Fréttablaðið - 13.12.2014, Blaðsíða 84

FÓLK|HELGIN
Við byrjuðum á að prófa að búa til brjóstsykur heima fyrir átta árum. Þá var Emma okkar fjög-
urra ára en gat samt hjálpað okkur
og fannst það ofsalega spennandi.
Síðustu fjögur árin höfum við hins
vegar búið til brjóstsykur og annað
góðgæti í góðra vina hópi,“ segir Ása
og bendir á að brjóstsykursgerðin sé
afar skemmtilegt samvinnuverkefni.
Í ár var fjölskyldan aftur ein á
báti. „Við eignuðumst tvíburadætur
í sumar og þær eru enn það litlar að
við erum varla húsum hæf. Við ákváð-
um því að vera bara í rólegheitum
hér heima,“ segir Ása glaðlega. Þau
hjónin eiga því fjögur börn í allt. „Já,
litla dúllan í restina varð að tveimur
dúllum,“ segir hún hlæjandi en bætir
við að þrátt fyrir upphaflegt sjokk
hafi verið mun minna mál að eiga
tvíbura en þau héldu.
EKKERT VESEN
Brjóstsykursgerðin er einföld að mati
þeirra hjóna. „Það eina sem þarf er
desilítramál og sykur,“ segir Eyþór
glettinn en Ása bætir við; „Maður
þarf þrúgusykur og sykur, pott og silí-
konmottu til að setja brjóstsykurinn
á. Auk þess bragðefni og hitamæli,“
telur hún upp og áréttir að start-
kostnaðurinn í þennan heimilisiðnað
sé ekki mikill.
„Við kaupum þrúgusykurinn og
bragðefnin á vefsíðunni slikkeri.is
sem sérhæfir sig í þessu. Þar er líka
hægt að kaupa alla fylgihluti og fá
leiðbeiningar og uppskriftir,“ segir
Eyþór.
Þau eru beðin að lýsa ferlinu í gróf-
um dráttum. „Við blöndum saman
sykri og þrúgusykri í pott með smá
vatni. Látum sjóða þar til blandan
nær 158 gráðum. Þá slekkur maður
undir og leyfir hitanum að hækka upp
í 165 gráður. Þá er blöndunni hellt á
silíkonmottu, eða stórt silíkonbök-
unarform eins og ég nota, og litar-
og bragðefnum blandað saman við.
Fyrst er þetta hrært með stórum
spöðum og síðan hnoðað. Þetta tekur
enga stund og er ekkert vesen,“ lýsir
Ása.
SKRÍTNIR MOLAR SKEMMTILEGIR
Ása og Eyþór segja krakka hafa mjög
gaman af brjóstsykursgerðinni þó
vissulega þurfi að passa þau vel með-
an verið er að hita sykurinn. „Þegar
blandan er hæfilega köld fá þau að
klippa deigið niður í hæfilega búta,“
segir Eyþór. „Skemmtilegast finnst
þeim samt að ákveða hvaða bragð
eigi að vera af brjóstsykrinum,“ segir
Ása en ýmsar skrítnar samsetningar
hafa orðið til í gegnum tíðina. „Við
höfum prófað alls konar vitleysu,
blöndum saman bragðtegundum og
fáum þannig brjóstsykur sem fæst
hvergi annars staðar,“ segir hún. Innt
eftir skrítnasta molanum segja þau
líklegt að það hafi verið sá með pipar-
kökubragðinu. „Það virkaði ekki vel,“
segir Eyþór og hlær.
HLAUP OG KARAMELLA
Tegundirnar urðu heldur færri í ár en
undanfarin ár enda í nógu að snúast
með fimm mánaða tvíbura. „Í ár gerð-
um við tvær tegundir, annars vegar
karamellu-piparmintu og hindberja.“
Iðulega gerir fjölskyldan líka
karamellu og hlaup á sama tíma og
brjóstsykurinn.
„Innihaldsefnin eru mjög svipuð í
brjóstsykrinum og hlaupinu og því til-
valið að gera þetta tvennt samhliða.
Við klippum hlaupblönduna niður
og sykurhúðum. Þannig verður þetta
ægilega gott,“ lýsir Ása
Hvað verður svo um allt þetta
sætmeti? „Bæði borðum við þetta
heima en látum líka poka fylgja með
jólapökkunum.“
■ solveig@365.is
LITRÍKIR MOLAR Í ELDHÚSINU
BRJÓSTSYKURSGERÐ Eyþór Árnason og Ása Óðinsdóttir hafa undanfarin ár búið til brjóstsykur á aðventunni. Þau segja ferlið
sáraeinfalt og að krakkarnir hafi sérstaklega gaman af, sérstaklega að blanda saman hinum ólíklegustu bragðtegundum. Umfangið
var þó minna við brjóstsykursgerðina í ár enda fæddust þeim hjónum tvíburar í sumar og því í nógu að snúast.
FJÖLSKYLDAN Eyþór og Ása með börnum sínum Emmu 12 ára, Ara Ævari 6 ára, Guðrúnu Árnýju og Ernu Óðnýju fimm mánaða. MYND/STEFÁN
Jurtate, piparkökur og jólaglaðningur.
Allir velkomnir.
Aðgangur kr. 700 - frítt fyrir félagsmenn
Dagskrá:
Gamli maðurinn og nútíminn - Bjarni Þórarinsson, rágjafi.
Falleg jólalög - Bryndís Guðnadóttir mezzosópran syngur falleg jólalög.
Meðleikari á píanó, Þórunn Sigurðardóttur.
Hugvekja um kærleikann - Tolli Morthens, myndlistamaður.
Slökun - Anna Ingólfsdóttir, jógakennari.
Þriðjudagskvöldið 16. desember kl. 20:00
Náttúrulækningafélag Reykjavíkur heldur í aðdraganda jólanna
Kærleiks- og kyrrðarstund í Laugarneskirkju við Kirkjuteig 105, Rvk.
Berum ábyrgð á eigin heilsu
Kærleiks og kyrrðarstund