikum Kvennakórs
Kópavogs í Austurbæ á morg-
un, sunnudag. Uppselt er þegar á
sönginn sem hefst klukkan 16 en
möguleiki að komast á þann síð-
ari sem byrjar klukkan 20.
Erna Bjarnadóttir, ein kór-
kvenna, segir reyndar kvenna-
kórinn ekki endilega í aðalhlut-
verki þótt hann taki mesta plássið
á sviðinu. Hann hafi fengið ein-
valalið tónlistarfólks til að koma
fram með sér, eins og Pál Óskar
Hjálmtýsson, Ölmu Rut Krist-
jánsdóttur, Drengjakór íslenska
lýðveldisins og snjalla hljóðfæra-
leikara. Einn undirleikaranna
er líka stjórnandi kórsins, John
Gear, sem spilar á hljómborð og
trompet.
„Kórinn er samstilltur hópur
eins og vera ber og þetta er í
sjöunda skipti sem hann heldur
slíka styrktartónleika. Yfirskrift
þeirra er Hönd í hönd og að þessu
sinni mun allur ágóði renna til
Mæðrastyrksnefndar Kópavogs
og líknardeildar LSH í Kópavogi.
„Það er mikil eining um þetta
verkefni, eins og undanfarin ár,“
segir Erna. „Fjöldi fólk gefur
vinnu sína og meira að segja mat,
við erum mjög þakklát því öllu.“
- gun
Kórinn er
samstilltur hópur eins
og vera ber og þetta er
í sjöunda skipti sem
hann heldur slíka
styrktartónleika.
Erna Bjarnadóttir, kórfélagi
TÓNLIST ★★★ ★★
Sinfóníuhljómsveit Íslands
Stjórnandi: Rumon Gamba
VERK EFTIR SVEIN LÚÐVÍK BJÖRNSSON, VINCENT D’INDY
OG ERICK WOLFGANG KORNGOLD Á TÓNLEIKUM SINFÓNÍU-
HLJÓMSVEITAR ÍSLANDS Í HÖRPU FIMMTUDAGINN
6. NÓVEMBER. EINLEIKARI: EINAR JÓHANNESSON.
Ég er með góðar fréttir og slæmar fréttir. Góðu frétt-
irnar eru tónleikar Sinfóníuhljómsveitar Íslands á
fimmtudagskvöldið fyrir hlé. Slæmu fréttirnar eru
sömu tónleikar eftir hlé.
Byrjum á góðu fréttunum. Tónleikarnir hófust á svo-
kölluðum hljómsveitarforleik eftir Vincent d’Indy sem
bar nafnið Herbúðir Wallensteins. Þar er vísað í hluta úr
þríleik eftir þýska skáldið Schiller. Þríleikurinn fjallar
um atburði sem gerðust í 30 ára stríðinu, í baráttu
kaþólikka og mótmælenda á sautjándu öld. Wallenstein
var herforingi og tónlistin eftir d’Indy var eins konar
túlkun á persónuleika hans og aðstæðum. Verkið var
skemmtilegt, líflegt og tignarlegt. Hljóm sveitin lék af
vandvirkni en líka krafti undir öruggri stjórn Rumons
Gamba.
Næst á dagskránni var frumflutningur á klarínettu-
konsert eftir Svein Lúðvík Björnsson. Einar Jóhannes-
son var í einleikshlutverkinu. Fyrst gat að heyra íhug-
ula, rólega melódíu úr klarínettunni, sem var römmuð
inn með nokkrum háværum hljómsveitarhljómum.
Síðan breyttist hljómsveitarröddin í lágværan ym sem
smám saman magnaðist upp. Útkoman var seiðandi.
Eitthvað dásamlega fagurt var við samhljóm klarínett-
unnar og hinna hljóðfæranna. Allsráðandi var unaðs-
legur annarleiki, sem erfitt er að lýsa með orðum.
Á eftir tók við kraftmeiri kafli sem var fallega áleit-
inn. Skemmtilega þráhyggjukenndur slagverkspartur
var framarlega. En jafnframt hvass klarínettueinleikur,
sem var undirstrikaður með ámóta hörðum leik annarra
klarínettuleikara í hljómsveitinni. Þessar öfgar sköpuðu
áhrifamikla andstæðu við það sem á undan var gengið.
Lokahlutinn var einstaklega heillandi. Rósemin var
í fyrirrúmi á ný. Hæg laglína einleiksklarínettunnar
fékk að njóta sín við síendurteknar strengjahendingar
og veikradda, fjölbreytta slagverkstóna. Það var dáleið-
andi í einfaldleika sínum.
