Fréttablaðið - 23.12.2014, Blaðsíða 2

23. desember 2014 ÞRIÐJUDAGUR| FRÉTTIR | 2
Karin, ertu að meika það í
Rússlandi?
„Fyrst þarf ég nú að krema það.“
Karin Kristjana Hindborg var á dögunum í
Rússlandi að kynna hálfíslenska snyrtivöru-
merkið Skyn Iceland. Hún segir Rússana óða
í íslensku vörurnar.
ÞÝSKALAND Ísbirnir og simpansar í dýragarðinum í Hannover í Þýska-
landi fengu snemmbúnar jólagjafir frá dýrahirðum garðsins í gær.
Þessi ísbjörn gæddi sér á ávöxtum sem festir voru við jólatré og virt-
ist himinlifandi með jólaglaðninginn. - vh
Snemmbúnar jólagjafir í dýragarðinum í Hannover:
Ísbjörn gæddi sér á jólagóðgæti
ÁNÆGÐUR Ísbjörninn virtist ánægður með jólagjöfina frá dýrahirðum garðsins.
FRÉTTABLAÐIÐ/GETTY
SVÍÞJÓÐ Lögregluna í norðurhluta
Svíþjóðar grunar að gengi inn-
brotsþjófa hafi keypt hús og sum-
arbústaði á svæðinu til að nota
sem bækistöðvar fyrir þjófnaðar-
leiðangra.
Talið er að í mörgum tilfell-
um hafi afbrotamenn frá öðrum
landshlutum keypt húsin til að
geyma í þeim þýfi. Greint er frá
því í sænskum fjölmiðlum að
meðlimir í genginu Fucked for
life hafi komið sér fyrir í húsi í
Kramfors.
Afbrotamenn eru sagðir hafa
haldið áður til landsbyggðarinnar
vegna lágs fasteignaverðs þar og
færri lögreglumanna. - ibs
Bækistöðvar fyrir leiðangra:
Þjófar kaupa
sumarbústaði
STJÓRNSÝSLA Sigríður Björk Guðjónsdóttir, lög-
reglustjóri á höfuðborgarsvæðinu, kveðst í bréfi
sínu til Persónuverndar ekki hafa haft tilefni til
„að álykta, eða ætla, að ann ar legar ástæður gætu
legið að baki“ beiðni Gísla Freys Valdórssonar,
þáverandi aðstoðarmanns innanríkisráðherra,
um greinargerð varðandi hælisleitandann Tony
Omos.
Persónuvernd óskaði eftir upplýsingum um
afhendingu þessarar greinargerðar, sem átti sér
stað í nóvember 2013 þegar Sigríður Björk var
lögreglustjóri á Suðurnesjum. Mbl.is sagði frá
þessu.
Líkt og komið hefur fram óskaði Gísli Freyr
eftir þessum upplýsingum daginn eftir að fréttir
birtust upp úr minnisblaði innanríkisráðuneytis-
ins um Tony Omos.
Gísli Freyr hefur nú játað að hafa lekið þessu
minnisblaði til fjölmiðla.
Í bréfi sínu segir Sigríður Björk að starfsmenn
undirstofnana ráðuneytis hljóti almennt séð að
geta gengið að því vísu að erindi ráðuneytisins
eigi sér „réttmætar og eðlilegar forsendur“.
Persónuvernd óskaði eftir þessum upplýsing-
um til að athuga hvort skilyrðum um meðferð
persónuupplýsinga hefði verið fullnægt og mun
væntanlega skila áliti sínu um það eftir áramót.
- bá
Sigríður Björk Guðmundsdóttir, lögreglustjóri höfuðborgarsvæðsins, svarar Persónuvernd vegna Gísla:
Efaðist ekki um umboð aðstoðarmannsins
EFAÐIST EKKI Í svari sínu segist Sigríður ekki
hafa haft tilefni til þess að álykta að annarlegar
ástæður lægju að baki beiðni Gísla Freys.
FRÉTTABLAÐIÐ/STEFÁN
LÖGREGLUMÁL Lögreglan í Vest-
mannaeyjum handtók tvo menn
í kringum tvítugt á föstudag
fyrir að hafa brotist inn í hús við
Bröttugötu í Vestmannaeyjum og
stolið þaðan ýmsum verðmætum.
Úlpu var meðal annars stol-
ið en annar maðurinn var í
umræddri úlpu þegar hann var
handtekinn. Mennirnir voru
undir áhrifum áfengis og voru
vistaðir í fangageymslu þar til
rann af þeim.
Við yfirheyrslu síðar sama dag
viðurkenndu þeir að hafa farið
inn í húsið en kváðust hafa farið
húsavillt. Sá úlpuklæddi kvaðst
hafa tekið hana í misgripum. - sks
Innbrot í Vestmannaeyjum:
Tveir handteknir
fyrir þjófnað
SPURNING DAGSINS
HÚSNÆÐISMÁL Alls verða 750 nýjar
stúdentaíbúðir byggðar í Reykja-
vík á næstu fimm árum á vegum
Félagsstofnunar stúdenta. Einnig
hafa aðrir aðilar, eins og Háskól-
inn í Reykjavík og Byggingarfélag
námsmanna, áform um að byggja
stúdentaíbúðir.