Einar Jóhannesson var frábær og hljómsveitin lék
líka af nostursemi. Konsertinn eftir Svein Lúðvík er
einn allra besti íslenski einleikskonsert sem ég hef hlýtt
á. Hann verður vonandi fluttur sem fyrst aftur.
Og þá eru það slæmu fréttirnar. Á dagskránni eftir
hlé var sinfónía op. 40 eftir Erich Wolfgang Korngold.
Hann var vissulega frábært kvikmyndatónskáld á
fyrri hluta 20. aldarinnar. En svo fór hann að dala og
sinfónían nú var samin á hnignunarskeiðinu. Hún var
eitthvert mesta glundur sem ég hef heyrt, full af klisj-
um og úreltum hugmyndum. Í þokkabót tók hún næstum
klukkutíma í flutningi. Það er sennilega lengsti klukku-
tími sem ég hef lifað á Sinfóníutónleikum. Svo var flutn-
ingurinn ekki gallalaus, nokkrar feilnótur voru áber-
andi. Þær gerðu klukkutímann enn þá lengri. Ég hefði
frekar viljað heyra konsertinn eftir Svein Lúðvík aftur
eftir hlé. Jónas Sen
NIÐURSTAÐA: Fúl sinfónía eftir Korngold, en einleikskonsert
eftir Svein Lúðvík Björnsson var sérlega fallegur, og var einnig
prýðilega spilaður.
Glæsilegur konsert, fúl sinfónía
HÖFUNDUR OG FLYTJANDI „Einar Jóhannesson var frábær.
Konsertinn eftir Svein Lúðvík er einn allra besti íslenski
einleikskonsert sem ég hef hlýtt á.“ FRÉTTABLAÐIÐ/VILHELM
Dansararnir og danshöfund-
arnir Snædís Lilja Ingadóttir og
Steinunn Ketilsdóttir munu deila
kvöldi í Tjarnarbíói sunnudagana
9. og 16. nóvember næstkomandi
og sýna hvor sitt sólóverkið.
Steinunn sýnir verkið this is it
sem hún frumsýndi á Reykjavík
Dance Festival fyrr í haust. This
is it er opinskátt sólóverk þar sem
höfundur tekst á við sjálfsmynd
einstaklingsins og ímynd. Í verk-
inu takast á öfgar og klisjur þar
sem Steinunn horfist í augu við
sjálfa sig, tekst á við eigin kröf-
ur og speglar sig í umhverfinu.
Snædís sýnir verkið GOOD/BYE
sem hún frumsýndi í Tjarnar bíói
í september. Verkið fjallar um
kveðjustundina, sem getur verið
hversdagsleg, létt eða erfið, til-
finningin fer eftir tengslum
þínum við þá sem þú kveður.
Þær stöllur eru nýkomnar heim
frá Búkarest í Rúmeníu þar sem
þær dvöldu í vinnustofu og hófu
sköpunarferlið að nýju verki eftir
Steinunni sem ber vinnutitilinn
Nordic blondes og verður frum-
sýnt í Tjarnarbíói haustið 2015. - fsb
Tvö sóló á einu kvöldi
Dansararnir Snædís Lilja Ingadóttir og Steinunn
Ketilsdóttir sína hvor sitt verkið í Tjarnarbíói.
Sungið um
ástina og lífi ð
í Austurbæ
Kvennakór Kópavogs heldur tvenna styrktartónleika
í Austurbæ við Snorrabraut á morgun og fær til liðs
við sig Pál Óskar, Ölmu Rut og Drengjakór íslenska
lýðveldisins, ásamt úrvali hljóðfæraleikara.
KVENNAKÓR KÓPAVOGS Hér eru dömurnar klæddar í samræmi við þema síðustu
vortónleika í Hörpu, Perlur og pilsaþytur. MYND/ÚR EINKASAFNI
SNÆDÍS LILJA
Önnur tveggja
dansara sem sýna í
Tjarnarbíói á morgun.
Hin er Steinunn
Ketilsdóttir.Nú eru lausar skrifstofur til leigu í húsnæði Matís, Vínlandsleið 14, fyrir lítil fyrirtæki
og einstaklinga, sem sjá sér hag í því að vera innan um helstu sérfræðinga landsins
í matvælavinnslu og líftækni.
Húsnæðið sem er í boði eru nokkrar bjartar og góðar skrifstofur, einnig er hægt að fá
aðgang að rannsóknaraðstöðu og vottuðu matvinnslurými eftir nánara samkomulagi.
Kynntu þér málin á heimasíðu Matís, www.matis.is/bruin.
Viltu vera hjá okkur?