Reykjavíkurborg, Félagsstofn-
un stúdenta og Háskóli Íslands
undirrituðu í gær viljayfirlýs-
ingu um byggingu 650 nýrra stúd-
entaíbúða á háskólasvæðinu og í
nágrenni þess. Íbúðirnar verða
reistar á næstu fimm árum. Auk
þess hefur þegar verið úthlutað lóð
fyrir um 100 nýjar stúdentaíbúð-
ir við Ásholt/Brautarholt en fram-
kvæmdir við þær munu hefjast á
nýju ári.
Í viljayfirlýsingunni kemur
fram að Háskóli Íslands og
Reykjavíkurborg muni vinna að
því að skipuleggja háskólasvæð-
ið með það að marki að koma þar
fyrir allt að 400 stúdentaíbúðum
til viðbótar við þær sem þegar eru
á svæðinu. Þar kemur einnig fram
að Reykjavíkurborg lýsi yfir vilja
sínum til þess að úthluta lóðum og
byggingarrétti fyrir 250 stúdenta-
íbúðir á vegum Félagsstofnunar
stúdenta á öðrum þéttingarreitum
nálægt miðborginni og háskólan-
um. - vh
Undirrituðu viljayfirlýsingu um byggingu nýrra íbúða fyrir stúdenta:
Byggja 750 nýjar stúdentaíbúðir
SKRIFUÐU UNDIR Dagur B. Eggertsson borgarstjóri undirritaði viljayfirlýsinguna
fyrir hönd Reykjavíkurborgar, Guðrún Björnsdóttir fyrir hönd Félagsstofnunar stúd-
enta og Kristín Ingólfsdóttir rektor fyrir hönd Háskóla Íslands.
ÚTIVIST Leiðangur Einars Torfa
Finnssonar, leiðsögumanns og
eins eigenda Íslenskra fjallaleið-
sögumanna, á Suðurpólinn er
nú að verða hálfnaður. Á hádegi
á morgun kemur Einar, sem er
leiðangursstjóri í ferðinni, ásamt
þremur öðrum göngumönnum í
Thiels Corner þar sem þeir verða
í tvo daga og hvílast en þeir hafa
verið á göngu í um það bil einn
mánuð. Leiðangurinn hefur geng-
ið vel þótt slæmt skyggni og háar
snjóöldur hafi hægt talsvert á
ferðinni, að því er kemur fram
á bloggsíðu Íslenskra fjallaleið-
sögumanna, expeditions.mounta-
inguides.is. „Það er jafnvel erf-
itt að finna stað til að tjalda á á
kvöldin því það er ekki auðvelt að
sjá hvort snjórinn er sléttur eða
ekki,“ sagði Einar í fyrradag.
Það var nýsjálensk ferðaskrif-
stofa, Adventure Consultants, sem
skipulagði leiðangurinn og falað-
ist eftir þjónustu Íslenskra fjalla-
leiðsögumanna. „Það var leitað
til okkar vegna þeirrar reynslu
sem við höfum. Íslenskir fjalla-
leiðsögumenn hafa lengi boðið
upp á gönguskíðaleiðangra yfir
Sprengisand og Vatnajökul og
yfir Grænlandsjökul. Við erum
núna að bjóða sjálfir upp á leið-
angra á Norður- og Suðurpólinn,
bæði síðustu gráðuna og alla leið,“
segir Björgvin Hilmarsson, leið-
sögumaður og umsjónarmaður
leiðangra.
Þegar Einar, sem hefur verið
leiðsögumaður frá 1984, og ferða-
félagar hans koma til Thiels Corn-
er hafa þeir gengið alls 582 km
en heildarleiðin á suðurpólinn er
1.130 km með 2.835 metra hækk-
un, að því er Björgvin greinir frá.
Hann segir Einar og ferðafélaga
stöðugt vera að ná upp meiri
hraða þrátt fyrir að aðstæður hafi
verið misgóðar.
Í fyrradag sagði Einar að allir
væru í góðu skapi þrátt fyrir erf-
iðið. Þeir hlökkuðu til að koma á
næsta áfangastað þar sem þeir
færu í hrein föt og hefðu tækifæri
til að losa sig við ýmsan búnað
sem þeir þyrftu ekki lengur.
Einar kvaðst hafa fengið fregnir
frá öðrum leiðangri um að auð-
veldari leið væri fram undan.
Í Thiels Corner verða göngu-
garparnir einir um jólin.
ibs@frettabladid.is
Á leið á Suðurpól-
inn um hátíðarnar
Íslendingur er leiðangursstjóri í tveggja mánaða göngu á Suðurpólinn. Slæmt
skyggni og háar snjóöldur hafa hægt á ferðinni. Nýsjálenskt fyrirtæki leitaði eftir
þjónustu Íslenskra fjallaleiðsögumanna vegna reynslu þeirra af leiðöngrum.
Í LEIÐANGRI Einar Torfi Finnsson og John Bigham í leiðangri á Gunnbjörnsfjall,
hæsta fjall Grænlands. MYND/ÍSLENSKIR FJALLALEIÐSÖGUMENN
Það var
leitað til
okkar vegna
þeirrar
reynslu sem
við höfum.
Íslenskir
fjallaleiðsögumenn hafa
lengi boðið upp á göngu-
skíðaleiðangra yfir
Sprengisand og Vatnajökul
og yfir Grænlandsjökul.
Björgvin Hilmarsson,
leiðsögumaður.